[СДК] Сакам да кажам...[Стара тема]

Никој не бара од нас да коментираме во тие теми. Ние можеме да коментираме во сите категории освен Љубов и секс, Кариера и подкатегоријата Политика и настани. Јас мислам дека во другите категории слободно може да пишуваме без да бидеме нападнати.

 

СДК дека немам ништо против 11/12 годишните членки на форумов, некои се дури и зрели за свои години, само ми пречи тоа што работава се издолжи ептен. Од мравка слон што би се рекло. Свативме дека сте 11 годишни и дека сакате да бидите на форумов, ама тоа не треба да значи дека секој втор пост во СДК треба да ни го кажува тоа одново и одново.

 

Не знам веќе кој епитет да си го ставам, да бидеме на чисто - Калимеро и грдото и несреќно пајче со картонска ќеса на главата од Том и Џери ми се испод ниво периодов, морам да најдам некој лик со страшно лоша карма и да биде уште пострашен рационалист, па да се тешам со него инаку вака не ја бива веќе. Кармата кај мене не е кучка, него лоша маќеа со две лигави ќерки, и полна комплекси.

Јас знаев дека отсекогаш сум била по малку авантуристички расположена, ама треба да си, као да ви кажам, не со сите, за да провалиш кај двочлено семејство на сред доручек во убер стара куќа пред распаѓање на Илинденска, у потрага по уникатно место за сликање, мислејќи дека е напуштена. Се вадам со тоа дека апсолутно ништо не даваше до знаење дека внатре воопшто има некој и нешто.

Ме дочекаа како криминалец, се збунивме малку повеќе и јас и они, а што очекувам па и јас, и мене некој у соба да ми упадне од никаде да се телепортира, сигурно нема да се правам као да се знаеме со години и да се избациме три пати у образ.

Тоа беше моето траги-комедично посабајлечко искуство, не ми е нешто добро деновиве, Срцекршачка да ми даде број од тие за смирување нејзините терапевти...

 

Убаво топло неделно попладне..
Си сварив зелен чај, сеуште се придржувам ком здравата и лесна исхрана, а и на топлово уста не ми се отвора да земам да јадам нешто..

Најдов некои интересни совети за циметот и медот, па еве да ги споделам и со вас, читнете си
http://www.vestinet.rs/pogledi/uz-cimet ... esmrtnosti

 

savana ти благодарам до 101 и назад. Баш ќе пробам еден од овие совети ако помогне ќе ти бидам најблагодарна личност

 

Во овие 4 месеци распуст бев на пракса, бев на одмор, шетав кај што шетав летово, се одморив колку-толку и веќе почна да ми здосадува, а има уште 1 месец до почеток на учебната година. Ај ќе искочиш навечер негде, ќе прошеташ наваму-натаму, ама преку ден што?! Дремам на пеколов по дома, зовривам и мислам дека така ќе биде цел месец - тотално монотон и непродуктивен. Едино ако не отидам негде на 2-3 дена и толку е.
Муабетов ми е, август секогаш ми бил најдолг и најдосаден во годината. Празен месец, онака, споро поминуваат деновиве. А и, да бидам искрена мислам дека доста ми беше распуст. Ми се почнува на факултет, не е дека ми се учи или мучи, ама пак друго е и поинтересно од ова. Мислам дека не сум единствена со вакви моменти

 

Нема ништо поубаво од голема шоља, топло турско кафе.

 

Недела како недела па и не е така лош ден... Штознам... Ете мајка ми е секогаш дома, тоа е еден знак дека е недела... ама не само мајка ми, сите сме дома. Ама исто како да не сме. Сите си се со своја приказна, секој поединечно си го испланирал денот. Единствено само за ручек се собираме и после пак сите на своја страна. Сестра ми уште од сабајле ја спрашти надвор со другарките. Во години е кога не ја занима ама баш ништо. Безгрижна е. Баш е на прагот кога за некоја година ќе стане свесна за животот. Нека поужива уште малце, ако. Си шета не мислејќи за утре, е тоа е најубавото. И' завидувам понекогаш, ама џабе колку повеќе раснеш и стануваш возрасен толку повеќе си свесен за околината и за реалниот вистински живот.

Татко ми обично уште рано сабајле фаќа некоја планина, што би рекол тетин ми освојуваат пак некој врв. Мислиш на Монт Еверест се качуваат. Ако, заслужил, напорно работи и некогаш сака да си го пушти мозокот на пасење. Нормално е тоа. Само некако планиниве многу во глава му удрија, вели на стари години ќе одел таму ќе живеел, на планина. А мајка ми па му вели јас не доаѓам со тебе, оди кај сакаш, јас во планини како примитивец нема да живеам. А он па важен вели "ќе трчаш ти по мене, не можеш без мене". Уште се некогаш како деца.

На мајка ми и' е пак денеска единствен ден во неделата дома и знаете жена како жена трча на сите страни.. да може ќе се дуплира и во сите соби одеднаш ќе чисти и средува. Не дека јас и сестра ми не средуваме и не и' помагаме ама не ја држи место, што да и' правиш, мора она како сака да си помине. Денеска си најде уште една занимација, да го пронајде натрапникот меѓу нас. Некој упорно фаќа со прсти на огледалото во ходник и никој не признава. Вели ќе ве отркијам па ако треба и отпечатоците ќе ги споредувам. И така. А не сум јас, жими мајка. Стварно. Плус се изнервира дека свечено и' кажав дека јас понатака свадба нема да правам. Аууу луѓе, трета светска војна. Незнам зошто...

И тоа.. ја пак денеска како и секоја недела си имам испланирано прво една прошетка со дечко ми, а за вечерта си имаме план да си бидеме дома кај него и да си пиеме винце, онака опуштено, сами само јас и он. Одамна не сме си пиеле така. И тоа.

Имајте убав остаток од денот.

 

Ох Господе, аватарот на Yipman
Made me do the same thing

 

Конечно дојде денот што одамна го очекував... Конечно и јас малце ќе си ја избистрам главата и нема да мислам на никого и на ништо. Иако се неколку дена во прашање, очекувам тие да бидат најдобрите денови во оваа 2013 година, запаметени како деновите поминати во Загреб, кога бев на концерт на Роби Вилијамс.
Вечер одам, вие феминки останети ми поздравени, кога ќе се вратам ќе ви пишам.

 

Oзбилно Yip како го стави??
И моето девојче требаше да прави фаци ама не ми успеа

 

Јас знам дека мојот живот ви е интересен,но почнете да го живеете и својот. За промена!

 

навистина почнаа да ми зборуваат луѓе кои не ги познавам на улица.Не како флертување туку како поздравување сакајќи да ме чепнат.Посебно,вчера ја седната со друштвото во слаткарница и дечково поминува(кој минатата вечер не поздрави) и не гледа и ни мафта.Мафта ли мафта да го забележиме подобро. Кога видовме кој е се изнасмеавме и ај атер негов,да не биде мафтањево залудно му мафнавме и ние.Си се насмеа човекот и се изгуби во тоа гужвите.Ех..целиња бре,едни уште што ли ќе видам од светов.

 

И јас имам молба до Yipman2 да смени аватарот, се плашам да се најавам стави, маче, куче само не крокодил се плашам

 

По долго време и очекување, конечно станувам тетка е, многу сум среќна!

 

Претопло. Плачам за дождец.. шмрч шмрч....
Чекам на плач од небото да ми ја разведри душава... топлинава ме гуши

Не озбилно... ми фали дожд...долго време е суша...
***********

Убаво е кога некој мисли на тебе. Посебно кога имаш повеќе такви личности.
Едната таква личност, пред цела трпеза полна луѓе.. полека се приближи до мене дискретно се наведна и ми шепна дека добила пола кило моцарт чоколатца директно од Џермани на двете нас, најомилени чоколатца... па од старт се знае со кој ќе ги дели лаки ми

Другата таква личност ме спашава од траблс од така па поодамна
И овој пат пак ми го спаси г'зот ... ќе морам сеа мојот дел од чоколатцата да го делам
Ама па не е тоа толку страшно, кога работите шо ги сакаш ги делиш со личностите шо ги сакаш

Дигам чаша високо... и наздравувам за старите пријателства

 

^DirtyQueen,честитки,нека е живо и здраво
Кај мене,истата вест,го чекавме,чекавме и го дочекавме.Срце мало,душиче,колку е слатко,цело на татко му.Јас,тетка Само нека е живо и здраво,големо да расте,па и на свадба да му играме,како што вика баба ми.
Уф,што убав ден.Многу добри вести брееј.Нека е за арно само.
Ширум отворена врата,пирка ветре,добро музиче-неделна релаксација

 

Најубавите моменти се оние кога ќе успееш да го ослободиш умот од секакви грижи и секирации. Штета што кај мене се ретки! Ама битно ги има! Пак ќе речам, се е до психа бе луѓе, ама нас тоа од едно уво ни влага, од друго ни излага. Абе бог да чува сме ние луѓево.
Жиииииииииииииивоте сладоккккк си! О, те молам вечно да трае моментов на никакво незамарање за ништо на светов, а притоа на глава висат милијарда проблеми.
Ах, да ги откупуваа проблемите ја досеа ќе бев мултимилијардерка, како беше она

Во секој случај, животе сладок си. Ај џст уона фил дис моумент.

 

Ич не е убаво да се срамете од вашето потекло или потеклото на вашите родители.
Без разлика тие што направиле во минатото, тоа не Ви дава за право да криете некои работи кои се случиле во минатото, за тоа Вие не сте криви.
Зарем не знаевте дека вистината ќе излезе кога тогаш на виделина, и зарем имаше потреба да измислувате лажни информации?
Бидете горди на своето семејство, и никогаш ама баш никогаш да не одите со наведната глава заради некои настани

 

Ле-ле.
Не можам да го опишам чувството што се буди во мене кога слушам некоја екстрa глупа песна!
Некоја мешавина на гнев, нервоза, чудење... Не е ни тоа, ама не знам.
Случајно на тв одеше од Miley Cyrus некоја, нова ли е, не знам, не знам!!!!
"We can't stop"
Moментот кога става grills...

Whyyyy!?