[СДК] Сакам да кажам...[Стара тема]

Кога на човек ќе му направат некакво зло, не треба да враќа на истото, да се одмаздува, бидејки доколку се одмаздува, станува полош од оној кој му го направил тоа зло и нема мир.Мир со одмазда не се добива.
Колку повеќе човек преминува преку злото, толку повеќе го зајакнува својот карактер.

 

точно е но ај докажи ни на нас шкорпиите

 

Продолжен викенд и тоа како ни требаше после мачната недела. Четвртокот беше наменет да се вратиме малку назад во летото. Шетање, смеење, враќање во 2 часот по полноќ. Еден разговор ми ја одбележа вечерта онака како што не сакав , но се случи..
Кога веќе дојде викенд , па плус тоа продолжен никој не останува дома..Многу убава петочна вечер, со прекрасна музика, огромно друштво, пеење, играње, по малку алхохол чисто за кеф, погледи и средби со како што би ги нарекол таткоми Удварачи, и нормално со последици како потрошени многу пари, зарипнат глас , болки во мускулите од штикли , мирисот на цигари во косата и по алиштата и по некоја флека од нечија пијачка случајно истурена врз мене.
Но како и да е , кога се сумира се всушност ги гледаш само убавите работи, и си пресреќен што си поминал таква вечер. Бар јас така правам.
И нормално не ја заборавам Саботата која беше намената за легачење по дома , гледање филмчиња и спремање за една кежуал вечер која беше помината на мирно местенце со неколку другарки , тивко пријатно музиче и салата се со цел да заокружиме викендот на убав начин, и одморени и спремни за идната недела да го испратиме.

Денес недела. Касно будење и дури срам ме фати колку касно станав бидејки имав ветено дека ке помогнам во домашните обврски, а јас ни звук не чув утрово додека моите се исчистиле.
Како и да е. Ме чекаат неколку научени лекции да ги повторам , а тоа ке го направам ВЕТУВАМ , но по ручекот.
Денешната недела е полна јадење.Куп специјалитети на благ и на солен начин, мазничиња, ручек со месо и компири, плус тоа тегла од вчера пресно направениот ајвар...од каде да почнам каде да завршам. Ти благодарам мамо .. Си имам вратено 4 кила , душата ме боли за нив , ама не се откажувам , ке се потрудам да ги ослабам. Сите тоа ми го рекоја најтешко е да стоиш на тежината до која си стигнал и која си ја посакувал. И не негирам. Стварно е тешко , па затоа враќам килца.

Имајте убава недела

 

Одамна не сум пишала во темава затоа што имам премногу обврски. Сакам да кажам во моментот потребна ми е плажа, разладување, бањање, уживање. Сфатив дека нема поубаво годишно време од летото. Се тешам со тоа што полека но сигурно поминува октомбарот, па ќе сврти и ова полугодие. Макар што и не ми се верува колку брзо поминува се. Така брзо ќе ми помине и оваа работна недела, преплавена со тестови и испрашувања. За утре сум делумно спремна, што можев научив во последен момент. Не сакам веќе вака под притисок да учам. Но, се случува понекогаш и тоа. Тоа е што ќе биде ќе биде. Јас пак викендов од дома не излегов, а гледам сите сте се искачиле некаде, јас на ова убаво и сончево време сум со книгата во раце. Барем се надевам дека ќе се исплати сето тоа

 

Сега јас сум грешка? Или можеби и сум настанала по грешка?
Грешам,бидејќи не се плеткам во туѓи работи и не ме интересираат животите на другите?
Грешам затоа што сум како последното јагне,и никогаш не ги знам `новостите`?
Грешам затоа што читам наместо да се интересирам за туѓите животи?
Аман бе луѓе,аман!Не сум совршена,далеку од тоа,ама до кога вака?!
Секогаш јас сум таа што греши,затоа што си ја гледа својата работа и не се замара со рекла казала?

 

супер ми дојде одморов, се постигнав и завршив за овие 3 дена, а и нивото на расположеност ми се подобри по оптимистички гледам на секоја работа. Патем,
... чуството кога ќе запознаеш некој, (се плашиш како да го започнеш разговорот ) а откриваш колку сте слични со своите размислувања ...

да ми го речеше порано некој ова истото немаше да верувам

кога најмалку очекуваш и се надеваш, а воедно и се грижиш секогаш ќе се најде некој кој ќе ти покаже зошто не треба да биде така. Поздрав феминки, пријатно попладне

 

Зависи што подзнак имаат :geek: може е нетипично ова што го кажав, како шкорпија :geek: А е дело на нејзиниот портпарол

Од докажување нема фајде, ако почне човек да се докажува, ќе треба да му побели косата, па да се фарба, па тоа прилично тежок процес
А човек со каква душа се родил, со таква ќе си умре, се останато е само релативно, минливо.

Туку, Обама може гледа из далека :geek: још го нема да се јави.

 

Имам чувство дека некои луѓе се ќе направат само да дојдат до посакуваната кола, посакуваната палата кратко кажано посакуваното богатство. Не мислат на ништо друго само да дојдат до пари. Човечкото око никогаш не се задоволува, секогаш само сака повеќе и повеќе. Така чекорејки по тој пат ги губат највредните работи во животот кој се бесценети и не се купуваат со пари. Само да не им е доцна после за каење.

 

Така ми е кога си ја заборавив боцата со кислород, ќе ми се лоши по кафичи

 

сдк следи најгрдиот дел од денот. бљак

 

Не можам да ги сфатам оние што упорно и упорно кога ке видат маж зафатен го "ловат" како да е последен на планетата. Не можам ниту оние што целта им е само да им го реметат животот на луѓето и послем тоа да се чувстуваат среќно и исполнето. Не можам ни оние што цел ден дремат пред компјутер, едвај станати во 2 часот попладне чекаат од тато лебче од мама кајмаче. Што цел ден живеат како паразити, ни работа ни сабота (ова дека НЕ им се работи, не дека нема работа) потоа од 5 часот па натаму се спремаат за "луд провод", оние на коишто симпатија(зафатен се разбира) нема да ги рецка ич (бидеќи од толку "фраери" се запнале баш во него) и ке цимолчат послем тоа се до следното излагање кога ке си најдат нова мета.
СДК Да ја откриеме Америка зошто мажите ве избегнуваат - НАПОРНИ сте нон стоп со истото понашање.
П.С Тој што ке каже дека мрчев во постот, тој се пронашол.

 

Маж ми ме гледа вака седната пред компјутер и ме прашува што правам.
Еве си разговараме со пријателкава во Сиднеј
Блазе тебе, цел свет го прошета со прјателките.
Е не! ќе седам дома ко тебе
Години се во прашање жени

http://www.youtube.com/watch?feature=pl ... KDAx3FfS50

 

Добар е периодов. Тоа ме радува. Се надевам дека наскоро ќе добијам добри вести. Fingers crossed!

 

Ова ми беше најбрзио викенд досега.
Ми помина ко секунда. И пак ништо не фатив, така си го поминав викендов, со шетање, лежење и спиење Ама ја не се жалам, камо сите викенди да се вакви, убо ми се виде ова лежењево и неправењето ништо. Море не е баш нисшто, си нацртав штрумфови на прстите, ќе ги сликнев, ама на се личат само на штрумфови не личат.

 

Ми се јаде...
Здраво феминки.
Еве заврши и овој викенд. Ако, нов ќе дојде. Утре ќе ми биде интересен денот.Можеби дури и премногу...
Среќно во новата недела!

 

Пак...

 

Го знаете ли она чуство кога женет маж ве одмерува од глава до пети секојдневно, тажно насмевнувајќи се, и фрла поглед кон жена му полн со љубов и баечки разочаран продолжува да молчи?! Е не, ич не е убаво!
Драга моја другарке, тој не ме гледа мене, тој го гледа она со кое секој ден се трудам да го натерам дечко ми да ми даде комплимент, да ја префрли мојава коса и да ме бакне, непропуштајќи да ми каже дека убаво ми стои таа сенка, или оној кармин, или пак онаа обична маичка и плави балетанки. Да убава моја, ти не се потрудуваш, апсолутно ништо женствено не придаваш кон себе, тебе не сум те видела со свежо измиена коса, не пак дотерана. Ставаш тегет чорапа и бап балетанки розеви, секако на твоите омилени тренерки, и си седиш, додека тој те вика нагалено ти дремиш као флегма. Не бре душо,не сум лепотица од соништата, ниту пак ставам тон пудра за едно обично денско кафе или просто видување со дечко ми додека одморам од работата, туку сум жена. И се трудам да бидам убава жена. Природна, да се гордее мојот човек.

Неможам бре, и несакам да сфатам како може жена да е толку батал?! Оди закапи се, засреди се, зготви, зачисти по дома, загледај малце по децата, нека не шетаат крастосани и мутави по комшии и еднаш кога тој ќе те нарече нагалено скокни од радост а не со нервоза. Нели од љубов се зедовте? Табиет лајно...е после...нечини де...

Чудо едно. Жал ми е за младоста бре, за љубовта која ќе згине.

Со топол чај во рака се мислам кого да го заколнам да ми влепи една жешка ако некогаш станам вакво чудо. Немој да ми го испие чавка паметот (бррррррррррррррр, недај Боже ). И не правдајте се со деца, со обврски, со крастајци, жена си е жена, немој после да ви бидат криви пластични плавуши со трепки до теме :geek:

 

СДК дека ова е веќе трет или четврт мамурен ден. Не го почувствував денот,жал ми е но ноќта ни беше со еден збор премногу долга на мене и друштвото. Во секој случај само преку викенд можеме да си дозволиме седење до доцна,шетање. Од утре ќе биде иста песна но само друга строфа.
Со цимерка ми направивме гравче за ручек...Навистина вкусно излезе со оглед на тоа дека ниту двете сме имале готвено гравчиња ова она. Добро е,ќе не биди.
Направив нешто ново и сум горда на тоа,следно што би било.
Сомнително-лице па каде си ти? Ми недостасуваш.А и само ако не ми го видеш постот за гравчето...

Добро би ми дошло кафе,да си се освестам малку...
Вестлајф,опушти се бе девојче,опушти се малку,живеј!