[СДК] Сакам да кажам...[Стара тема]

СДК дека мие преку глава од турскиве серии

 

Го изгледав тоа видеото од девојката чија мајка се самоубила.
И да ви кажам искрено - се расплакав. И тоа како.
Но, не само поради тоа, туку имам и друга причина.

Кученцето мое...си отиде. Брат ми и татко ми само што го однесоа кај баба ми и дедо ми.
Не дека го шетав, тинтрев, размазував, секогаш се држев на некоја дистанца од него. Едноставно не сум девојче кое обожава кучиња. Но, сепак се приврзав за него.
Ете, сама сум дома и уште плачам. Пишам, да, но со солзи во очиве.
И му реков дека ќе ми недостига, а и го гушнав. Изгледа разбра што му кажав. Кога го прашав дали ќе ме заборави направи жална фаца и нешто во стилот „ммм“ , ама на разцмиздрен начин. Знам, и он беше тажен.
Добро бе, зошто сите кучиња до сега кои сум ги имала дознавам дека се прекрасни дури кога ќе ме разделат од нив?
Глупача сум невидена.


Инаку, 11.11.11 сме бре. За некои радосен, а за мене тажен ден.
Имам и уште неколку причини, ама нека си останат во мене.... И да ви кажам - нема да ме сфатите.

 

Можда веќе ви е здосадено од
http://www.youtube.com/watch?v=D0P5rMBU9b8
но јас веќе четврти ден неможам да престанам да ја слушам! Влезе во главава и не излегува.. и арно вели коментарот под видеото дека песнава е како дрога! Пуштив до крај, во собата ми е топло, си лежам и уживам, надвор ладно, кр‘чан. Малку одмор не е на одмет.

Para-para paradise
Para-para paradise
Para-para paradise
ooooh!

Песнава буди некое непознато чувство. Има ептен позитивна енергија во нејзе..
И никогаш нема да ми се одмили да ја слушам! Ќе си ја ставам за аларм и посабајлечки да ме буди и да ме полни со позитивна енергија..

Утре требаше да одам на утакмица, ама не бидна ништо. Ај друг пат. Ми се симнаа вампирите, 40 минути нема да трепнам!

 

Сакам да кажам дека преубаво е кога ке се увериш во сознанието, дека постојат навистина чисти личности, и без корист, без злобна и лоша мисла, и без никогаш претходно да си ги видел, кои од никаде ке дојдат, и ке ти помогнат во најзначајните работи и борби во животот, и ке те поучат за се понатаму.
Секоја чест на ваквите личности, заслужувате се што може некогаш да ви падне на ум.
Со посвета

 

СДК 2 ...од денес ке кажувам се што мислам и воопшто нема да ми е гајле за чуствата на другите.

Одам да спијам зошто цела вечер немам спиено.Морам да се подготвам психолошки за патувањето во Италија следната недела.

Ве сакам сите.

И кога ке имам фотографии ветувам дека први ке ги видите овде

 

СДК оваа недела се ми беше некако турбо. И учење, и колоквиуми, и излегување, забави.. Не ни осетив кога дошол викендот. Ама сакам така кога додека да трепнам, многу нешта се случиле. Вие како сте, добри?
Инаку, ако планирате да излегувате надвор, да ви кажам дека е многу ладно. Само што се вратив од град, бев на кафе со другарка ми, и смрзнавме. Доаѓа зимата, па и време и беше.

 

СДК, си сварив мераклијско турско кафе само поради пилингот од талогот, инаку не сум голем фан на кафето. Ке гледам точно една епизода од Хаус МД. додека да ми се извади филмот кој ке го гледам по препорака на некоја од вас. Петок е денеска имам долга ТУ ДУ листа. Депилација, бањање, фризури, и најтешкото- што да облечам вечер. Нека дигнат два прста оние кои вечно ги мачи ова прашање \\// оп стоп јас дигнав
Добро сум расположена денеска можеби и поради сознанието дека за еден месец имам роденден а за месец ипол од прилика е Нова Година. Е што да правам кога се радувам на таа вечер како мало дете на нова играчка. Ја обожавам магијата кога во точно 00:00 ке се спојат стрелките на часовникот и со дечко ми по четврти пат ке ја прославам Новата Година. Истоа така се радувам и на тоа што после Н.Г. имам цееееееееел месец распуст од факултет а и другарка ми ке биде во градот што значи интензивно дружење. Јануари или Фебруари традиционално заврнува исклучиво ЕДНАШ снег во мојот град и не остава да се порадуваме цели ДВА дена. После доаѓа топлата атмосвера во домот со елки, украси, Божиќ и кршење на погачи, па после доага Велигден, па завршувам со факултет, па прослава на апсолвентска вечер Јупи јупи јеееј и после тоа доаѓа пак летото па одмор со дечко ми, и после тоа на оваа дата 11.11.12 догодина ке ви кажам како се радувам за следната Нова Година 2013 и ондак то. До тогаш може ке се случат многу други работи ама о том по том Отидов предалеку знам. Имајте убав ден и убава вечер.

 

Колку е убаво чувството кога ќе се искрадеш порано од работа
Влегувам дома,а ролетните спуштени до долу,ми шепнаа за романтика
Одам јас во кујна,да спремам мевце,салатка,винце,додека да ми дојде љубовта Ми е гајле што е болен има да го поткрепам јас

 

11.11.2011 ............. be carefull............ ............. ......... ...........???..........

Спојлер

 

Леле, леле, леле колку уфилмани луѓе има!

Мислат дека знаат се, дека виделе се, искусиле се, се што лета се јаде. Го виделе Господ на бели гаќи, па ги пратил тој на Земјава да солат памет и да бистрат правдини, да се прават мудри како Јапонци и Кинези од 120 години. Луѓе кои се уверени дека само тие знаат најдобро, знаат како треба, нивниот живот е исправен, најсовршен, па самодоверба, фуче бате, од сите страни. Кога правиш муабет со тебе, те тера да се чувствуваш инфериорно, зашто нели, таа личност е НАЈ! Ој, ој. :geek:

И мора, обавезно мора да падне некоја филозофија, за нивниот животен пат, за тоа како тие се одлучиле да постапуваат така, за нивните безгрешни принципи.... Ти си глуп, туп и не сфаќаш ништо, па тој мора да ти објасни со неговото - ,, Сфаќаш пеер..... ,,

Не пеер, не сфаќам.

Затоа што не сфаќам кое искуство и мудрост ми ги нудиш, која е таа твоја најзрела зрелост, некоја имагинарна мудрост која ми ја нудиш. Не сфаќам зошто ти не сфаќаш дека не сите се помалку паметни од тебе ако не филозофираат деноноќно за нивните проклети принципи и за нивните ,,УАУ,, искуства, кои патем, не се ништо УАУ. Забораваш, батка, ти, дека си растел во стаклено ѕвоно и дека најголемата авантура во животот ти била кога професорот ти ставил кец, а ти си го напињал, па ти го поправил.

Е ми се дигаат револуционерно сите мозочни клетки на оваквите, најозбилно ви кажувам.
Попрво одбирам да се дружам со скромни, приземјени луѓе, кои поминале низ сешто ама ќутат и покажуваат на ДЕЛО како и што треба да се живее, отколку со најголемите ,фаци, на денешницата, кои само мрморат, мумлаат и се дрвени дргани!

Сфаќате, пеери ?!

 

Си го облеков денес црвеното капутче, си наметнав црвена баретка, и пак фатив да одам по нови улици. Небото беше полно со пердуви, бели, меки волшебни. Фасадите на куќите ми се смееја, во најразлични бои. Денот иако најтопол за Лунд во последните 100 години за Ноември, за мене прекрасен. Вибрации во џеб - порака за љубов. Ги газев денес последните лисја од дрвјата кои толку наеднаш исчезнаа. Денес зраците на сонцето беа волшебни помеѓу дрворедите. Не сакав да јадам на факултет, затоа заминав во паркот каде секогаш има јато шатки кои си играат во езерото. Колку и да ме штипкаше ветрот со студенилото, сонцето го бркаше. Впивав денес. Впивав сончеви енергии, впивав љубови, сонував средби, посакував желби.

Решив да правам хумантарна изложба со продажба на фотографии, парите ќе му ги дадам некому кому навистина му требаат. Барем пред нова година да ставам една насмевка на нечие лице, и ќе ја звршам годинава со спокој во срцето..

 

Деновиве сфатив колку ми легна на срце есента.
Никогаш немаше да помислам дека можам да ја засакам есента-мојот непријател.
Е зошто непријател де? Што ми згрешил? Што ми ја разлеал ветрот косата, што срамежливо ми ѕиркаат ушињата, што ќе ми се извитка косата од влажниот воздух ?! Епа big deal.

Сега уживам во чинот „кога лисјата паѓаат“, уживам кога газам по жолтите лисја, уживам во есенскиот пејзаж. Арно рече Џибони: „Kao tempera kisha nebo oboi...“
Со љубовта што ја носиш во себе, сееш љубов насекаде, засакуваш работи што не си ги сакал.
СДК дека животот е љубов. И убав е воедно.


Сфаќам дека ние, обичните смртници за разлика од селебрити guys around, се радуваме на мали нешта. Не! Јас се радувам на мали нешта. Се радувам кога ќе си купам марама, се радувам кога ќе јадам пица, се радувам кога ќе си делиме со љубовта моја бакнежи и прегратки. Уживам во секоја ситница, и убаво ми е.



Само нека трае ...

 

СДК Чекам порака, повик... Нешто, било што. Да видам до каде сум. Да се преиспитам самата. Ајде, нека се десит веќе еднаш. Ајде, ајде...

 

Понекогаш е чудно на каков суптилен начин животот ни ги дава одговорите на сите нејаснотии.
Само треба да отвориме очи, да погледнеме подалеку од нашиот нос.

Видиците се пространи, исполнети, чекаат на нас и нашата мукаетност.

Обичен пример, преболување на дечко. Кога ќе размислиш, не е тешко некој да го отфрлиш од твојот живот, зашто во сржта на секој човек тлее нешто номадско. Проблемот се спомените, токму тие ја креираат нашата патетичност и наводна неможност да продолжиме сами, ако успееме да се справиме со нив преболувањето е мачја кашлица.

Значи кога ќе погледнеш подлабоко, кога старите спомени ќе ги потиснеш со нови нешта, нови луѓе, со креативност која ќе ја исцртуваш во иднината што чека на тебе, ќе научиш да бидеш спокоен.

На крајот, зависи се од нас!

 

Сакам да кажам дека ми се смрзнаа ноџињата бррр леле колку ме мрзи да учаааам а полагам нареднава цеееела неделаа ќе полудаам едвај чекам да помине се да дојде нова година и да се одмориме малку а ? Ништо а ? хаххахаха

 

СДК ми се роди Внуче!
Нека е живо и здраво...пресреќна сум!
А воедно и прекрасен ден

 

Родителскава почна.. се надевам моите не се шлогирале, али нема везе кога ќе дојдат јас ќе се шлогирам

 

Облечи си ја маицата синко наопачки, ќе ми те урочат!
Да вистина така човек ги блокираше сите уроци, несреќи, „добронамерни“ мисли, поздрави, желби и честитки преку разно-разни радио МиЛеви или десни... погледи под спуштен капак, пљуканици меѓу предни два зуба.... ма имаше да си ги облечам тоа гаќите наопачки, не само маицата.
Баш како еднаш пред дваесетина години.
Во тие времиња озбилно мислев дека ако газот на гаштите го наврам однапред, нема да ме улови тоа туѓиот лошотилук. И не ми се искривија нозете, нити забите, нити носот ми падна, или косата ми се проретчки...
Ал’ се откорнав од чешање кога никој не гледаше, пак очи ми се пунеа солзи дур сите гледаа, а ја не можев драп-драп да си направам.
Имав две црвени, борбени линии по бутовите.
Згора на тоа командос жабетинка се пофали на мајка и’, „ај сега да ги видам нек ме урочат!“
Не и било лесно и неа. Ама кој и е крив бе!
Што ми потплукнуваше плус тоа у маиците пред ми ги облече а?!
Па коа дојде време да си ги мериме коа ме праша, жабо мори, што им правиш?! Оти тебе ти пораснале мене не ја реков, еј, мајка ми ми потплукнува пред да облечам маица.
Иначе се споредивме, се исто правевме. Исти денови се бањавме, исти шампончиња дури употребувавме и нејзината и мојата мајка беа штици од напред и баба и исто.. ама е бе, е... мајка ми потплукнуваше, нејзината не ми се налути после некоја недела. Пљуканицата на мајка и не се фатила, и гравчето останало само зрнце
А, реков „ако сакаш мајка ми да ти пљукне“ ама не!
Е, уште тогаш не си ги сакав Арам да им е!
Пу, да ви се плукнам, само молим вас не растете веќе
СДК, баш ја сретнав денеска, после долго-долго-предолго.
Сеа бар не мора да се жали. Си има oна мами бубс

 

Прееска пуштив Канал 5 и седнав да јадам.
Заврши филмот што го гледав и почна детскион фестивал "Супер Ѕвезда".
Си реков ај да завршам со јадењево и ќе сменам програма.

Пее едно девојче песна, за пица мислам дека беше
и го пееше следново.
"Сакаме пица
пица IS THE BEST.
Додате уште екстра
кечап и мајонез"

Зарем во песничкиве почнаа да додаваат и англиски зборови со цел песничката да содржи рима?

 

sto mislis deka nema da te snajde,ke se desi.polna sum so negativna energija i kako da ne sum?poslednive 2 godini me ubija dusevno.i ne se ispolneti so problemi od koi nema beganje tuku od problemi od bolni lugje so rastrafen um.uzasno e da znaes so kogo zivees i koj nekogas ti bil idol i poim za sreka.zeni pazete sto pravite,samo toa ke kazam.. (izvinete za latinicava,od mobilen sum uklucena.nemam sila da stanam od krevet komp da go zemam) imajte ubav den i vecer (barem za mene)