[СДК] Сакам да кажам...[Стара тема]

Утрово се разбудив со мирис на свежи мекици кој доаѓаше од кујната. Мама, и покрај повредата на ногата, решила да ни направи убав доручек, како и секоја недела. Се беше поставено на маса, а таа никогаш не го заборава ни најмалиот детал. Традицијата вели, не треба да се прекршува. Најдобра мама е на цел свет!
Утре започнува последниот семестар од моите додипломски студии. Како вчера да беше кога со милион документи во рака и прашалници што ме маваат по глава, бев растрчана и делував толку изгубена низ факултетот. Се прашував што барам таму, се плашев од иднината и илјадници пати се предомислив и покајав што го преземав тој чекор. Но, еве годините си поминаа, коцките како да се вклопија и се си дојде на свое место.
Сега ме мачат опции за мастер студии, кои ме приморуваат да размислувам во малку подалечна иднина. Запишувам листа со „за“ и „против“ аргументи, собирам туѓи искуства и совети, за на крај да одлучам во која насока ќе продолжам. Спонтаноста која толку многу ја сакам, овојпат ќе морам да ја исклучам. Во овој случај работите мораат да бидат однапред испланирани.
Утрово лежев во кревет и се обидував да замислам каде ќе бидам за неколку години. Иднината сеуште ме плаши, ама со правењето планови некако успевам да ја преземам контролата. Сега кога сум препуштена сама на себе и се зависи од мене, сфаќам дека растењето не е лесно. И животот никогаш нема да ми биде како порано. Безгрижноста веќе одамна ме напушти, но веројатно тоа е само еден чекор од созревањето и градењето на сопствената личност.

 

Life is short. Eat dessert first!

 

Синоќа после толку време успеав да заспијам пред 5, пред 4, па дури и пред 3. Најверојатно сакав да уживам во последното утро дома. И еве ме сега, со миризлива коса која се уште се суши после релаксирачкото утринско капење, си седам и си го пијам последното кафенце дома со моите.
Од утре пак по старо, пак со обврските од утро до вечер, пак ќе ја користам секоја слободна секунда за да излезам малку и да прошетам, пак ќе терам по ова студентското

Спојлер

Пак ќе бидам вечно ненаспиена

Останете ми поздравени, до скоро видување

 

ЗА УБАВ ДЕН ♥
Во овој ден ...
Дајте и предност на љубовта не на гневот!
Дајте и предност на убавите мисли не на лошите!
Дајте му предност на доброто расположение нe на лошото!
Дајте му предност на пријателството не на непријателството!

Стоплте се со љубовта
и ширете ја насекаде околу вас!

♥ Имајте прекрасен ден ♥

 

Недела ... Ден за зелник. Баба го прави најубавиот зелник на светот. Седнам ли на маса, престануваат сите диети, сите ветувања дека веќе не јадам леб, сите лелекања дека сум дебела .. Јадам со сласт, како никогаш да не сум видела, како некој дека ќе ми го земе Јадам за сите испуштени зелници летово .
Ме разбуди татко ми жалејќи се дека не ја сака маглата. Онака во полу сон не се согласив со него. Ја имам најубавата глетка од мојата соба, маглата ги завила планините во сивило, и само се гледаат врвовите на тополоите. Се е толку мирно, тивко, убаво и меланхолично.. Убавини, како во бајка, па уште и дождец .. Совршенство.

Ми успеала финтата со црвите Баба ми кога ги видела скокнала. Кога и текнало што е , и не можела да одолее на колачињата, со чинивче кружела околу нив, грабала колачи и бегала во ходник да го јаде. Ах кутрата, срам да ми е .

Отидов да доручкувам

Едит: Моите преселби за Скопје ќе се случуваат во петок. Па од петок натака со феминките кои живеат во Кузман ќе се сретнуваме во лифт и во менза

 

И јас се приклучувам на малите Големи преселби за Скопје утре, или подобро речено, за подмрзнатото Скопје. Си идам јас дома почесто, многу почесто отколку што мислев на почетокот. Боже, колку бев преплашена, па нема да се гледате со твоите со месеци, нема да се снајдам убаво, ќе биде вака, нака.... Испадна супер на крај. Кога си идам дома за викенд, не ми се радуваат, ми викаат ,,Пак ли ти,,. Еми пак. Со Скопје започнавме една еверластинг лав, се сакаме, само без снег, нели. Се снајдов подобро отколку што очекував, со милион нови луѓе, со слични мислења и ставови и нови дружби и се. Да не се подречам, пу пу.

Сега мајка има роденден, ќе јадеме пити, па торта, па дието, од утре повеќе ти се посветувам. Од дома седење аир нема, секогаш тоа ќе го викам. А баш ќе ми фали Јануари, мрзелив и исполнет со учење, некако се залегнав и само си седев дома на топличко, си се одморив од сите и од се. Пекинг, и втор семестар, хир ај кам. Ајде малку да се размрдаме по мразов, м, Скопје?

Само да не потскршам нешто, затоа што тоа нема да биде воопшто забавно. И да ме информира некој дали сите што ми рекоа дека се е испозамрзнато таму, се навистина во право. Кој ќе оди со тие тракторските чевли, кај олкава, па и тие на мене.... Како багер се осеќам. Багер што се клати.

 

Разбуди се Љубам, светот врви.
Отвори ги очите не дозволувај да замине се'.
Остај ја здрвената тишина околу тебе.
Напрај врева од насмевки.
И сфати дека не секој се бори за она што насвистина го сака.
Биди глува за злобите, и остани своја за самата себе.
Почитувај се.
Ти предстои борба. Животна.
Го знаеш потеклото на твоја среќа. Таа.
Нека постои тоа.. за другото затвори ги очите, гледај ги само убавините.
Како вчера кога лизгаше на замрзната река, и си рече дека е убаво да постоиш.
Задржи се тука.

 

Ту мач секс ит кен хртц

 

Луѓе, знаете дека вчера поминаа 140 години од раѓањето на Гоце Делчев!

ама, легендите живеат засекогаш!

 

Не сум наспиена ама ок сум за чудо, ама ок сум
Не се чуствувам како да ме згазил камион, баш напротив, се чуствувам убаво...
Пред да стигне мајка ми, земав усисивачот, исчистив се, го фрлив ѓубрето.. за да биде чисто и да не ми се дере кога ке дојде дома
Иначе вчера ми беше една од тие special nights... убаво ми беше, треба почесто да пијам кафе во 4 саат наутро.. посебно кога до тебе е тој некој
И тоа е тоа...
И добив ружа (Смајлиштоскокаодрадост) хаха и знам дека сум по малку фрик, ама нема врска

 

Решив денов да ми биде убав, и ќе ми биде. Иако е недела. Решив цел ден да го посветам на себе, малку да се одморам од се и од сите...
Ако е воопшто можно, нели.
Епа да, едноставно се е поубаво кога ќе одлучиш да не се замараш.

 

Молчи денот, молчам и јас.Токму кога ми е најтешко јас се бранам со молчење и си ја чувам тагата за себе.Обично практикувам само среќата да ја делам.И поради тоа што не сакам луѓето да ги трујам со моите проблеми мислат дека сум среќна и се ми е розево.А не ни можат да замислат што ме мачи!
Затоа молчам и утехата ја барам во музиката, само таа опција ми остана.

http://www.youtube.com/watch?v=n2ida4TQuAc


And then she'd say it's OK
I got lost on the way
But I'm a Supergirl
and Supergirls don't cry
And she'd say it's allright
I got home late last night
But I'm a Supergirl
and Supergirls just fly.

 

Толку ти се одмерени зборовите ....едно чудо....која емоција постојано ја носат во себе

 

СДК дека имам премногу за учење ама некако ме мрзи да фатам книга да учам.Аман оваа географија А домашната по математика да не ја правам муабет..ту бре како не ја мрзеше толку многу да ни даде за пишување...лошотилок еден
И сакам да кажам дека ептем ми е криво што не појдов на свирката од Иван Раденов,ќе си умрам.

 

Ја мразам Неделава ама нема веќе да седам дома и да се досадувам, и да дремам пред комп и тв.Се нашминкав, дотерав и ќе одам да шетам.Ќе ги освојувам Веро и Рамстор а потоа на враќање на кај дома ќе се почастам со едно топло чоколадо во Лептокарија Неделоооо досаднааа ти го вртам грбот и одам да уживам и шеткам со ханито мое

 

Додека ти го читав текстот те замислувам како седиш на креветот и сето тоа со сета твоја смиреност го пишуваш...
И таман да ти напишам леле и јас сакам да сум во моментов во Скопје само заради топлото чоколадо ми текна дека сум заглавена од снегов и дека не можам никаде да одам ...
И да те читам те читам и си мислам дека ќе одиш сама да се изнашеташ и да не мислиш на ништо ти пишиш со ханито

Поздрав до тебе и најубаво да си поминиш

 

Ова е ден за учење и во глава бучење.
Утре е ден за полагање и во одложувано трачарско кафе давење.



Мислам дека направив доста конструктивна грешка синоќа. Тој ме разочара овие денови, никогаш не сме биле толку блиску до пропаста како сега. Треба да се појават метафори и метафорои за да се избегне ова. Ама нели луѓето скоро секогаш стануваат она што кажале дека никогаш нема да бидат
Јас отрпнав, гласот не ми трепери како порано зашто многу пати стигнував до срж‘та на нашата болкаа.


Гласот на мојот втор Ум ми вели да не бидат толку опседната со тоа, десетките утре ме чекаат.


Се‘ на се‘, пред се‘ за се‘, над се‘ - натпросечна просечност!

 

Американска серија и пилешки прсти со тартар сос.
Комбинација снова.
Топло ми е во душава, топло ми е во собата, топло нека биде и овде и секаде.

За десерт бирам некоја книга низ домашните полици, не дека се полни со различни наслови, но доволни се‘ за зголемување на станбеното прашање и имотот, односно индивидуалниот речник.Миризлива свеќа ми ги обвива сетилата за мирис и мачорот ми се плетка меѓу нозе.

Ги сакам неделните пладна бидејќи се исполнети со семејна смеа, муабети, реплики, контра напади и докажувања. Резиме на целата седмица и инди музика во позадина.

http://www.youtube.com/watch?v=I2uVRMBD5RY&ob=av2n

 

Сдк од вторник почнувам! Ама ич не ми се почнува леле кога ќе ми текне истото нервози трте мрте ама мораш овај нАли ама ај и тоа ќе пројде и ќе си бидам весела и среќна
4 mounts here I come

 

Ако постои нешто што го посакувате со цело свое срце, не дозволувајте никаква сила на овој свет да ве разубеди дека не може да биде ваше. Дури и ако сѐ оди против вас...издржете. Постои една паметна мисла која вели - "Не дозволувај да го изгубиш она што го сакаш, за она што го сакаш во моментот." Пред секоја одлука размислете два пати. Или не...не мислете, прашајте го срцето.
За мене е ова голем период на трансформација. Јас која бев невиден слабак и се помирував со текот на работите, стоев пасивно отстрана, сега се борам. Ја нема онаа која ги согледува негативните работи што ги преживеала, па се теши со исправоста на нејзината одлука. Онаа која е себична, чека другите да се трудат околу неа, сака да биде центар на нечиј свет.
Р...ти се извинувам, премногу очекував од тебе. Битни беа твоите грешки, а што е со моите? Ги барав твоите докажувања на љубовта, а што направив јас? Јас, самозаљубена во моето его, барав ти да го скротиш своето. Немаше веќе сила да се бориш. И денес, нема да ги паметам нашите караници, инаетење кој е во право. Денес, мислам на своите грешки. Можев да те направам среќен, да ти бидам поддршка, а јас го одбрав обратното. Ти предизвикав толку негативни емоции, те уништив. Доста ми е од она "Ама тој така постапил со тебе, која си ти да му ќутиш". Не можам да се тешам со тоа, зашто никој не ја знае нашата приказна од почеток. Никој не знае колку те болело кога ти велев "Не те сакам и нема да те сакам", во очи. А ти онаков кротов, ќе ме погледнеше со тажни очи, не дозволувајќи моите одбивања да те премислат. А јас, се оправдував дека битно сум била искрена со тебе. Која е таа искреност која предизвикува болка кај оној кој животот би го дал за тебе? Во каква заблуда бев. И не, не можам да очекувам работите да бидат исти. И имаш право, не можеш на некој да му го откорнеш срцето и да му го вратиш на место.
Опаметена сум, сега им верувам на чувствата, сега се борам за тебе, како ти некогаш. Сега...и отсега, заборавам на својата себичност. Сега сум онаква каква што ти очекуваше да бидам, но не зашто тебе ти одговараше, туку заради мене. И само ваква сум среќна. Двајцата можеме да бидеме многу подобри од она што станавме во последно време. Ќе бидеме кротки, благи, мирни, ќе дозволуваме и да нѐ газат, но битно ќе си даваме сила еден на друг.
Сепак, ако во овој период, ти сфатиш дека некоја друга повеќе би ти одговарала...јас ќе те пуштам. Битно ми е да си среќен, иако знам дека ќе бидеш среќен со мене. Но, ако од некоја причина не ми дадеш шанса, ќе се молам на Бога да ти ја даде најмилата, најсмирената, најблагородната девојка која ќе го извади најдоброто од тебе. И тогаш, вистински ќе бидам среќна. А засега...ќе учам од тебе. Само позитивен став и сѐ е остварливо.
Успехот никогаш не е лесен, затоа наградата е толку слатка кога оној кој ќе успее, ќе го постигне.