[СДК] Сакам да кажам...[Стара тема]

^^ па со здравје да си го носиш!

...

 

Лесно е да оставиш некого. Храброст е да се дрзнеш да останеш.
http://www.youtube.com/watch?v=pYHN0nXs ... ure=relmfu

 

Или мораш да бидеш.
Како минува времето, носи поголеми брури, кои ке кутнуваат на колена.
Мораш да бидеш силен, да станеш и да продолижиш да чекориш како ништо да не било.
Минатото да не ми влијае на сегашноста да го гледаме само како поука, како лекција не како демотивација.

 

Женчиња , денеска денот иако е облачен сеуште можете да сонувате..
Не дозволувајте мааглата и ветрот да ви ги разнишаат соништата .
Мојот пат е јасен.
Родена сум за ова, го сакам ова.

Всушност цел живот сум го сакала. Во 5 часот ќе ја бранам проектната по македонски која толку време ја правев , ја учев , ми се чини во сон ја знам . Тоа е мое дело , мој труд!
Држете ми среќа

 

СДК чуден е животот... Секојдневно ни покажува како се‘ се врти во круг и како се‘ се враќа. Има толку многу докази околу нас што не сме ни свесни за тоа.
Чудно е како нашите родители се секогаш со нас на почетокот кога сме мали и беспомошни, кога сме неурамнотежени и паѓаме-тие се тука да не‘ задржат. На другата страна од тркалото, ние сме тука да ги држиме за рака кога се веќе стари и изнемоштени. Тогаш треба да се сетиме и да не го губиме трпението како што тие биле стрпливи со нашите многубројни неуспешни обиди.
Чуден е животот; некогаш си гладен, а некогаш ќе пукнеш од ситост, денес плачеш а утре ќе се смееш за вчера, ќе те навредуваат и ќе те фалат, ќе ти враќаат кусур и ќе плаќаш, ќе ти го скршат срцето еднаш, а ти ќе оставиш и по неколку скршени срца зад себе, ти ќе заборавиш, а тие нема...

 

Негативен налив на енергија имам, преку к*р ми е од обработување саботи, утре пак 7 часа, добро е не се 8 како секој ден што не оставаат. Исцрпена сум како 20 ниви да сум скопала, психички сум исцрпена. Некако чудна сум си сама себе, како да не сум иста и у последно време многу си се чудам на моето однесување, неможам јас да се препознаам....

 

по досадно во животот не ми било па нема шо да правам уфффф

 

Ми треба сила,мнооогу сила да поминам и преку ова...
Ах,Господе си ме помешал со друга или не ме дослушна кога ти го кажував планот? Ако веќе си решил да им помогнеш помогни им онака како што те замолив

 

Дали тоа јас се пофалив дека бев кај дечко ми дома на гости цел ден хххх
Се испадна сосем случајно, па дури и моето време кога заминав кај нив 7 сабајле!
Мајка му, топла, пријатна, напатена душа, со кармин на уста уште во 7 сабајле. Ме разнежни со многу гестови и зборови, а мајка па љубоморна на сето тоа што и го пренесив! Демек готово ме украдиле ахххххххх бе
Брат му, саркастичен дечко, со шармантна насмевка, и жити се, според целото кажување мислев дека со него нема да имам некој муабет, но сосем спротивното, се натпреварувавме кој кого ќе надлафи!
Татко му, ахххх, мој А. за 30 години, иста фаца, исти црти, стар шмекер, прав ловџија !!
А бе денот, денот беше прекрасен, еден од најдобрите, луѓе кои ме прифатија - подобро не можеа мајке ми, а јас насмеана не можам да си ги соберам образите...
Но, коментарот на денот беше кога мајка му рекла, преубава е, какво тркалезно лице, како сиренце е
Како да не го сакаш... Тоа што јас и тој го имаме, не сум го имала со никој ама со никој друг, љубам, а сум љубена со иста мера, тој ме направи најсреќна, и ми помогна да созреам на некои полиња, мојата избувливост и нервоза веќе можат до некој степен да се контролираат.
На крај, спиевме добри пет часа, еден до друг стуткани, неговите раце околу мене, неговиот мирис на мене, а јас лебдеев!

Конечно и јас ја слушнав песната на Калиопи, абе џабе арна не арна, знаеме што можиме ние да направиме најмногу нели Искрено, веќе сеедно ми е кога се зборува на таа тема, сум се откажала од бодрење и надевање дека конечно нешто ќе направиме на тоа поле, а на сите јасно ни е дека нема.

Е сега, денов супер ми е, конечно мое време, врнење, па и малку грмење и молљи мх мх мх, ајде ајде чекам!
Зајко мој, се оптегнал на моето стапало и спие во чудни пози, како да го разбудиш, па јас седам незгодно и пишувам, а треба да читам, да читам, и да читам.
Мајка, радосна што ме гледа, муабети со неа, ма дома е најубаво, тој воздух и тој мирис го нема никаде, и сакам кога јас ќе правам мој воздух со мој мирис, сакам да биде сличен на овој, искрено се надевам на тоа

 

Оооо, јес!
Ги положив сите, 5/5.
Ќе си славам сега со the white stripes, ќе танцувам до последни сили, а вечер на мартини.

http://www.youtube.com/watch?v=HQWkJyjw ... CKAXtd95U=
oh, i actually do know.

 

Помина и последниот испит за ова колоквиумска недела, напорно беше не велам не. Сега сакам да ме израдува победата на нашите моментално водиме 4-6 па вечерва ке ми биде убаво. Имам закажена вечера со другарка а веднаш после тоа секси тајм со дечко ми Е што друго да кажам, се е кажано, морам да одам да поспијам малку биејки очите ми се на пола копје. Ме исцрпи колоквиумската ах.

п.с. Во среда ке се сликаме за табло и се шпекулира дека немало повеке пати сликање па да си одбереме која слика ни е најубава. Од прва како ке испадне така. А јас не сум ич фотогенична, па имам проблем од таа страна. Па и во 10 часот наутро ке се сликаме како да знаат дека многу сум “убава“ со подочнци.

 

Сакам да кажам дека потајно посакувам да ја згази автобус. Или камион.

 

ахххх Марфи Марфиии

 

Ајде Ади создравје да си ги носиш наочарчињата
Ехх, и јас стигнав до наочари, не е многу јак диоптерот, ама сепак, не можам да се замислам.
Убав ден денес, уште и да победиме супер ќе биди.

Имајте убав ден и убава вечер.

 

Утрово сонот ме напушти не по моја волја, па морав да се извлечам од постелата и да го започнам денот порано од предвиденото.
Сеуште нерасонета, со подзатворени очи, фрлив поглед низ ролетните надвор за да видам каков ден ме очекува. Отпрвин помислив дека видов снег, па откако убаво ги протрив очите и ја кренав ролетната, сфатив дека белината надвор што ми создаде конфузија, се всушност овошните дрвја во дворот на комшијата.
Расцветале милион нежни цветови, во бели и светло розеникави бои, па се насмеале под срамежливото сонце. Пролетни убавини! Како не сум ги забележала претходно? Како преку ноќ да никнале и ми ја разубавеле глетката низ прозорецот.
Колку прекрасен начин да се започне денот!

 

Петочниот ручек,обично сакам да го залеам со една,две три чашки па и повеќе вино Ми прави мерак самиот ден-синоним дека ме чека викенд и одмор
Единствено меракот ми го расипува мм,кој прво ќе се побуни со зборовите-Утре е сабота,некој е на работа ,ама пак прави друштво
Се зафркава,зошто мрази кога сабота е на работа.Ама за пиење не одбива,уште па и кога јас ќе посакам-а тоа ретко се случува
А овојпат со коковчето, совршено оди пивце
Одам јас на гозба а вие имајте убав и опуштен викенд

 

Хороскопов на фемина очигледно ми е погоден само кога е лош.
А вака убаво нешто кога пишува ништо слабо...
Но, добро нема везе, ќе дојдат валда моите 5 минути, малце подолго ги чекам али ај
До времево ќе да е, многу ми е никакво

 

Луѓе, луѓе, луѓе.
Дали навистина можеме да се наречеме луѓе?
Нашата изопаченост не прави човек? Си го срамиме родот и можеме слободно да го шкртнеме фактот дека сме врв на еволуцијата.
Кој врв?
Тоа што сме конзервативни и традиционални, тоа што имаме ограничени размислувања и плитки умови. Ми се смачи веќе од презир и исмевања. Ми се смачи да го отценуваат човекот ако е хомосексуалец или гласот му мутира. Ми се смачи веќе од разликата на градско дете и провинциалец. Не се сите од центарот, мајку му.
Која е фората да посочиш на некој дека е курва ако нема врска за озбилно, или па од друга страна ако не те легнале на 17 ондак си заостанат.

Зашто мора тие што се успешни во животот, да не видат бел ден. Тие што читаат книги, постигнуваат успех во училиште/факултет да се бубалици. Да немаат излезено у петок, да ги видат со вотка у рака.
Не ми е јасна фората се да се врти околу фејсбукот. Бесплатна рекламација или кампања кој да покаже поголеми цицки?
Па аутфити кога ќе видам, паѓам од стол.
Често овие теми се дебатирани, колку е полемизирано и генерализирано и повторно не можеме да го најдеме нзс-то.
Многу ниско паднавме и сеуште паѓаме.

 

Дека денеска си поминав многу лошо, по еднонеделната нова работа и направената моја грешка, кога и го дадов ливчето да го провери, лицето што ме обучува ми вели ќе летнеш од работа како партал, директорот веднаш ќе те избрка од работа.Мојот одговор беше дека се се учи, ух, успеав да останам прибрана, а мислам канцеларијата се вртеше околу мене.Цела недела ситуацијата е напната... што ќе се прави навистина не знам...

 

Зошто луѓето нарачуваат дупли чизбургер и голем помфрит, а со тоа и диетална Coca-Cola light?