[СДК] Сакам да кажам...[Стара тема]

Брзина е кога вашата дебела мачка ќе изеде една салама и две виршли за само 2 минути!
До моето дебело бушаво црнче што јаде со брзина на светлината.
Едноставно си ја обожавам и едвај чекам да станеме цимерки.
Едит
Не беа од малите виршли, најголемите беа.

 

Сакам да кажам дека ќе си пукнам додека не го натерам татко ми да купиме гитара! Ќе пукнам,ќе пукнам,ќе пукнам!!! Мораам да ја купам! Сакам да свирам на гитара и точка!... :/

 

И после твоите ќе пукнат коа ќе слушаат чкрипење ден и ноќ

Спојлер

(се шалам, немој да се навредиш)

 

Денес на дечко ми му ја претресував јакната.Барав некои докази дека ме изневерува,некои љубовни писменца или нешто друго сомнително.
И замислете што најдов?!
- Играчка од киндер јајце

 

Не знаеш како изгледа да бидеш прописно засрамена додека не станеш родител.
Вчера на именден кај внук ми, седам муабетам со гостите, со едно око и уво го пратам малиот, затоа изгледа жените ги користат и двата дела од мозокот во исто време, за да можеме да правиме муабет како нормалниот народ а сепак да ги надгледуваме децата, го слушам и тој нешто муабет тера (кој колку го разбира тоа е веќе друг муабет).
И ете го после некоја минута ми рипа во скут ме лупа по градите и им вика на тие што правеше муабет со нив, еве од тука тече млеко, види.....и пробува да ми ја откопча кошулата.
Си правел муабет детето за храна, неговата омилена тема и им се фалел на гостите дека мајка му прави млеко за Конта, којзнае што му рекле луѓево ама моево кога се запна покажи, та покажи млекооооо.
Му кажувам дека е срамота да се покажуваат градите, а тој уште повеќе ме засрамува со изјавата дека не било срамота, тој ги видел, татко му ги видел, Конта ги видел, дедо ги видел и уште 100 души наброја (тоа не е вистина, додаваше изгледа малиот за ефект ) сега сите нека видат, испадна како да се шетам топлес цел ден и без трошка срам се разголувам пред сите.
Го прибрав малиот, се смири, гостиве се изнасмеа, повеќето имаат големи деца па вероватно го јаделе истиот стап како мојот.

Инаку денес несакајќи ја почнав сезоната на бањање, на плажа не секојдневно одржување на хигиена.
Ги однесов децата на плажа, морскиот воздух и прошетка на плажа е најдобар лек за се, иако е релативно топло, водата е сеуште ладна така да бањањето не ми беше во план ама малиот посака барем нозете да ги намокри, добро ај и двајцата ги намокривме нозете и се запна ај и Конта да ги намокри нозете, добро ај и Конта му ги намокрив ноџињата, се наведнав некако незгодно, ме завлече талас и се плеснав целата во вода, малиот не чекаше да му речам немој се плесна и он, целиот радостен.
Добро е што барем малиот не го испуштив во падот, остана безбеден во моите трапави раце, малку исплашен ама сув, до дома прописно измрзнав.
Сега си кивам 300 на саат и место како сиот нормален народ да си пијам чаеви јас си пијам смрзнати пијалоци, сите наопаку ја терсене.
Послужете се, мене најдобар лек ми се кога грло ме боли или сум на праг да настинувам.

 

Чувствувам дека созревам, длабоко созревам. Станувам посериозна, водам полемики на теми за кои никогаш не мислев дека ќе ме засегаат, правам планови за штедење ( јас, од сите луѓе ), размислувам за нашиот иден дом, што и колку да се вложи во него, за тоа како ќе се снаоѓаат моите откако ќе заминам од дома... Многу мислење, многу тупење на главата, но и голем знак дека вистински созревам.

Се плашам за моите. Страв ми е да ги напуштам, брат ми е одамна заминат од дома, а ќе заминам и јас. Ќе можат ли сами? Се' ли ќе биде во ред? Ќе се чуваат ли? Ќе им недостигам ли? Ќе знам ли да продолжам без нив, без моето огниште од каде што сум такаречи задоена? Ќе бидам ли и јас успешна како нив во создавањето свој дом?

Ме мачат работи, ме плашат планови, но и ме возбудува иднината. Многу сум посериозна, приоритетите во животот ми се одредени, знам што сакам и цврсто целам кон тоа. Постои страв, ама јас сум силна. Веќе не ги ни перцепирам оние тривијални работи, се заморувам само со тоа што сметам дека е важно за мене и моите блиски. Веќе не ми е важно дали во сабота навечер ќе излезам, дали ќе ставам црвен или месо боја кармин, дали ќе ги облечам новите чизми.

Важно ми е тој да е тука, до мене, важно ми е да обрнам внимание на тоа што јас и тој сакаме, наместо некој друг. Важна ми е љубовта, важна ми е нашата заедничка иднина, посветеноста еден на друг. Важно ми е да сум опкружена со оние што ги сакам и ме сакаат. Важна ми е работата, професионалниот успех, зошто нели, од тоа и зависи иднината (во финансиска смисла). Се стремам таму да сум сигурна и успешна, и ми се чини дека успевам. Сакам да создадам вистински дом, вистинско семејство кое секогаш ќе биде сигурно и безбедно.

Сакам еден ден да бидам добра мајка која правилно ќе ги воспитува и насочува своите деца, која нема да ги чува во стаклено ѕвоно, која ќе им дозволи да се извалкаат играјќи си со кучето во двор, или да го нашлакаат цел ѕид во нивната соба со отпечатоци од нивните обоени дланки...

Сакам.

 

Во животот се се случува со причина дури и тогаш ако не можеме да разбереме дека сето тоа што се случува требало да се случи...

 

Се' додека мислиме дека се знаеме и единствената мисла ни е каде да одиме во петок навечер, далеку сме од зрели.
Вистински сме созреани тогаш кога велиме дека имаме уште многу да учиме и кога почнуваме да размислуваме малку подалеку од сегашноста.

 

И дај боже секогаш да ти биде така, јас те разбирам бидејќи истото го правиме со дечко ми, се надевам дека и кај нас ќе трае засекогаш.

 

СДК некогаш човек ќе игра како ќе му диригира животот.

А мајка моја, опасна џенцка, пророк, ќе каже нешто и со брзина на светлината се остварува истото, без разлика на време и простор :geek:

 

Колку пати се имам налутено сама на себе, добро е што уште си правам муабет...

Какви чизми сум земала мајке ми..со МОЈА ПЛАТА со МОИ ПАРИ каков ќеиф ќеифосан

 

Абре освен страница на среќата, сега па и страница на глупоста.
Што ли се ќе измислат! Ама па и глупави им се објавите!

 

Ненененен,ова не е можно.

Посакајте ми среќа овојпат!

 

СДК најубавите работи се случуваат тогаш кога најмалку очекуваш...

 

Ладно ми е....брррр. Па дури и ќебето ме боцка и иритира....Едно старо карирано ќебе, зелено, црвено и бело. Но, ај доста се жалев, сепак немам ништо за учење овој викенд.

 

Знаеш дека си созреал кога глупавите рекла-казала муабети не допираат до тебе и буквално те боли уво за туѓи животи.
Една другарка беше кај мене пред малку, со која сум доста одалечена во последно време и почна да ме оптоварува со секакви муабети. Та за комшиката, Та за другарката од клас , за оваа па за онаа и да ви кажам на пола од муабетиве не обрнав внимание.
Ама страшно почнаа да ме иритираат трачеви и муабети кој со кого се смувал, се скарал, излегов, легнал -.-
Простаклук невиден.
И не ми е јасно која е целта да изнажеш се за животот на една личност со која јас не се мирисам, и после да отидеш кај неа на кафенце.
Толку ли не приметуваш дека не обрнувам муабети на тоа и дека ти менувам тема ?! -.-
Не ми е гајле дали таа оди со секој втор, дали е невина или не е. Не те прашав, не ми го замарај мозокот со глупости ! -.-
Страшно се напорни овие разговори, страшно.

Сега ќе се налакирам и ќе одморам малце , па ќе се спремам да шетнам со нормални луѓе, во чиешто друштво уживам
Ајде чао,и имајте убава вечер кај и да одите

 

Конечно тромесечиево заврши(барем за мене) . Во теков на овие неколку месеци поминати на училиште, со школските со кои ќе учам уште оваа година, научив многу работи. Постојат секакви, ама баш секакви видови на луѓе. Секоја класификација, или обид за класификација пример за злобни и добри, глупави и паметни не е во ред. Зошто?! Па не ја бива. Може некој е добар али некогаш кога стварно ќе му згазиш на нервот ти врајќа. И онда си мислиш: "Еј ама е злобен!" . А што да ти прави?! Три- четири пати ти вели: "Aман доста!" петтиот пат веќе му е преку глава на секој.
Инаку до сите оние кои мислат дека ако имаат пари, имаат и моќ, статус, интелегенција и се над другите, да Ви кажам драги мои не е така!!!!!!! Ако мислите дека треба да имате пари за да се издигнете над другите не е така! Оној кој има харизма, интелегенција, блеска со насмевка, позитивен е, прилагодлив, паметен, ете тој без разлика дали има или нема пари ќе се искачи на врвот!
Ете толку а сега имајте прекрасна вечер и прекрасен викенд!

 

Како може еден пар прекрасни чизми да ми го смени расположението, ништо друго не може Си се подновив, а одамна ги меркав. Мерак ми е, преубави ми се, и еве сега си ги гледам пред мене пола саат Само чекам да залади повеќе, да си го облечам и капутчето од лани.

Инаку, на интервјуто од пред некој ден, супер поминав, мислам дека оставив убав впечаток. Ми рекоа дека ќе ме известат доколку ме изберат мене за работата. Ама и да не ми дадат позитивен одговор, сепак го поминав првото интервју за работа и се уверив дека воопшто не е страшно, станува збор за обичен разговор. Тремата ја оставив пред вратата уште кога влегов во канцеларијата.

Сега се двоумам дали да го изненадам дечко ми утре, со новите чизми, и подарокот кој му го купив