[СДК] Сакам да кажам...[Стара тема]

Разговарав со едни (ајде да не им редам епитети) личности, и сватив дека по неблагодарни суштества од луѓево-нема. И јас сум многу неблагодарна, тоа ми е јасно одамна.
Лично, тој човек што ме убедуваше во некои ГЛУПАВИ (во вистинска смисла на зборот) работи, и да биде уште по трагично, дотичната која седеше до него, лупеташе некои безвезни теории, а како прво немаше ни право она да рикне да зборува за работи кои не ја засегаат.
"Почитувана млада госпоѓице, не сте во право поради..." и мене ми се крева коса, а она дофрла од страна. Бог да чува.
Јас само една фејк насмевка на лице, боли ме увце за твоите теории и раскази кои не држат место, и она потврдно самоуверено "Да, да секако, те разбирам" изречено по не знам кој пат само за да укажам дека воопшто не ми е гајле што зборува кога при првиот збор знам дека не е во право.

Абре нервира кога некои се прават учени луѓе, те побиваат со нивни теории за работи што си ги прочитал, видел, и за кои си сигурен дека си во право.
И уште една појава за која навистина не можам а да не спомнам: Од каде тоа право на НЕверниците да коментираат за случајот со Црквата Св.Димитрија? Абре ако не веруваш остави ги луѓето да си веруваат во она што сакаат. Како можам да му кажувам на некој во што да верува, или па да го кудам, да зборувам дека бил глупав ако верува во чуда??? Ако некој не верува во Бог и над природни работи, нека се држи понастрана од оние што веруваат, нема потреба да преобратува некого или па да тврди дека сите што веруваат во Бога се глупави. Еден човек кој се спротиставува на цела маса затоа што има различни верувања и погледи на светот, а притоа ги осудува туѓите теории-не е паметен човек, баш напротив, тоа е некој плиток, површен и празен човек!

 

СДК 1 мислам дека е редно да се напише друга песна за велигден! Бидејќи од оваа од Џокси, препеана од Ламбе, му*а- бумбари! И ај како што е ред, среќен празник нека ви е на сите.

СДК 2 се сеќавам какви беа порано празниците, родендените и фамилијарните седенки. Сите заедно, насмеани, со песна славевме, преубаво чувство- не може да се опише. Ги сакам тие собиранки, си ја сакам фамилијата, роднините не ми се братучеди и братучетки, тие зборови никогаш не сум ги употребила- сите ми се браќа и сестри! Од најмало до најголемо не има. Сите по нешто да си кажеме, последната новина, љубовна мака, најмалите некоја детинеста случка од училиште- за нас веќе одамна помината, ама ако, се насмевнуваме- да не се почувствуваат запоставени.
Сега веќе не е исто, љубовта остана да, само љубовта... Фамилијата ни се намали, секој со свои проблеми, музика ретко- сега во турски серии буљиме, хе жените посебно! Ми недостигаат среќните моменти, сакам пак да е како порано. Зошто се чувствувам како странец покрај мои луѓе?! Зошто? Тато ми недостигаш......

 

Браво за Вардар! Победата нивна дополнително ми го разубави денот!

ЗА МНОГУ ГОДИНИ ПРАЗНИКОВ! Здрави, живи И радосни до година!

 

Сдк дека нема поубаво чуство кога ке се најдеш на вистинско место со вистинската личност на вистинско време,нема поголема срека!

 

If an angel comes down and takes me away...

 

Jалнаш си,28-ми мај сум роден јас!

 

Нека помине оваа недела побрзо. Многу напнато се осеќам, ми се тресат рацете, срцето ми бие многу силно... како во прва година секогаш кога имавме тест по Физиологија и Анатомија. Ајде нека дојде Петок и нека поминат сите тестови. Се надевам дека за викенд нема многу да имам за учење. Во последно време од кога си ги наредив сите петки не ми се учи воопшто. Сакам да си се одмарам

 

Cдк дека многу мрзам затупени, ограничени луѓе, што подалеку од носот не гледаат . и не, не ги сакам близу мене, па ни далку, ма ни сенката не сакам да им ја гледам . Aман.... Jас не знам од каде излегуваат некои луѓе со толку ограничен мозок

 

За многу години нека ни е празников, да бидеме живи и здрави сите уште 100 години

 

Толку многу сонувам што сега не знам од кај да започнам со соновникот.

 

Нека ни се среќни и весели празниците ...иако одма поминаа-утре на работа

 

Денес ќе се мрзавеам.
Синоќа се изнаиграв, и се изнапеав, сега ќе одмарам.

Не го местам креветот, не ги соблекувам пижамите, не се мијам заби и лице.
денов си го посветувам себеси.
'

Нека ви е убав. Бидете весели, позитивни, љубезни, слободни, свои.

 

Што е весел форумов за време на празници.
Сите со своите импресии и задоволства од семејните ручеци, жалења што заврши продолжениот викенд...

Јас нема да се жалам за тоа. Бубалче се сторив, спремна сум за нареднава недела и затоа денов ќе биде посветен за пекмезење низ кревет и мерење на паркчето во маало. Мисијата - изеди се што е на трпезата завршена, 5 килца плус, пијуцкање кафе со цигарче а кутрево ми лежи во скут, фали уште да преде. Јас мојата работа за празников си ја завршив!

 

Зарем можно е понеделнички убаво да ми тргне неделава? Не ми е верно баш, ама ете се случи.
После неколку дена потечени очи од солзи, конечно малку смеа.
Се чувствувам како 6 годишно дете. Трчам низ двор, се врткам околу татко ми и пчелките, сецкам со мама шампињони, а во меѓувреме го закачам брат ми и гледам Како ќе каже Џим по 100ти пат. И убаво ми е.
Комшиските кученца проодеа, па си ги земав малку на поседок, да ги поиграм. Колку се мали и нежни, па уште цивкаат по мајка им. Морав да ги вратам.
Времево што се менува со 300 на час воопшто не ми смета. Чекам да ми дојде љубовта, нестрпливо излегувам на тераса да не го видам случајно. Небаре телефони не постојат. Ама ако, денес сакам вака.
Ах, колку ја сакам оваа љубов. Некогаш знае силно да ме тресне од земја, а моментално ме издигнува високо, високо, над облаците.

 

Христос Воскресе....Нека ни е честит празникот!

Се надевам дека сите си поминавте преубавоо!

 

Никогаш не сум ја сакала неделата како ден. А сега ги имав, ни помалку ни повеќе, точно 3 во последниве 3 дена :geek:

Во саботата се ми се чинеше дека е недела, зашто претходниот ден не се работеше.
Во неделата не ми се чинеше, навистина беше недела.
Денес се спремаме за утре за на работа, исто како недела да е.

Аман недело, оди си! Шу таму!
Среќен празник на сите.



http://www.youtube.com/watch?v=s9CJU8-m-ig

 

Ми се плаче и ми се смее во исто време за се она што го сторив изминатиов период,за сите глупости за кои сум се нервирала,за сите непроспиени ноќи...ке надокнадам за се,си реков дека никој не ги заслужува моите солзи,и од тогаш се воздржав...ги чував и ги чувам чуствата во себе,да гаснат,да не се распламтуваат.Ке продолжам онаму кај што застанав,да ги исполнувам моите соништа-да испаднат реалност.Ако имам причина за плачење,ке најдам причина за смеење.Тешко е во пракса,но ако не се обидеш нема да успееш.

 

-Ке ја стрижам косата 10 сантиметри денес.
-По еден предмет на факултет каде професорот е ПРЕСТРОГ а предметот е ПРЕТЕЖОК поврзан со финансии, сите колеги имаат најмногу по 2 ипол бода, а јас 6 ипол. Предходно познавање од средно, и мајка економист си го прави своето. Сак ит бичес!
-Со дечко ми ми е преубаво, имавме проблеми, разговаравме, сега веке нема.
-Овие денови се изнајадов на јајца, е многу ми се слатки жими се... со вегета њами
-Моето најсакано единаесет месечно ТОПЧЕ од внуче преоде и сабајлево ми беа на гости па убаво ми почна денов.
-Се повеке сум возбудена од една страна и исплашена од друга што имам уште неполн месец факултет и готово. Оу мај гад.
-Имајте убав понеделнички неработен ден, отидов јас да ја стрижам половина коса, потоа ке ви се тажам овде, како сум ја направила најголемата животна грешка. Бај бај.

 

Лалето ми е омилено цвеќе, а му било и на татко ми. Секоја година се обидуваме да зачуваме некое, се надеваме дека нема да прецвета за да му однесеме на гробот. Оваа година не прецветаа, а и со внимателност ги избравме најубавите.
Со сестра ми секогаш го одбираме најубавото јајце и му го носиме него. Кога бевме помали носевме по две, моето најубаво и нејзиното. Деца, небаре тој ќе стане па ќе види колку се убави.
Се вративме и со кафенце мајка ми не враќаше назад во спомените. Потоа поминавме на планови за иднината. Всушност и ретко кој ја има сегашноста, секој живее помеѓу спомените и плановите.

 

Ич не ми се учи, а утре прам 2 теста, мојте ќе си заминат на гости, јас дома ќе треба да седам,
Не фер ич па