[СДК] Сакам да кажам...[Стара тема]

... доживеав целосно прочистување на умот на вчерашниот концерт на Влатко Стефановски.
Сите излегоа со некаква блажена насмевка и потскриен оптимизам од салата.
За миг веројатно сите ги заборавија своите проблеми и гадостите кои ни ги сервира светот и животот.

Нормално, што би бил патот до наградата без возење во култната 23ка со уште покултен музички избор.
Се возикам така и си мислам - Аца Лукас и Цеца се мејнстрим за овие песни!
Што е бре ова?




Постојано слушам за нечии избори - прашање на вкус е.
Ама тој што не го почитува Влатко Стефановски е - безбоен. И безвкусен.
.

 

Па кааај сте ми вие? Се испозаборавивме еј. Многу вредни сте ми биле, дури 100тина страници сте испишале. Ќе ми извините што нема да ги исчитам сите, веројатно сте пишувале убави работи и ме радува . Јас најдов малку слободно временце па седнав да ве читнам.
Инаку периодов ми е многу убав, четврта година rocks . Журчиња и дружење секој божји ден, училиштето веќе е на заден план . Ма просто уживаме.
Пред некој ден се сликавме за табло, две слики ми испаднаа феноменални и многу ми беше мака што морав една да изберам .
Вчера бев по фустанче за матура, многу се радувам што си одбрав убаво моделче.
Трчам угоре, удоле и си ги завршувам обврските, што ме исполнува, немам здодевни моменти и тоа е тоа, уште многу работи ме очекуваат наредниот период, за тоа нареден пат ќе ви се фалам. Многу ми недостигате, да знаете дека Штрумфетка не ве заборавила, се читкаме, ви праќам гушки на сите .

 

Мразам кога започнува летното сметање на времето. Губам цел час

 

Си размислувам.. јас воопшто не се противам кога минатото доаѓа да ме прогонува,ма да тоа не е соодветниот израз.
Имам толку прекрасни спомени - им се препуштам целосно.
Ми се враќаат само убавите работи, лошите ко да не ни биле.

И не се чувствувам ко да живеам тогаш, ко да сум заглавена во некое време кое поминало и не можам да продолжам понатаму, не.
Едноставно ме исполнува споменот на секое место каде што некогаш сум била, секоја постапка, секој човек кој поминал низ мојов живот и оние кои останале.

Ништо не би променила.
Ниту солзите,ниту болката,која сега ми е толку нереална...

 

Многу мразам луѓе кои своите ставови си ги формираат од нечии чаршиски муабети, отколку од своите лични искуства.

Некако, едноумно или пак ајде да се изразам распространето мислење наоколу е дека Правниот факултет (најчесто Јусти е во прашање) можел секој да го заврши. Не знам што луѓето подразбираат под секој, ама најверојатно тоа значи дека кој се запишал - го завршил факултетот. Остај тоа секој, кое е дискутабилно, арно ама па и ако со 6ки испумпан индекс, по 60 пати преполагање еден испит, исто не ми наликува на студент, во права смисла на зборот. Најлошото и она што е сурово иронично, е што ова го говорат најчесто луѓе кои немаат завршено никаков факултет, дури ни овој кој нели секој може да го заврши, или пак луѓе кои апсолутно немаат никакво искуство со Јусти, туку од ојле-дојле, чаршиски муабети, си го оформиле овој таканаречен јустинијановсекојгозавршува распространет синдром.

Јас би ги замолила најљубезно сите тие кои го имаат овој став, нека повелат, нека се запишат, ако треба јас ќе ги подиспратам со водичка на сите испити, и нека го завршат овој фамозен факултет што секој го завршува, од просто до паметно, ваљда све тоа се сведува на исто нивоУ, и ќе ги замолам нека ми го кажат нивниот впечаток, како го искусиле тоа искуство многу ме интересира.

Така да, фрустрациите од овој тип се страшни по нечии мозоци. Тоа може ужасно да те мотивира дека си најдобар пошто не си го завршил факултетот што од водоводџија до судија го завршил, или пак да те демотивира зошто за некоја среќа, Правниот факултет е еден од најреномираните факултети во земјава.

Ајде поздрав сега, одам да учам, можда и не морам, пошто сигурно ќе го поминам така нели, дека Петкана, Стојна, Трпана, и Цветанка така праеле муабет пред кооперација, ама што е сигурно-сигурно си е, не?

 

СДК направив страшна грешка, не требаше да си дозволам вакво нешто. Си ветив сама на себе многу работи, а ниедна не исполнив.Многу разочарано се чувствувам.
И вистински мразам што сум девојка на овој ден. Уште менструацијава ми фалеше за се да биде комплетно.
Кога реков дали денов може да стане полош, тоа беше реторичко прашање, не предизвик, драг животе..

 

Животов е убав за оние кои знаат да го живеат. За оние кои се радуваат на ситници. За оние кои ги исполнува дури и обичен мирис на свежо печиво.
Пред неколку дена излегов од дома и го вдишив чистиот утрински воздух. Ми мирисаше на лето. Тоа ми го направи денот. Потоа цело време се смеев како идиот, затоа што летото е тука. Место јакна можам да носам тренерка. Место чизми - патики. Ми фалеше тоа. Купив и сладолед, па уживав до дома, место да се нервирам зошто ми е претежок ранецот. Милина.

Летово е радост. Чиста радост за оние кои знаат да се радуваат.

 

Да се надоврзам, покрај тоа децата се чисти, палави, среќни, знаат да сакаат...од едноставна причина што незнаат да мразат, повредуваат,всушност немаат развиено его, затоа и ги сакаме.Кога човек би направил ретроспектива за животот општо, ќе открие дека се е некако наопачки поставено, после се чудиме зошто е така, е зошто де...? Дека грешиме? :geek:

Се стопли времево и се просветлив само филозофирам

 

Ајде јас пак.
Го најдов ова на нет. Да видиме кој ќе се пронајде.
Хороскопските знаци во лифт
Сите хороскопски знаци се во лифт на еден голем хотел. Меѓутоа, лифтот се заглавува помеѓу два ката. Еве како би се одвивал нивниот разговор...

РАК: Што му стана?

БЛИЗНАЦИ: Опаа, заглавивме!

ЛАВ: Ама ајде, комшија што зборувате! Случајно застана.

ДЕВИЦА: Леле, кај најде баш сега!

ОВЕН: Да видиме во што е работата (ги притиска копчињата).

СКОРПИЈА: Еј, комшија немојте толку силно!

ОВЕН: Ама ајде! Мислите дека е подобро да седиме и да чекаме?

ВАГА: Комшија, смирете се! Не е време за расправија!

ДЕВИЦА: Тоа што сме заглавени – никому ништо. Знаете ли колку работа ме чека?

ЈАРЕЦ: Сите ние имаме некакви обврски, но наместо да паничиме, ајде да го направиме тоа што треба!

ВОДОЛИЈА: Така е. Мора да постои дежурен мајстор. Комшија, притиснете го црвеното копче, ве молам.

БЛИЗНАЦИ: Се разбира. Не реагира. Опаа, ќе биде весело!

РИБИ: Види го ти него! Нему му е дури интересно!

СТРЕЛЕЦ: Зошто да не? Нема белки да плачеме?

ЛАВ: Слушајте ме добро! Како прво, дали некој од вас има некаков алат?

ВОДОЛИЈА: Еве јас, но сè уште не можам да видам што е најдобро да се направи.

БИК: Не би сакал да се шегувам со ова. Ова е лифт, а ние сме сто метри над земјата.

ОВЕН: Ајде де! Мислите дека цела ноќ ќе седам тука? Ако не сака со убаво, тогаш со лошо (почнува да ја шутира вратата).

ВАГА: Комшија, смирете се! Тоа не смеете да го правите, опасно е!

СКОРПИЈА: Ма пуштете го! Гледате дека му фали некоја даска во главата.

ОВЕН: Слушај ти битанго една! Ако сакаш да разговараш со мене, треба да се однесуваш со почит кон попаметен од себе.

СКОРПИЈА: Со тебе можам да поприкажам и на еден посебен начин, а ако сакаш, можеме и овде во лифтов.

ЛАВ: Господа, не дозволувам такво однесување! Јас ја превземам работата во свои раце и сака убаво да ме сослушате. Прво, смирете се!

РАК: Како да се смириме? Еве, веќе половина час стоиме овде беспомошни.

ДЕВИЦА: Така е! Не сме ни свесни што с еможе да ни се случи.

СКОРПИЈА: Вие правете што сакате, јас повеќе не можам да издржам. Морам да запалам цигара.

РАК: Леле, немојте! Ќе се задушиме човече!

ДЕВИЦА: Побарајте го отворот за вентилација, овде веќе не може да се дише!

ОВЕН: Ајде да пробам уште еднаш!

СИТЕ ОСВЕН СТРЕЛЕЦ: Не!

СТРЕЛЕЦ: Се согласувам со комшијата Овен. Ако со шутирање ја скршиме вратата од лифтот, ќе можеме да се спуштиме еден кат подолу и да излеземе од лифтот.

ЈАРЕЦ: Немојте комшија! Тоа не доаѓа во предвид.

РИБИ: Така е! Кој знае што се може да ни с еслучи додека се спуштаме. Некој би можел да падне од лифтот.

ВАГА: Комшија, што мислите вие за ова?

БИК: Мене ме прашувате?

ВАГА: Да. Гледам стоите мртов ладен

БИК: Мене ништо не ме прашувајте. Сега е ручек време, а тогаш не размислувам за тешки работи.

БЛИЗНАЦИ: Зошто се грижите? Имам карти за играње, па можеме да изиграме некоја партија. Да делам?

РАК: Вие не сте нормален!

ЈАРЕЦ: Комшија, бидејќи го изедовте сендвичот, а рековте дека имате решение, ајде да го слушнам.

БИК: Решението е едноставно, ќе чекаме дури не дојде струја. (лифтот почнува да се тресе)

РАК, ДЕВИЦА и РИБИ: Леле, што е ова?

БЛИЗНАЦИ И СТРЕЛЕЦ: Почнува вистинската забава!

ВОДОЛИЈА: На нашите маки им дојде крајот – дојде струја.

СТРЕЛЕЦ: Сега ќе излеземе од лифтот и ќе одиме кај мене на кафе. Ова мора да се прослави.

Што велите? Се препознавете?

 

Чудна работа ми се случи.
Видов еден фин дечко како му дава чоколатце на циганче, детенцето имаше максимум 5 години. Од „никаде“ се појави мајка му и му го зема.. Да не коментирам пак за нејзиниот изглед, дебела како американците што јадат секој ден во МекДоналдс. Ми падна премногу жал од причина што детенцето додека го држеше чоколатцето толку му светеа очињата што мислам дека сонцето можеше од срам да си отиде, насмевка имаше од уво до уво... Го викнав детулето и му кажав да дојде со мене, поодевме некои пет минути, мајка му ни абер немаше дека детето и недостига. Стигнавме до пекара, му земав бурек, ѓеврече и јогурт. Седнавме на една клупа и почна толку брзо да јаде се додека му кажав дека нема портеба да брза толку а одговорот ме остави подзината - Мајка ми ми` дава одвај едно парченце од тоа што го купува, секој момент може да ми се појави. Го охрабрив и почна да ужива во јадењето. По некоја случајност имав и витанова во ташна па му ја дадов. Пред да се разделиме детенцето фино ми се заблагодари користејќи прво лице множина и ме замоли ако имам палома да му дадам да се забрише затоашто мајка му ако дознае дека јадел тешко него...

И после кажете ми дека просат за децата или дека немаат пари.
Важно со цигарата во рака се шета, убаво скоцкана а детето и има одвај панталони на себе а да не зборам па за патики или папучи.
А на детенцето благодарноста му се гледаше во очи, цела сабота лебдев затоашто знаев дека на некој кој е жеден за внимание и малку љубов му го подобрив денот.
Се на се` убава недела имав.

 

А, кога доби еден саат, заборави???

 

НИкој не прашува кога добива нешто, туку кога губи...
Тој саат ми го поремеети цел ден, налет нека е....

 

Педантеријата во мене, и овојпат победи.
Викендов си скратив од сонот и социјалниот живот, само за да ја средам собата.
Избришана прашина, истресени играчки и прекривки, избришани прозорци, премачкан мебел со политура, исчистено со правосмукалка, сменета чиста постелнина и нов фрешер со мирис на лаванда.
И одеднаш, светот станува поубав.

Се надевам дека со нашата креативна честитка, му измамивме барем мала насмевка на тато.
Жал ми е што е ужасно болен и го фати треска, жал ми е што му е скратен еден час од роденденот, и жал ми е што денес мора да е дежурен на работа. Па наместо да ужива во семејна атмосфера и домашен ручек, да се расправа со пациенти и да им ги слуша маките.
А кој да му ги слуша неговите...

Денов ми е половично убав.
Како што и времето е половично сончево.
Тук - таму по некоја светла точка. Се друго е сивило.
Барем до следниот викенд.

 

МЛАДОСТ-ЛУДОСТ!

Во моментов сум ко Изет.Збунета, луда, нормална


Секогаш прави го тоа што го сакаш, а не она што другите ти го кажуваат.Не треба да дозволиме луѓето да се мешаат во нашите животи.Ние самите сме кројачи на нашата среќа.

 

Денеска генералка!
Конечно направив едно „Сезаме отвори се“ на гардероберот и решив овојпат да ги исфрлам сите партали кои поради некоја нејасна причина со години ги оставам да стојат, со надеж дека ќе ми се најдат за некоја комбинација, а никогаш не ги облекувам. Ау какви се глупости сум чувала. Па кога ќе погледнам некои парчиња, се прашувам кај ми бил паметот кога сум ги купувала и воопшто не ми е јасно, зошто секое прередување сум барала изговор дека тој не потребен товар ќе ми се најде.
Ја разбудив креативноста во себе. Едно старо дрвено шкафче што стои на терасата, скрца за влакно, да не се најде до другар му -контејнерот. Решив да се играм тишлер, утре одам да купам шмиргла и боја и да го реновирам. Сакам да направам мал рај од терасата, да ја наполнам со саксии цвеќе и да направам свечено отварање на новата сезона.
Недела...
Кој парадокс, стоиш до шпоретот 2 часа додека да зготвиш ручек, а штом го ставиш на масата, сите скокаат како жолти мравки и ХУ за две секунди, само празни чинии, подуени мешиња, паднат притисок, мирис на оцет и оксидирано зеленчуче, заминуваат на попладневна дремка...наоколу хаос, го расчистуваш и задоволно се смешкаш што твоите 5 минути, ќе ги уживаш мераклиски.
Неделно попладне...замира џагорот по улиците, занемува телефонот, се пригушува светлината на денот, се смирувам и јас, се препуштам на тишината - нека царува...

 

Кога ќе те фати аргатско,неделно сонце,а потоа ќе натежне облак.Буквално и во душава...
Губиш смисла ради кукавици. Се подаваат да те зграбаат,а поим немаат зошто. Слободен пад не е и толку бескочен и слободен. Љубов ко таква,дали е конечна дестинација или постројка... Зошто некој би се трудел за тебе цели 3 години за да на крајот се изгуби и себе си и тебе?! Зошто?! Зошто ако не умее да сака...?! Не сум неразумен човек за да можам да молчам пред очигледното,а не сум ни глупав човек за да молчам со месеци. Нечиј проблем,не е мој проблем. Јас сум чиста...
Цаката е во разликата те сакам и те љубам. Не е исто...ич.
Најтешките прашања допрва доаѓаат.
Не знам дали имам време за кукавички потези...
Март,ме научи на животот и се она кое сум го изгубила. Се уште сум била вжештено железо.

 

Трагичо е што повеќето девојки не се вљубени во својот дечко,туку во замислата за тој дечко и нивната врска.

 

СДК го обожавам времево, мирисот на пролетниот дожд, па и кога летно време грми кој мерак некоја магична убавина

А далечината си го прави своето, далеку од очи, далеку од срце...секогаш е така...

 

Се чувствувам многу осамено,депресивно

http://www.youtube.com/watch?v=Zn1HxG17vVc

I'M LONELY!!!

 

Сдк ќе си ја читам книгата интересен почеток има Се налакирав на рацете и на нозете со најубавата зелена боја што може да постои и убаво е утре продолжувам со средувањето доста е за денес . Како и да е ќе имам напорна недела , треба да почне да се учи наредната недела полагам ама биче добро хајде мала хајде готово крајот на факултетот се наближува што тумачиш многу после работа фаќање и тоа е тоа - ЖИВОТ