[СДК] Сакам да кажам...[Стара тема]

Cамо среќа и убави мигови да ни донесе овој магичен месец

 

Епитет,компарација,метафора,метонимија,симбол,алегорија,градација,антитеза,словенска антитеза,иронија,сарказам,асонанца,алитерација,ономатопеја,реторско прашање,апострофа,анафора,литота,оксиморон...
И што уште не.

Посакајте ми среќа за тестот македонски утре.

 

Само што си го прочитав месечниот хороскоп и си се израдував. Сакам кога луѓето сакаат да ги насмеам, сакам кога пријателите ме бараат за совет и кога знам како да им помогнам, сакам кога некој ми ја сака чудната смисла за хумор. Ми се допадна делот со тоа дека конечно ќе ставам крај на некоја мината врска околу 7ми. Нека помине се и никогаш веќе да не помислам на тоа што беше
Почнува еуфоријата... подготовка за новогодишната вечер и нормално прашањата каде ќе одиш, со кого, што, како... Каде и да одите убаво да си поминете, јас уште не знам, ама не е ни важно.
Новогодишна желба ми е да си ги доположам испитите и некое чудо да се случи да добијам еден телефонски повик.
Ве оставам во добро расположение

 

СДК

 

Добредојде ДЕКЕМВРИ !
Нај магичен и нај прекраен месец...
Нека ни биде среќен , волшебен , исполнет, радосен и нека ни донесе само убавини...
Најубаво да ја испратиме старата и Уште поубаво да си ја дочекаме новата 2014.
па на сите ви посакувам
-ИСКОРИСТЕТЕ ГО ОВОЈ ПОСЛЕДЕН МЕСЕЦ ОД ОВАА ГОДИНА ДА ГИ ИСПОЛНИТЕ РАБОТИТЕ КОИ ШТО СТЕ ГИ ЗАЦРТАЛЕ ЗА ОВАА ГОДИНА А СЕ ОНА ШТО НЕМА ДА ВИ СЕ ИСПОЛНИ ДО КРАЈОТ НА ОВОЈ МЕСЕЦ КАКО ПОДАРОК НЕКА ВИ ГО ДОНЕСЕ НОВАТА 2014, НОВИ ПОЧЕТОЦИ СРЕКА И ЗДРАВЈЕ...

 

Некоја слободна да ми пише лп?

 

Нов месец,последниот од 2013.
Мислам дека покрај сите работи кои ни се случиле изминатава година,треба да собереме сили и да ја заокуржиме 2013 година со уште неколку убави спомени кои ќе бидат дел од Декември.

Нов месец,последен од зимскиот семестар.
Ох,што ќе биде убаво и семестарот да го исчистам и да уживам во првиот месец од 2014.

Нов месец,нова среќа.
Почнува одбројувањето за Новата година

 

Сегашноста е единственото време кое е важно и единственото време кое е реално.

А во сегашноста има и некој нов стил, мода или лудост ..
Пирс на едната веѓе, два три на другата, на ушите- увото, обетки, не зна им се број.
И една пирс обетка змија.
Тетовирани раце од горе до доле. Долга коса несредена џунгла.
Тигресто, лавовска, чакалско, волчја јакна. Чизми шпиц од позади со едно тркало на кое не му се знае намената. Беше само еден од групата. Да се само тие, и тие би небиле... се накотиле.
Метро, место на се и сешто.
Ја прашувам пријателката. Меги, како се викаше она што им го ставаат во нос на разбеснатите биков за да ги скротат - смират кога скокаат? Она де... го повлекуваш јажето кое е на прстенот во носот и тоа дава болка која ги обара. Сурово знам. Ете таков прстен имаше во носот.
Ми вели, ова не е нормално.
И на плашилото в поле ќе застане некоја чавка.
Кој стил е ова жити мајка. Збеснат стил.

А пак девојкава, приказна за себе.
Од страна брич а на средина коса штиркана, секое влакно своја политика...
Некои шалвари и кожна јакна. Ланци и тракатанци, крстови ни кукести ни Божји, на ланциве и клучеви ко од некои зандани. Шминка црна ѓаволска, кармин мртовечки...
И се доближи. маче, имаш цигара?Мачки да те распарчат, имам солна киселина.
Нејзиниот мозок не беше програмиран да го протолкува значењето на солна киселина.
Почна со црната мастика да прави балони ... се смее за подобро да и се види продупчениот јазикот..
За на крај да се заврти кон камерите и да им покаже среден прст.

Сдк во Македонија имаме најнормална младина.
Добро де, има по некој педер и некоја дволична гуска.
Ама далеку се од неидентификувани суштества.
Меги ми вели, што в комшии тоа и кај нас, дан сме јас и ти во минатото а младинава во иднината
Терај мори патот, ние сме си нормални, смрзнати, пролазни патници

 

Собрав 37 фискални кога дознавам ... Почнува од први декември. OH NO!

 

Добредојде Декември-те молам исполни ги нашите желби.
Ете за еден месец е нова година, а сеуште ми се свежи сеќавањата за претходната-како вчера да било.Се надевам овој месец ќе ми биде исполнет со среќа,радост,убави оценки и љубов секако.
Уживајте во празничната еуфорија и не дозволувајте некој да ви го уништи расположенијето. Позз

 

СДК ги обожавам моментите поминати со и кај баба ми.
Посебно кога на гости и е некоја пријателка.Е тогаш почнуваат:која умрела,што праеле,каков ручек имале,која колку исчистила,па ќе треснат и некоја зелена(обично ко тинејџери како се будалеле или од некој муабет со некоја друга личност).Абре луѓе,како после да не се смеам? Не се интересни темите на кои разговараат туку начинот и имитирањата кои ги изведуваат.
А,јас само си седам на фотељата,со биологијата пред мене,и ги слушам наместо да учам за дигестивен тракт.Ако го избегниме фактот дека не знам што се случува со него и дека немаше јасна причина на брејк ап на мојата врска,да толку од викендов.
И така.Недела помина.
Амин.
Од утре со нови сили кон победа! *Учење де.
Бидете ми поздравени и добри.

 

Жива е таа ланската кобила шо умре?
Aхх здраво гајс, како сте? Како што знаете, дојде 1'ви Декември, и како и секоја година ѕидов на фејсбук ми е преполнет со слики како ‘Хелоул Децембер!‘ !Веклам Децембер!‘ и така натаму и така наваму А и со овој што умрел глумецот, искрено и него го имаше многу, ама тоа е, нека му е лека земјата, до таму му била рецката
Тоа е се народе за денеска, утре ке ви раскажувам како сум си поминала на школо, ко демек многу ве интересира како ми било..
Со љубов
вашето кученце
Ај чао сеа!

 

Нов месец, последен во оваа година, време беше за промена ...

 

Чудно е да го љубиш мракот.Да сонуваш за денови среќа.Да имаш 20 години и да допираш дно во себе.
Чудно е да не си ја чуваш душата од лоши гласови и студ,да ти ги крадат погледите и сјајот да ти бледнее.Чудно е на својата нијанса да и ставиш име сива,и секогаш само тонот на бојата да се разликува.Чудно е да си ги трошиш деновите колку да поминат, да нема што да ти ја предводи ноќта,а соништата да ти се трошат во зборови.Да се прашуваш каде доцни твоето време.
Во животот да отвараш рани.Кои не смееш.Да го живееш сопственото невреме.Да се губиш во сопствениот мрак.Да скиташ во ноќите.Да пишуваш за да запомниш.Да молчиш.
Да му се препуштиш на ветерот.

Зад трепките да имаш свет.За кој вреди да се сонува.

Сакам да отидам некаде далеку некаде каде што не сум била.
Да не се километри кои треба да се изминат.
Да се нијанси кои треба да се обојат.


...

 

Помина уште еден преубав викенд поминат заедно со тебе ... фалаа ти на убавите моменти
Ааа да и да ни се множат деновите месеците и годините поминати заедно здравје уште 2 месеци па 3 години
Убаво ми е кога сум кај тебе али ме ставаш во мисли Знам дека сакам да сум со тебе секогаш но чекај бее рано е за верење и тие работи , дај не заебавај,сакам уште малку да сме дечко и девојка
Да де уште малку , пример уште некоја година а ? Па скроман сум шо несакам да сум ЖЕНА уште сеа + и искрена сум
Убаво ми е и 4 дена кај тебе и 7 и цел месец али љубов моја дома си е домаааааа !
Сакам дома ,со мамичка да си муабетам да сум си слободна а не сама во стан затворена а ти на работа па
Или знаеш што ако не да почнам да размислувам и јас на таа тема за да си се вериме ама од моја страна ќе има услов а тоа е: Да ми дојдеш домазет (не за стално де )

 

СКД дека многу е глупаво што никаде не прочитав изразено сочуство за пријателот на Пол Вокер...
Или тој не е познат,и не е човек?

Жално е и за двајцата,познати или не,луѓе беа...

И аман веќе од сообраќајниве незгоди!

 

Како се викаат овие? Знам дека на англиски ги викаат Wind Chimes ама за кај нас не можам превод да најдам?

 

Толку многу работи сакам да кажам, да зборувам со некој, без да ги замарам моите и дечко ми, онака да се олеснам на душата, мислам дека 10 кг товар носам на душата понекогаш.

Уф како ги мразам ваквите денови, кога хормоните ми лудуваат, кога од болки ми трпне устата и кога по стопати на ден се прашувам дали си го губам умот од оваа глупа психа или па , ама штом се прашувам веројатно сеуште си стои .

Периодот што ми измина не беше ич, ама ни најмалку убав, 2,3 месеци стрес и само стрес. Молам Бога од сега само убави работи да се случуваат, мислам доста е, не можам уморна сум од лоши работи . Понекогаш сакам се што ми се случило лошо во животот да можам да го избришам, не сакам да се секавам на него, секогаш кога помислам се јавува онаа грутка во желудникот што мислам дека ме гризе од внатре, може јас затоа не можам да мрднам ни 20 грама .

И во моменти на вакви денови ми требаат пари, многу пари, ама ај погодете де што - ги немам . Може па и добро е што ги немам, ќе се заборавам трошејки се, со изговор на лошиот ПМС, па после ќе се амкам што сум ги потрошила. Хихи џабе се нервирам што немам работа, абе знам јас понекогаш добро е што ја немам, барем нема да одам во минус , ај барем да си се тешам ако не друго .

Се надевам оваа Новата ќе ми донесе многу убави работи, не сакам луксузи, сакам здравје на мене и моите сакани, нормален живот, помалку стрес, многу радости, и една нормална работа - мислам редно е ! Нека донесе радости кај секого и доста е веќе со лошите работи кои се случуваат кај нас и во светот, нека се вратат насмевките кај лугето како некогаш, ама оние искрените ...

 

Дека имам еден купм прашања низ глава но никако да најдам одгобор

 

Толку сум за никаде што упорно си го одложувам обврските од личен карактер и интерес. Шамар за мене ве молам!
Се плашам да ги почнам. Да,да, се плашам...
И 3 саат ме фати бре!