[СДК] Сакам да кажам...[Стара тема]

Денес во школо супер, што значи дека правев математика и германски тест, што значи дека и не беше толку супер... што знам....
Цел ден во болки, се искинав од плачење, што е најстрашно ни апчиња не ми помагаат.
И изгледа само јас не го сакам снегов. (не ме карајте)
Утре домче, малку одмор.
Уживајте во снегот.

 

Прекрасна вечер. Надвор снегче..убавини Ко мало детенце му се радувам на времево.. сега дома се прибирам, видов снег дека врне и одма се наоружав со јакната,ракавиците.. :geek: и така си седев едно 10 минути на тараса снегот да го сликам.. измрзнав не бев единствена.. сите комшии беа надвор излезени на тарасите,во дворовите.... па и кучето си го пуштив во двор.. се разбркувавме досега осеќам дека грло ќе ме фати одма.. најпаметно да си сварам едно чајче.. :geek:
Се надевам цела зима ќе ни е ваква..

За крај,еве ви и од мене едно гифче

 

Кутрата јас,не можев од мојата куќа без прозорци да видам дека има снегче,морав од фејсбук да дознаам
Ама што е важно,јас убаво си се израдував иако оваа година дојде малку рано снегчево,.

 

Леле луѓе радост, ко децана и јас му се израдував на снегов. Мајка ми ќе ме натепаше, кај болна, кај необлечена, надвор излегов да се порадувам и јас. Ептен си сакам снег, ептен ми е убо да го гледам кај шо си паѓа полека, еве сум сега залепена за прозорецот и не трепкам. Време беше и кај нас после толку време во Ноември снег да падни
Чајче во рака, печката до мене и прекрасна глетка, милина.
Имајте убава вечер девојки
http://www.youtube.com/watch?v=mN7LW0Y00kE

 

Се напнаа со статусите за снегот на ФБ.

 

Абре,се убаво со снегов,ама кај мене нема абер Пусти југ,само ветрови влечеш

 

Дали тоа надвор врнело снег? :geek:

 

Надвор,на фемина,на фејсбук..твитер...ма сегде врне
Let it snow

 

Shake up the happiness!
Се зависи од нас. Ноќта е прекрасна. Права љубов.
И уз пат... Учете, нема поубаво од образован човек.
Имајте прекрасна снежна вечер, со љубениот, со другарките, со семејството, со самите себе.

 

Сакам да кажам за ова со снегов сите што му се радувате .. еве и јас сум дел од вас Започна и онаа позната новогодишна атмосвера.Добив и повик од внуците кога ке ја никителе елката кај мене,да не сум брзал морале да бидат тука а јас пак заборавив и каде е ставена после преселбата (сега имам беља ,ке морам и нова елка да купам ) ..Сега сериозно сакам да кажам нешто за снегов и сите оние возач-ки од форумов !.. дека мораме да ја кренеме совеста за возење на снег ,пешачење и културата за движење во зимни услови .Толку мн лоши работи се случуваат за миг ,што едноставно непромисленоста уништува нечиј живот,радост ...Пред се да внимаваме ние возачите да бидеме и поодговорни за зимна опрема да не се штеди на сигурноста ,но и да ги искараме малце пешаците за тоа каде и кога претчуваат,зборат на моб,се поздравувааат да не кажам и бакнуваат .Клипов е доволно што се сакам да кажам http://www.youtube.com/watch?v=5RAaW_1FzYg#t=182
Се надевам дека нема да има вакви глетки после снегов и целата зима ...Најсурово би казнувал за несоодветна зимна опрема во автомобилите .Нека не биде изговор дека се нема пари ,тоа е УЖАС низ патиштава во Македонија алоо луѓе свестете се дека поради едни соодветни зимни гуми одите во сигурна смрт! ..

Спојлер

снегов ке стане кал до утре или ?

 

Тоа е тоа

 

Моите ја обожаваат оваа моја случка при која се валкаат по под држејќи се за стомак од смеење. Дечко ми пак обожава да ја раскажува и и додава неколку ефекти за да изгледа буквално ко да си таму.

Сестра ми ме потсети да му ја кажам на вујко ми, а мене срам ми е бре.

Него седиме кај дечко ми на работа со еден монах додека тој средуваше нешто. Бидејќи со монахот поминавме прилично време заедно ги разврзавме сите можни културни де муабети и стигнавме до храна. Е тука се појавија волшебните индијанки кои тој рипна како детенце да ги донесе од кола.
Обично сум гадлива па ми требаше време да се натерам да ги пробам. Зема тој, земав и јас, а дечко ми се префли во друга просторија. Јас како загризав од индијанката почнав со МММмммм, ммммммммммммм, ммммммммм. Почнуваме да коментираме колку се добри и повторно гриз и Мммммммм, мммммммммм, мммммм... Едно време се свестив, а и дечко ми почна да тропа со нешто. Продолжиме да коментираме за индијанките, па дојде и тој да ги проба.
Од кога го испративме монахот ми вика- Абе мало, те слушам Мммммммммммм, па рипнав да видам што се случува. Среќа слушнав муабетот, ама жити се како те гледаше Ф?
Ф не го гледаше тоа така туку и тој уживаше во вкусот. а и мене далеку од тоа дека ми беше намерата да предизвикам нешто.

Ни ги остави тој индијанките, па наредниот ден седиме со пријател на дечко ми, кој кога ги проба и тој се стопи ама мене ми дадоа чоколадо. Што е сигурно, сигурно е

 

СДК...утре сите по улиците/тротоарите пазете

 

Mе насмеа,туку нико није сигуран

 

За успешна акција на сите шо ќе пошумуваат утре.
https://www.youtube.com/watch?v=2f-Jiu44bbE#t=42

 

СДК ...............
дека сакам да шеткаме по снегов и да се радуваме како мали деца...држеќи се за рака и размислувајќи за тоа како брзо дојде зимата(нашата зима ...зимата што ќе ни го донеси новиот член)


Но... не сака да ми прави друштво..изгледа ќе морам да шеткам сама со ќерками

 

Ќе биде убав и интересен снегот кога ќе треба утре рано да станете и идете пешки до работа , факс или друго место. Кога ќе се лизнете и треснете со газот некаде

 

^


Утре не се работи, нека се надеваат само дека ќе се тргне до задутре и дека ќе се исчистат улиците .

 

Убаво си вика поговорката: - По утрото, денот се познава.
А за тоа како јас денес останав жива... Господ знае. Уште по сабајлечки ми тргна денот.
Падна првиот снег... паднав и јас. Морав свечетно да го одбележам.
Најпрво како ми започна денот...

Прво ми побегна автобусот. Додека го чекав наредниот, ми текна дека заборавив една тетратка, која ми беше многу важна за денес. Трчав како улава до дома, се дерев под прозор, за да ми ја фрлат. Трчајќи за накај автобуска, ми залетна мастиката. Се гушев, а истовремено и трчав, поради тоа што го гледав наредниот автобус како одминува. А имам толку голем страв, од залетнати мастики. Додека трчав, размислував за колку време ќе ми се свари мастиката и дали ми се залепила за некој орган. И ред други филмчиња, што многу често ми се вртат низ мојава глава... Нејсе, сакав да кажам дека го стигнав автобусот (одвај).

Стигнав и во школо. Влегов во вецето, за да си ја проверам косата. Бидејќи од толку брзање, трчање... без чадор, би можела да исплашам некое детенеце, уз пат. Се лизнав во вецето. Среќа што другарка ми ме задржа, инаку, тешко дека би спасила жива глава. Со оглед на тоа што беше свежо чистено и влажно.

После тоа, на голем одмор, си го набив толку јако коленото на шпицот од скалата додека се качував... што сум рикала ко магарица. А башка тоа, имав шминка од саботата (бидејќи ретко кога ја бришам, обично ми стои барем 3-4 дена) . Ko што бев така нашминкана, мислам со креон одозгора, малце креон, и уште поише црно, и уште поише маскара, растечена... од тоа што боли... Можете да ме замислите. Можев слободно да ја пеам Бабарога, од Џогани. Добро, не бев до толку... само ете, ме понесе оноа видеоно.

Слаба страна ми се скалите. Не се брои на прсти, колку пати имам паднато последниве 4 месеци, само по скали. Ама како викаа порано... кој падне - порасне. Сестра ми ми вика: - Кога ми кажа мама дека пак си паднала по скали... не знаев како да изреагирам. Ми дојде толку силно да се смеам, а глупо ми беше...

И така сега си седам по дома, цела умотана во зелка. Инаку, кога ја мотав ногата со зелка, 5 саати ја требев, за случајно да не налетам на некој полжав. Како минатиот пат, во марулата.

А да Ви кажам право, како што ја имам госпожата у црвено ферари, и како што се` ми се јаде... Си ја прекршив диетата. А ми беше дури четврти ден. Ама сум издржлива.

И така. Јас сега мислам дека откако падна снегов, да си земам едно месец дена боловање, за секој случај. Да не се дотепам. Мене толку ми фали.

А сега ко што е модерно на фб гледам, да одам да се сликам јас на снегов, со зелкава? Гледам се завруќила. А ме боли ногава, упм. Ама убаво ме зезнаа, утре не знам дали ќе ме примат на преглед.

Како и да е, песнава мене ми се врти у глава дење-ноќе.
http://www.youtube.com/watch?v=2KODZtjOIPg

 

Ја сакам есента, а зимата и не баш, посебно не снегот па во комбинација со еден куп обврски утре е нешто за кое воопшто не сакам ни да размислувам зошто се плашам дека ќе паднам во искушение да си го преспијам денот и да си ги одложам сите работи кои ме чекаат утре.
Доброто е што на ладно време се чувствувам психички подобро и некако ми има некоја убавина сето ова, но само доколку ја поминуваш како мене во моментов - топло млеко со половина лажичка какао, лаптоп и топол кревет, а за неколку часа не ми се верува дека започнува смрзнувачка голгота од која дури и сега чувствувам дека ми се тресат коските.
Не ме фаќа сон, имам грижа на совеста затоа што мачките и едното кутре ми спијат внатре а големото куче кое што моите под никаков услов не дозволуваат да го пуштиме внатре се смрзнува на ладново. Сериозно мислам дека око нема да склопам вечерва, излегувам надвор и влегувам на секои пет минути, му ставив старо кебенце за да не смрзне, му стоплив вода која што се ќе се претвори во мраз за само петнаесетина минути, ми иде да си го пуштам внатре да се гушнеме и така и тоа грефче да почувствува малку топлина.
А сега сериозно морам да спијам, да соберам топлина и енергија за утре. Многу би сакала сабајле да се разбудам во Септември и снегот да е минато.
Многу барам, знам!