[СДК] Сакам да кажам...[Стара тема]

Снегче, снегче !
Најубав период од годинава ми е овој.
Многу ми е романтично, смирено, полно со љубов
Ќе паѓаме од утре?

 

Добра ноќ на сите, слатки сништа и сонувајте си ги саканите во оваа преубава снежна вечер.

 

СДК дека Осамена-Срна нема појма од давање совети..
Инаку во мојот град сеуште нема снег..

 

Еве ме мене пак...
СДК дека се чувствувам прекрасно.. исполнето...Си шеткавме со мм по снегов и речиси го превртивме центарот од градов оставаќи покрај контињерите храна за животните...
убаво е чувството кога помагаш на такви мали и беспомошни суштества..

 

По некој пропаднат план, ете и по некој пропаднат контакт, вртење глава и избегнување одговори, ама времето за соочување секогаш не стигнува. На крајот од денот се соочуваме со самите себе, а потоа не стигнуваат и другите..
Јас не сакам да бидам понекогаш толку ладна, па нагло заинтересирана и приврзана, ама тежок карактер е во прашање. И ми се чини колку повеќе ги повредувам тие што сакаат да бидат со мене, толку повеќе ме повредуваат оние со кои јас сакам да бидам. Чуден е животов, зар не..
Кога зборувам, зборува болката во мое име. Се кријам и штитам низ превезот на гордоста, еднаш дозволив да ми ја гази кој стигне, сега се трудам да ја приберам, ама пак емоциите ми се појаки.. Желбата за да задржам нешто и да го направам функционално е појака од се`.
Лошо, лошо, но срце е, оди па нареди му.. доживотни непријатели се со паметов, кој некогаш ми се чини и дека за џабе го имам, никогаш не сум застанала на негова страна при некоја ваква борба. А, усогласено да танцуваат - не можат. И затоа пати и трескај се од земја.. и кукај.

Последниве денови не знам дали нешто е како што треба, само знам дека утре ми е последна шанса за да исправам грешка и за да задржам некој.. Држете среќа да биде се` како што треба.
Заслужив тронка љубов периодов и јас, некој да ме држи за рака и да шета со мене на ладново

Имајте добра ноќ, радувајте се на ситниците секогаш, тие ни го прават животот поубав!

 

Уживам во тишината навечер кога сите спијат, да пишувам семинарска, да спремам испит...
Завиткана во кебенце, лап топот во скут отворени 100 табови за семинарската и од време на време ке ѕирнам на фемина, па на инстаграм...
Колку само ми се патува на ден два некаде! Некаде каде што никој нема да познавам и каде што луѓето нема да поставуваат очигледни и глупави прашања. Ми се оди на некое мирно местенце каде што ќе можам да изгубам осет за време каде што нема да ме пратат deadlines Да се тргнам од срединава на кратко, да разбистрам мисли, и да се вратам полна со позитивна енергија.

 

Снегот од секогаш ми асоцирал на една работа.
Дечко.
Затоа и не го сакам секогаш.
Заедно да чекорите,тој така силно да те држи да не зануркаш.
Да те гушни машки,да не замрзниш.
Да те бакнува,да не ти се треси вилицата.
Знае снегот да направи проклето романтична атмосфера.
Знам и јас да чекорам сама низ него.
Последниве 2 години,имав со кого да го дочекам.
Оваа година не.
Ама пошто првиов снег мие повеќе камуфлажа.
Сега го гледаш утре не.
Па можи ќе ми продолжи традицијата снег vs дечко.
До наредното ...
Убаво е кога човек знае сам да си се утеши

 

Цела почетна на фејсбук ми е за снег. Па добро луѓе знаеме дека падна и првиот снег, видовме, осетивме.
Туку ладно, што ќе се прави сега? Да, сакам снежно и бело, зимска идила, ама барем да не биде смрзнувачка како деновиве.
Малку сонце, малку снег = добитна комбинација!

Ајт, заминав да се гушкам со либето, не за друго, да се топлиме еден со друг на ладново.

А за некој час ме чекаат многу обврски, треба да одам од еден на друг крај, само како на ладново?
Значи сакам снег, ама ладно НЕ!

 

Ниеден човек не може да го разбере она што не го доживеал.....

 

Незнам за вас, ама мене времево ми лета. Деновиве летаат, се чудам кога почна ноември а кога измина.
Наоѓам вина во себе си дека немам доволно добра организација за обврските и дека не ги држам конците во рака, ама не е до тоа, ами до брзово време. Па кога ќе размислам незнам што се чудам за ноември, подобро речено годинава прелета.

***
По никаквиов ден, и по турбо неделиве набиени со се, освен со време за добар сон, се изнаспав фино. Морав, денов и марфи ме растурија!
Ситуација1:Арогантен млад професор кој сака да те малтретира пред мангупите ( гарант во младоста бил најнепосакуваниот дечко и дечко кој примал рецки и корпи), па сега надокнадува и те остава да трчаш по него, додека он е во филмот "не разумем, не видим, нисам из авде"!
Ситуација2: Бившиот со нова женска, незнам која по ред, пред мои очи. Како да не созреал, вечно во свој млад стил и дух, 10 млаџа од него, бравос!
Конклузија 1:Не е тој крив, едноставно, незнае да биде со една, а јас незнаев да бидам со таков.
Koнклузија 2: Волкот не го менува крзното!
Ситуација3: На дождов-снегов набив километража на високи потпетици колку за цела година. Уништени чевли, извалкани фармерки, уништена тазе фенирана коса. Го одбрав денот за пешачење.

***
Лош ден или лош период не значи лоша среќа или живот. Веројатно сум една од ретките што се радува на секој нов ден, се радувам и гаам надежи и покрај лош ден или некој пораз. Сонувам и посакувам. Секој е креатор на својата среќа и животец, а се додека дишам ништо не е загубено. Изгубена битка не значи изгубена војна. Со секој ден учам и созревам, ојачувам, стојам позади одлуките и грешките,растам!
Најголема среќа и радост ми се моето семејство, посебно поврзани сме. Среќа е партијата' не лути се човече ', додека во позадина оди нешто од Ролинг Стоунс, Битлси, Франк Синатра.Среќа се шегите на сметка не некој од нас. Среќа се нашите гласни смеења и сјај во очите. Среќа е нашата меѓусебна љубов и грижа!!!

Постов ми нема никаква поврзаност, права турлитава.
Одам на чист воздух, реткост во Скопје.

 

Она кога ке ги потрошиш 20 GB нет за помалце од месец и само кога ке си купите еден и секој KB ке ти е важен, само нет да имаш.. Толку кученце, до 5-ти заборави на јутуб и разни други страници шо ти зимаат повисе MB дека ств ке ти требат, може и уште 1 ке купам не се знае..

Инаку батали ова погоре, синоке се вртев, се вртев и одвај сум заспала. И денеска станувам во 6 саат и како и обично почнав да се спремам, но дека? Ми текна дека е ден на дрвото и ги дингнав ролетните и има што да видам.. Се е бело, онака си мава без патдон, и ку4енце се свести дека треба да си купи чизми. Ама секогаш вака чекам снег да падни за чизми да си земам. И тоа еден ден пред да идам за Бугарија, море и лани така направив, на најдолемиот дожд јас идам низ град, луѓето гледат да спасат некоја глава (демек 3 ги имат .-.) а јас трчам последни биле во продавницата. A сега дали пак ке трчам? Незнам, ако има некој отворено арно, ако не, со патики тоа е.

 

Легнав рано и конечно станав асално во 6и30..јеее, станав имам што да видам бело е се. Прекрасно е.

 

прекрасно снежно утро, ги сакам ваквите утра најмногу...СРЕЌНА СУМ ве сакаааааааааам

 

Утринска борба со снегот во дворот,како домаќинка мора нели да го исчиститиш.Чистиш со метлата и доаѓаш до крушата ,а во тој момент комшиската мачка решила да скока од гранка на гранка.Снег над мене и околу мене како густа сребрена завеса, а од мене излегува смеа на радост.Ме потсети на детството на иста ситуација кога татко ми ја залула старата јаболкница а јас наивно чекав што ке се случи.И кога падна целиот снег трчав и барав и друго дрво за да ми го направи пак иститот снежен спектакл.Мора ова денес да го пробам со децава.
Она што ми треба,она што го посакувам ,она по што плаче детето во мене е една убава ,снежна и со лед окована бајка,приказна од снегулки и студен ветар и дрво со гранки тешки од снег,да застанам под него и стрпливо да чекам да ме опколи белината од сите страни.Да затворам очи и таму сум,во моето село...по кој знае кој пат...

 

Кај се чуло и видело надвор снег насекаде забелено,ние ќе одиме да засадуваме дрвја.Пологично би било да го чистиме снегот надвор отколку да садиме дрвја.И како обично од секој клас имаше најмногу по 5-6 деца додека другите дома си спиеја и пак исто си поминаа без да бидат запишани ниту пак нешто ќе бидат казнети.Не е фер тоа така...некој да оди да се смрзнува а некој дома да си спие....

 

Утрово ме буди гласот на мама: „Стани Мунстоун, види низ прозорот, снег!“. Јас уште не рассонета трчам кон прозорот, весела, радосна. Па дете сум бе мајку му стара, ќе се радувам, него што?!
Се прашувам дали има уште некое лудо дете што излегло утрово да го слика снегот ?! Уште по пижами, апаратот во раце и трк во двор. Арно ама, мама ме фати на дело веднаш свика по мене! Ама пуста желба да го сликам снегот додека не се стопел (да, да ќе се стопи на олку ладно време) ..
Денов е створен за пиење чај и читање книга, или пак играње во снегот.
Го „отупевме“ со снегот, знам, битно на фејсбук не објавив ништо, тие таму бетер се! На секои две минути статус за снегот, јас ќе почнам коментари за снегот да пишувам, бреј!
Ај, гудбај.. Ќе одам јас. Имајте убав снежен ден, радувајте се!

 

Прекрасно утро
Почнав и јас да ја чуствувам новогодишната еуфорија
Нештата кои доаѓаат со зимата ми ја исполнуваат топла душата, како целиот град да има посебна светлина, посебна магија во воздухот, се е толку убаво, бело..
-Одам јас да појадувам, баба направила тиганици
Имајте убав ден !

 

На форумов одамна немав пишано. Всушност и немам што да ви напишам.
Обврски, учење, преку глава ми е. Душава попразна никогаш не ми била. А јас по запустена не памтам дека сум била. Воопшто не внимавам на себе, заборавив на себе.
Ама ако, денес денот ептен ми е убав. Временцево е преубаво, од кога го чекав снегот! И не знам зошто толку моногу ви пречи? Зарем не е убаво вака, се да е бело? Преубаво е! А уште поубаво ќе беше да имаше некој душава да ми ја згрее, да ми каже некој нешто убаво, малку внимание да ми посвети. Уствари една феминка пред малку ме изненади, одамна си немавме пишувано. Прегратки до неа!
Ама да ви кажам право и шоља чај добро си ја врши работата. Некако ептен убаво ми влијаат и снегот и зимава. По спокојно се чувствувам. Си дремам и јас заедно со придодата.
Да ви кажам нешто посебно и интересно, немам. Ама можам само да ви посакам да уживате во зимава и снегов. И сега јас ќе отидам до прозоров, да си ги опијам очиве и душава малце, а послем тоа да отидам да ја дружам книгава. Оти друг за мене нема да научи.

 

Надвор снегче, јас си јадам бисквитки и млеко пред лаптоп, си читкам фемина.. Прекрасно утро.

 

Освен на Фејзбук,снег врне и на Инстаграм! Со интезитет од околу 10 слики во минута.