[СДК] Сакам да кажам...[Стара тема]

СДК дека толку многу ми се спие, што нигде не ми се оди. Каков излет, каква скара - сакам да спијам.

 

И денеска е вакво јас стигнав на работа. Се тешам дека е поарно што 1ви мај тука не се слави. На ручек ќе одам по Бургер Кинг, толку од скара за мене Имајте си убав ден!

 

Синоќа нешто ме натажи многу, доцна поминав од кај баба и дедо да ги видам...и прв пат по толку години ги гледам изморени, болни, баба бледа, зашеметена...стареат, знам дека го прават тоа исполнети, зошто имаат еден куп внуци и радости, ама пак, срце ми се кине кога ги гледам такви, не се стари по 65 имаат ама пак, само да не им се ближи крајот, додека баба не ме бакне како невеста, а дедо не ми даде благослов, нема да плачам на погреб и точка.

Баба ми е една прекрасна жена, кога одам и ден денес ми ги бакнува клепките и вели убавите црешички на баба.Е како да не ја сакаш, толку топла и полна со љубов и разбирање, а дедо е најпаметниот човек што го знам, бил учител на времето и често ми раскажува за тие други времиња.Ги гледав на слики како млади, дотерани, убави, заљубени...јас им се восхитувам на силата која ја имаат, од што да стигнат до што...со години спиеле во куќа само на душек, додека баба работела, за да му плати факултет на дедо, потоа одгледале три прекраси жени, а сега од нив чуваат и внуци, и покрај војната што ја проживеале како деца и маките и тешкотиите, уште имаат љубов за сите и сила да не растат.Па дури имаат и живци да чуваат куче, да одгледуваат ниви, овошки, зајаци...колку само го сакам дворот на баба и дедо, на пролет ми ја полни секоја вазна со лале и јоргован, а стомакот со зелени кајсии.

Горди се на секој постигнат успех од наша страна, а да знаат само колку сум јас горда со такви баба и дедо.Незаменливи.

 

Во животот имаме и подеми и падови а кога нема да успееме не треба да се демотивираме, можеме на истото да влијаеме. На грешките и на неуспесите треба да гледаме како искуство плус во животот одколку да се разочаруваме и да се затвараме во себе. Треба да знаеме што сакаме за да знаеме по која патека да чекориме бидејки така многу повеке ќе постигнеме.

Неуспехот гледај го како стимул за следниот пат, имаш искуство повеке а воедно и една шанса повеке да успееш кон тоа што целиш? М? :geek:

Сите си имаме фантазии што и јест нормално, но реалноста е сосем нешто поинакво. Треба да седнеме на маса да размислиме убаво што можеме а што неможеме кога човек ке си поставе реални цели за кои што може да ги достигне има поголеми шанси за УСПЕХ ... Додека кога човек си поставува нереални и повисоки цели од неговите можности тогаш има реални шанси за НЕУСПЕХ ... пред се треба да бидеме искрени самите со себеси. - Ако грешам, исправиме, јебига.

Сите ние се плашиме од неуспех но колку ке успееме зависи само од нас самите.
Прати го мозокот на пасење и кулирај. Животот е прекраток да се замараме со глупости.

А јас да ти кажам ама сериозно, сум направила некоја си своја генерализација, ептен навлегов во Психологијата, бре бре, ја погрешив професијата, дефинитивно, зајебала сам се на велико.

 

Денес одам онаму каде ме побараа. Покрај океанот со пријателка која побара да бидам покрај нејзе оти се чувствува тешко.

Вчера забавата ми удри во глава, сега станов е за чистење, оти не знам колку лименки има само. Ама ако ги носам во автомат за рециклирање, и ќе соберам некоја круна. Запознав многу луѓе. Се уште ми се мота сликата како влегуваат и излегуваат луѓе, играат како луди, се смејат.. ма убаво беше.. убаво..

Денес нека изненади денов, ќе бидам подршка некому, ќе направам фотосесија.. и ќе дишам со полни гради. Ќе и се јавам да ја чујам.. ќе ги сакам луѓето и нема да ми бидат јадни..

На ум имам уште некоја хуманитарна цел, да се приберам дома и со моја Е ќе правиме планови..

Сакајте луѓе, друго не ни останува.. и пружете рака некому ако можете, не судете..

 

СДК ... 1 Мај и се е кажано со статијава :up:

http://kirilica.com.mk/vest.asp?id=69729

Кај и да сте нека ви мине денот во одмор и мир, позитивна атмосфера ... со розови мисли ... Колку да се избега од реалната слика на оваа средина.
Пријатен ден

 

СДК честит празник на сите вработени феминки, а на нас невработените дај боже и нив да го прославуваме овој ден, и да се вработиме, па да прославиме како што е ред

 

1 Мај...Ден за одмарање и ден кога на луѓето им текнува да одат на ливада и во природа Па добро,убаво е што и овој ден го има,иначе некои не можат или не им текнува друг ден да одат...
А јас,за греотка,не можам ни денес да одам на ливада,а така сакав да се испружам негде во природа и да си го одморам мозокот,па уште и скара да имаше ќе беше перфектно.Ама ајде,другата година здравје
Ќе се дружиме овде со другарка ми,за пикник после ќе јадиме пак сладолед и ќе пиеме кафе и така
Ќе си самопомагаме
Добро е што барем уште денес имам интернет,утре не е сигурно дали ќе имама,а задутре сигурно ќе немам.
НА 5ти па сум на свадба,знам дека интересно ќе биди И од женска и од машка страна сум,со нив сме оделе заедно на одмор и и двата ми се супер личности,многу се добри и паметни.И што е најважно,не ме заборавија,ме канат,дури и ми велеа +1 ако сакам,ама немаше како тоа да се оствари.Ќе си одам сама со другите од друштвото Еве,сега ќе одам некој фустан да пробам овде,можи ќе најдам нешто...
А вие,особено тие што не одат на 1ви Мај,а и што заминале,убаво да си го помините каде и да сте,што и да правите

 

Тој, го видов. А не ни помислив дека него ќе го сонам. Зошто, зошто само тој секогаш?

Денес во фамилијарно расположение. Се надевам дека денов ќе биде незаборавен.

 

Сакате наречете ме асоцијална, или крајно сериозна особа која одбива весеље у природу на ливаду со скара и пиво, и многу цигари ... па баш и не сум таква, од горенаведеново се обичам да конзумирам, но денес ставив крај на таа традиција, и решив овој 1ви мај да си го посветам на себе, и својот мир.
Со мајка ми правиме рецепти, сами домаќинки во куќа, читаме книги, се правиме заедно, се рекреираме и ќе си го истераме овој 1ви мај без нашите мажи по дома, малку раат да си бидеме.
Третиот мој маж, наречен мојата љубов со кого денес правиме 22 месеци ќе одмара и тој, вчера се испрживме на Скопјевото сонце кое ужасно многу печеше, и ние вчера си го имавме индивидуалниот 1ви мај.
Искрено, денов веќе не ни наликува на `одмор` на сред недела. Повеќе наликува на трошоци и изузетно огромни количини на месо. Де бре луѓе, само денес ли се јаде месо ?!?
Нејсе, не сум спремна на толкава сума на пари да одвојам за да си приуштам еден празник налик овој, но сум спремна на читање книги, скромен ручек, и домашна атмосфера.

Не ја гледам утехата како таква, ако сум дома на овој ден. Ниту пак барам причина за да плукам по `празников`, впрочем секој си прави онака како му е мерак. Ова е мојот мерак.

 

СДК празников е супер посебно што сестар ми се врати од Турција и ќе си поминеме супер ден
поздравче

 

1 мај ден за одмор ...
КонеЧно сонце и овде и убавко временце (сега за сега) само за уживање
И да денов ке го поминеме дома фамилијарно Јас ММ и нашето сонце на тераса со кафенце и сок.
Милина ... Се надеваме времето ке не послужи уште малце

Имајте и вие убав ден

 

Ми рече да дојде и го одбив.
Ме викнаа, ги одбив.

Останавме со мајка ми дома сами. Спремаме ручече и се веселиме со македонски народни песни. Кога ќе и ги погодам оние за нејзина душа си потевнува. Годинава прв пат ја слушнав како потпевнува после 20 години. Ми се стопи срцево.
Обично секоја година не сме сами на 1 мај. Имаме гости постојано ама оваа година мајка ми ќе требаше да остане сама, па одлучив да останам со неа. Заслужила после месециве малтретирање натака- навака со мене.

Имајте убав ден

http://www.youtube.com/watch?v=rs65HLe8 ... re=related

 

Фатени се сторителите на петкратното убиство. Едвај чекам да им се суди.

 

Сакам да кажам. Психички се повеќе пропаѓам. Сакам некој да ме спаси, но се чини дека таква личност не постои.

 

Девојче ако ти самата не си помогнеш никој нема да ти помогне, нит 300 богови нема да те спасат.
некои работи колку побрзо ги сфатиме - толку подобро за нас самите.
за жал тоа е вистината, сурова да, но тоа е.

СДК кога ке се искорене ова славење на 1-ви Мај дефинитивно ке бидам најсрекната личност на целиот свет.
излагам надвор на тераса и ми велат комшиите: еј девојче па ти дома си?? зашто не беше на Мај? .. аха .. нема друштво, до тоа ке да е. и јас останав ваква

се прашувам што му е на народот?

 

Јас први мај си го поминав во шопинг!!!
*Half prom dress -Check!
*Jewelry - Check!
Сега уште ми фалат балетанчиња и ташниче Се е ок за сега!

 

Сдк дека стварно ама стварнооо одамна многу одамна денов ми изгубил значење.

Дури овдека го гледам правото знаечење на овој ден. Значењето не му било народот на овој ден да се одмори и да прошета некаде, ами ДА СЕ ИЗБОРИ ЗА СВОИ РАБОТНИЧКИ ПРАВА. Овдека и у Франција по улициве Мир се нема, од работниците, ама нееее ние далеку сме од Италија Франција И било која земја.

Ние знаеме главчето да си го наведнеме, задоволни сме со трошки , и задоволни сме шо у година имаме плус ден за НЕработење. А за правата, па кој да му мисли ??? ЗА кој да му мислам, нека бе ке си работам 12саати за некого, па и тој некој треба леб да јаде на грб на народот , зарем не ?

Имаме права ... Кога како на газдата ке му текне да даде плата, кога како ке му текне да го зголеми саатот за работа. Права имаме. Право на слушање на Газдата.

И да, дома сум си, и убаво ми е .

 

Скоро сите денес заминаа да шетаат и се дружат а јас сама дома Ти како и по обичај за сите празници си на работа Пробав да учам, но некако не ми оди.Го прелистав два пати материјалот и повеќе неможам.Времево никако не ми поминува.Кога и да го погледнам часовникот ми се причинува дека стрелките му стојат на исто место.Ех каде е 20h па да ти заврши таа смена и да дојдеш да ме земиш да излезам од овој станов што денес ме гуши

 

Боже мили, сум заборавила како е за МАЈ! Проклет нека е, си ги дадов парите за такси, развозување низ козји патчиња, па низ автопати, такси чекање, прашини, сонце пече, УФ. Ни едно сокче не се напив, за скаричка и помфритче не ни станува збор, мислам, ало, која сум јас, обична смртничка па да ме услужи некој на маса. Што ми е мене јадење, имам време јас, можам да си чекам по 3-4 часа, што има врска. Да, да, до толку се безобразни, никој не ја мавна рецката на маса од 10 души.

Си го изгубив денот за џабе, можев да доучам... Ај се излажав, времето топло и милина, наместо да си седнеме како луѓе, да се најадеме, ние револтирани си станавме. Првпат да бидам толку безобразна и да напуштам маса. Ама ако, така и им треба. Услуга никаква, да чекаш ти со саати за едно мочано сокче, не фала. И ми го носи после без чаша? Ме зафркаваше ли некој денес на скриена камера?

Година за мај да не ме бара никој, како што дослушнувам информации, моментално најубаво си поминале тие што решиле да останат дома, со фамилијарно ручече, филмче и книга.

Сега и јас така планирам да си го завршам денот.
Арно ми викаше баба вчера, ела ни на ручек, ќе порачаме ќебапчиња и ќе ни донесеш филм ќе гледаме. Ама не, јас модерна ептен, по фенси менси хотели и мотели одам.