[СДК] Сакам да кажам...[Стара тема]

Рук рук ад и мабе ан атагој.

Направи кобра, зајак, не мрдај - аха да. Со мозоков кој ќе ми експлодира нема да мрднам абе ич. Абе куку! Шскаалчднсшш!!!

Настрана од тоа, како може некој да му се смее некому за изгледот. Ете дечкото бил екстремно слаб и сега. Ете дечкото си се посветил на учењето и што сега. Абе цепачи со "јак" хумор, детето знае повеќе од вас. Лоша крв имате. Лоша.

И тука се и оние кои наплаќаат за куќен совет по 600 денари од стан, во зграда со 8 стана, која нема лифт и во која се чисти еднаш месечно . Лоши и одвратни сте. Плус светлото секогаш го гаснете а јас со страв влегувам навечер. Зашто ви даваме по 600 бе. Знаете како, вие кои сакате да се збогатите на ваков начин, е вие и највеќе ќе се осиромашите.

 

Има денови како денеска кои уште од утрото ќе ми тргнат наопаку.

Велат каков што ќе ти биде Понеделник такви ќе ти бидат и останатите денови од неделата.
Ако е ова вистина мене ми тргна на лошо.

Но, јас не верувам на оние што го рекле ова, така да очекувам утре денот да ми биде позитивен и исполнет со многу насмевки.

Поздрав

 

Здраво

Сакав само да Ви пишам update, се немам уклучено скоро цела недела. Може да се каже дека си најдов хонорарно работа со продажба, и изминатава недела незнам главата каде ми е. Не е ми dream job тотално нешто ново и непознато за мене, ама подобро е од седење дома. Уште сум под импресии... Секој ден среќавам нови луѓе, обуки, нова работна средина нови работни задачи презентации... уште неможам да се навикнам. Преморена се осеќам. Уште е рано ама полека стекнувам прави работни навики. А од друга страна ми се изнасобрале теми за учење, проекти за правење и презентирање... а на почеток на ноември полагам. Незнам од каде да почнам, осеќам дека се настинувам од ова топло-ладно време. Се на се се осеќам задоволно и многу преморенооо.
Идам да спијам само сакав да Ве поздравам, па ке видиме на подолг рок како ќе се одвиваат работите.

Добра ноќ

 

Иако денов ми помина монотоно, како и сите претходни, вечерва беше феноменална.
Роденден на другар ми, торта, пиење, и многу многу смеа.
Одлично друштво и одлична атмосфера.
Со еден збор, вечер исполнета со насмевки, безгрижност и бегство од секојдневните прблеми бар за момент.
Во последно време одбегнувам мрчатори, негативци, луѓе кои се обидуваат да ти го расипат и тоа расположение што ти останало и преферирам да бидам во друштво на весели луѓе. Луѓе кои имаат смисла за хумор, и ја користат правилно, без навредување на другите.
Луѓе кои од ништо прават нешто, и те тераат да се смееш од дното на душата.
Е такви луѓе сакам.
Ми ја направија вечерта.
Со весели луѓе и јас сум повесела, порасположена и пооптимистички настроена.

Да пробаме да го гледаме светот со розови очила.

 

Се немам уклу4ено асално веке долго врееме и решив сега пред да се фатам со нешто друго.Па комшии кажувајте што има ново :geek:

 

Од своите три деца,вели мајка ми тебе те родив најлесно.
А баба ми,ми вели...мила чувај се од нервоза.

Да исполнам простор,да напишам редови,да изпразнам дел од товаров,мислам со денови,но мислите тешко излегуваат од границите на мојата глава.Тука се .Стојат.Како помала,кога ќе видев луѓе чија тага се прелива од очите и носат невидлив товар,секогаш се прашував што ли ги мачи.Некои нешта не ни се на дофат.Моменти.Ги пишува животот.А,ние тука сме.Молкум гледајќи.Мене ме болат некои неслучени среќни мигови.Оние кои сум ги сонувала во некоја темна ноќ.Ми стоеле во ќјошето од главата.Чекајќи да се случат.Да излезат на виделина.

Мене ме радувале најмалите нешта...нов прстен кој сум го барала оддамна,колачот на мајка ми,две три капки лимон во чајот,глупавите и бесмислени прашања на малата сестра,разговорите со баба ми,газењто по есенски лисја,кратки неочекувани телефонски разговори,насмевка пред спиење,мирисот на кафето наутро.
Денес,е поинаку...животот ни задава тешки моменти.Страв за некое идно време.Така ме болат деновите.Најважно е да сме здрави.здравјето е скапоцено.Кога го немаме,единствена цел ни е да го вратиме.И тука сум,никаде не заминав,тука сум за него,бидејќи ми остави траги во животов ,ме правеше среќна.Верувам.Морам.Сакам.
Некогаш сум на дното,но ме крепат среќните моменти и желбата за нивно повторно случување.
Во овие есенски денови,сфаќам дека тишината треба да се скрши...никогаш не треба да и удоволиме да остане долго.
Зборовите,кои ги премолчуваме не чекаат на нас.
Човекот е најкревкото и најсилното суштество на овој свет.Затоа што живее.
Во огледалото ја погледнувам моменталната состојба на своето лице и сфаќам дека ми недостигаат насмевки колку да си ги бојам и бројам деновите.И не знам како се чувствувам,можеби само не знам да ги преточам чувствата,заробена помеѓу стравот и надежта.

Знам,мора да се бориме.За некои други денови.Посреќни.
Која е бојата на среќата?
Нијансата која ја нарекувам живот,моментално е сива. Сивата има нијанси.Мене ми фалат светлите, за сликата која ми е заглавена во главата.Замислена.За да си ги наполнам очите со денови среќа.

За да не биде напразно трошење живот.Делете ја среќата и љубовта.Не ги премолчувајте зборовите кои чекаат да бидат кажани,нека не собираат прашина,разубавете му некому ден,момент... живот.Во овие денови..една девојка доаѓа со воз ми остава сила и повторно заминува.
Чувствувам подршка,ја имам.Не ме оставаат сама.Едно бескрајно благодарам.

На една стара клупа,двајца старци играа шах.
Денови во низа.

Јас сум храбра девојка.

 

Македонска љубезност!

 

Хахахах и јас го приметив и се изнасмеав Алал да им е

 

Добро утро
Одморена, наспана, расположена, иако имам испрашувања денес.
Неделава ми почна супер, уште денешниов ден да помине ќе биде најсупер
Имајте убав ден, мене ме чека социологијата и турското кафенце

 

Nekoja slobodna-lp?

 

Nekoja slobodna-lp?

 

СДК хепи сум бидејќи ќе станам мама. Вчера бев на гинеколог и ми ја потврди бременоста. Здравје само со Господ напред да биде се како што треба. И на сите што сакате бебуш да ви даде Господ што побрзо ваква радост, исто така, и на другите им посакувам само убави работи да ги следат. Поздрав !

 

Скршена сум. Дознав шокантна вест. Сум била посвоена. Во други околности, тоа е хуман гест, прекрасно нешто од страна на старателите, но дискриминацијата што ја чувствував и понижувањата од страна на моите родители, а после тоа и роднини, ја оправда нивната арогантност спрема мене сите овие 14 години. Од моја 4 годишна возраст ја чувствувам таа празнина, за се нешто што ќе тргнеше наопаку јас бев виновна, само префрлувања на мене, за едни тренерки и патики морав да молам и по 3 месеци, да си ги купам. Кога и да отидев кај братучедите, постојано ми префрлуваа за нешто, ова не вреди кај тебе, она не вреди, бев потценета. Најмногу ме боли фактот што ова го дознав во најубавиот период од мојот живот. Во 8ми месец од бременоста. Кога им соопштив на моите дека очекувам бебе од човекот што ме запроси, тие буквално побеснеа. Ми спомнаа дури и абортус, под изговор дека не им се давало пари за тоа дете. Ги прашував што толку е виновно тоа детенце да не го сакаат, не мора да ме поткрепат финансиски, ми требаше само морална подршка. Во сета таа збрка мајка ми ми рече:- JAС НЕМАВ ДЕТЕ, ШТО ПА ТИ ДА ИМАШ.САМО ТРОШКОВИ, НИШТО ДРУГО. Потоа тестот за крвната група што морав да го направам, ради бременоста си го стори своето. Тие толку ладнокрвно ми признаа и дури ме избркаа од дома. Кога си ги поврзав сите случки, што не ми дадоа да полагам за кола, да не проверам крвна група, не ми даваа да учам настрана средна школа, со која другарка и да се здружам ним им сметаше, се што ми се случувало и тоа отворено признание, истерувањето од куќата каде што пораснав сфатив дека никогаш и не сум била пожелна таму. Кога си заминав не ми рекоа ни збогум. Од тогаш поминаа 4 месеци. Ќе живеам за тоа бебенце, за новиот живот што го започнав, за маж ми.

 

Честитки Agrona! Имај убава и лесна бременост.

 

Се почесто слушам, заборави го минатото, јас не живеам таму, сега живеам во сегашноста.
Прифати ме таква каква што сум. Или заборави ме.
Знаеш, па не можеш ти да си имала бурно минато, да си ги преминала сите граници на нормалното и моралното...и сега наеднаш да ти текни, да се се свестиш дека сакаш мирен и среден живот.
И да очекуваш да бидеш прифатена како таква.
Ти здосади таквиот живот, се срамиш од него.
Сега сакаш да бидеш светица.
Сега сакаш да бидеш некој.
И очекуваш сето минато да падне во заборав.
Ама минатото е дел од нас, секогаш го носиме зад нас како багаж, сакале или не.
Извини, ама никој не е должен да те прифати.
Што не ти текна тогаш да кажеш вакво нешто?
Или ти дојде време за мажење, па си бараш добар маж и ова си новата ти?
И обратно.
Колку машки оделе со сенекакви жени, правеле се и сешто, па сега наеднаш стануваат граѓани за пример, и си бараат поштена девојка. Чекај братче, прашај се дали ја заслужуваш?
Можеби изгледам строга, но секој треба да си го добие тоа што го заслужува.
Затоа пазите што ќе правите денес. Тоа ве обликува какви ќе сте утре.

 

Не бирајте работа, туку работодавачи. Два милиона сме, и тоа душебрижници, сите пуни со информации за другите, за недела дена можеш за секого да дознаеш по нешто.

 

од фит кампот во Саботата сите коски на телово ме болат и видов едно муле од партија дебел ко воленце
во неделата имав мала незгода-пред тоа се скарав со моите дома и толку ми требаше
коленото боли-модринки огромни, коската на дланката боли, и на лицето раничката здравее-на брадата поточно
се напив вчера Беналгин малку помогна ама се уште боли

 

Денеска втори час правам тест Историја
Цела недела по некој тест правам.
Држете ми среќа ги научив сите 9 лекции па ќе видеме што ќе биде.

 

Сфатив дека уствари шармантни се луѓето што понекогаш ќе те изнервираат, ќе ти пробудат некоја емоција,било каква,луѓето со несовршена и симпатична насмевка која ќе ме натера да си го истурам кафето од смеење! Да се заљубиш на прв поглед во некои луѓе..Мислите не може? Епа можело...
И не зборам воопшто за онаа љубов маж-жена,зборувам општо за љубовта,често и ја споменувам во моите постови затоа што поважно за мене нема! Да даваш и да примаш љубов од некого,макар било со една прегратка,насмевка,допир на раката,слушање по телефон...
И кога денот вака убаво ќе ти тргне што повеќе можам да очекувам...Што ли ќе биде до вечер?
Убав ден!