[СДК] Сакам да кажам...[Стара тема]

Си го гризнав јазикот пред некој ден, вчера пак на истото место си го гризнав... и денес пак... АМАН БЕ ВИШЕ!

 

СДК дека треба што побрзо да се заклучи темава, зашто премногу се изнервирав кога ја видов.

 

И конечно утре ке дојде...5 дена од една страна ми поминаа брзо, но од друга страна во исчекување
И ми кажа промена на план, дека ке дојде утре одсабајле и јас ваква
Си земав се исчистив, собата моја ја светнав, купатилото исто свети , ми остана уште ходникот но тоа ке мора утре бидејќи се нема време веќе Сега ми остана уште да чекам

 

Пластичната гитара можеби нема онаков звук како што верувам тој би сакал да има.
Неуморно свири.
Го среќавам често,низ улициве на градов, и во време и невреме.Има околу 13 години, блед тен и копнежливи очи,насмевка и видливи желби.

Нешто по деветнаесет часот,чекајќи лифт го здогледувам,изгледа како залепена слика од скинати среќи тука и таму по некоја желба,верувам ги има.
Можеби сака да биде музичар можеби пилот.Можеби.Дете.
Оди некаде каде мора сам за себе.
Талка меѓу сиви облаци и луѓе.

Носи кесича со паломи,подоцна ќе ми се пофали дека продал и заработил денес.
Му нудам добар збор и пари.Последните во мојот новчаник.Ги зема заблагодарувајќи се.

Претходно две девојки пробаа на индиректен начин да го игнорираат,сакав да ја избришам нивната трага.
Толку е искрен и сака топлина ,со рачињата, ми дава пакетче паломи молејќи ме да ги прифатам.

Во тој момент во воздухот лебди судбина,се прашувам за неговата.Никогаш нема да можам да ја знам во целост.Но се надевам за него.
Се надевам ќе си ги чува соништата.

 

Храброст, та храброст, сте заборавиле од лекциите по историја што значи храброста затоа денес го сквернавите зборот! Леле Фифи и Зелко колку се храбри, леле локалната калаштура колку е храбра не се срами од светот и јас облеков зелено капче денес, видете ме колку сум храбра глупи се луѓево бе!

И нешто друго, многу мразам кога ме копираат. За таквите... добро бе, знам дека сте неинвентивни и дека ако не украдете и не преработите нешто туѓо нема да ве бидне никогаш во животот за ништо корисно, ама тоа не ви е оправдание за да почнам да ве разбирам и да престанам да ве сметам за лигави и неспособни нискоинтелигентни цицачи од кои полека кородира СЕ.

 

Колку би сакала да отидам некаде далеку...кајшто нема никој.Сакам да биам сама и да размислам што се случува околу мене.Сакам да отидам високо во некоја гора и да седам една недела таму без никој да ме замара.Да си ги средам чувствата и мислите.

 

Spoiler

Зошто кога секогаш ќе помислам дека се‘ ќе помине,дека не е се така црно се појавува причина за повторно да се вратам на почетокот. Туку згора на тоа на сите сум им трн во окото.А што лошо виделе во мене!? Хмм.. А можеби е лошо тоа што на секој се трудам да му угодам, а на крајот самата да се заборавам дека и јас сум личност и треба малку повеќе време да одвојам за мене :geek:

Е таа е. Кога на сите се‘ им дозволувам т.е. да ме искористат
никој не ми е крив
***
Во последно време ми треба малку простор, некаде да отидам па макар и на кратко, сите некако ми вршат притисок .. .

Ќе помине, би требало да помине....

 

Хај

Еве сум јас после долго време. Ви немам пишано неколку месеци, но секогаш кога имам време ве читам.

Епаа за ова време додека не бев тука, се заљубив.. Има уште да ви кажувам, ама ќе оставам за друг пат.

Во последниов период и немав толку време за да ви пишувам, ама од сега почесто ќе бидам тука.


Поздравче до сите.

 

Вистинската убавина не е во лицето... туку во срцето.

 

како може девојка која работи како асистент во фирма само 2 месеци да биде толку амбициозна и да сака да напредува за толку кратко време и тоа вработена преку другарка тоа е пирамида-почуваш од најдолу па скала по скала-се до врвот
дознав каде има бесплатни курсеви за компјутери па здравје утре да дознаам нешто повеке
периодов сум навака натака- а кога ке почнат и трибини и активности не знам од каде ке најдам толку сила за да успеам, а денес цел ден окапав за едно ехо на дојките-и како тоа да ми беше малку заедно со докторката имаше и млад иден доктор во ординацијата-го чув како коментира ми доагаше една да му удрам ко да не видел женско до сега

 

Не за џабе рекле дека за се' треба време...
Јас се надевам тоа време нема да биде доооооолго и дека побрзо ќе го дочекам тој повик
Уф, колку мразам да чекам..

 

Едноставно имам посебна љубов кон белите мечињааа

 

Чудни луѓе сме ние Македонците,никогаш нема да разберам како функционираме ...Толку драстични разлики а толку малце народ ...Поделени од патриоти до продадени души ,од вмро-овиц до сдсм-овици ,од оваа страна на вардар и онаа страна на вардар,од скопјани (намрно со мало с ) до провинцијалци ,од богати до сиромашни ,итн да не набројувам.
Денешното време си носи многу поволности,погодности ,уживање ризик и резултати но знае да биде и дрзок.суров и безмилосен.Барем сега ги има сите работи што фалеле во минатот за да бидеме спремни за фер борба со животот .Убаво е кога ке бидеме и наградени ненамерно но сепак заслуженото е по драго и мило .До кога нема да прифаќаме дека неможе да биде како некогаш ,генерациски унаказени луѓе поради фактот да чекаат и патат само за подобра иднина .Зарем не се научи лекцијата до сега дека не се враќа тоа време ... Се повеќе не се пронаоѓам во муабет со генерацијата .Живеат во филмот и концептот на живот на Ех-ЈУ или пак се толку модерни со измислените (лоши работи ) на денешницата .Илузии и филмови ,измислени работни места,измислени називи ,прекари па и измислени таканаречени пријатели (виртуелни ).Дадениот чесен збор веќе не важи како некогаш сега лајк е пресуден за почит,демонстриање на почит и доминација со материјалните актуелни работи ..
Велат дека модерното време е лошо и носи мн негативности ,но еве јас не се согласувам .Ми годи модерно време (контролирано и разумно ).Мора да се прилагодат на тоа сите ,но како кога некој едноставно сака да остане глуп со сила ,ужива да биде против цел систем ,и едноставно не припаѓа во модерното општество и штрчи !Необразованост,нестручност ...ради реда се во животот .Таквите ги викам (од 8 до 16 или модерни социјалци ) ...
И сакам да кажам нека не се чудат кога ке се направат промени кај некого ,најчесто кон подобро бидејки некој живее во балон наречен плата (врти сучи мн работи зависат од парите ) .Е баш таквите модерни социјалци се оние кочничари,љубоморни суштества од роднини ,колеги и комшии.Среќата не се глада на банкомат само од 1ви до 5ти ,јас ја гледам во она што го правам да биде успешно,почитувано и пред се исплатливо .. ..

 

Ми се смачи од се!

 

Дремка не ме фаќа,а ако си легнам утре нема да можам ниту да се освестам.А морам.
Денов тапа,потака-здравје!
Надвор ладно,премногу,кога се вратив од Центар прееска образиве ми беа жар црвени 10 минути потоа.И пак ко за џабе да излегував,така ноншалантно ми помина денов.


Туку,одам сепак да пробам бар да заспијам.Слатки сништа.

 

Нека започне магијата
http://www.youtube.com/watch?v=6oW44aeioio

 

Ептен, значи ептен ми е мерак кога ги читам мамички тука по форумов, уживам гледајќи ги сликите во темата Последно што купивме за бебушот , читајќи ги Труднички муабети, се породив, породилни приказни.. Искрено и мене ме фаќа желба, сакам да си имам бебче, да го гушкам, да го хранам, да го чувам .. да ви се придружам во темите .

Туку.. наскоро на брат ми му е роденден, денес бев при пари и му купив подарок, зедов дуксер и дезедоранс, убаво ги спакував во украсна хартија и му напишав една мала порака.. се надевам ќе се му се допадне подарокот

 

СДК уште од дете од најмали нозе верувам во суперхерои. Често околинава и ближните ми се смеат ради таа моја нереална верба но ете мене ми е убаво така. Прва љубов уште од времето кога не знаев што е љубов ми беше сега веке покојниот Кистофер Рив алијас Супермен. Од секогаш сум сакала да имам покрај мене маж како него. Висок,крупен,снажен но најбитно од се доблесен,искрен и нежен.

Сакам да верувам дека денес во ова испревртено општество постојат Супермени. Можеби нема да летаат, да се нереално силни и со продорни погледи но нивното суперхеројство ке бидат нивните карактерни особни. Сакам да верувам дека постојат искрени и доблесни луге. Херои кои анонимно не одминуваат секој ден на улица,на факултет, во продавница... Некој кој ке се грижи за мене и секогаш кога ке ми биде тешко ке ми подаде рака и со своите зборови и утеха ке ме вивне високо во облаците за да заборавам на болката и тагата.

I need a hero. I'm holding out for a hero 'til the morning light.
He's gotta be sure
and it's gotta be soon
And he's gotta be larger than life!
http://www.youtube.com/watch?v=OBwS66EBUcY

 

СДК никогаш не планирајте нешто однапред, скоро никогаш не излева по планираното

 

На сите нас понекогаш ни се случува да потпаднеме на нечие ТЕ САКАМ... Многу влегуваат во нашиот живот неповикани и непосакувани, сами...Некои доаѓаат тивко полека, така незабележливо, некои доаѓаат како тајфун, ќе направат бура во нашиот живот и ќе си заминат... Исчезнуваат како и никогаш да не постоеле, а ти остануваш да чекаш на некој нов знак, некој нов повик, едноставно чекаш да се случи нешто...
И така времето ти поминува чекајќи...
Некогаш тој знак може и никогаш да не дојде и со текот на времето сфаќаш дека таа приказна е веќе завршена... Продолжуваш понатаму...
И на крајот, сепак, не вреди да чекаш некој што знаеш дека никогаш повеќе нема да се врати... Само треба да сфатиш пред да биде предоцна...