[СДК] Сакам да кажам...[Стара тема]

имам претчувство дека е за мене исклучен од фб чет, па и дека малку игнорирање ми мава...е затоа убо ќе се разбериме...
а, што убаво време надвор - само за зголемување на депресија...

 

И ко што кажав минатиот пат... Еднаш малер-засекогаш малер.
Од петокот до денес, повторно бев без компјутер и без телевизор. Рикнаа и двата. Не знам дали се сеќавате за време на распустот, кога се најдов во истава ситуација. И кога почнав масовно да чистам по дома...

Имам чувство дека се` што е на струја, штом ќе ме види мене-паѓа у несвест. Баш пред некој ден, во школо имаше едно предавање со графоскоп. На сред предавање, сам се исклучи. Гарант дека јас бев во истата училна. Што би рекол Чомбе-логично. Најверојатно има некоја електро-магнетност или што и да е... во мене. Логично. Логично па логично, цело време само тоа го повторувам.

А телевизорот, се` уште не е однесен на сервис, си стои во ходник. И многу ме плаши, да Ви кажам право. Секој ден, станувам пред сите. И морам да се соочам со темницата и со телевизорот во ходник. И секое сабајле се присетувам на телевизорот од Скери муви/Прстен, како и да се викаше... Кога онаа излегува од телевизор. Тоа ми се трауми, од детството, кога го гледав тој филм. Можеби сега да го гледам ќе ми биде смешен, ама ете...

И ондак то. Ме чека креветот. Логично... Довинџења.

 

Скопје радост ти ке бидеш.... Колку и на моменти да го мразам градов секогаш на денешен ден се разнежнувам. Колку и да ја мразам галамата по улициве,непоспиените ноки, загадениот воздух,смрдливите контињери,гужвите и нервозните возачи попладне,безбројните статуи и фонтани пак ми има некој шарм.

Го сакам Скопје затоа што тука сум родена тука сум израсната.Го сакам затоа што тука се сите луге кои ги сакам и ми значат.Затоа што го има Градскиот парк во кој како дете научив да возам ролери ,во тинејџерките години на Школка пиев пиво, факултетските денови ги поминав ов летна Хавана во понеделник а сега ми е доволно да уживам во есенските денови на некоја клупа покрај езерцето гледајки во случајните минувачи. Го сакам Скопје затоа што ја има Старата Чаршија, во која како дете прв пат пробав кебапчиња во Пчела,се истрчав по калдрмата а сега ужувам во неделните попладниња во Ракија бар покрај кригла црно лашко и викендите во Галерија 8. Го сакам Скопје затоа што го има Водно. Во споредба со други планини брдо но за мене Монт Еверест. Го сакам затоа што како дете едвај чекав да падне снег за да се испентарам на него и да се санкам,затоа е достигнување коа пешки ке се искачиш до крстот и ке го погледнеш Скопје од високо. Го сакам Скопје затоа што има безброј дискотеки и кафичи а секогаш можеш да најдеш замерка за нив. Секогаш можеш да мрчиш како нема каде да се излезе,како е сегде досадно,како е сегде преполно со деца... Особено го сакам Скопје за време на Новогодишните празници, уживам додека шетам по ул.Македонија или по Партизанска восхитувајки се на новогодините украси иако секоја година сум убедена дека може да биде и подобро.
Го сакам Скопје затоа што тука прв пат се заљубив и тука прв пат ми беше скршено срцето. Го сакам Скопје за време на летните месеци бидејки е празно и тивко.Језиво тивко особено во доцните нокни часови кога палам цигара на прозор и уживам во тишината. Го сакам скопје заради Скопско кале кое будно бдее над нас и не потсека на едно друго време.Го сакам Скопје заради "Скопско". Секоја испиена голтка е воспевање на овој град..Го сакам Скопје заради еден скопјанец и заради местата на кои се шетаме и се испраќаме со саати.

Моето Скопје се состои од оние места и луѓе што ми се драги, од убавите среќни мигови што изминале и нема да се вратат, од нештата што ќе ме потсетуваат на оние среќни мигови што допрва ќе ги доживеам.

https://www.youtube.com/watch?v=2AdLp8d84mw

 

„А бе, јас сум душа слатка“! - мојата поговорка секогаш кога ќе успеам во нешто.

 

СДК никој во животот не може да ти наштети толку многу колку што можеш ти самиот на себе...

 

ке биде ова ден за паметење

едната поранешна колешка ја фатив како реди стока-цела продавница расфрлана
другата ја дружев додека дојде третата а третата-смешки со неа
а кога тргнав да си одам накај дома повекето од колегите на духче седнати на клупа ги фатив беа-5 свртени со лице другите 5 со грб-мрзливи се ептен ама па од друга страна ги свакам, ладно им е цел ден на нозе и имаше храброст некој во лице да ми прокоментира

 

Денеска сум многу вредна, измив садови, го исчистив тепихот, го исчистив шпоретот, и ми остана уште купатилото ама и тоа ќе го средам

 

ЕЕЕЕее не пукнаја со ова проективе цел ден со то се занимавам

 

сакам да кажам...ама незнам да речам. хахах, шала на страна..
Мораме да научиме да живееме заедно како браќа, или да исчезнеме заедно како глупаци.
-Мартин Лутер Кинг
Баш ова сакав да го кажам...

 

Денеска сум пречувствителна..
Се чувствувам емоционално празна,осамена,збунета.Целата треперам.Не знам дали тоа е предвесник на затишје пред бура или..
Не можам ни да размислувам,се чувствувам изморена..Изморена сум веќе од лаги,од празни разговори,од залажување на себе,тебе,околината.Не,воопшто не сум добра.Не ни памтам кога последен пат сум била.
Не знам зошто денеска нагласена ми е осаменоста.
Ми недостига некој.Проклето ми недостига..
И покрај фактот што ме разочара,напушти,отфрли..јас сум тука,сеуште тука,со грутка надеж во себе дека..ќе се јавеш,или ќе пишеш..ако не повеќе,барем да прашаш дали сум добра.

Спојлер

Сеуште имам чувства за тебе...

Добра сум инаку.Се држам некако.Имам некој до себе,кој ме поддржува.
Ќе бидам добро.Можеби..не не,сигурно ќе бидам.
Биди и ти добар..и не заборавај дека сеуште постои некој кој мисли на тебе,некој на кој му е грижа за тебе..не заслужуваш,знаеш ли?

Сеуште знам на моменти да ја преслушам,знаеш,тоа е последната песна од тебе..
http://www.youtube.com/watch?v=eZCQMarUHzk

 

Иронично е тоа што мажите се оние што најмногу мразат геј популација или хомосексуалци.
Но лезбејките ги поддржуваат.

Според ова,се што им го дига, добива поддршка.
Се што им е гадно,треба да биде кастрирано.

Прашав еден маж,небитно кој, зошто е тоа така?
Одговорот беше: Што ти е човек? Две жени да се лапаат,гушкаат,еб... е секси. Затоа што жената е нешто убаво и нежно,па одговара тоа да го гледаш. А двајца гадни педери да се еб... да ги гледаш е... неприфатено од Господ.

Хах,прост народ.

 

Се повеќе луге мислат, дека знаат се , а всушност не знаат ништо.
Јас барем знам дека не знам ништо

 

И така јас со училиштето исто како да сум учесник во Преживеан-реалити шоу.

 

По некое долго размислување си утврдив некои нови цели во животот..Од сега ќе си зацртам да имам повисоки оцени,да си аплицирам за стипендија и некако да се вметнам во некоја програма за учење надвор од државата.Сакам факултетот да ми значи нешто,не само да го поминам туку така.
Сакам нешто да постигнам со себе,да помогнам некому,да стекнам авторитет и почитување.Време е да поднамалам со пијанчење,глупирање,не прибирање дома,со бирање на погрешни луѓе и да си бидам позрела личност.Не премногу озбилна,чисто малку да се знае дека сум возрасна личност.Енд ај ем Ready to take over the world

 

Баш така nikiiii

 

Чудни слуштества сме ние луѓето м? или не ?

Јас мислам дека да

 

СДК

 

Убави се тие моменти. Ама пробај да бидеш задоволна со малку и да останеш истата, без разлика на платата. Нека не те менуваат парите ниту во навиките. Убавото е во малите работи.

Иначе, на темата, СДК дека се исплатеа сите прекувремени и саботи и недели на работа, без денарче.

 

Помина и таа f******* родителска.
Четири тројчиња,една четворка и сите други петки.
Еми арно.
Во петок малку шетање,нема школо,сабота роденден на најдобрата другарка..Би требало малце убав период да биде.
Иначе денеска океј ден.
Уживајте во вечерта

 

Конечно ги изработив сите вежби и проекти,па да здивнам малку,бар за денес.
Туку,некако убаво се чуствувам,задоволна сум сама од себе.Не нарцистички,некако среќна сум што завршив се без некои поголеми проблемчиња.
И така,да одморам малце....