[СДК] Сакам да кажам...[Стара тема]

Кутрево е улично и боледува од тумор. Вчера му беше направена операција која треба да се плати, и да се обезбедат средства за понатамошна нега.
Верувам дека повеќето од нас можат да издвојат барем 100-200 денари и да донираат, да му се помогне на кутрево, греотка е. Еве ви линкче, има број на жиро сметка, еве јас сега ќе одам да уплатам нешто ситно, толку имам, а и не се потребни многу средства, околу 4000, така да 10-15 души ако дадат по нешто ќе се соберат без проблем.
http://www.facebook.com/#!/media/set/?s ... 321&type=3

Имајте убав ден.

 

Се сеќавам кога бев мала, бев толку слаба, ушите скоро ми беа проѕирни, вените ми се познаваа, анемијата секогаш присутна, и константно со напади на бубрези. Често моите ме фаќаа за раче и ме носеа по доктори. Некогаш кога бевме дома им ги слушав дијалозите, дека не знаат веќе што да направат за да ми го појачат имунитетот.

Честопати кога се виткав од болки, ја гледав мајка ми колку е беспомошна, и во очите имаше очај, ќе ми ставеше топли облоги на половината, или силно ми ги притискаше зошто и викав стискај не ме боли така. Кога ќе помислам што поминаа таа со мене, душава ме боли. Бев толку многу слаба, и во школо ме викаа- костур на батерии (дечишта бу!).

Ама... денес сум супер здрава, и кога ќе се видам во огледало викам, лелее Љубаммм време е да ослабиш. Често поминувам покрај спортската сала, ама никако да влезам. Некогаш чекам оној мојон да ми рече- "Љубам олабави малку", а тој ми вели - "те сакам каква и да си" ( е баш ми помогна).

Туку убав ден, сонцево низ ролетниве ми го грее лицето. На маса потпечени лепчиња со маслиново масло, чаша јогурт, и многу книги околу мене.

Денес одам на интервју. Имам самодоверба. Нека биде што биде, ама шанса е..

 

Сдк скоро секое утро ме до- РАСОНУВА гласот на сестра ми ,убаво е чувството кога знаеш дека не некого му си од утро во мисли .
ПРАЈСЛЕСС Е неверојатно е и полно грижи и љубов .
Фала ти ...и јас исто мислам

 

Не оставајте недовршени работи. Кажувајте им на блиските дека ги сакате, секој ден. Еден ден ќе ви биде последен. Добри луѓе ги снемува наеднаш, паѓаат и не стануваат, оставаат простор некој да се праша зошто? Не се цели кога си заминуваат, а тоа е тажно.

Уживајте, водете љубов, јадете што ви се јаде и дишете со полни гради. Се друго е залудно. Утре сум на погреб.

 

Денеска решив да си земам слободен ден, толку ми е преку глава дојдено од школово, не можам да опишам..
Секој ден хорори гледам, ми иде да си пукнам во слепоочница.

Инаку, се` останато е сосема во ред! Имам нов член во семејството, пуфче мало, како Јапонче ми е. Едвај чекам да го видам, стиснам, зрачи со живот..
Се погоди да се роди на славата, причина за двојна среќа и радост. Честитки од сите страни, дури и од оној од кој што најмалку очекуваш.
Ете, тоа ме радува мене. Сплотеноста, искрената прегратка, честитка, цело семејство собрано на куп!
И душава ми дојде на место.

Вечер сум повторно на мекици, а сега одам да се средам, имам средба со моето мече. Моето плишано мече!
Еех и со него времето ми летна, скоро три месеци.. Кога бре??

 

Размислуваш позитивно во текот на целиот ден, оптегнуваш широка насмевка, се тешиш со позитивни мисли и.. доаѓа ноќ, време за спиење, време кога си сам со себе и со своите мисли и ете ти ги сите с*ања кои си ги потиснувал цел ден излегуваат на виделина...

И уште една непроспиена ноќ...

I've been here many times before...
http://www.youtube.com/watch?v=hSH7fblcGWM

 

Сдк дека денеска и вчера се чуствувам ужасно.. До кога ли ќе умираат млади луѓе. Луѓе што сеуште немаат видено ништо, не го имаат проживеано животот.
R.I.P. срцее мало иако лично не те знам се чуствувам како да те познаваав братучет ти е должен за тоа. Како ли е можно сите добри луѓе да умират, не ми е јасноо зошто, колку лоши луѓе постојат и господ реши да те земе баш тебе, баш ти да го напуштиш овај свет. Или можеби си предобра па на господ му треба некој таков како тебе. Како и да е нека ти е лесна земја....
И знаете што ли сватив дека доволно се жалиме за глупости и ситници, постојат луѓе кои ги губаат своите најмили и не кажуваат збор за тоа цела болка си ја носат во себе...

 

Не очекувајте некој друг да ви покажува колку вредите, бидете свесни сами за тоа. Не барајте признанија. Најдобра лекција е како да научиш да се сакаш и цениш. Не се оптоварувајте со тоа што мислат за вас, како ве вреднуваат. Можеби тие користат различна мерка за вредноста...

 

Менка од Сенки рече: Насмеј се, може утре ќе те нема!

Насмејте се.

Што и да е... Мора да помине.

И онака сите го чекаме истиот крај. Направете си ја приказната позитивна и љубовна. И не плукајте по туѓи дворја, ако не сте си го исчистиле својот. Во вакви мигови ми фалат приказните на баба. Секогаш полни со мудрост, топлина и верба во Убавото, Доброто. Утопија на детството.

Радост е овој свет, колку и да е клет...

 

Го мразам интернетов скрос! Ги мразам и сите блогерки што ми даваат безброј идеи, а јас кутра напатена душичка сум. Несреќна што Бил Гејтс не ми е татко!

 

Конечно и овај ден да дојди,среда-крај на писмените и испитувањата за ова тромесечие
Кога сега си мислам на сите поминати денови во нервози,плачки, непроспиени ноќи,пропуштани омилените серии и часови на интернет ич не се правам пишман бидејки постигнав стварно добри резултати и создадов убава слика кај сите професори што ми беше најважно,а маката, маката се заборава кога ќе ги видиш наредените 5ки во дневникот

Е сега можам слободно да си облечам пижамчина,пакетчето МЕДЕНО СРЦЕ и нескафето во раце ,пред мене фб и фемина,омиленитее серии и да уживам во мојот продолжен викенд без грижа на совест и горда на својот постигнат успех


Поздрав феминки

 

Секое утро кога едвај станувам за на школо си викам, ,,ајде кога ќе си дојдеш, ќе си легнеш, ќе се отспиеш како човек..‘‘ Ама ништо од бизнисот. Кога си доаѓам си велам ,,Ајде од спиење нема спомени, нема спиење поручеква!‘‘ Утре сабајлето па се расправам сама со себе зошто вчера така мислев, зошто не спиев! Јас неможам сама со себе на крај да си излезам, а незнам како успеваат другите.. Сите наопаку јас терсене.
Синоќе спиев само 5 часа. Сабајле одвај додржав на школо..

Се заразив со песнава
http://www.youtube.com/watch?v=D0P5rMBU9b8
и другите околу мене ги заразив.

Спојлер

Дејзи ме зарази со песната.

 

После глупавото паѓање во училницата, пред цел клас, после гомцето од врапче на палтото мое, очекувам убав ден?
Пих! Џабе се надевам.
Денов ми е тргнат наопаку. Имам за учење, а не ми се учи. Попосле, ај промес.
Се потсетувам на некои постари песни кои ги немам слушано подолго време и да ви кажам, супер ми е вака. Земав да ја учам „Луз јорселф - Еминем“ после неколку неуспешни обиди, ама овојпат сум одлучна. Мора денес да ја научам.

Наопачки ден, зар не?
Море, остајте другото, ами, ем што сум во пмс. Се важи тоа?
Само на фрижидерот стојам. До Нова Година ќе станам буре. Буквално буре. Оти, како што сум тргнала...

И знаете што? Брука сум, голема.
Абе, само мене ми се случуват глупи ствари? Единствена сум? Ах...
Не знам што е работава - дали сум промашила веков или стварно сум дебил?
Туф, туф.

И знаете што?
Земав да си ги читам мислењата од почетокот кога сум се зачленила. Боже, па мени то доџе ми да вриснем! Цк,цк.
Во секое мислење ми било присутно смајливо „ “ . Сигурно и затоа ме сметате за идиот(ка).

Абе, после секоја работа ми иде паметот, ама касно е...

 

Чуството кога ќе се разбудите а над вас вашата мајка изгледа вака ...

 

СДК лесно и едноставно, немам време и нерви за секого, си ги сакам моите луѓенца и тоа е тоа!
Гуш муш

Поздрав до вас кои ме читате и СД ви К дека сите сте прекрасни, и одете ајде испукајте се и исфрлете ја негативната енергија, и уживајте, животот е препрепрекрасен.

И последно СДК:

НЕ БИДИ КОЦКАСТ, ЗАБАВАТА Е ВО КРУГОТ ХАХ!

 

Велат слоновите носеле среќа. Си купив еден, го ставив покрај прозорот со сурлата нанадвор. Ако носат среќа како нивната големина, нека ја вшмукаат и сплотат во моето срце. Мало е .. ама има место за многу среќа..

 

И после радосен, исполнет и заносен ден вчера, денес сум како бомба пред експлозија буквално го слушам го глава она тик-так-тик-так.

Ете од рано сабајле во буквална смисла на зборот се ме нервира. Зошто мачката не спиеше до мене, зошто другарките на брат ми се лакираат со мои лакови без да ме прашаат, зошто тревата е зелена и зошто луѓето се мутави. Денес ќе се тепам, па дал со себе дал со некој друг не е битно. Во краен случај како извадок од амерички филм ќе мавам во перница, на која и така и треба протресување.

И резиме, во последно време и средиве не ми ги бива. А мои беа, заедно си водевме љубов и си се радувавме на средината. Глупости, глупости во боја ете таков ми е денов.

 

Ми најде толку изговори кои можев да ги кажам и да не биде вака.
Тој, кој не треба да ми наоѓа изговори, тој кој не треба да ме брани сега, тој кој треба да биде лут и навреден, ете токму тој сакаше да ми излезе во пресрет и се да се заврши на едно „извини“.
Ама, пак тука е и фактот дека јас сум разочарана.
Се чувствувам како да сум меѓу два огна. Кај и да тргнам ќе се изгорам.
Од една страна, тој се обиде да ја исправи мојата грешка.
Од друга страна, како да замижам на се што поминало?
Сепак, тој е тој кој ме разочара. Тоа што го направи денес делумно е и за него, не само за мене.
И решив, да не замижувам. Ова денес е капката која ја прели чашата.
Од денес ништо нема да се сведува како порано, на нула.
Нема откажување.
Со мене никој не разговарал така како тој, е па богами на тоа не можам лесно да преминам.
Од денес за се ќе барам објаснување.
Некои луѓе ќе мора да ми објаснат и зошто дишат...
Од денес за сечив збор ќе барам поткрепа...
Од денес стапува на сила она што одамна сум си го ветила:
Вртам нов лист!

 

Дај им го светот, дај им го цело небо, дај им го цел живот.. Уште еднаш од почеток да бидам сведок на овој пекол, на тие ноќи, дека нема ништо потешко од тие очи...

 

http://vest.com.mk/?ItemID=D568AF92851E ... A6FBAB51C4
ЛЕле неможам да поверувам дека вакви личности постојат и на каде оди младинава...Леле зарем вака ќе продолжува светот! За вакви не поправен дом,ама одма во затвор би ги ставила! И терапија од психијатар неколку месеци. Добро,како ги учат децата? Разбирам дека секој човек сака да се задоволи,ама на ваков начин? Насилници! За лечење се жими се! Треба и сексуално образование да има во основните,овие врска немаат. И како така напаѓаат,па жената трауми за цел живот ќе има,добро инфаркт што не доживеала. Ама во оваа држава, ќе видиме дали ќе добијат соодветни мерки или ќе им се размине. Аман,сега во полицијата е мафијата,се за пари! Затоа светот ќе гине и нема да има никаква контрола,никој не се ни плаши,

А и греота врсникот мој кој бил прегазен.Нека почива во мир. Добро,како возел тој,што го прегазил? Ум немаат! Да сум родител и да му давам кола на детето,прво ќе се осигурам дали не вози пребрзо или лошо.Нема да му купам кола,ке ја продадам,а и него ќе му забранам,не е играчка ова. Ама денес за жал,децата се без контрола.ВЕ МОЛАМ,бидете добри родители! Сакајте ги децата,правате се за нив,ама ко ќе треба воспитна не ги жалете,да не прераснат некој ден во монструми.Воспитувајте ги,да имаат некаков морал.И памтете,вие сте им пример.И онака сега се знаат од мали,паметни се да,ама важно е како ќе го користат тој мозок понатаму. Јас незнам повеќе што да кажам,ко го читав ова,останав без зборови,ме натажува светов во кој живеам.Ме радува,ама и понекогаш е неиздржлив.

Поздравче од мене и имајте убав ден,нека вас ви се случуваат убави работи.