[СДК] Сакам да кажам...[Стара тема]

СДК...Животот, навистина, е убав!После сите фази низ кои поминав, после сите луѓе и глупости кои поминаа низ мојот живот, сега сум вистински, бесконечно, апсолутно среќна!Без конкретна причина, само затоа што ми се случуваат убави и прости, едноставни работи, без компликации и проблеми...Совршенството кое предолго го барав, конечно го имам, но прашањето е-Колку ќе трае? Сега за сега, одлучив да уживам во среќата што ја имам во огромни количини, да се фокусирам на сегашноста, минатото за мене, повеќе не постои, а иднината...па кога ќе дојде, тогаш ќе се грижам за неа

 

Денов е измислен за целосно посветување на себе.
Измислен за уживање какво што никој не може да ми пружи освен самата јас.
Привилегија е да си женско.

 

Мн е добро ова кулинарсково шоу на травел енд ливинг, најдобар готвач во америка. Ако знае некој кај да си го симнам цела нека ми пише ЛП. Само тоа сдк

 

Ова е сигурна добивка, за подобар живот!

Ова не е лото ливче, ова е теорија и животна филозофија! Сте се почуствувале ли некогаш толку виновни кон самите себеси за нештата кои можеа да бидат поинаку? За нештата кои сте ги изгубиле, а откако ќе ги изгубите конечно сфаќате која е вредноста на тоа што некогаш сте го имале? Јас да! Затоа решив да не живеам во минатото, да погледнам во иднината и да ја зграпчам сегашноста! Со други зборови да научам да го уживам и вреднувам тоа што сега го имам, а да целам кон тоа што отсекогаш толку многу го посакував, и да бидам личноста која одсекогаш посакував да бидам, да живеам подобар живот, но неможев…Се е можно!

За да ми се придружувате во овој подобар начин на животот ќе треба да дадете одговор на многу прашања, првенствено кон самите себеси, и да расчистите со многу двоумења за цврсто да пресечете кој пат ќе го изберете, кој да напоменам треба црвсто и сигурно да го чекорите. Оваа теорија нема правила, но има неколку работи кои треба да си ги имате во предвид, а добитната комбинација гласи вака:

1. ЗАЉУБЕТЕ СЕ ВО САМИТЕ СЕБЕСИ! Истражувајте се самите себеси. Спознајте си ги своите лични мани и предности. Никој не е перфектен, да! Настојувајте да ги искорените своите мани, или минимизирајте ги колку што е можно повеќе. Кријте ги како змијата нозете, а играјте со вашите адути и постојано надоградувајте се!

2. ПОРАЗ НЕ СЕ ПРИФАЌА! Тоа не значи дека треба да ги рушите сите пред себеси само да си ја подобрите својата положба. Практикувајте ја Победник – Победник (win-win) теоријата што значи да не бидете единствениот на врвот! Ќе бидете поисполнети од личноста која сте ја исполниле, а тоа уште повеќе ќе ве зацврсти во секој од овие погледи.

3. СТИМУЛИРАЈТЕ ЈА КРЕАТИВНОСТА, доколку немате други средства, а и доколку имате! Креативноста е пресуден фактор на оваа теорија која ќе ги тргне „трњата“ од патот до целта која веќе си ја поставивте. Имајте во предвид дека секој човек е креативен, доколку навистина тоа го сака!

4. ИСКОРЕНЕТЕ ЈА МРЗЛИВОСТА стекнувајќи продуктивни навики! Ако не сте моќни тоа да го сторите тогаш подобро престанете да го читате текстов.

5. ЖИВОТОТ НЕ Е ФЕР! Соочете се со тоа! Нема време и место за депресија.

6. ОТВОРЕТЕ ГО СРЦЕТО, но потенцирам не зимајте си ништо при срце, зошто веќе срцето си го дадовте на самите себеси.

7. ЕКСПЕРИМЕНТИРАЈТЕ! Тука лежи забавата во теоријата! Плус ќе ви ја „набилда“ креативноста.

8. БИДЕТЕ СВОИ И РАЗЛИЧНИ! На тој начин ќе се идентификувате, а доколку згрешите нема да зажалите зошто знате дека барем Вие ги направивте грешките и лесно ќе ги прифатите и исправите. Затоа не прифаќајте многу совети од страна, зошто нема никој друг да „прими куршум“ место вас.

9. ПРЕЦЕНУВАЈТЕ СЕ кога некој ве подценува! Функционира, но внимателно да не ја изгубите контролата, може да има несакани последици.

10. ОСТАНЕТЕ ЗАСЕКОГАШ МЛАДИ И ЗАБАВУВАЈТЕ СЕ! Запомнете: ЗАБАВА, СРЕЌА И ЉУБОВ! Телото старее но немојте никогаш да дозволите и духот да ви старее!!!

Знаете има многу вакви слични филозофии кои ни кажуваат што и како да правиме во животот, но еве ги фактите на во кој сум сигурен дека оваа мојата навистина функционира: Уште повеќе се заљубив во себеси пишувајќи го ова; Ја стимулирав креативноста; Jа утепав мрзливоста; ја поделив победата со вас; Го отворив срцето; Eкспериментирав; Бев различен; Mалку се преценив, а пред се: СЕ Забавував! Ако успеав со ова да допрам до некој од вас и да ви ги сменам вашите погледи кон подобро, успеав да стигнам и до мојата цел!

Интересен текст,преземено од popara.mk

 

Не ми требаат куќи, скапи автомобили, поклони и три тона пари да бидам среќна. Доволни ми се одвреме - навреме денови како вчерашниот. Никогаш не сум кревала паники и фрки за Трифун, а Валентин не го ни перцепирам дека постои. Поради фактот дека не сме во состојба да се гледаме секогаш кога ќе посакаме, секој ден се трудиме барем виртуелно да си покажиме колку ни значи ова што го имаме. Не е лесно, признавам, често се наоѓам во ситуации кога толку многу сакам да е до мене. Сепак функционираме, го правиме невозможното во можно, ја користиме секоја секунда кога сме заедно.
Вчера беше најобичен ден. Дремевме на интернет, јас чачкав по страници тепав време, тој мозгаше утакмици, а во меѓувреме си праевме бош муабет и си се сакавме. Тој се исклучи, излезе на кафе, а јас се спремав да ја поминам вечерта под ќебенце со чаша вино и евентуално некое добро филмче. Да беше се по план ќе го чекав да се врати, ќе си посакавме добра ноќ, ќе му кажев колку ми недостига и дека најмногу си го сакам.
Ама...не беше се по план. Ме лажел, не бил на кафе. Наместо тоа, тргнал за Скопје. На крај памет не ми паѓаше дека може да ми се појави тука. Кога после неколку часа изговори "Скопје сум" па мислам дека срцето буквално ќе ми излеташе. Имав прекрасна вечер, сосема неочекувано. Го изнагушкав и во лице му кажав колку си го сакам и дека ми е празно без него. Му кажав добра ноќ и си заспав стуткана и пикната во него.
Не треба многу човек да биди среќен. Доволно е до нас да се луѓето што ги сакаме. Барем мене тоа ми е и повеќе од доволно.

 

Колку и да не го сакам вчерашниот празник,дури ни подарок не купив ,сепак тој ме израдува кога ми подари Милка бонбоњерка и една ружа Ах,мажиња ,многу сте секси кога пазите на детаљи

 

Земена лична карта. Се чувствувам како почесен граѓанин на РМ

 

СДК а е време за пмс, ништо не е како што треба

Туку, како што сум сега у таа фаза како гореспоменатата , колку имам за критикување и тоа остра критика комотно докторат можам да напишам, наменета за луѓе кои за туѓите животи се знаат, а за сопствениот појма немаат.Ама ќе молчам мудро, само за да не настрада некој

Некогаш некои работи треба отворено и директно да се кажат, иначе не бива.

 

Спојлер

Сакам дел од цицките на Хурем!!!!

 

А бе,вчера бил денот на вљубените?! Вчера ли беше Св.Валентин ?!
Леле,стварно.Мене денеска ми текна
Имам најубав дечко.Многу му се радувам.Многу ми е убаво со него,просто си уживам.А за празникот сум заборавила ..

Живи патетики.Вчера се шетам в град и сите се растрчале со црвени ружи и мечиња со срциња во раце.
Трчаат да си ги изненадат девојките/дечковците ..
Демек само на 14 февруари требало да се купуваат поклончиња и да се пишуваат честитки ?

Јас не го славев празникот,само си го честитав со дечко ми.Тој ми е далеку,но ме израдува со една скромна порака во точно 00:00.

Слушам утре се поаѓало на училиште.
Епа доволно ни беа 5-6 дена седење дома у тепање досада.
И онака нема што да се прави дома,нели,нееееели

Денеска си ги чупав веѓите и си ги направив пуцка убави.
Некогаш ми се плаче кога ке застанам пред огледало.
Некогаш сум очајна кога ке застанам пред огледало.
Некогаш не ни сакам да застанам пред огледало.
Некогаш пак се восхитувам на ликот кој стои пред огледало.Каква убавина има во мене баш денеска
Сега правам маска на лицето од мед и како ми капе полека си го лижам и шо убаво ми доаѓа..
После бањкање у уживање во последниот ден од продолжениот распуст.

 

Можеби е истиот зошто ни јас не купив ништо( само тоа со киндер јајцето од 9gag) а тој на мене ми подари ружа и Милка бонбоњера

 

Лорита, ноу офенс, ама нели викаш денес си дознала оти вчера беше Валентин?
А после дека си му честитала на дечко ти, како и тој на тебе, оти бил далеку...


Инаку, СДК

Оти, не можам веќе! Си мисли дека јас сум наивко.
Е не сум. И знам дека од кога виде дека веќе речиси не ти требам - отиде а другата страна, пак кај оние кои ти требаат.
Ама, за неколку месеци - чао!

 

Кога ќе дојде тој "другиот понеделник" за да бидам на диета!

 

Темелно го молам Бранко да сноси одговорност за студот и непроодноста поради снегот во струшкиот регион. Ја претера значи годинава. Ајван небричен!

 

Денес ме уништи студов!!!!Се надевам нема да се разболам.Премрзнав,дома дојдов како пингвин Дури ни 30 минутното туширање не помогна

 

Обожавам добро црвено вино... !
Вчера немав можност да се напијам, иако беше денот... Ама сега со вечерава, ќе си сипам една чашка за мерак!


п.с.Преминаа во две чаши! Наздравје нека е!

 

There is a house in New Orleans
Предолг ден кој ќе кулминира со прекратка ноќ, неможност за исполнување на сите обврски и сето тоа зачинето со премалку сон. А што е важно па, барем не помина за џабе.

Неодговорност и хедонизам, и започнува да ми се допаѓа. А може ли да се одделат едно од друго?
Ама и неодговорноста е скапа, така да не можам да си ја дозволувам толку често.
И никој не може да ме убеди дека ладното може да биде пречка во нешто, мрзата е таа што ве спречува бре луѓе, барем признајте си. Ако е потешко не е невозможно.
Себелажење на приоритетен пиедестал деновиве кај повеќето, ама јас одлучив да се дружам малку со реалноста, во чест на моето контрирање цел живот. Ма и нема смисла да се лажеме за нешто толку очигледно, кога само себе си се лажеш со тоа што мислиш дека другите ги лажеш.
Па не било толку лошо во реалноста, барем не е моментално, моментално реката си тече по својот пат, мирна и незагадена, па можеби затоа и ми е убаво да си пловам во реалноста. Не е лошо и кога сонуваш, ама ништо не е како свесно чекорење по розови облаци. Нема да трае долго, кај и да е ќе ги одвее некој ветер, па подобро да се нурнам во нив со време. Тоа е, мора да има рамнотежа, сакала јас или не.
Скршнување од плановите, ама се надевам дека е само чекорење по подолгиот пат, наместо целосно загубена насока, барем да не ми се срушат надежите, имам јака причина.

 

Поздрав феминки.
Имајте убава вечер!!