[СДК] Сакам да кажам...[Стара тема]

Се враќаме со мака ми од кај комшииве (тинекс) со благце.
Јас жива среќна трчам нагоре со кеси во раце, отварам врата, и што да видам!!!
Сестра ми ги суредила шминките на мајка ми и тргнала да бега накај купатило да се мие. Ја фатив, и неможев да не се насмеам! Ја видов Клеопатра (овој пат смеѓа). Колку ми е откаченка бе... јас кога испробував шминка кажува немала тоа да го прави таа, не била толку приста како мене, сега ја гледам, бетер од Клеопатра...

 

Зар ви личам на боксерска вреќа на која ќе си ја испукате нервозата бе луѓе?!
Што се случило - се случило, зар треба да се испоубиеме сега. Застанете машки и поднесете го тоа што животот го донел, чекајте и надевајте се за подобри денови. Помагав и ќе помагам колку можам, ама нема да дозволам да си се олеснувате на мене.
Мил си ми, мил, ама јас сум си помил.

 

Не знам дали досега сум пишала, но слаба маана ми се попустите.
Скоро се за дома и козметика ми е на попуст. Земам се' како последно да е.
Последните пари ги трошам.
Овие предновогодишни попусти не се на арно.
Ги потрошив последните пари што ми беа за облека. На страна тргнав за храна колку да преживеам уште овие 5 дена.
И сега си се тешам дека со убави работи сум снабдена. Тоа ми е последната утеха.

 

Значи ми доаѓа да кашлам и си кашлам и мајка ми одма од позади се уфрла е така кашлај си ти кога ти викав јас да не одиш со полу мокра коса надвор не слушаш.
Тато:-Пак сега за тебе пари на лекови ќе фрлам аман со брат ти парите ми ги истрошивте за лекарства, инекции,топломери,сирупи и триста други чуда.
Абе аман не сум болна значи само ми се кашла луѓе....
Мама:-Не јас знам болна си.
Е извини ама од кај знаеш ти за мене дали сум јас болна или не сум?
Иста приказна секоја година ама ајде мајка се грижи ја разбирам.

 

СДК....Од сите подалеку....само со неколку блискост и тоа ограничена и толку !

 

Убавицата и ѕверот!
Колку слатко!

 

СДК она чувство коха ќе ги наредиш сите петки,кога знаеш дека утре е петок и дека распустот започнува за само за еден ден

 

Токму ова го чувствувам.
Убавина...

 

Она чувство кога имаш 2ка по математика Тоа е милина бре, убавина, каков распуст
И да, постои Дедо Мрас, постои, постои, постои ! и ми ја исполни новогодишната желба Само некој да каже дека не постои, тешко него, нека му ја мисли, со моторна пила ќе го бркам

 

Честитки за двојката (како што гледам си задоволна).

 

Цело Берово, сите хотели и вили букирани се до 20 јануари!!!! Маврово нема место, на Шапка нема место, во Кожуф хотелите полни, Попова кула нема место, и да му е*ам маката, нема кај да одам. Сиромаштијава тргнала по одмори зимски, никој пари нема за леб, а сите хотели за празнициве полни. Јас прв пат решив да одам зимно време на планина, и не знаев дека сиромаштијата одела по хотели и дека нема да има место никаде
Апартман се нема, куќа се нема, значи СЕ Е ПОЛНО!!!!!!!
И тоа не за 31-01 јануари, туку се до 20ти И така, разочарана, со собрани пари за прво зимување, дома ке седам. И ке гледам на ТВ како никој немал пари за леб, ама за хотели има.
Инаку колегата со жена му отидоа на скијање во Швајцарија. Жена му работи во банка, па си можат. Јас ке штедам уште 3 години и ке одам таму, ама како што сум баксуз и за таму ке биде преполно.

 

Им завидувам на 12-13 годишните „заљубени“. По Фејсбук, во сите муабети и на сите теми - ОН им е најважен. Ах, деца, деца...

 

Најубавите пакетчиња како мала ми беа оние од тато
Порачани од Краш за сите вработени, со највкусните производи во нив.
Последниве неколку години, татко ми е задолжен за пакетчињата на синдикатот, па секоја година ова време дома ме пречекуваат повеќе од 60 Краш пакетчиња...
Ги гледам и му викам на татко ми: Тато, а јас ќе добијам пакетче годинава?
Тој: Ако си дете до 10 години - ќе добиеш.
- Абе јас ќе си останам дете во душата засекогаш, а математички пресметано, мене ми следуваат 3 вакви пакетчиња

Не е важно, јас годинава си добив убаво пакетче.
Нов мобилен телефон, една 9ка и една 10ка во индекс и парче душевен спокој.
За мирно да си ги поминам претстојните празници, па со нови сили во јануарската сесија.
Сега ќе си дозволам единствено да ме боли глава за тоа која книга попрво да ја прочитам.

 

Невиден досадлак сум, ама ќе ме потприте уште 2 поста. Овој и уште еден. Затоа сега ќе ги ставам во спојлер, знам дека не сакате да ги читате

Spoiler

Германски тестот петче За едно бодче де
Ама професоркава е најлошата досега. Значи ич не ја можам. Не знам дали е до мене, ама нормално ли е да ги пресметува поените на дигитрон? Па уште и на многумина им е грешка пресметано така што имаат цела оценка различно. И да, сте виделе некој професор да час да си пљавка гума за џваќање, да прави балончиња и да ги пука? Претеризам. Нели ние треба да ја сметаме за пример? Каков пример е таа, жити се?
Историја денес правевме, ама 100% е четворка. Сто посто! Нема промашај. Четири прашања згрешив. Ама ќе ми е петка на полугодие сигурно! Утре географија и биологија. Добро, биологија. Географија рече можеби.. Абе ја знам јас, од кај она толку да е способна да провери тестови за еден ден и да направи нови? Нема шанси. Биологија, материјалчето е вода. Само ќе го повторам.
Македонки петка! Ми фалат само две бодчиња.
И така. На клупа седам - петки редам - лед ледам. Ај доста.

Денес од школо на купување! Си купив хеланки со снегулки (спојлер) и една блуза.

Ииии, најважно! Со мајка ми му направивме изненадување на татко ми, му купивме гитара. И да не можеш раат географија да учиш, дрн дрн дрн. Црна е со метални жици. Јас не знам да свирам гитара, и нема да знам. За музика, а-а, ц! Јок!

А се сеќавате дека ви реков ќе дојде братучетка ми и планира изненадување ама ја откривме. Стварно беше изненадување. Со неа дојдоа и братучед ми, и тетка ми, тетин ми
Прекрасно! Возбудена сум за Нова година. Супер е годинава не се разболев, пу пу! *смајли потплукнува во јака*

Како и да е. Имајте убава вечер

 

Карактерот на човекот најдобро се гледа во неговото однесување спрема оние од кои нема никаква корист"

 

СДК ... Не разбирам како луѓево не разбираат кога не можеш нешто да направиш,па колку и да сакаш.
Моите моментално се во потешка финансиска состојба,поради тоа најверојатно ќе останам дома за дочекот на Новата година,ама не бе неее,кој да разбере.Сите те осудуваат одма,ти кажуваат како ти не сакаш да одиш,како ти не сакаш да бидеш со тие луѓе.Сакам бре луѓе,сакааам...ама не се оди така на Нова година,без пари,па и јас сум човек...сакам барем еднаш во годината да си дозволам целосен аутфит(не дека сакам нешто претерано и кичесто),едноставно да биде ама што да правам сега кога ни тоа не можам да си го дозволам во моментов,што ? -Да им ги земам последните пари на моите за да задоволам некој за една вечер ? Епа не,тоа кај мене така не оди.Разберете дека не е се' така како што вие замислувате.
Сите гледаат површно на работите,не те прашале како си,а знаат да ти зборуваат.Преку глава ми е веќе од таквите.
Гледаш да им кажеш на убав начин да разберат,да не повредиш некој и пак на крај јас сум повредена од нивните зборови.

 

Па зошто и ти не се заљубиш?

Инаку што сакав да кажам, а да ми текна сега.
Колку што сакам да се вратам во Скопје, толку и не сакам. Зошто?
Зошто народот е отупен и глуп и никој не слуша друга светска музика освен српска музика, не знае например која е Ријана, а ги знае сите балкански пејачи од а до ш. Се слуша само Цеца, Северина, Саша Ковачевич и не знам уште кој. На телевизија само се гледа Фарма, Биг Брадр... Па добро бе луѓе, гледајте барем Кардашијанс (не дека и они се нешто подобри, ама сепак), сепак можете да научите нешто, англиски (тие што не знаат).
Не знам колку ме разбравте, ама сакам да кажам дека луѓето се станати сељаци и не знаат ништо друго освен гледање Фарма и сл. глупости, слушање Цеца и сл. и седење по кафани.

 

Не се возбудувам превише за тоа каде ќе ја поминам новогодишната ноќ! Искрено, многу повеќе размислувам за нештата кои сакам да ми случат во годината што доаѓа,што да сменам,што да превземам,да бидам што посреќна,да си посветам повеќе време,да се смеам! У принцип ја сум како малите деца т.е се уште се сметам за едно големо дете што толку се радува на тоа зелено дрвце таканаречено новогодишна елка! Понекогаш се прашувам како може да има толкава магија,ја гледам, и секоја сијаличка,секој лампион и украс како да кријат по некоја желба...
Ете тие мали работи ми ги исполнуваат овие последни денови што се пластат како снегулки од бајка...
Брат ми да свири на гитара,со мама и тато да пееме како кога бевме деца,да гледаме филмови,да го исчекуваме заедно огнометот..ете тоа ми се плановите,тоа највише би ме исполнило по сите овие години!
Време е за нови фамилијарни спомени,и сега е моментот! Убава вечер драги луѓе!

 

Уште еден ден и готовооооооооо,распуст,распуст....конечно

 

ние ќе учиме и во понеделник...
Но, сигурно ќе биде денот така, празен. Сигурно ќе играме брза географија, ќе пееме, ќе се глупираме, ќе пишуваме состави за распустот и празниците... Е, ако биде како лани, ако после 6 часа дојде класната и пушти музика...тогаш навистина ќе цркам...
На физичко утре ќе играме оро, а тоа не ми е силна страна. Со други зборови: не знам да играм оро. Но ако, ќе си стојам до прозорецот.