[СДК] Сакам да кажам...[Стара тема]

Мразам петарди!
Можеби сум единствена,ама гајле ми е!
За нова година ајде,прифаќам некако што фрлаат иако јас во рака немам фатено,но што е ова одиш по улица петарди пукаат околу тебе.
Да не можеш нормално да излезеш па аман што им е на децава(во случајов врсниците).

 

не си единствена.
Толкууу многу (читај тоооооооооооооооооооооооооооооооооооооооооооооооооооооолку) мразам петарди што кога и да пукне петарда ќе изрипам и ќе писнам. Другарките се смеат, абе ако смешно им е. Пред една недела пред мене во школо пукна една петарда, луѓе во несвест ќе паднев. Уште шеќер да ми дадоа да си лизнам. Еј искрено се тресам кога го пишувам и зборот, мислам сега една ќе ми пукне... Уште повеќе ми е страв па да држам петарда, мислам во раце ќе ми пукне.
А да не почнам да зборам за огномети, тоа ти е друга прича. Утре ќе се стресам, после ќе мора шеќер да јадам.


Еј а се радувате на новата година, јас не.
Сакам да дојде, помине и крајј.
Празниците после нова година ми се многу поубави.

И така луѓе, чао и од мене во 2013.
Се гледаме во 2014.

П.С-Утре кај и да сте, со кого и да сте ви посакувам нај нај убав помин, дрва да се направите, уживајте, играјте ии со ак'л, како што би кажал татко ми .

 

Да се придружам и јас... во пеколот има посебно место за овие петардашиве Бомби, бомби на сите страни, како во рат да сме пак, без осет! И да речеш некое дете неразбрано, ама толкави магариња по 30год се расфрлале со гранатки, ракетки угхг Ќе излезам со некој пењоар како госпожата од Том и Џери со метлата, ќе фатам све живо по улица ќе бркам и тепам!

Уффф...

И овој период како ми е тешко, како и е тешко, како му е тешко, пустото на сите ни е тешко. Има ли некој на кого овој период годинава му е убав? Си даваме сила едни на други ама џабе... кога не се збира во себе...

Останете со здравје

 

Фала богу си оди 2013.Една од нај депресивните,мрачни,тажни и болни години.Многу нешта изгубив, многу нешта ме лупнаа од земја, ама продолжив да се борам и си се гордеам со себе поради тоа.

Новогодишни револуции имам еден куп, впрочем како и секоја година, само што за промена имам многу желба и амбиција да ги исполнам.Симнати мал милион серии и филмови, осмислувам различни режими за исхрана и вежби, се подготвувам за многу diy проекти и се спремам за една голема промена, а воедно и една од најголемите желби за која не се осмелував, планирам да се исфрабам црвена.Мислам иако она new year=new me е страшно клише, ама барем вреди да се потрудам да направам некој промени во новава година.

Во секој случај ви посакувам убав помин утревечер, изнаиграјте и се изнапејте се, поминете убави моменти со вашите блиски.Во новата 2014 ви посакувам многу здравје пред се, насмевки на вашите лица, да бидете опкружени со позитивни лица и нормално со оние кои ви значат и многу,многу љубов

 

Денес цел ден со љубениот си шетавме секаде,пробај ова,пробај она...многу прекрасно си поминав.Конечно се почувствував убаво.Цел град е полн со луѓе,купуваат,пробуваат,секаде гужва...не може ни да се проба нешто,ни да се помине.Секаде луѓе насмеани,тажни,загрижени,секакви.Денес на стар човек му дадов пари,имав ситни,не беа многу но ако,не можев така да го одминам.Имаше човек што продава жижици,толку тажен што не можев да го одминам а да не купам и купив,не дека многу пари земал од мене...20 денари се,но знам дека е среќен и за тие бидејќи ги нема.На крај сретнав детенце со мајка,се гледаше во неговите очи колку многу посакува да има топла облека и пакетче за Нова година,го гледав и тоа ме погледна и се насмеа срамежливо...леле луѓе,колку уште повеќе ми го разубави денот,не знаете.
Многу сум среќна денес,убаво си поминав.Мама дома сега ми вика 'денес ни е среќен денов,ќе земеме стан,ќе видиш' ,си викам дај Боже да е така мамо,ама ќе видиме. Важно ме насмеа,позитивна е.

 

Толку од мене за 2013, во 2014 ќе се дружиме повторно
•Утре со кого и да сте, каде и да сте,
поминете си најубаво што можете

 

Сакам да кажам дека баш вчера, за прв пат ја отворив темата за Форумџика на годината и откако прочитав за што се работи и дека го фаќам последниот ден за гласање, ај викам, каде сите - таму и јас, па да гласам...
Искрени честитки за Трендафилка и до сите што се најдоа на листата номинирани!!!

Наравоучение: Прасе пред Божиќ не се гои!!! За следната година оние што сакаат фрижидер или машина за перење, телевизор или што ти ја знам, или го посакуваат Фемина виртуелниот трофеј за лична садисфакција, да си направат сериозна тактика уште од сега да почнат да креираат нови членови за својте баби, дедовци, комшии, за кучето, мачето, се` се брои... Па догодина на гласање да имаат една година стаж, што е сигурно - сигурно си е, да не корнат коси во фото финиш и да не бидат изненадени од соопштување на правилата по завршувањето на играта.

 

Последниот понеделник во оваа 2013 година...
Дa го направиме да биде посебен,кога ќе се сетиме ќе ни биде жал,за се то денес можевме а не направивме... Годините ко минуваат се чудна работа,кога се тука едвај ја чекаме наредната и тоа со надеж дека ќе биде подобра,а само подоцна неколку години, се сеќаваме зошто обично од нив остануваат само врежани сеќавања и спомени...
Некои убави,преубави како во мојот случај кога се роди син ми и ми ја направи оваа година да ми биде една од најубавите-повторно да го осетам благодетот по втор пат да бидам МАЈКА. За мене непостои поубав и подрагоцен подарок! Ти благодарам Господе што ме благослови пак да бидам мајка...
И некои болни и тажни моменти кои ќе останат врежани во моето срце и вечно ќе ме болат ,како смртта на мојот татко кој незаслужуваше така да замине од овој свет...

За мене оваа нова година нема некое значение посебно, освен тоа што завршува престојната па почнува друга . Новата година ја славам на 13 спрема 14 она НАШАТА-православна но тоа не ме ограничува да ви посакам на СИТЕ:

Искористете го овој последен понеделник во оваа година,да направите нешто на кое ќе се сеќавате со радост,зошто никогаш повеќе нема да се повтори... Ако некого го сакате кажете му...ако на некого сте му биле лути, а за вас е посебна личност,простете...За да можете следната година да ја започнете со чисто и отворено срце...
За љубов,за семејството, за пријателите и секако за сите добри луѓе!
Среќна Нова 2014 која тропа на врата,отворете и гушнете го целиот свет...
Бидете среќни.

 

Не верував дека за време на овие неколку години факултет ќе видам што е тоа зимски распуст, или барем налик на тоа... имам некој испит во јануари, ама ситно во однос на минатите години.
Денеска си го полагав последниот колоквиум за семестаров и се чувствувам толку слободна, што ми се плаче од среќа.
Топло млеко и серија!
Одмор!!

Среќни празници женски!

 

Уопште не го разбирам ова припотресување за Нова Година.Па тие попусти кога луѓето се бутаат мислат бонбони се дели,а всушност попустот е кога се ставени реалните цени на работите кои се продаваат.
Се прават торти фризури специјално за Нова Година,па купување разни тоалети,штикли/чизми безпотребно фрлање на пари за еден обичен ден т.е премин од една во друга година.

 

Сите околу мене сакаат што побрзо да ја испратат оваа година.
За многумина баксузна а за мене тоа што завршува на 13ка се покажа баш добра.
Имаше падови не велам не, но беше најдобра година во мојот живот.
Ќе ја памтам по многу убави работи,нови пријателства,многу журки,јаки пијанства и што ли не...
Морам да си признаам тажна сум што една вака добра година за мене завршува.
Се надевам дека нареднава ќе биде уште подобра.
Ужувајте во еуфоријата што ја носат празниците што следуваат.
Убав помин утре кај и да сте
Среќна Нова

 

СДК -Се сместив пред ТВ, сега уште станот да го добијам

 

Еден совет што го прочитав на социјалните мрежи а тоа е Девојки ве молам за новата година не се китете повеќе од вашата елка

 

Господ чува нешто многу подобро за тебе.....ова од искуство со работата моја

 

Школото заврши, дојде распутооооооот Утре Нова Година, завчера си го верив бате, си ја зедовме саканата негова. Дај боже секогаш да ми се среќни и сакани, покрај нив и јас најсреќна Убави денови поминаа, но, уште поубави доаѓаат. Полека полека се спремам за деновиве Фала ти Боже дојдоа деновите и јас да сум среќна, пресреќна!

 

Конечно заминува и 2013 година.
Оваа година добро ми почна, но заврши трагично. Од септември месец навака ми се случија многу лоши работи и ме треснаа од земја, но сепак поминав преку тоа достоинствено колку што можев. Сакам тие работи да ги заборавам и да ги оставам зад мене.
Еве на праг е новата 2014 година и се надевам дека ке биде подобро од оваа лоша година за мене.
На сите ви посакувам најубаво да си ја дочекате новата година со своите најблиски, а во неа најмногу здравје и среќа.

 

Наместо да бидеме среќни без причина, а тажни со причина ние живееме обратно... тажни сме без причина, а чекаме да се случи нешто за да бидеме среќни...

 

Единствениот пријател што го имам е во кома
Мајка ми почина
Ме тужат за пари што ги немам
Клиентот ми праи финтици за да не плати
Поради некакво глупо бирократско срање ќе го јадам немиен
Девојката за која би дал рака нога и бубрег а богами и другите рака нога и бубрег не ме тркала два посто.
Јебемти Нова Година.

 

не бев свесна до денес дека физика сум можела да добијам 5ка
чуда се дешавале