[СДК] Сакам да кажам...[Стара тема]

После 4 дена јадење и пиење се довлеков на работа, мамурлива и недоспана. Жив ти господ што сум мислела кога сум китила тука! Се живо л'ска, цел ден во очи ми удара од лампиони, светки, прачки од дрвја со згугулени лисја, па снешковци, елени и дедо мразовци. Памук човек! И памук сум купувала снег да правам демек, во она еуфорично расположение. Знам има уште три дена за нова година, ама ако чујам уште една божиќна песна, од тој звучник иферка нема да остане!

Да не требаше во испукајте се

 

СДК дека Скопјево е преполно, паника на сите страни. Таксисти ловат патници, луѓе со 932821 ќеси во рака, оптоварени да се има што повеќе на трпеза, младите во последен момент се подновуваат, купуваат тоа што им фали, а јас одам во град да му правам друштво на дечко ми да се сефтоса со платата, мерак му беше да се поднови, неколку месеци се канеше.
Јас како примерно дете, само Big MC му побарав.
Скромноста е моја доблест.

Абе тоа, да.
Ама вечито незадоволна, и вечито немам ништо јас.
Па и немам стварно, ама оди докажи на мајка ми.
Се запнала полн плакар имаш, се жалиш ништо немам.
Морам да признаам дека оваа година се подновив со доста работи како никоја досега. Ќе речеш криза дома, арно ама искористив максимално да се облечам. А тоа што шетам со празен новчаник, баш ме боли.

Кризата не јаде сите, ама забораваме дека јануари е долг месец, а се е потрошено уште за Нова Година.
Нова Година ?!
Јас и тој на плоштад, јас и тој со руската салата, кифличките, чипсот и виното идемо у ВС, да се разонодимо.
Не ви кажувам што е ВС, тоа е нашиот мал рај, прибежиште од проблемите.
Оваа Нова Година ќе се препуштам целосно на него, и нашите мали задоволоства.
И сигурна сум дека ќе уживам.

 

СДК ќе му купам жена на мачорон мој само да прекине да повикува, цел Божји ден и ноќ слушам само мау мау мау аааааааааааааааааааа

 

Мило ми беше што слушнав неколку фацки после толку време.Ама пријател во вистинска смисла на зборот.Пријател кој секогаш ме ислушувал до крај и ми давал совет кога и да ми требаше,пријател кој беше покрај мене и во двете љубовни разочарувања и покрај кавгите со неговата девојка.Пријател кога бев многу болна...Незнам,да го сретнев порано можеби ке имаше удел во моето опорување уште од порано.
Сакам да кажам дека ми зедоа една личност ми вратија друга,попријатна за разговор во доцните часови.
Би сакала да не замине,да биде покрај мене и да молчи,да ме слуша како што јас го слушав него.
Ми рече да остануввам подолго со него и да муабетам.Заинтересиран е се уште што ми се случува.Вистински пријател

 

Конечно дома. Уф, колку сум само среќна! Велат - Кај и да си, за Бадник и Божиќ дома да си! Јас малку порано се прибрав.. Па, и Новата година дома ќе ја дочекам.. Да се одело ваму, да се одело таму..ма нигде не ми се оди! Не ми се мрда од дома! И така ретко сум тука..

Прво што направив сношти кога се симнав од автобусот - земав снег во раце и си направив снежно топче. Како мало дете, бе! Радости на снегот.. Среќа што немаше никој, само татко ми ми се изнасмеа..
Се чувствува новогодишна атмосфера. Се потрудиле да украсат..сестра ми одговорна за елката, татко ми ја красел куќата и дворот..Светат ли светат сијалички.
Мајка ми стандард во кујна, полни раце работа за да ни ги наполни стомаците и да ни ги стопли срцата. Неодоливиот вкус на домашна храна..ммм..просто не може да се оддолее! Гнетам со сласт и не се замарам со калории, шеќери и вишок килограми.. Барем не деновиве..ќе му ја мислам после празниците. Впрочем, кој не качи некое кило во претстојниов период нека ми се пофали.

Поздрав Феминки, уживајте каде и да сте! Јас сум дома. Уствари ви кажав веќе бе..

 

Сликата кажува повеќе од 1.000 зборови..

Spoiler

 

Заприметив, секој ден заприметувам, денешните девојчина се повеќе наликуваат на жени а машките се така со по децки фаци Дали е од климата, дали е од рапидните промени во светов, дали е до мене не знам, но во право сум тоа е сигурно. Гледаш некое машко и си мислиш, му давам сила сила 15 години, кога он прва година на факс... Гледаш девојка и си викаш, и давам 23-24 години, а она втора година средно...не е на арно, не е...

 

Обично бев среќна кога идеа празниците но сега не сакам воопшто да дојдат...незнам каква ќе биде атмосферата,може ова ќе биде последна година што ќе ги поминувам празниците заедно со целото семејство...сигурно ќе има многу кавги...кога ги читам вашите постови за празничната атмосфера во вашите куќи ми идат солзи,бидејќи и јас сакам така сите да се сложуваме,без никакви расправии,да сме среќни и насмеани...Ама никогаш не било така,посебно последниве месеци...Секој ден имаше кавги,плачки,разговор за разделување
И се што сакам Дедо Мраз да ми донесе е среќа и да се решат домашните проблеми,ама знам дека ќе се решат на најлош начин

 

Сакам повторно да имам некои 14-5 години, и за вечерта 31 спрема 1, да се притресувам како да ми е ден на венчавка.
Со месеци унапред договори, фустани, хулахопки, накити, пари и слични ствари. Да врескам кога ќе најдам нешто посакувано, да се дотерувам поише отколку за свадба, а уствари славам со клас или одделение, а цело полугодие ме гледале со разбушавена коса, и без грам шминка, со некои развлечени фармерки, и некој исфлекан дуксер. А таа вечер, џоа пичкица ипол, фустанче-мустанче, чизми-мизми.
И сакам уште од 10 саат сабајле да брзам дома за да се накинџурам и средам, а се чекаме во 7 попладне, да се радувам ко којзнае што биднало доколку мајка ми ми дозволи да преспијам кај другарка, или ми одобри излез до 3.

Ама нема...
Сега рамнодушно гледам на сето тоа, не ми гајле каде ќе бидам, не ми е гајле што ќе носам, не ме интересира дали некој ќе дојде или не, не се замарам дали е 1 или 2, и да си бегам дома. Сега ми е битно Петко да е со мене, да ни биде топло и удобно, па макар и во шупа покрај аквириумот и со рибите да ја дочекаме новата година.
Поминав години и години, и со другарки, и со друштво, и во кафич, и во дискотека, па дури и во кафана. Ме скоктаа нечии трепки, џоа пердув од паун, ме заслепуваа милионите циркони, и им се вртеше од сите тие локни на едно место, па башка и се движат во круг фатени на оро. Уште само невеста фалеше и сваќе-аќе-аќе, со срејча нека му е на младите, свадба за мерак, весела, весела, нозеве не ми играа ама срцево ми се радуваше. Самоубиство.

Ама и градов е некако замрен, нема никаква предновогодишна атмосфера, или има, ама јас не ја чуствувам. Дали пораснав и го надраснав сето тоа незнам, ама колку и да се трудам никако неможам да се почуствувам толку возбудено како пред 4-5 години.
Денес завршив некои овбрски, но имам уште неколку за вечерва, и некоја за утре, па после ќе бидам малце поспокојна, додека не ми светне дека од 10 Јануари ми почнува колоквиумска и морам да учам.

Ајт со здравје, одам да мезам пилешки филети и компир салата со многу кромид, па после да им правам Бууу, на сите окулу мене за побрзо да ги откачам .

 

Си го засакав корисничкото име
http://www.youtube.com/watch?v=r_VS2B48c24
Lov3

 

Не вреди да си добар... со било кој. На крај сето тоа ќе го искористат да те изиграат на најлош можен начин, додека ти им се доверуваш, тие само климаат со главата, се смешкаат, а на крај... Неможам повеќе. Сакам да немам срце. Да немам чувства. Во мене да немам ништо човечко.
Многу ми е тешко и очајно ми треба некој за разговор, макар и виртуелно. Затоа што ова што ми се случува во реалниот свет е повеќе од катастрофа. Мизерија тешка.

 

Моето „Се надевам...“ прерасна во „Верувам...“

 

Конечно можам да здивнам!

Хууууууууууух!

 

Една лага води кон друга лага. Втората води кон трета лага... и додека да трепнеш си се нашол во кругот од кој нема излез. Заплеткан во сопствените лаги, како пајакот во сопствената пајажина. И еден ден се погледнуваш во огледалото и се прашуваш - Која сум јас? И другите повеќе не те препознаваат, но никој нема храброст да те соочи со вистината. Посматраат и чекаат да пукнеш...

Кога првпат разговаравме, се жалеше на несоница. Многу лекови, психијатри, но залудно. Веднаш знаев, нечиста совест. Колку ли само превези носи, преку лицето, преку душата? И еден по еден почнавме да ги креваме, низ солзи. Но, сеуште никако неможеме да дојдеме до нејзиното вистинското лице, за кое и самата веќе не знае како треба да изгледа...

Ако сте една од оние кои за во Новата Година, приоритетите и целите си ги запишуваат на хартија, нека искреноста кон најблиските ви биде една од најважните.

 

психа - не е оружје а боде ко нож.

 

СДК дека ми недостасуваше фемина, ве ѕиркав од време на време, но немав доволно да го следам форумов, па после 7 прекрасно поминати месеци преку океанот се враќам овде

 

СДК напишете си го името и уживајте

http://www.obtampons.ca/apology

 

СДК се мислам дали да седнам да учам, или да седнам и да научам. Веќе се изморив од учење, учење.. Утре последен пат сум за испрашување за ова тромесечие, веќе преку глава ми е!

Spoiler

Јас се жалам, а вие што сте на факултет..

 

Убаво е барем вака компјутерски да се израдуваме,и да се чувствуваме сакано.
Се разгалив аххх..

Spoiler

Реалност

 

СДК следнава година ќе бидам поактивна,особено за зимскиот распуст..Сега сум зафатена со учење..тестови ..
Во овај случај СДК дека и се извинувам на Look што ете ненамерно сум го сфатила погрешно нејзиниот пост.Извини