[СДК] Сакам да кажам...[Стара тема]

Не се сите девојки исти има и такви кои ќе те побараат во 3 наутро само да ти го слушнат гласот, девојки кои ќе те изненадат со убава порака само да ти кажат колку им недостасуваш, кои секогаш ќе бидат тука за тебе и кои ќе ти бидат поддршка во животот а не обврска. пријатели чувајте ги таквите девојки .. малку се

 

Вие, лицемерите, да знаете дека има луѓе кои памтат што сте поддржале или сте кажале за/против некого/нешто, а потоа сте го направиле обратното заради статус, положба, интерес.
До тогаш, ќе го ширам тоа ваше чудно погано слабачко нешто кое го носите.
Колку сме одвратни како народ, се уште не престанувам да се импресионирам. Ако ви е се што ви се случува, дури и малку.

 

Некомплетно...
Така се чувствувам веќе подолго време.
Ми фали еден дел од сложувалката која упорно се трудам да ја сложам. Но, залудно.
Тој еден дел секогаш ми фалел. Иако се` друго било во најдобар ред.
Нема зборови со кои би можела да го објаснам она што го чувствувам во моментов. А и кога би можела не би ме сфатиле.
Измешани емоции. Секакви луѓе. Различни размислувања и сфаќања на работите.
Јас, останав иста. Песимистички настроена, со расположение кое се менува 1562 пати во секунда.
Очекување на најлошото, а со надеж дека ќе се случи најдоброто и дека конечно се` ќе биде во ред и сложувалката конечно ќе се сложи.

 

Не ги паметам соновите.Можеби првите неколку минути после будење,а потоа без трага изчезнуваат,само некоја слика успева да преживее.И во тој краток интервал границата меѓу можното и невозможното се брише,реалното и нереалното се допираат ,нежно како прв бакнеж .Не сум од оние кои живеат во соништа,непоправлив реалист сум,не можам дури ни да фантазирам ако нема барем трошка реалност.И баш заради тоа тој период меѓу сонот и јавето најмногу го сакам.Останува по некоја слика пред очиве .
Многу често сонувам кошмари ,но некогаш многу ретко и сон кој е прекрасен.Како што се случи утринава.Чудесно реален ,толку да сум сигурна дека некогаш и некаде навистина ми се случил.Плачев по будењето,иако само неколку секунди ,и кога сликата изчезна веќе и не бев сигурна зошто плачам.Се сеќавам дека носев подарок,се сеќавам на топлото ветре кое се поигруваше со црвената сатенска машна,и се сеќавам на небото со боја на вишна на границата меѓу хорор крвава и страстно љубовна.
Кој знае што сум сонувала ?!

 

Леле ќе умрам, видов јакна и капутче баш какви што сакам, морам да ги имам леле леле, боже ангели од небо прати спортска мора да се фати, преубави се

Хороскопов ми претскажува светол месец, уште да верував дека поставеноста на ѕвездите кога сум се родила во корелација со поставеноста на ѕвездите месецов ни претскажува заедничка иднина на мене и луѓето со кои делиме горе-долу иста формација на ѕвезди. Ама забавно е во секој случај.

Јас онака сум во потрага по доброволец (или жртва ) да си ја поминеме зимата на место каде што реалноста е толку убава што мислиш дека сонуваш, она како кога си заљубен во 7мо одделение, само вистинско. И топло. Тој доброволец треба да биде невработен или доволно вработен да може да си дозволи таков луксуз како породилно, бидејќи нели, зимата трае 3 месеци, исто така да биде доволно финансиски цврст за да може и мене да ме покрие (уааа спонзоруша) бидејќи моментално за мене тоа е само сон, а не реалност што личи на сон . Принцот Хари е слободен, топ.
Уште да не ме мачеа бивши со нивните јавувања, лајкови и девојки (оу год, и тоа стигна), можеби и ќе најдев некаков излез, утеха, дупче низ кое продира светлина од пештерата... И така да си расчистам со себе и со тој еден што не ми дава мир, и ќе си бидам птичка слободна. Ако дојде некогаш и тој ден... дену ако си на пат, те очекувам со нетрпение, а верувам не сум само јас, сите во мое опкружување те очекуваме, ју кен ду ет.

За секој случај ако ова е чудесен пост каде се што си напишал се остварува, сакам милионче на сметката во банка, моментално имам 8 денари, па нема да биде лошо да имам 8 милиони. И мир во светот.

 

Го игнорирам ова нешто во грлово. Солзите не се за сега,туку за преслабите денови.
Силна сум. Или така велам.
Нешто недостига.
Што и да е,чувствувам како да ми се смее низ двострано огледало.

И само сакам да викам.

 

Мајка ми купила убава кутија за чување на фискални сметки.
Што да кажам веќе... ама убедена сум дека имате разбирачка дека тешка ми е живеачкава.

 

Утре правам тест а не можам да учам,многу ми се спие цел ден пред неколку саати ко почнав да учам..сум заспала со книгата в раце

 

^^ хаха ме потсети Лилит, мајка ми веќе собра за 3 пратки, вчера разочарано ги одделуваше постарите сметки, ја закочија со ограничувањето за датум.
Мислам, нема ништо поубаво од наивниот детски оптимизам на мајка ми што мисли дека ќе добие стан

 

Петка по македонски!

 

Го обожавам маркетинг тимот на Техномаркет и нивната некултура и на фб страната и на глупиот лажен Блек фрајдеј.
Леле, леле каков пр исповадиле...
За гревови.

Сериозно, некој беше, купи и излезе задоволен од сето ова?

 

Сите бараме луѓе, вистински човек околу нас, бараме доверба во другите, ама кога ќе се видиме самите себе во душата, ќе се исплашиме од она што е внатре.
Постапуваме спротивно од она што го имаме за цел во животот и кон која се стремиме. Едно зборуваме, а друго твориме. Преполни сме со дела кои ни малку не соодејствуваат со нашите поимувања, дела кои предизвикуваат страв и ужас дека ние сме биле способни за тоа да го направиме...
Не ја запираме помислата пред да стане дело, туку на крај размислуваме откако ќе го направиме нештото. Важно едно е утешително, што имаме малку совест и отпосле да размислиме и да се поправиме.

 

Ај, јас...

Бевме со татко ми, паузата од на работа си ја потрошив залудно.

Немаше ни 8 од 80% попуст. Одвај неколку производи беа намалени на 20%-30%...
Кога прашавме кои производи се намалени на 60-70% или на повеќе, вработениот ни се смееше и рече: ам ај за без пари да ви дадеме.

Со татко ми цел Техномаркет го прошетавме, ниту еден производ не видовме намален за 50%, а не пак на повеќе. А, повеќето производи немаа намаление ниту 5%.

Жива измама - македонска работа.

 

Го деактивирав фејсбукот
ќе ми фали само една другарка со која што комунициравме само преку фб и рееетко на скајп..
ај нема да биди за долго,за една недела ќе му се вратам за да надокнадам

 

СДК...Не само што сме најубави туку и најпаметни луѓенца сме ние Македончињата
Рано по сабајле гужва ненормална понеделничка во 50 а девојчево со книга во раце па што има врска ако има гужва и нема шанси луѓето да се разминат важно она е со книга во рака и чита ли чита ,најубаво се учи во бус,џабе учиш дома ако не повториш во бус ништо од бизнисот

 

Сум ви кажувала дека обожавам елки, лампиони, ламбичи и уште триста други чуда??
Епа сега ви кажувам. Ептен сакам да ја редам елката, само чекам Св.Никола да дојди(оти кај нас традиција е ден по св.Никола елката да се реди) и да си ја извам елката и лампионите, да си пуштам некоја крисмас и после следуваат два саати ужуванција. Добро мош се мачиме малку дури да ја наместиме елката да стои право, ама тоа не е ни важно.
Инаку малку залетав со темава јас Дојдов тука да се пофалам дека сум си купила три нови лампиони, кристални се и преубај. Едвај чекам да си ги ставам на елката. Ептен имам мераци и уште ситно останува до дено.
Ајде имајте убава вечер девојки

 

Денес се вратив во минатото.Како некоја временска машина сум овие денови .Може затоа што е декември.Месецот кога сум родена.Последниот месец од годината.Како да сакам да завршам се што сум пропуштила.Брзам ли , брзам...Сама се прекорувам , дека од толку брзање, ќе ја прескокнам сегашноста.

Дефинитивно почетокот на Декември сум најмногу депресивна.Како што се наближуваат празниците , така расте и моето расположение.
Денес во продавницата видов вештачка елка.Ме потсети на детството.Со брат ми ја пресековме касичката која беше една прекрасна црвена печурка со жолти кругови
,и си купивме вештачка елка.Ја украсивме.По некое време татко ми влезе во собата со голема природна елка.Воздухот се исполни со прекрасна миризба.Брат ми кога ја виде почна да ги трга лампионите од вештачката
Не му се допадна оти се собираше , се ронеше,се гледаа жици, не мирисаше ,(постојано ги мирисаше и двете )најпосле рече догодина ќе си купиме само лампиони . А јас пак ја гледав пресечената печурка која по неколку пати во денот ја подигнував , да видам колку тежи , ја бришев од прашина ...и по кој знае колку пати прашував дали е отровна.

 

СДК верувајте во себе и секогаш правете го она што мислите дека е исправно..немојте да се грижите за тоа што ќе кажат другите за нас бидејќи нивното мислење се менува преку ноќ..

 

Ми недостига времето во кое луѓето се сликаа за спомени, а не за на фејсбук, кога слушаа песни за себе, а не за лајковите, кога разговараа очи в очи, а не четуваа, кога за роденден си купуваа подароци, а не си пишуваа на ѕид, кога имаа кучиња и мачиња, а не играа пет вајл, кога си садеа бафчи во дворот, а не играа фарма. Ми недостигаат времињата кога постоеше ЧОВЕК, а не ПРОФИЛ !