[СДК] Сакам да кажам...[Стара тема]

Има места кои едноставно ги сакам. Едно од нив е Куманово.
А денес едвај се натерав да отидам, некако знаев дека нема да биде ок, и не беше како што треба. Така е кога човек има големи очекувања

Впечатокот се поправи со најубавата пита и ред други работи во Етно село. И макјато. Секогаш пијам макјато во Етно село. Затоа што ми буди спомени за едно време кое не беше многу одамна, а се би дала да се врати. Или уште поубаво, пак да дојде!
Ни баклавата во Визијана денес не беше убава. Во исчекување, со гледање на саат и мобилниот до мене и надеж дека ќе го слушнам гласот кој сакав да го слушнам. За малку.

Никако не можам да ги сакам местата поради она што се. Ги сакам поради луѓето во нив, луѓето што ги сакам, и моментите што сум ги имала со нив. Струга секогаш ќе има посебно место во моето срце. Кичево стана поубаво откако ја запознав Сандра. Велес го сакам уште од детството, Неготино и Струмица покрај убавото друштво од работа, Македонски Брод и Демир Капија како места од кои немав очекувања, а пријатно ме изненадија, Росоман по луѓето без проблеми, Старо Нагоричане како најголемо изненадување поради луѓето таму - а сега веќе не, Кавадарци по бубрежето, а Свети Николе по неочекувано професионалните соработници. И уште многу други места кои зафаќаат дел од моето срце, и не поради природата, како онаа на Пелистер, или духот, како во Вебчани, туку по луѓето кои сум ги сретнала. Сепак, има едно место кое за мене секогаш ќе биде посебно.

Куманово во срцето... што би рекол Нино
http://www.youtube.com/watch?v=e0ZVVQpFtAI

 

Таман се опуштив малку,дојде време за загревање на столчето.А колку би сакалааа да си седи ладноо..
Сончеви ли се денови,одма доаѓаат студенски маки големи.
Учи си навечер до подоцна,стани си сабајле порано.

Сакам следната недела да врне,па да се надевам ќе положам..нешто.
Вака не го бидуе.
Ц.
А ако биде пак сонце, што ги еб*м ќе ги паѓам.

 

Таа е цврста... Таа е нежна... Tаа е јака... Tаа е убава... Таа е сама и Таа веќе може се сама... Но, сепак да љуби не може сама! Не се осудувај да играш со неа таа е опасен играч... Taa e НАЈУБАВОТО НЕШТО... Таа е ЖЕНА !!!

 

Сдк дојдов да си ја пофалам мајка ми.
Нема нешто поубаво од моментот кога се враќаш дома и те чека најтоплата прегратка, бакнеж кој ќе ти го дупне образот и најубавото зготвено јадење на маса за гладната ќерка.

Љубим те!

http://www.youtube.com/watch?v=dLsEnA0gX3c

 

петок...прекрасен топол ден поминат со мојата мајка во град ..( на шопинг) се чуствувам изморено ..така е кога легнувам во 03.00 часот..Ахххх Алескее за карање...море за тепање сии..со нетрпение го очекувам утрешниот ден да уживам бескрајно во ПРВИОТ ВИКЕНД ОД ОВАА ПРОЛЕТ..јеиии

 

СДК дека кога ќе му ја легнам сега да спијам, до утре попладне не станувам. Очајно многу ми треба одмор!

 

СДК дека ја сакам мама, сакам да биде среќна, да ги заборави лошите мигови од нејзиниот живот, сакам постојано да се смее како некогаш. Ги сакам и нив, животот е најмалото нешто што би го дала за нив, многу ќе ми недостасуваат, најмногу. Но си ветив, драматична промена, за инат на љубоморните суштества.
Никогаш не сум била блиска со неа, но сега сфаќам дека проклето ќе ми недостига, сакам да ја гушнам силно, така да останеме со денови, да и кажам да не се грижи, можам сама, ќе си докажам себе си. Ги сакам моите планови остварени, ќе биде горда мајка и ветувам.

 

Не сум згодна ко Боа, ниту креативна како Шилеа. Не сум најубава како Најубава на Петко, не сум ни учена ко Анатх. Не сум дрска ко Лилит, ниту шегаџика како Мерлинка. Најмалку пак сум зависник од мода како Марама , уште помалку знам да се шминкам како Сефора. Не сум затворена ко Џули, а ни борец како ИванаМкд.

Многу работи не сум...
Но, едно со сигурност сум.
Човек кој љуби.

Многу работи немам, но кога имам љубов, јас имам СЕ.

 

Од факултет треба да ми даваат плата. Дневница де, за тоа што скиснав цел божји ден.
Осет да немаат тоа професорите, милиш на сите животот ни се врти околу тоа одвратно, архитектонско, бетонско чудовиште. Внатре сум како крт.
Мислам дека денес добив нешто налик морска болест. Вториот спрат во читална се тресе на секој чекор. Иди читај во тоа скриптите, да те видам, додека ти се љуља се.
Долгооо, долгооо траеше денов. А уште подолго ќе трае мојот сон, во кома ќе паднам.

Ваквите денови треба да се избришат од календар. Не постојат!!

 

Петок, убав ден, сончев ден, симпатичен...
Имав колоквиум денес, еден и единствен во оваа сесија, учев само 2ипол саати сабајлево, ме послужи среќата и го положив. Среќа што логика ми е јака страна, а имам и некои основни познавања од економија...
Излегов и помислив дека требаше да учам и со повеќе поени да положам, ама пак... Колегиве се цела недела во читална, некои и цела ноќ не се спиени, а имаа само неколку поени повеќе. Ќе си речете имаат повеќе знаење, ќе ве прашам какво?
За меркантелизам и физократи можда, за Смит, Сеј, Хјум... а што ќе ми се, нејќум ваква економија, јас сакам закони и криви на побарувачки, потрушувачки, ресурси, аутпути и тако то.
И да се вратам кај учењето, ама па си велам има следна сесија, после неа уште една, после неа уште една, ќе седнам ќе научам ама сега ми се уживаше, ми се дремеше на сонцево, ми се шеташе по паркови, ми се возеше на мотор, све ми се правеше освен што ич не ми се учеше.
И нека, не ми гајле во Јуни ќе бидам во форма, ќе морам да учам, ќе чистам семестри пред дипломирање, ќе се бодрам дека после последниот испит ќе одам на одмор, за да смогнам сили во Септември да расчистам со сВе и сите поврзани со Јустинијанчо, барем на неколку години.

И додека пред Компјутерски ова го мозгав пред мене од негде се појави девојче/ девојка/ жена... со прекрасна бела романтична и нежна кошула, ама многу лошо искомбинирана. Толку лошо што дури во тој хаос од тексас претесен шорц, бисерни хулахопки и патики изгледаше како сосем обична, а не беше...
И зјапав, зјапав, и зјапав, без тронка срам, додуша највише несвесно.

Но после си реков, заеби Најубава кошули и мода, облека и обувки се е тоа пролазно, се е тоа само момент, на крајот од денот сите сме за миг потполно голи, ама сепак имаме нешто заедничко, сите сме луѓе.
Сите љубиме, се радуваме, учиме, плачеме...и не по гардероба не се суди, тоа никако.
Си отидов денес и кај моето мало и мило бебче, го гњавев, му гугав а тој ми се смее, час се смее час се љути вакцина примило денес па кенкаше поише. А иначе е сонце, мило, невино и насмеано.
Ми го разубави денот неговата кисела насмевка, ама па од мали бебиња ништо помило нема.

Денес сум у некој тежок психолошко-филозофски филм па цел ден обесувам и филозофирам, а и во ова темава одамна нешто вака поопширно не сум чкртнала.
Ај останете ми со здравје.
Одох ја...

 

Денов исполнет со убавини. Разговори со другарки што во живо, што по телефон. Запознав и една прекрасна феминка со која ама баш не осетив кога летнало времето.
Тој ми се јави само да ми каже дека ме сака и доволно ми е.
Понекогаш грешам што се затворам дома или пак во себе. Ветувам нема повторно
Топол чај и колачиња, убаво ми е.

 

Денес направивме едно петочно чистење,што не е типично за нас обично чистиме сабота или недела,но ми заврши колоквиумската и денес бев дома па мама решила да ме искористи колку што може.
Одкако средивме се решив конечно да се одморам со едно кафенце,но случајно се најавија другарки дека ќе доаѓаат кај мене и ете уште еден повод за кафе и друштво.
Се на се денов добар беше.

 

Прекрасна вечер

Полна изнадувања
Јас, ТОЈ, поклонче
Ја добив првата роза од дечко во мојот живот Радости добив и прекрасен гердан и книга на која многу и се радувам! ,,Патот на љубовта"- Антони де Мело, ах романтичен тој

Те сакам

 

Фак јеа, градов тоне во својата некреативност и сивило.
Среќа што имам добра другарка што и требаше пешки одење од дома до Центар, испукување со темно Лашко и малку лаф муабет за да сфатам нешто што одамна го игнорирам.

Во Скопје, ноќниот живот е само за сеир.
Никој не игра. Никој не сака да се забавува. Сите мрчат. Стојат во ќош со пијачката во рака и премеруваат туѓа облека, стандард, лице. Мерат лица. Точно. Од таму и зборот лицемерие.
Јас пак, наивецот светски, очекувам дека некој таму мене ќе ме чека со отворен подиум и срце. Епа сестро слатка, НЕМА.
Затоа пиј си пиво и растворај го расизмот и егоизмот во темнините на овој град.
Навистина се разочарав, ама онака, не со длабока песимистичка тага, него како граѓанин кој сака да промени нешто.

Можеби е само прелом од пролет кон лето.
Ќе сркам супа сега, од брокула и морков. Ќе си пуштам филмче и ќе мекнеам. Ми се пишува. Овој пост, како на Пабло Неруда, може да е најтажен спев за мојот град. Градот што го бојам во сите бои, а тој секогаш ме изневерува со својата омилена - сивата.
Зошто, Скопје?
Зошто?
Кој ли ќе ми даде одговор не знам.
Важно, денес сум скарана со мојот град.
И не му се смирувам додека не видам зрак сонце и насмевка на размрданите колкови што ќе шизат без да се грижат кој ги гледа додека се дрмаат.
Живот.
Кој би рекол дека некому не му значи, а го држи во рака.

Ах, граду мој, ни епопеја, ни расказ, ништо не те пишува.
А помалку и брише.
Те сакам и мразам истовремено.

 

Mногу убаво си поминав вечерва .. Ќе кажам само дека ја трезнев другарка ми цела вечер и ја почуствував како да ми е сестра..Прво таа се расплака, по неа и јас . Циркузи . Срцка е

 

Ми се врати вујкото од Холандија, и гледајќи ги му сликите посакав и јас да патувам некадеееееее, сакам во странство да одам, градби да гледам, да се изнашетам, да се изнасликам на прекрасново време...ахх...така прекрасни поклончиња ни купил, а моето е најубаво. Обожавам сувенири од странство, секогаш купувам и секогаш со задоволство примам поклони кога ми купуваат. Едноставно тоа ме радува многу!

 

.
.
.
..........

.....................................................SDK,.. za K R A J .!!

 

Времеплов и преболени љубови.
Хајскул свитхарт. Сменети и чудни. Смеши. Уствари тој е смешен,јас бев зрела и тогаш,бар за него! А тој сега расте,а јас мајчински си сослушав...комедија! Ах и да не зборувам што се намурти кога го спуштив гардот.
Што ме нишка и носи во моментов... Убаво ми е кога некој што треба ме научил и ме прашува што ти е?!
Знам кого сакам да гушнам,но ќе се проголтам и самата ако треба...нема.
Она што носи мигот,не го носат ниту 100 години.
Во овој миг одлучувам да ...спијам.