[СДК] Сакам да кажам...[Стара тема]

Дефинитивно, констатирам и при чиста свест и здрав разум кажувам дека јас еента ја мразам. Ја мразам и точка. Ете сега го слушам ветерот надвор и неможам да заспијам. Мразам шо морам да си ги вадам потоплите алишта, мразам шо коа шетам по некој лист ми паѓа у косата, мразам шо неможам да излезам надвор и да си седам како човек, како у лето, туку стуткана сум како бакшиш, мразам шо дома морам да ги затворам вратите, мразам шо неможам да излезам со мокра коса, и мразам шо заради глупавата есен сестра ми веке две недели ми кашла над глава. Есен те мразам
Втора работа, ќе ви се пофалам малку, денес официјално ете така, (демек немаше за пари да биде, ама ај) примена сум на мастер по граѓанско, на нашиот ни Јуки. Само тука кажувам дека многу сум исплашена, пред другите не
Трето, ќе почне семестарот а јас морам во Скопје. Ке морам да се разделам по неколку дена од неделата со љубениот а неќам. Да имаме можност би живееле заедно и би се гушкале секоја вечер за спиење стварно. Ми треба многу до мене. Го чекам денот кога ќе можам без престан да се гушкам секоја вечер со него, а не вака.
Туку одам да мижам. Ветерот се надевам ќе го снема добра ноќ

 

Добро што бараат цитативе во оваа тема на секое? Ако пишите нешто свое пишете,ако не не ја труете темава,ко Фб.

 

Јас пак, ја сакам есента.
Ги сакам жолто-портокаловите бои на лисјата, ладниот ветар, печените костени во комбинација со греано вино, па дури и дождот
Цело лето немав желба за шетање, а сега секоја вечер излегувам на прошетка со другарките и дишам чист воздух.
И многу ми прија.

Среќна сум. Малку по малку коцките се местат.
Прв пат во животов се чувствувам сакано.
Секогаш има нешто што недостига, но нема да биде интересно доколку се` е совршено.

 

Ако нешто мразам во животот-Тоа ти се стипси и неблагодарни луѓе .
Е тие ми се врв на општеството, и дефинитивно не ги сакам околу мене.
Ма не мразам нит оговарачи, и јас сум оговарала, и ти, и таа и онаа, и оној, во крв ни е, немој само некоја да каже НЕ јас не оговарам, ахам да систер ти верувам .

Ама стипса, да ти бара 3 денари дека си должел, е тоа е крајот, цел организам ми го крева.

Ај за другиот да си стипса ама за себе бре човеку божји.

Да идам јас 10минути пешки оти пример смокито таму е 9 денара, а во другава 10.

Па дали сте вие нормални, дали сите неврони ви се на место? .

Сериозно ама за 1 денар? Јас 5 ќе ти дадам, само немој молим те.
И вадење во смисолот- Ама и тоа е пара- Немој да ме јебеш Кили сурат, не е пара, 1 денар не е пара, да беше ќе можеше да се купи нешто, т.е можеше пред едно 15 години пола рака сончоглед у маалската продавница, ама и тоа ојде јабана.
Ма Ако не си гледам за свој газ, за чив да гледам бре.
Има да седнам у 7ца и да ќе бутам од најскапиот хамбургер бе, нема да јадам локален од 70че, зашто е лично за мој газ, а тука во ниедна ситуација не треба да бидам стипса .

А и неблагодарниве, 100 арни работи ќе им направиш и една лоша, абе таа ќе ти ја памтат.
И,Фала Благодарам, тие зборови познати-непознати?
Ами тоа е
и така жени

п.с Го пречитувам мислењето, и баш стигам до делот 1 денар не е пара, и брат ми во сон вика НЕ.
Ете, не бе не е

 

Вчера си купив две копии на Аddict и Аllure парфемите.Маж ми повторно преврте со очите ,ќерка ми со задоволство ги испроба,а син ми со констатација -јас за тие пари ќе направев надоградување на компјутерот...
Што разбираат тие што е страст за мирис?
Не знам уште од мала ја имав оваа болка.Да мирисам убаво секој момент.Уживав да мирисам парфеми,дезодоранси,да се мачкам со креми,едно време дури и направив своја ,а тогаш дојде средното училиште.Ама нели се што беше увозно беше скапо и не можев да си го дозволам.Ама затоа тогашните домашни ги трошев во неограничени количини.It,Just Musk,Panashe,Tramp, Čarli- ама белиот,ми ја одбележаа младоста.Најубавата девојка во училиштето го носеше Lou Lou,секако од странство,на Avril мирисаше професорката по Економија,И така уште многу знајни и незнајни мириси ми го матеа мозокот...
И така,минуваа годините секоја носејки го својот мирис.Имаше период кога можев да си дозволам оригинални парфеми, и период кога имав само за преживување.И тогаш, своите прсти ги замеша Афродита,зашто не верувам дека Бог би се бафтал со моите мирисни молитви.И пуф ,еве ви копии,наливни ,вакви такви секакви.Цел еден парфемски свет во големи стаклени боци.Можам да бидам самоуверена,јака,женствена,романтична за малку пари.Во меѓувреме истражувам,мирисам и сонувам да отидам во Париз,да имам уште некоја стаклена полица со прекрасни шишенца.
Ако нешто научив за овие години е тоа дека на мене не ми треба парфем за да бидам комплетна,јас му требам на парфемот за тој добие смисла.
И сакам кога веќе нема да ме биде да им оставам мирисни спомени на децава.По мирисот на моите парфеми, јадењата кои ги готвам кога не ме мрзи,по колачите со ванила и цимет,по мирисот на босилекот на терасата,по мирисот на моето утринско кафе..по мирисот на љубовта што им ја давам...
Се занесов...одам да се прснам со некоја копија...

 

ми кажуваш дека немаш емоции кон мене? сочувствуваш ама не чувствуваш...е па многу фала, кога знаеш дека најмногу ми требаш, кога најмногу ми треба човек зад мене ти ми кажа...и што сега? џабе што прашуваш како сум, сега ќе го гледаш ликот само на порцеланска кукла - среќна засекогаш. Не, неможам да не мислам на нас, сепак, никој не знаеше освен нас...бар сама полесно ќе преминам преку тебе. СЕга не знам само дали да ти кажам готово е не се труди да размислуваш, доста ми е болка и се,од тоа што бегав на тоа се удрив или сепак да ти кажам дека не знам дали да се трудам зошто ми значиш...мислам двете да ти ги кажам. По толку време сум лежела и плачам на песни и тоа гласно. Никогаш пред други. Самотијата лечи се.
кога помислуваш дека се ќе се среди и малку чворот ќе се отплетка, тогаш пак се заврзува повеќе и повеќе...
размислувам, знам дека ти значам, ама доста ми е од твојата несигурност и стравови...ДОСТА ОД СЕ....

 

Конспирацијата е страшна работа.

Иако со оваа појава се среќавав уште додека одев на училиште вистински се судрив со неа дури откако се вработив.
Имаше една госпоѓа која со своите тогашни 30 години се осмелуваше да ме провоцира, да смислува заговори против мене и на два пати да ми ја избрише сета работа која јас и мојата колешка ја имавме сработено. Да, до таму отиде целата ситуација, до таму за да таа ми го избрише целосното сработено, сите финансиски извештаи кои се однесуваа за фирмата во која и двете работевме. Фирмата која и на двете ни даваше плата.

Мене таа работа ми беше прва во животот и првпат се соочив со омраза од таков тип. Не бев свесна дека постојат и такви единки и поима немав како да изреагирам. Несвојствено ми беше некој да ме мрази без причина. И дека некој неможе да сопре само на омразата туку потребно му е да ми прави и ужасни сопки.

Тогаш од една страна ме влечеше желбата да докажам дека таа госпоѓа прави некои чудни заговори и хајки. Од друга страна ми беше жал за неа, некако немав срце да ја ставам на милост и немилост пред газдата. Но јас оставив. Ја оставив целата таа збрка самата да се одвива. Да видам до кај може да оди човековата пакост.

Сега, денеска, сум среќна. Среќна сум што јас сум со чист образ. Знам дека ќе имам уште ситуации од ваков тип и знам дека доколку таквите ситуации ми претставуваат реална закана за да ми се одземе нешто што јас го сакам со сето срце, знам дека лавовски ќе се борам. Никогаш нема да дозволам некој да ми земе нешто кое јас сум се трудела да го добијам на чесен и трудољубив начин.

Пред некој ден, после година ипол невработеност ми се јавија од една компанија. Ме повикаа на интервју. И сега лебдам и знам дека јас можам. Можам пак да се вратам во светот кадешто ќе докажам дека сум јака и успешна.

Убав ден!

 

СДК ЗОШТО ГРЦИТЕ НЕ МРАЗАТ ТОЛКУ ??????
ДАЛИ СЕ СВЕСНИ ДЕКА СО ОВА ЗБРКА СО БУГАРСКИТЕ ПАСОШИ ГИ УНИШТИЈА СОНОВИТЕ НА ТОЛКУ МНОГУ ЛУЃЕ ?
ИМ ЈА ЗЕМАА ПОСЛЕДНАТА НАДЕШ ?
ОСТАВИА ТОЛКУ ЛУЃЕ БЕЗ ПАРЧЕ ЛЕБ ???
НЕКОЈ ПОСЛЕНИТЕ ПАРИ ГИ ДАДЕ ЗА ДА ДОБИЕ Б.Г ПАСОШ И СЕГА НИШТО ???
СЕ ПОЧНА ПРЕД НЕКОЈ ДЕН КОГА ИЗЛЕЗЕ ПРОТОКОЛ СО ПАСОШИ КАДЕ ШТО ПИШУВАШЕ ДЕКА СЕ ВРАТЕНИ НА ДОПОЛНИТЕЛНА ПРОВЕРКА, НАБРГУ ПО ТОА ИЗЗЛЕЗЕ ДОКУМЕНТ КАДЕ ПИШУВАШЕ НА СИТЕ ОНИЕ КОИ ИМ ИЗЛЕГОА ПАСОШИТЕ А ИМ СЕ ВРАТЕНИ НА ДОПОЛНИТЕЛНА ПРОВЕРКА ДА ОДНЕСАТ ИЗВОД ОД РОДИТЕЛ ИЛИ БАБА И ДЕДО КОИ ШТО СЕ РОДЕНИ ПРЕД 1940 ГОДИНА И СЕ ПИШАНИ ВО ИЗВОДОТ ДЕКА СЕ БУГАРИ , ПА КАКО Е МОЖНО ТОА ???
да се пишани старите наши бугари најверојатно и ние ке сме биле , но зошто бараме пасош ? ЗА ДА СЕ ПИШЕМЕ БУГАРИ.
МАЛКУ МИ БЕШЕ НЕЈАСНА РАБОТАТА ЗОШТО ОД ЕДЕН ПАТ НАПРАВИА ТАКА А ТОА ЗНАЧИ ДЕКА ВЕКЕ НИ ЕДЕН МАКЕДОНЕЦ НЕМА ДА ДОБИР БГ ПАСОШ БИДЕЈКИ Е НЕВОЗМОЖНО НЕКОЈ ДА ГО ИМА ТОЈ ДОКУМЕНТ.НО СИНОКЕ КОГА ЗАГЛЕДАВ ВЕСТИ СЕ МИ СТАНА ЈАСНО НА ВЕСТИТЕ ИЗЈАВИА
ПРЕДСЕДАТЕЛОТ НА БУГАРСКАТА ДРЖАВА И ПРЕДСЕДАТЕЛОТ НА ГРЧКАТА ДРЖАВА СИНОКЕ ИМАА КОНФЕРЕНЦИЈА.ИАКО БУГАРИТЕ МАКЕОДНИЈА ПРВА ЈА ПРИФАТИА ЗА ВЛЕЗ ВО ЕВРОПСКАТА УНИЈА СИНОКЕ И ТИА ЈЕ НАРЕКОА ФИРУМ ! И ВЕКЕ СЕ Е ЈАСНО

 

Колку ми е убав денот...аххх нема на што да се пожалам, ептен сум радосна, среќна, насмеана..На сите ви посакувам убав ден, и уште поубав викенд

 

Кога размислувам негативно само лоши работи ми се случуваат ,затоа веќе некое време не помислувам на лошо,во се барам позитивност ,на се се радувам и веќе за безвезе не плачам. Од тогаш па наваму само фини и убави работи ме пратат. Денес дури три такви дознав. Сум станала како магнет за среќа.

 

Дали тоа се однесува на мене можеби?
Ако да, тогаш добро, прифаќам, не било другарство, но не можам да им дадам втора шанса да ме газат.

 

Нешто чудно се случува,брат ми сакал да се ожени и веќе подолго време си планирале,а денес ми соопшти,останав со отворена уста,просто незнаев што да кажам,се збунив..
Ќе имаме снаа дома за скоро време,мајка ми збунета,штом и кажал таа му рекла "Се радувам и сакам да бидеш среќен само се плашам дали ќе бидам свекрва каква што одсекогаш сум сакала,прво ќе донесеш ти снаа па здравје брат ми,се плашам да не збудалам"..
Многу ни е чудно на сите,ама време му е,среќен е со неа,дај боже цел живот да им биде таков.
Правам муабет со мајка ми и прво што и реков беше јас ќе бидам таа што ќе им залепи најмногу пари на свирачите,а таа ми кажа "Чекај прво да видам од која банка да подигнам кредит"
Луѓе тоа е,ќе се спремаме полека,за ова богами не ни размислував,ама кој ме прашува мене,нели.

Пијам кафе,и се радувам на новиот фустан во колекцијта,ја гледам нашата фотографија и се смешкам самата како мало дете.
Живот,случувања,само да е за убаво.

 

Излегувам денес пак во парк седнувам на клупа, и ете ти ја комшивката Перса доаѓа кон мене.
Ај си велам, може ли јас еднаш на раат да поседам на сонце? Минатиот пат бабата со таа плачливата внучка сега Перса. Штом Перса ми иде “у сусрет“ мора нешто да има си викам, не седнува таа туку така. И така едно друго, на крај Перса ми вика, абе знаеш што се збори за тебе у маало. Мене многу ми е гајле што зборуваат, ама чисто од култура, да не ја навредам жената, и велам, аааа што зборат мори тетка Персо ?

Епа , Лилјана, ја знаеш нели, е она вели дека си везела како нејзините гоблени. Она ќе навезе еден и ти по неа, она друг, ти тој земи вези го. Леле бе, што да и кажам на женава? И велам тетка Персо, како што си донела пошта наваму, ај пренеси и натаму: како прво јас штампани гоблени не везам (ги знаете оние штампани со бои, па со конец од истата таа боја везеш одозгора).

Прв штампан гоблен мене ми беше уште во второ одделение “ Волкот и Црвенкапа“. Кога видоа мама и учителката колку убаво сум го навезела, веднаш рекоа, а ова дете не е за штампани гоблени .
И мама одма на вујче во Германија му нарача Вилерови гоблени, и јас почнав да везам гоблени по шема.Прв гоблен ми беше “ Коњи на поило“.
Ама веќе одамна не везам ни Вилерови гоблени.

Јас плетам тетка Персо, не везам, така да и кажеш на Лилјана. И тоа плетам англе, тоа ти е најтешка дисциплина у плетење. Ако она не разликува конец за везење од конец за плетење, што да и правам. Ако има време че се науче, а дотогаш нека си ги продава нејзините штампани гоблени на Бит Пазар, може некој ќе и ѓи купи .

На крај после ми текна и и реков, не тетка Персо не и пренесувај никакви пошти, ти не си маалска поштарка, оти после може и свекрвите да се вклучат во оваа работа, може за коси да се фатат , па кој че ѓи брани. Нели знаеш колку мене ме сака мојата свекрва , а колку нејзината неа.
А тетка Персо, штом таа сака толку да везе , еве оваа сликата дај и ја па нека проба да види дали може ода ова штампан гоблен да излезе .

 

Од вакво самосожалување и кукање ми е преку глава.
Сметате дека сте дебели?
Па држи диета, вежбај, тренирај, точак вози, пешачи, ама од седење со скрстени раце и гнетење не се слабее.

 

СДК ... life can be soo beautiful!

 

СДК Среќна сум.

 

СДК ...ПРОФЕСОРКАТА МИ ЈА ОДОБРИ ДИПЛОМСКАТА !!!!!! ХЕПИ АЛ ДЕЈ ЛОНГ !!!!

“Thousands of candles can be lit from a single candle, and the life of the candle will not be shortened. Happiness never decreases by being shared.”- Budhha

Да си дочекаме за сите Феминки ! ВЕ САКАМ!

 

Спојлер

'' Кинеските власти покренаа истрага за кривично дело против една брачна двојка која преку Интернет ја продала својата ќерка и со дел од приходот купиле Ајфон, пишуваат денес државните медиуми.

Во извештаите не се наведува износот за кој е продадено детето, но судејќи по насловите на медиумските веб страни, износот се движи од 4.900 до 8.200 долари.



Младата брачна двојка објавила оглас на интернет дека го продава своето трето дете, а истражителите утврдиле дека мајката дел од парите ги искористила да си купи Ајфон, модерни патики и други производи, исто така преку интернет.



Меѓутоа брачните партнери на полицијата и изјавиле дека само сакале нивната ќерка да расте во подобри услови од оние кои тие можат да и ги овозможат, бидејќи веќе имаат две деца. Полицијата и обвинителството засега не се огласија официјално за овој случај.''

Клада на сред плоштад за ваквите...
Страшно и жално.