[СДК] Сакам да кажам...[Стара тема]

Сакам лето.
Не знам што ми стана.Обично не сум голем обожавател на летото ама сега ми недостига.Или ми недостига минатото лето .Прошетки на чист топол воздух,смеења,одење нагоре-надоле се додека не ти здосади.Или седење на клупа и смеејќи се како луд,без некоја посебна причина.
Одење во белите маринки кои ми ја боцкаа ногата ама сепак ги носев и трпев.

Ми недостига и предминатото лето.Гледање светско првенство на тераса,грицкајќи сончоглед и шетајќи се во маало.Ќе ги опнев белите високи тупуци и кожените хеланки и влегував во тежок филм .

Така,секое лето си е посебно на некој начин.Секое лето ме потсеќа на нешто.Дали преку песна или преку слики секогаш се потсетувам на работите кои поминале...

 

http://www.youtube.com/watch?v=9zrvD-o8 ... re=related
Ме разнежнува. Крајно.
Се смеам. Тивко и силно. Моќно и нежно. Nice and rough
Јаготка на шлагот е Даниел

 

СДК
Викенд посветен на борбата против најомразената болест на денешницата - ракот.

Ги спонзорирав тимот на колешките и тимот на најдобрата другарка,досега само од спонзорства собрале и дватта тима над $10.000 а тек пола ден поминал а севкупната сума се ближела кон 3 милиони долари.
Средставата се за истражување на пронаоѓање на лекот и за потребите на болните и нивните семејства.

Јас и годинава како и лани од оправдани причини не учествувам, инаку последните 10 години бев со нив рамо до рамо, сега ќе ги посетувам и денес и утре и ќе им бидам морална подршка да издржаат.
Ми напоменаа вечер да им однесам од моето кафе кое они го нарекуваат ракетно гориво, толку јако било, ќе ги држело будни, баш тоа што им треба, не е лесно да си буден 48 часа и постојано да шеташ или трчаш со штафета.



А утре ќе и бидам морална и финансиска подршка и на јатрвата која ќе си ја избричи главата/косата за собирање на средства за борбата против леукемијата, болест со која моментално се бори нејзиниот брат
Оваа фондација досега собрале близу 9 милиони долари, целта им е да соберат 15 милиони, средствата исто се за истражување и за оние кои се борат против оваа опака болест.



Горда сум што живеам во држава во која живеат несебични, хумани луѓе кои дават се од себе за тие што се бореле, се борат и во иднина ќе се борат со најголемиот убиец на денешницата.

Џабе ти се парите ако никому не помогнеш.

 

Како едно око отварам, така друго само се затвара - умирам за Осеќам дека денов ќе биде долг а јас и по еден час од моето станување сеуште неможам да се расонам Околу мене се лом, расфрлено.Барајќи некои материјали се затрупав во планина од хендаути.Со тешко срце го напуштам креветов и станувам да се соочам со денов затоа што ако продолжам да лежам пак ќе заспијам Имајте убав ден.Искочете и шетајте се додека сонцево ни се смее

 

Сакам да казам незнам дали има несто посебично од машко мислат дека 24/7 си достапна за нив и дека можат кога сакаат да дојдат и да зазвонат на врата како нисто да не се десило.

 

Пред малку читав 'ТЕА Модерна'

 

Навистина преубав ден ! Се чувствувам многу подобро од вчера, времето ми даде елан за тоа
Иако ноќеска не можев да заспијам, умот ми беше преокупиран со мисли за иднината воглавно, за тоа што сакам од себе , и дали она што го имам покрај себе е доволно, утрово се разбудив рано и свежo А, сега ќе го искористам денот до максимум, сама, и знам дека ќе си поминам убаво

Имајте убав сончев ден феминки

 

сдк викенд...тоа би требало да значи одмор, но не како ли можев да помислам на нешто такво?
Еден тон обврски за наредната недела, семинарски, презентации, учење на материјалот за активност на вежби.. Не, не се жалам, сакам да учам и успешно и на време да го завршам факултетот.. но мислам дека заслужувам и еден слободен викенд..
Се надевам се ова еден ден ке се исплати...

 

Абе каков викенд? Тоа е непознат поим за мене. Прости луѓе кога глумат директори на школо - има да учиш и во сабота и тоа без скратени часови од ниту 5 минути. Абе ајде..
А јас што треба да чистам дома, да купувам работи? Па роденден ми иде. Али сељачизам - тешка болест. :geek:

 

е значи колку неблагодарни луге постојат на планетава
пример за тоа е моја другарка-ако можам така да ја наречам која што има финансиски проблеми, а јас и кажувам каде да аплицира да може да се вработи, да заработи за да дипломира оти знам колку е тешко во денешно време без ничија помош-го чуствувам тоа на моја кожа а таа ни благодарам не вели, што си го трошам времето и нервите . Со ова си докажува дека е себична кучка и дека не ме заслужува мене за другарка, ама ако Господ 100 пати кога-тогаш ке и го наплати сето ова, памти па врати
оф, што сум толку добра и се обидувам на сите да им помогнам , е стварно сум за еден

 

Многу сакам вакви топли надежни денови
Утрово ме разбуди мало зракче од сонцето ,ме галеше по лицето како што никогаш не ме погалила мајка ми и како да ми велеше ајде фати го денот што побрзо,искористи го максимално.
Така станав ,се јавив кај мојата најверна другарка која си ја сакам како сестра и си ја викнав си пиевме кафенце на терасата . Си правевме планови каде на одмор, каде идната недела на собирање позитивна енергија . Ќе одиме на прекрасно планинско место каде има мало манастирче и прекрасен човек кој вреди да се запознае . Ми требаат долги прошетки ,само ранче ,вода и малку храна ,тренерки ,капче и прекрасни личности .Сакам повеќе вакви денови -Денес сум среќна

 

Sun is up
Нов аватар на Фемина.
Џиновски филџан турско кафенце :geek: .
А сега тргнувам во поход, да го освојан овој прекрастичен ден.
Пуштете си го мозокот на пасење и уживајте и вие, оти ваков ден цела зима чекавме

 

Времето нааааајубаво. Се ке беше уште поубаво да не беа моите дома и да не се карааа.Многу се нервирам што вака кога сум расположена некој ми го уништува расположението. И плус очекувам да ми зазвони телефон,а тој никако да зазвони.Епа и јас нема да звонам,ке водам инает.Ама тешко е бе да водиш инает,а да сакаш да sврцнеш,да титнеш.Ако се јави океееј,супер.Ако не се јави пак океј.

 

Пре-нај-пре-нај-пренајубаво утро.
Го обожавам овој период кога после толку тмурни и студени денови ќе се појави првото пролетно сонце и кога за прв пат ја почувствуваш онаа подзаборавена топлина и пријатното воздушно струење.
Камелеоните можат да ми се потфатат, побрзо менувам расположение отколку тие што можат да сменат боја. Ал, нисам крива мајке ми, ПМС ме мавa, а ПМС-от е кучка, не сме ние кучките, ПМС-от е!
Утрово кога ме светна едно сонце, па кога едни зраци и свеж воздух ми се разнесоа по собата, абе енергија шта да ти причам, зградава со заби ќе ја кренам.
И решив да се спротиставувам на ПМС bitch vs. bitch style. Ќе тепам јас, ако не сега, сам ќе му текне да помине.
Прв чекор од тепачката: Јадење чоколадо. Bitches love the chocolate.
Помага. Јас се чувствувам среќно, а кучката од ПМС е натрупана со благо и сега молчи.
Редче чоколадо, геврече со јогурт и спремна сум за денот.
Сега еден здрав шопинг за уште поголемо расположение и веќе е време да се закопа зимската монотонија.
Rise, shine and seize the day.

 

3 дена не ми е објавен еден коментар...нз зашто...нити пцуев, нити навредив некого со него...добро шом е така...

 

Кафе и житни плочки во замена за денешното сонце.
Можеше да почека уште 2 недели, па да не огрее после колоквиумската. Вака затворена меѓу четири портокалови ѕидови, морам да го заменам за некое поинакво задоволство.
Времето ме мами, ама парничната постапка нема да си се научи сама. Па, тргнувајќи од оној избор на студентите помеѓу спиење, социјален живот и добри оценки, ќе ги одберам вторите две. Спиењето може малку ќе почека. Ќе ги испразнам батериите до крај, па после 2 недели ќе ги наполнам со чист, планински воздух.
Најубавиот дел од денот поминат во учење, е кога ќе правиш пауза за одмор. А јас едвај чекам да си го земам точакот, и да отидам на шолја кафе и трач муабет. Таквата дружба помината на тераса под денешново сонце, знае многу да релаксира.

И дури денес забележав дека stressed, читано од позади означува desserts.
Oh, well... универзумот ми дава некакви знаци. А тие знаци овојпат ме упатуваат кон кујната

 

Денов е создаден за љубење!
Само што ги тргнав завесите ме погали сонцето и ме мотивираше да ја светнам куќата, дворот и терасата.
Па си го шмркнав утринското кафенце седејќи на раскошната ми тераса, ја шмукав цигарата и размислував. Среќна сум што мајка ми успеа да се справи со мене и да ме донесе на правиот пат, кадешто ме остави сама да чекорам. Среќна сум што помеѓу нас две доминираат односи на блискост, спонтаност и повторливост.. Или навистина си го пронајдов мирот или сонцево и пријатното временце си го прават своето.

Отидов јас да уживам.

Спојлер

 

Утринска прошетка со сестра ми во потрага по совршениот роденденски подарок за мама. Си дојде само роденденот да го прослави со нас.
Спомнав пред некој пост кај мене дека е матријахат, епа е. Нема ни 14 часот, а веќе сите роднини ја испочитуваа и и го честитаа роденденот.
Почнаа подготовки за ручекот, а наместо торта ќе ги добие омилените колачиња.
Секогаш на поважни денови е болна, ниту денес нема исклучок , но се држи цврста.

Среќен роденден мамо!

Имајте убав ден

 

Нема ништо поубаво од домашно. Кога знаеш дека, сам си го направил. Кога знаеш дека те фатило дупло помалце. И кога знаеш, дека најубаво си го направил.
Нема ништо поубаво од домашен ајвар, од домашни кифлички, од домашна салата, од домашно лебче, од домашна торта.

Спојлер

Иако, кога го правевме ајварот, имавме комшивки.
Како што љупев пиперки, видов црв, ми падна на земја пиперката, во гаража, каде што лазат глувци, и ја фрлив. И почна да вика по мене, како тоа било здраво, бла, бла бла.
Ма искрено, ме болеше дали било здраво, при самата помисла, ми се згади.
Ја зема, ја исплакна, и ја врати. Не изреагирав дека беше постара жената, да беше сестра ми, ќе и ја откорнев косата. И после уште кога видов црв, во него, нема нешто што ќе ме натера да пробам, пак.
Единствено, ако сама јас го направам, па макар и за 80 дена.

Друго што сакав да кажам е дека, си го искористив утрото, за да си ја расчистам собата, и да ја направам гланц. Несакам да го поминам цел ден пред компјутер, па затоа ќе гледам да си поуживам. А подоцна да си ја фатам книгата, и јас.
Останете ми поздравени.

 

Само шетајте си вие, кафица, мафица... си учам од сабајле, ќе си учам до вечер, ќе го гледам временцето од прозор, и не ви лајкнувам постови за убаво време, од инат! АМАААААА наредната недела, ќе си наплатам дупло, па ќе видиме тогаш. Први почнавме со колоквиуми, таман, моите ќе завршат, вашите ќе почнат. И така злобно ќе ви се смеам, мухахах, уште потопло ќе биде, мухахаха, вие внатре, јас надвор - МУХАХА!

Гасам компјутер, го вклучив на 10 минути и се џитнувам во светот на граматиката.