[СДК] Сакам да кажам...[Стара тема]

Денес променив локација,променив објект.
Новава ја започнав со промени Се надевам дека ќе биде на добро.
Побегнав од гратскиот метеж и стереотип.
Признавам дека овие промени ми годат,особено психички,иако овде е постудено.
Ама ме топлат дружењата со Вас на Фемина Многу работи научив во периодот пред да се зачленам,се будев и легнував со вашите постови.И секогаш наоѓав време,па макар и на кратко да ве читам. А сега кога сум дел од заедницата таа виртуелна магија е поголема и се трудам да ги споделам моите искуства со оние на кои има се потребни и на оние на кои не им се потребни,а некогаш можеби ќе им бидат од полза.И додека ви пишувам,уживам во звукот од сувите дрва кои догоруваат и во топлата напивка од брусница.А моето болно мачорче го навали попладневната дремка.Само посакувам да оздрави.
А вие бидете здрави како што сте и поскромни во своите желби и планови за оваа 2014 год.

 

Значи, не сум единствена која го има тој проблем...

 

Среќна Нова Година на сите фемининки. Се што посакувате да ви се исполни, да бидете среќни весели и пред се здрави. Ви посакувам успешна и исполнета година.

Ваша buba4e89

 

Пред се Среќна нова година и се најубаво.Многу среќа, здравје и љубов.
И посакувам топло добредојде на новата 2014 година и се надевам дека ке ме направи посреќна, подобра и попаметна личност.
Во овие два дена доживеав многу многу работи. Дочекот си беше приказна за себе. Многу пијани фаци, средени типки, изгубени дечки, петарди на сите страни и очаен огномет над Битола. Дури и смешен.
Не можам да се пожалам од друштвото. Сите бевме позитивни, среќни ,расположени и добри па се прибравме во 6 утрото. Стварно имаше забава , пеење , играње и еднаш се случи така да ни се погоди и друштво и забава и музика и се па да останиме толку доцна, но да се разбериме , дома се вративме трезни. Се напивме по 1 - 2 чашки чисто колку да се обележи вечерта.
Не можам да се пожалам од него ми честита нова година прв.
Синоќа беше вечер кога буквално бев изгубена.
Недостиг на сон - максимален.
Очите ми мижеа , а се погоди и по некоја балада и колку што бев расположена на дел од песните , колку што играв , колку што вртев ора , толку солзи проронив на баладите.
Но уште еднаш сватив дека не вреди и сето тоа помина, па си ги избришав солзите и играв се до изутрина.
Последиците се нормално многубројни, како болни нозе од штикли, плускавици, скинати хулахопки, коса која мириса на цигари и печено месо, потечени очи и слично.

Ме чека уште една вечер во серијата Нова Година и потоа се фрлам на буквален одмор.Психофизички!
Убава вечер.

 

Среќни новогодишни и божиќни празници на сите драги мои.


Јас си поминав прекрасно со мојот сакан.

уживајте во празниците

 

ухухуху конечно распуст ууј многу мразам коа морам секогаш ја на некого да му пишам прва -.- па толку ги мрзи бееее -.-

 

Ви посакувам среќна нова година на сите. Се најубаво, многу здравје, среќа, љубов и успех во животот

 

Ви посакувам Среќна Нова година и Божиќни празници. Сите убаво да си поминете. Среќа да ве прати, здравје да си имате и големи успеси.

 

Мили мои!

Среќна Нова година! Да сте живи, здрави, најсреќни, најзаљубени, полни со позитивна енегрија, и да ве следат успеси на секое поле!!!

Ве гушкам сите, на здравје со оригинал Рашан водка

 

Интересен ден.Го гледав The last song и се изнаплакав.Одличен филм.Сега направив чоколаден пудинг и чекам да се направи кората па да јадам
И после ќе се жалам дека сум дебела.
Проба брат од пудингот и вика дека има 5% грутки.Му викам А,ти сакаш 100% шамар?
Имајте убав ден а,јас ќе си го почекам пудингот

 

Некогаш си мислам оти луѓево си имаат тефтер со златни корици во кој вадат изреки од интернет и за секоја ситуација имаат по нешто за на Фејсбук на статус да го стават. Ко од рукав финта, така нешто..

 

Не знам зошто, но отсекогаш ме нервирало кога некоја женичка или другарка ќе ме нарече со зборовите како што се: сонце, душо, злато, срце, пиле....
Дали е тоа дека јас можеби не сум толку нежна на зборови, па затоа ме иритира.

Кој би знаел, чудна сум, за најмала ситница би се изнервирала.

 

Пак ќе го повторам она што е кажано милион пати наназад во оваа тема .... Нема да дозволам да ми биде преиоритет некој на кого јас сум му само опција. Не ме убедувај дека немаш време за едно кафе, ради работата, што ја почна пред една недела. Зошто мора да се молиме за едно кафе со месеци, преку глава ми е од глупави изговори од типот мрсна ми е косата, врне, не ми се излегува или слично. Јас верувам дека ако се сака се се може. Сакам флексибилност, па зашто да не и спонтан договор за кафе-муабет, или израдувај ме со непланирани гости.

Она што ме прави различна од вас е што јас не уживам во трач муабети и не го пикам носот секаде. Јас се радувам на туѓите успеси и им посакувам дупло повеќе среќа во иднина. Не се радувам на туѓите несреќи, туку им посакувам побргу да застанат на нозе и да научат од искуството. А не обратно. Кон моите соништа и желби пристапувам искрено и со чисто срце и вложувам максимален труд за да успеам. И не се китам со туѓи перја, ниту пак се воздигнувам со богатството и парите што не се мои.

 

Значии колку време сум на фемина и неможам да видам каде се гледа на кого му е роденден
знам некаде најдолу ама каде точно неможам да видам
btw денов ми е грд, многу грди информации добив...ехх нема спас од овој живот

 

Скроз најдоле,пишува родендени и честитки на..(сите оние кои денеска имаат роденден)

 

Ау што е убаво да си одиш на работа деновиве, милина. Жив човек нема, онака опуштено си седиш, музиче пуштено, си кркаш руска и кифлички, по некое колаче, со колешката блебетите и гракате како 100 години да не сте се виделе, а уствари само 2 дена се во прашање, се смеете на вицови и смешни клипови и тоа на глас, пошто нема кој да ве слушне , па на пауза ви текнува да тркнете до Сити Мол да си купите нешто, ете така, да си ја почастите душичката и да се порадувате, а и плус дека има попусти и уште на крај и порано си одите дома... Абе убавини, телефон не ѕвони, значи ваква опуштена атмосфера не памтам кога последен пат имало. Обично е лудница, секој Божји ден, сите некаде трчаат, телефоните не престануваат, кај принтерот собрани 20 души се тепаат кој побрзо да заврши работа...
Едвај чекам утре да одам на работа.

Јас инаку сум добро, расположена, посреќна зошто конечно помина тоа лудило наречено Новогодишна ноќ, а сега се ближи мојот омилен празник - Божиќ. Асоцијација ми е за семејството собрано на едно место, секој со чаша црвено вино во рака, наздравувајќи за здравје и долг живот, за убави работи. Се радувам на продолжениот викенд, на времето кое ќе го имам на располагање со него, на плановите што ќе ги правиме, на ноќите под топло ќебе во кои само љубов ќе се чувствува. Многу сум романтична деновиве, разнежнета, а обично јас сум „ладната“ во врската. Некогаш кога ме гушка овој мојов јас несвесно се тргам, не сакам многу допири и милувања, па кога спиеме навечер секогаш се караме, зошто тој ќе ме гушне, а јас ќе се извлечам од неговата прегратка. Таква сум, не сакам да ме фаќаат Не тој, туку општо не сакам кога некој ме допира, а овој мојов како што е голем, цела ме гуши во неговата прегратка и се нервирам зошто не можам да дишам кога ме гушка Оф Боже, читајќи што пишувам, се чудам како сеуште е со мене и како издржал цела декада

И така, убав ми е периодов. Не дека нема неубави работи, ама ете, деновиве решив ништо да не ми ги расипе. Цветам како булка, уживам во себеси и во нас двајца, уживам во добра храна и благо домашно вино, си пијам коктели со брат ми среде зима, готвам по нешто и убаво ми е.

И морам уште ова да го кажам. Сонував за денот кога ќе отидам на работа со фармерки, ниска чизма, широк џемпер и коса фатена во несмасна пунџа. Guess what: утре е тој ден!

Останете ми сите живи и здрави

 

Се отрезнавме? Или кој како?!
Јас не. Ама коњакот испари веќе И пак се осеќам пијано. Се терам себеси упорно да престанам да молчам. Ела гукни, да ми чујат глас . Љубовта ми зборува, тажна сум била, во очите ми се гледало. Па да, нели ме знаеш, тешко ти е да ја признаеш причината за моите тажни очи. После ми вели „те љубам“. “И знам да те љубам на мој начин. Насмеј се, без тебе сум изгубен, без твоето смеење сум речиси умрен. “ Знам де. Ама ете, таа љубов ме прави тажна бре. И плус се трудам да не покажам, се смеам, ама да, очиве ми се полни солзи, лицево сјајно и бледо. Ако сфати некој, да дојди со објаснување. Тек втори денес, знам годинава ќе ми е занесна што се однесува на кхрм кхрм... ...две ноќи по ред се љубиме под звезди силно и страсно, на полноќ со силна воздишка и француски бакнеж си рековме Среќна Нова Година. Само оваа е првата во која не замислив желба, зашто го имав она што го посакувам секоја година- ние И ништо друго не ми е важно. Ни како, ни кога, ни зошто, само да сме ние. Љубов е во прашање. Тешка и густа како старо црно вино што треба да не развесели.

И така децо, да ви кажам, треба да постават дијагноза нетокму од љубов, а гледам на форумов цела болница ќе наполниме !

 

Сериозно, многу сум слаба на машки парфем...

 

Или пак од купените ,непрочитани книги ги препишуваат...Којзнае...

 

Моментот кога од нигде никаде ти стигнува 100-тче кредит,и целата возбудена и среќна-вртам број да активирам интернет,и таман да стиснам-аш кредитот го нема веќе.Се освестила будалата која го пратила на погрешен број.
Кога нема среќа-нема