[СДК] Сакам да кажам...[Стара тема]

СДК умрев за спиење, веќе доста е. Денес од 7 сатот станав за на школо. Добра ноќ на сите

 

Речиси ќе фати 3, а мене несоница ме држи во прегратки.

Каква вечер беше ова! Калдрма што дрма. Ракија што тера на трбушен плес. Печурчиња и еротски муабети. Безобразни смс пораки на мачорот. Ми враќа. Се топам. Се церекаме, 7 на број, лежиме ко превртени бумбари со мезе и алкохол во себе. Лутаме по чаршија и се сликаме со апарат небаре сме од некое одбога забораено село, па откриваме што значи цивилизација.
Тренд - пун до коска.
Менада - срам ми е да зборувам како се’ не фаци видов таму. Сирот Зоки, на кого му пушташе музика, за глава да се фатиш.
Ние, со дланки до небо си уживавме како што ни прилега.
Пикадо во 1 по полноќ, цедевита од автомат, разговори што душа значат, насмевки што греат душа.
Си легнувам среќна и исполнета, прописно крвава и со разгорена душа од убаиње!
Утре едвај чекам да си го грицнам милиот мој, да му го фатам газот на две на три, да му се мушнам во креветот и да не станам се’ до Здраво Млади. Вечерта.
Убаво е да си имаш саботна треска.
Онака, кога жените имаат слобода да бидат какви што сакаат.
И дами, и тепачи, и алкохолни и безалкохолни, и чкрапачи со мобилни, и безобразни и мазни.
Жени бе.
Топ провод.

Убаво спијте, драги мои

 

Точката е интерпункциски знак со кој се завршува една искажана целина, односно една расказна реченица. Понекогаш стои и на крај на речениците со кои се искажува блага заповед.

Запирката е интерпункциски знак кој може да стои по разни зборови, и се става за читателот да подзастане при читањето, да земе здив, па да продолжи.

Метафора е стилска фигура кога со името на еден предмет или поим се именува друг поради некоја сличност, некоја поврзаност помеѓу овие два предмети, поими.
Метафората ми е омилена стилска фигура. После оксиморонот, секако.

Се читаат ли старите книги? Јас ги читам. Особено оние со среќни краеви...

Три
Два,
Еден



04:23

 

Мачорот ми заспал на перницата.
Жал ми е да го преместам и разбудам, па ќе спијам на плишаното срце.
Кога сум подпивната ми се менува фацата и дечко ми ми фали до небото и назад.
Морам да спијам, зошто алкохолов нема да испари. И ќе умрам. Од алкохол и љубов.

Тотално е приметливо дека моите ме направиле коа биле ќор пијани. Само на пијано може да се створи ремек дело.
Сабота ми е омилена, од сега, пак , после 2 години.

 

Кога пројде неделава??????Ауу летна времево... Ај па денес да го изнауживам денов ..
Ве поздравувам и гушкам мои феминкиии

 

Јас сум девојка која верува дека нема невозможни работи. Ќе ја допрам и месечината иако знам дека ќе ме изгори...и нема да жалам!
Добро утро фемки

 

Спојлер

Јас пак, дури сега го читам постот на Изабела.
Ја имам читано, многу. Не знам што уствари е размислувала да направи и дали тоа го има направено.
Само, сакам да кажам дека не е добро. Црни мисли, ама не и земја.
Да, знам дека и беше тешко.. Ама, борба треба со животот. Да знае дека ние навистина живееме.
Млада си, животот не е изживеан за тебе. Продолжи, ама не каде што застана, туку на нов лист.
Ќе биде поразлично, верувај.

 

Најубаво е кога денот ке ти започне со смеење А да ме праша некој зошто се смеам и јас нема да можам да одговорам.Ете онака од душа. Кога има преубав појадок на масата и кога тој што ти значи ти прака порака дека те мисли и сака да те види
Во моето соседство има свадба,музичарите ме разбудија со песна,па се надевам дека цел ден ке ми помине во пеење и скокање.

Убав ден ке биде ова...

 

Сончево време, ејјј за прв пат по толку недели. Сите се среќни, радосни и весели. Добро ќе биде ако не почнат да ми течат солзи од проклетата алергија Убаво е времето сите ги исполнува со позитивна енергија, само мене ме исцрпува. Не можам да трпам топло време, а на лето пак ауууу каков кошмар е тоа за мојот аристократски тен и за моето трпение... Зима сакам бе да си одам на скијање
А сега ве напуштам, редно е да се пие кафе на Широк Сокак

 

Се распишав...
Утро, во кристалин, ко со Бјорк да сме одгледувале љубичици на огледало. Готвам проја и ќе му пројдам. Мириса на спанаќ и младо лукче во кујна. Тате пробува да договори некој неделен ручек со родниниве и со мама да му ја здувнат некаде на запад.
Тишинава ми годи ко топол џемпер.
Си направив кафе и почнав да мечтаам пак. Ко да е тоа некоја страница од книга. Бираш со прстето буква - и оп! Буква, буква- Р. Р, како радост. Река, меѓуножна. Ротквички. Ене ги во кујна. Рубикова коцка - најслаткиот подарок евер добиен од Кеџо, на семинар во Белград. Ракавици - со нив можам да фаќам снег, ама и ѓубре.
Денов е супер за возикање точак, за берење камилица во поле. За мирис на лаванда низ одаи, за слушање The Verve и блескање од Павловиќева на лице. Денов е супер за да го живееш. Да гушнеш било кој. Сопствените рамења макар.
Да направиш некоја корисна работа. Од типот - да нахраниш гулаби. Да фрлиш троа саламка на уличните кутриња и мачиња. Да донираш Х денари на некоја душа што и треба. Да фрлиш секакво ѓубре што ти се метка низ соба и по мисли.
Да ја бараш детелинката со четири листа и во поле со сончогледи.
Оптимистички, ама барем со замижано око.

Има денови, кога чувствувам СЕ’.

И ми е убаво. Убаво ми е. Постоње. Нема поедноставна, и истовремено покомплицирана работа.
Во јин јанг лулка се нишкам.
Си го слушам срцето. Пее нешто од Елвис Присли сега. Аа, затоа тато и мама се разиграа танго среде дневна. Моето срце им е џубокс.
http://www.youtube.com/watch?v=u9sRJ-eOHnc

 

конечно топол ден, да ме огрее,и тоа да овие внучињава ми ги направиа ноктите кашапопара,тоа е кога оставам лакови на секаде

 

СДК убав ден денеска, а јас наместо да се радувам и препуштам на сонцето, ќе си се дружам со книгата.
Where are you Summer?
Не ми се учи, немам ни волја, ни мотив, а како бев засилена од почетокот, сега учам затоа што морам!
Фер ли е ова?
Ама морам, зборот морам ми помага да ги извршам обврските, или ништо...

Денеска Ден на Планетата Земја, вие што немате обврски,ајде сите излегувајте од дома и препуштете се на уживање под сонцето
Ви посакувам убав ден...

 

Мирис на дожд измешан со мирис на чај од канела. Го отворив прозорот да ме фати воздух да профункционирам побрзо.

Порака му фалам да гледаме фудбал заедно, мене ми фали мирисот на Нас!

Си ставив локумче на маса, и букетче од зумбули, неколку книги, и се мислам од каде да почнам.
Денес требаше да одам на езрецето кај срните ама ми врне, ќе чекам да се смирам, сакам да направам фотографија со црвен футсан закачен на дрва, и хартиени бротчиња. Вчера ко мало дете си направив 6 бротчиња во неколку бои. Туку одсекогаш сум сакала да сликам девојка на коњ. Коњите ми се најграциозни суштества, а жената ми е инспирација, и за мене е поголема од мажот!

Гледам низ прозорец како итаат со велосипед на дождов. Убаво е некако.

Денес помислив на мајка ми, колку трпела а скоро никогаш не се жалела. Како нем сведок на многу ситуации. И никогаш не дозволи да пукне. Се прашувам дали јас ќе го имам тоа трпение. Пред некој ден ми стигна порака, мајка ти зрачи од добрина. Знам тоа е мојата мајка.. грее и зрачи со мекост. Последнава година беше мој најголем борец и се уште е, се бори, со болести, ситуации. Таа не држи сите споени засега. Ја сакам.

Денес ќе си мислам на моите и ќе ги сакам бескрајно, телефонско јавување на Мила и учење.

 

Цело е кога има се !
А денес се чувствувам целносна во секоја смисла на зборот. Утринско кафе за расонување со првата најгрда цигара како и секое утро,очекувам повик за да пијам кафе со роднина со кој се немам видено незнам ни самата од кога,времето убаво и како не би било,од утре седнувам со книгите,штом колоквиумската доаѓа ете ти го сонцето со неа,како да сме проколнати ние студентите бе

 

Уморна сум од сета оваа борба. Ми влијае на се.
Ме истоштува во секое поле. Исцрпена сум, немам веќе сили да мислам што е следно.
Ми се смачи од истите луѓе, истите ситуации, истите проблеми, истите муабети..
..колку сакам за момент да потонам во својата соба без никој и ништо да ме вознемири..

а викендов толку кус. Можда смотано звучи ама се молам за настинка или нека температура..
нешто да ме држи дома.

 

Сакам да кажам.....

Све,ама баш све ми е преку глава дојдено!

 

Толку работа,толку обврски,во последниот ден од седмицата,наместо релаксација,напнатост...

Убав ден,штета што мене не ми користи тоа,барем вие искористете го денов за мене!

 

Имам премногу обврски. Толку работа имам што... конечно се решив од кај да почнам да ја завршувам. Учење, пишување есеи, вежбање задачи... почнувам, редно е веќе.

 

Во последно време би можела побрзо да најдам влакно во јајце отколку човек со свое ЈАС.
Луѓето многу глумат и се трудат да не се оддалечуваат од толпата?
Како тоа ги исполнува ? Стварно незнам...