[СДК] Сакам да кажам...[Стара тема]

И што демек сега се ви цвета а? хахаха ајде ајде ќе се скарате пак хихих...............туку нека помине побрзо зимава ја мразам од дното на мојава душичка, а ти дедо боже пушти ми ја среќичката повеке оваа година зошто многу ми е потребна....

 

Станувам еден час после пладне, а се чувствувам како вчера да сум садела компир до полноќ.
И одам целата бушава со подзамижани очи во тоалет, а таму....
Стојам едно дваесет секунди и пробувам да ја дешифрирам големата топка од тоалет хартија, што мрда и се придвижува накај мене. Во првиот момент помислив да ја нападнам, потоа помислив да избегам, за да на крај ми се освести мозоков и почне да размислува рационално.
И додека седев така на врата како шизофреник, од купот тоалет папир се подаде муцката на Џорџ.
Ај што ме извади од памет и се понаша како луда мачка, ама биваше ли цел пакет тоалетна да ми го претвори во дробеници, и да немам со што да се избришам??!
За казна доби од гадната салама. Добро, мене ми е гадна, него му е кавијар.

После дешавкава да ви кажам, си се смеам како улава. Господинот доаѓа во скут да ми преде, затоа што знае дека со еден таков мачешки поглед, може да ме стопи и да добие еден час чешкање по мевот.
Многу ми е позабавен животот со него.
А и мајка ми кога е нервозна и го пуштам, магично се расположува и и се подобрува расположението.
Затоа оваа Н.Г од Дедо Мраз барам 100 кила залиха од омилените грицки на Џорџ

 

Некогаш навистина посакувам времето да застане,да не лета толку брзо,да можеме подолго да уживаме во нештата.За жал најслатките најубавите спомени и моменти се кратки
Така посакав и сабајлето,5те минути snooze на алармот да траат 5 саати ,а подоцна посакав автобусот (во кој се стоплив убаво ,откако премрзнав претходно),да забави,да го фати гужва,да вози уште саат време до работа Ама тогаш за беља нема гужва и сите семафори се на зелено-Марфи нели ,така да ништо не ме стоплува денес,среда не ми е среќен воопшто-сега за сега.
Моментално посакувам времето да прелета брзо и да дојде 16.30 часот-времето кога ќе си тргнам пак дома....
Ах дома,сакам дома Чувството кога ќе го извадам клучот од ташна,кога ќе си ја отклучам вратата,кога ќе ја фрлам чантата и ташната документи на кревет,кога ќе го гушнам него,кога ќе си раскажуваме за згодите и незгодите денешни,кога ќе се напиеме кафенце,кога ќе си легнеме заедно.....
И да ,чајче со јаболко и цимет,го обожавам

 

Конечно го завршив прокелетиот извештај, стиснав сенд, и сега одам да прошетам, да ме фати малку новогодишната атмосфера. И да му купам на дедо мраз тоа што му пишува во писмото.

За никаде сум, спискав 25 страни за на работа, главно пишувани од дома, и тоа за две вечери, а проклетата магистерска од 120 страни никако да ја средам.

О не, не одам низ град. Ќе идам на кафе, падна договор, а јас се радувам како мало дете!

 

Штотуку станав од зимскиот длабок сон.
Иако е ручек време, одам да појадувам, само не знам шо ми е дали појадок или ручек.
Како и да е 2 дејс лефттттт, не можам поќе никој да поднесам во школото, све е напнато со оценки и такви ми ти ствари.
Дај олабајте се малце луѓеееееее.
Шубај деној не следат.
Максимално ја користам оваа недела, ќе се изнауживам.

Одам на шопинг со мама сега.
А вие имајте убав ден.

 

Јас само да кажам дека си го добив првиот Новогодишен подарок, осмехот на Јоце, успешна изложба, не можам да поверувам колку се добро искочи. Џезот на Летечи Пекинезери, мислите на Бистра Кумбароска, фотографиите се првиот шприц за вбризгување на матични клетки за нашиот Јоце се надевам ќе му се оствари сонот да прооди. Си закажвме дејт кога ќе се случи тоа, ме носи на вечера. Колку и да звучам чудно ама туѓата среќа и моја среќа. Ветив и еве овде ветувам дека секоја година ќе помогнам некому за финансии и ќе организирам изложби.

Душава ми е мека.. богата сум, за 4 дена што сум тука добив повеќе од што очекував, многу наклони, ракоплескања, би сакала животов да ми дари бар малку повеќе како што јас се трудам да дарувам. Нека ми ја врати само.. и ќе продолжам да постојам.

Ве гушкам феминки.

 

СДК дека сега само што се вратив од чупање,бев во една фризерница во мојата населба, и баш и не сум задоволна ,она грабна чупалицата и почна да ме чупа а ножичките за веги ги користи или слабо?
Јас како што имам веѓи со никаква форма си викам ај со ножици ќе ми ги среди а она ..
Имам долги веги и многу тешко се обликуваат затоа решив да одам некој што си ја знае работата да ми ги направи ама ..

 

Трчи ваму, трчи таму. Ѕирни овде, ѕирни онде..
Се на брзање... Од старо до младо се е напнато, а јас само се смеам и се смеам
Ми се случуваат чудни работи..

Денес вратата на лизгање од Веро ме собра, face to face со стаклото сите ми се изнасмеаа ама и јас си се изнасмеав. Потоа на пешачкиот кон факултетот ме дочека едно детенце, тивко ми пријде и ми рече: "Дадичке може ли со тебе да ја поминам улицата ?? " Ах толку мило суштествоо ми идеше да го изгрицкам.. Го фатив за рачето и додека го чекавме зеленото светло ми кажа дека се вика Давид само се прашувам каде го пуштиле само дете прваче да поминува низ толку прометна улица ... Потоа го испратив до зградата каде што живее, ме гушна и ми рече благодарам. Ааааах полетав ..

Не е само Давид причината да се чувствувам убаво.. Луѓето често си мислат некои нешта дека траат засекогаш. Да, можеби и траат, но пред да се убедиш во тоа, убеди се себеси дека ќе се бориш тоа да биде така. Никогаш ништо не се добило без борба. Но, на луѓето им е најмачно кога треба да ги исполнат ветувањата. Лесно ветуваат, а потоа исчезнуваат. Така исчезна и тој од мојот живот и дојде нова личност. Се заљубив Мислам дека редно беше да се извлечам од дното, со негова помош повторно летам. Кога ќе ме допре центрифуга во стомачето.. Секој ден се гледаме и пак ми е малку.. Секоја вечер, гитара, музика, хемија меѓу нас.. Не знае да пее признавам, но навистина се труди, дури и кога не го знае текстот си измислува свој, јас само се смешкам, а тој ми враќа со скокоткање и многу бакнежи.. Вчера правевме пуканки.. Ги стави и дојде во дневната, кога слушаме нешто пука не го ставил капачето цела кујна пуканки недопукани Ааааааах хахахахаха си собиравме цела вечер

Утре заминувам, ќе ме нема до понеделник. Кога ќе можам ќе ве читам, па некогаш и ќе пишам.. Нека последниве денови бидат причина да ја паметите годинава по добрите нешта, љубете, радувајте се на малите нешта. Јас веќе започнав да му се насмевнувам на светот. И сега се изгледа подобро. Се вратив во реалноста. Повеќе не сакам никаде да бегам. Сакам нов предизвик. Јас се радувам на животот иако имав причини да се откажам од него...
Погледнав кон небото и побарав благослов за мене, за вас, за сите ние да сме среќни !

 

Само ова..

Посилно е од мене што да правам,ми се мисли на поклони и нова година,а не на книги.
Тешко мене со мене.

 

Абе сакам да можам да ги проголтам зборовите на мајка ми ... А неможам... Ечат во мене .... Значи кога не изјавувам чуства кога сум ладно “створење“ не чинам, коа ке и кажам дека ја сакам, коа ке ја гушкам силно ПАК НЕ чинам .... И ај ?

Посакувам бе да се разбудам во некое друго време, да се разбудам сигурно, сакано ...

Идам сега се да исфрлам на лист хартија... Само тој може да ме трпи без да ми каже збор .

 

3 down, 3 to go!
Полагање, здравје, во новата година, со нови сили!

Деновиве минимално ќе се дружиме со книгата и лаптопот, а максимално со Скопје, ламбичките и булеварите. И ќе пијам мераклиски кафе, и мерачки ќе си каснувам, и уште померачки и лезетски ќе си истерам НГ, каде било и со кој сака, никој веќе не ми ја руши атмосферава и расположениево. Ма ладно, мразови, снегови, не ми е гајле, јас ќе шетам, надолго и попречно, имам сто работи за правење, а толку малку време. 4 дена, но, нема проблем. 4 само МОИ денови.

Добро, ако се расипе бојлеров, дефинитивно ќе ми го расипе расположението, ама да бидеме позитивни, ве молам.

Сента Клос ис каминг ту таун....

 

Млеко со Несквик - и повторно сум дете. Ах бе мамооо, ти ако не ми направиш ова, кој?
Гледавме серија заедно, имаше реклама за Несквик и спомнав дека не сум пиела чоколадно млеко повеќе од 5 години, и вечерта гледам ми купила. Гушка за неа И покрај толкави кризи она пак ми купува работи, ситница сепак, ама се пази и на ситници. Затоа сега ќе добие најубав украс за Нова Година, баш се жалеше оваа година не купила ништо ново.

На другата страна, јас се справувам со уфилмани уметници. Дволичноста покрај тоа што е крајно неморална особина, прави некои луѓе да се чувствуваат ко богови, не знаејќи дека се само жртви на таа дволичност од нивните „најблиски“. А јас мразам кога некој е уфилман, поготово дека е несфатен уметник. Или мајките дома многу ги фалат.
После јас сум лошата што сум брутално искрена.

Јас сум секогаш за тоа дека секој треба да биде тоа што си сака, ама побогу нема тој некој мене да ме прави будала при здрав памет.
Изгледа од животов остана само да се тешиш дека тоа што го имаш е нешто екстравагантно, или да го извештачиш до тој степен. Не се задоволуваат луѓево веќе со обичното, нормалното. А чудно, сите се толку обични и нормални, и, контрадикторно на претходното, плукаат по различното за нив. Жалосно, за некои, толку е очигледно.

А јас ќе продолжам да ги кршам правилата.

 

СДК дека полугодиево го завршувам одлична.
Се` се може кога се сака! Од двојки и тројки си створив четворки и петки.
И среќна сум, како се наближува сабота така јас се дујам. Оправдано ќе се излежавам распустов.
Имам рок до вторник да уживам во моите 15 години оти во среда навлегувам во водите на свит сикстин.
Е, колку ќе бидат свит ќе видиме, битно така ги викаат.

 

Леле кога ќе се сетам кога бевме во основно и средно,за нова година журки по куќи. Коковчиња и петлиња,машкиве демек ги начукуваат и ги носат по останатите соби да ги лапаат кокошките што глумат пијани. Добар изговор за да бидат слати,па уште ќе се погоди некоја демек ѓон пијана,па ја собираат од под,па се превиткува чиниш од пластелин. Кога си пијан,пола ти се прашта.
Мајке ми верував само на една глуперда која очигледно им веруваше на другите дека навистина пијат...се обрука за цел живот,гадно е,ама тоа е сега...се алкохолизираше до степен да уринитра пред цела генерација во средно и тоа не ни сети пустата,толку ги имаше отрпнато нервите...И верувам,нема зошто да не и верувам дека беше пијана!
Леле туго,колку сме биле развратни уште од мали бе... Ама морам да ви признаам дека уште од тогаш бев солидно пристојна,не пиев алкохол и си ги вардев другарките и оговаравме утредента! Па уште и дома им раскажував,а мајка ми лелекаше,татко ми викаше,ако сакаш да го видиш човек што станал у животот,види му ги децата!
Ама сега кога ќе се замислам,сите што лапаа највише тогаш,сега имаат сериозни врски,дел од нив се мажени,дел од нив имаат веќе деца,дел од нив се во нефункционална врска,односно јаде ќотек ко магарица,дел од нив се од типот дечкоооо сакаш ли да се дружиме?! Затоа што потоа почнаа посериозно да пијат и им мутираше гласот од алкохолот и цигарите,а може си имаа и работа со слонот!

 

СДК зајдов со спиењевоо ееееј ми прија излгеда одморов хихи но не знам зошто ме *фаќа* предновогодишна треска кога ќе си бидеме домче со љубовта па што има врска и тоа сега ќе одам да си купам нешто за носење па сакам да си се средам овај нАли ? ? Што има врска ако е дома ќе си ја направам атмосферата Деновиве се средувам малку да заличам и јас на човек Убаво ми е бе и едвај чекам да дојде сабота да кркаме руски салата - малати

 

Мојата детска желба еден ден да бидам фризерка, можеби никогаш нема ни да се оствари.
Ама затоа јас не пропуштам ни еден момент барем малку да си ги задоволам моите некогашни амбиции.
Ножичките во рака, кутрето во када, и шишањето може да започне.
Кога е во када е најмирна, не знам дали се плаши од големиот син простор во кој се наоѓа, или ножичките и делуваат заканувачки, ама фино си седнува и си ќути.
А јас штрап, штрап, како некоја штрапната, сечам од нејзините прамени и и' правам фризурка.
На крајот собрав доволно влакна за да направам перика за некоја неродена плавуша.

 

СДК дека женава е ЦАР хохохохо се газам од смеа

http://www.youtube.com/watch?v=j4zGmOcE ... ture=share

 

Сакам да кажам дека ќе завршам скрос одлична на полугодиево и искрено се исплатеше секој ден да учам до дванаесет и да станувам во пет! Исто така си најдов место за нова година(ќе славиме цел клас кај една другарка) и сега ќе одиме во град со мајка ми и сестра ми нешто да се подновиме

 

СДК ... моментално ја слушам во етер ...

http://www.youtube.com/watch?v=nioUwC1UGGM

И навистина неправдата е дел од секоја клетка на општествово, на луѓево, на светов ... Џабе не излезе Калимеро пред 20, 30 години и кажа - Нема правда! ... Ја нема или ако ја има е ретка и е усилена или уценета. Времињава се многу сменети но луѓево се тотално.
Само да се надеваме дека можеби за години и години ќе дојдат златни и праведни времиња. Со тоа и луѓето ќе се сменат на позитивен начин и ќе се по среќни, по реални и по стабилни.

 

Сдк неколку работи
Betty.boop добредојде на форумот
Teddybear да ти се множи времето поминато тука и мислењата исто,мене ме радува што пишуваш такви постови и ми е задоволство да те читам

СДК СИТЕ УБАВО ДА СИ ПОМИНИТЕ ЗА НОВА ГОДИНА,кај и да сте И не кукајте,важно е да сте во друштво,не е важно што ќе носите и каде ќе одите,јас на пример ништо не си купив,срце не ми дава кога дома е криза,ама сепак најубаво ќе си поминам! Ќе одам со мојот најсакан заедно да празнуваме Може ќе е на плоштад,а можи и дома,ама не е важно,важно ќе сум со него и во неговата топла прегратка
ГО САКАМ!

СДК мило ми е што читам убави постови,особено кога се прават добрини,имало сеуште фини луѓе на планетава,тоа ме радува!

А сега ќе се спремам за кај тетка ми,да ја видам како е,сите да ги видам,не сум ги видела нив,па да им обрнам малце внимание и да им поседам Се читкаме пак