[СДК] Сакам да кажам...[Стара тема]

Ни се допаѓале нам или не, спомените постојат во нашите мисли се додека ние постоиме.
Тие се вистински доказ за тоа што сме, за се што се случило, за се што е сега, а порано не било, за се што останало од тоа што некогаш било. - Аинен Песинг.

Многу ми се допадна морав да го напишам.
Не треба да живеете во минатото и спомените, но убаво е кога имате убави секавања.

Некое време не бев активна на форумот.Ке го надополнам тоа.

Ви праќам топли поздрави.

 

Уште само 2 испита до крај. Прв роденден и дипломска,а се надевам и магистерска ќе се спрема заедно Улалааааааааааа За секој член од семејството по еден подарок,молам

 

... кога ќе ви дадат комплимент, онака од срце, немојте никогаш да наоѓате рачки.
- Еј, ама ти е убава блузичката, баш убаво ти прилега.
- Нема врска, сакав црна, оваа ми ги прави рамениците пошироки.


Мислам не бидете и од оние што на првиот муабет возвраќаат со:
- Знааааам!
или
- Нели, кажи а, ептен сум најубава.



Подеднакво е лошо како и првичната реакција на комплиментот.

Јас имав една колешка што беше апсолутно непривлечна по сите стандарди, мене искрено ми тераше и накај грдичка, лоша градба на телото, вишок килограми, просечна фацка, никаков шарм...
но никогаш, никогаш не ја слушнав да рече, леле дебела сум, треба да бидам на диета, или - види ми го газот, колку два листа од Нова Македонија или - секојдневно да си наоѓа маани и недостатоци.
Едноставно си имаше став и држење, убаво мислење за себе, иако не го кажуваше на глас, се чувствуваше просто задоволна со тоа што и го подарил животот.

И верувајте, никогаш од околината не слушнав никаква забелешка или погрден збор за момичкава.
Како што се рефлектирате врз околината, со достоинство, така и таа ќе ве прифаќа и апсорбира.

Прифаќајте ги искрените комплименти.
Кажете едноставно - благодарам, со насмевка.

И имајте поубаво мислење за самите себе.
Не станувајте со помислата - газот ми е голем колку телевизор.
Речете си - имам прекрасни очи.

Верувајте во себеси и почитувајте се, па потоа барајте го истиот третман и од околината.

 

Официјално го положив последниот колоквиум.
Немам испити.
Збогум економски факултету, се гледаме во јуни кога ќе бранам дипломска.

Ова чувство не се опишува.

Ви посакувам на тие што не го доживеале да си го доживеат во најбрз можен рок.
ПРЕСРЕЌНА СУМ!

 

Го гледам небото, се мурти, и мене лицето ми е тажно, облаците си играат со моите мисли, а грмотевиците совршено се поклопуваат со симфонијата во мојата глава. Бетовен, дефинитивно.
До кога?

Знаете, секогаш кога се соочувате со некаков голем проблем ви се чини дека се` е безнадежно, дека ако се извлечете од тоа после се` е “гола вода“, и навидум е така. До следниот проблем, до следната тежина.

Некој рекол дека ни е одредено колку тежина можеме да носиме, а јас прашувам дали некој мене ме прашал за тоа, дали ме прашал дали можам да издржам толку?

Ме нервира оваа моја состојба, ко дете со карти сум, почнувам да градам кула од нив , правам еден ред, и бам, ми паднала.
Пропаднала уште една надеж.

А денес и денот ми е таков, во исчекување сум, прашање на живот или смрт е работата, тоа ми прави мачнина во грлото...

Но сега пред малку, кога го пишав постот за парфемот станав и се шприцнав, и одеднаш ми стана убаво.
Забораваме на ситниците некогаш, забораваме.

Ама не можеш пак и да се филмаш дека се` ти е сјајно и дека ти е убаво што зуи надвор бумбарот, што оса ти влегла во канцеларијата и прекрасно летка а ти ги набљудуваш нејзините крилца и посакуваш да си ко неа, па да се најдеш на некој цвет и така да го мирисаш и одеднаш да се претвориш во пеперутка која безгрижно ги шири своите крилја и се` е толку убаво и сите си се сакаме и уживаме во животот и во Скопско и во мирисот на пролетта и мирисот на секс во воздухот помешан со потта на телата кои заедно пулсираат. Се знаете ли? Небитно бре. Се сакате важно.

Сето тоа е убаво. Да.
И јас го сакам мирисот на јоргованите (затоа имам такво средство за садови ), и не ми препишувај вибратори и такви ствари (дали имам или немам секс е моја работа), ама те молам, толку трипање и уживање во убавината на птичките и пчелките не е можно, освен ако не си хај, или освен, како што кажа една моја пријателка, не си правиш муабет со самиот себе си, знаеш- сам себе се убедуваш колку е убав светот и колку ти е тебе убаво.

Мислам е, ама не секогаш, патем не е ни нормално да ти е убаво секогаш, факт.

И зошто е таа потреба да се прикажуваат животите од друг агол, дали со зборови, со постови или со слики на фб, сеедно.
Зарем мислите дека тоа е толку важно?

Најважно е вие да сте чисти со себе. Другите во секој случај коментираат, затоа нема потреба да се трудите да оставате толку добра слика за вас.

Јас едно знам, пред искрен и непосреден човек, кој нема зла намера, и најголемиот злобник замолчува, пред очи полни со добра намера- и најнечесниот човек се поклонува.

Бидете природни, или барем пробајте да бидете.

Јас не можам да сум хај, ми пукна гумата на хипи-комбето.

 

На мајками и чепкав по CD-ата во една заборавена паковка и најдов Екс-Ју рок.
И и го земав. Сакам Екс-Ју јас.
И денес го пуштам погласно и мајче влева и почнува во рок фазон да денса и да пее. А јас и се придружив.
И некако цел ден ми е сега весел и оптимистички. Ја натерав мама да се насмее. Поубаво чувство нема!

Ти си душо доиста,непоправљиви егоистааааааа!

 

Што убави постови сте пишувале денес,
ми го разубавивте денов.

 

Ехх... ќе направиш нешто за некого и не покажува никаква благодарност, не добиваш ни едно „фала“... една од најгрдите особини кај човек...

 

^Никој нема да ти рече фала-ова ми го кажа мајка ми,кога почнав со работа,а јас не верував.И навистина е така,ете не било само случај кај мене.
Мајка ми ми рече-работи си за тебе,да си го спечалиш денарот,а кога ќе мислиш дека ќе можеш повеќе,застани и чувај си ги силите-ќе ти требаат за друг пат
Јас пак мислев спротивно е,кога можев повеќе,давав повеќе,а што велиш, бар едно фала ќе ми беше доволно.
Затоа денес не очекувам од никој-ништо .

 

^^
Ако му го кажеш во лице ова дури и може да ти рече :- па си сакала си помогнала или: ако не помогнеше ти ќе го направеше тоа некој друг,како демек голема работа .Имам такви околу мене...


Сдк покрај сите непријатни околности мене ми е убав денот.
Надвор беше пеколно жешко ,јас си пешачев по најубавата уличка со многу дрвца ,сама .
Бев на толку далечно место за џабе, сретнав толку нељубезни луѓе и и јас бев исто толку ''љубезна '' со нив ,почнав некако да не си земам се при срце,како да отрпнав некако.
Ни тоа не ме онерасположи . Чекање по врати до луѓе со мирис на манџа, кромид па ни тоа.
И така си појдов до Пренди си одбрав многу убава маичка,си купив тегет магично лакче и си се вратив дома среќна. Јас се променив или ова е емоционално затишје пред бура,ќе видиме тоа...

 

сдк Добро бе шо е со луѓево лицемерие,злоба,негатива само тоа искача од вас ве жалам и ве избегнувам али пак се сретнуваме ах до кога ќе бидете само од корист и до кога ќе ги судите луѓето не сте се запрашале да не е проблемот во вас...ми се смачи од гнидите,од самобендисаните творови,од сите татини и мамини ќерки и синови што не знаат ни заби да измијат а мислат дека се фаци ...

 

СДК ... вториот дел на постот од Сесилија, поштувам. Би додала секој нека си гледа својот живот нека молчи и нека гледа да не му го чачка на другиот, животот де . Инаку да се биде свој и да се биде реален и приземјено скромен денес е реткост. Тоа не го поседува секој како карактеристика. Него батали филозофирање ...
Мене искрено едино ќејф ми е од се што склепаа и суредија во државичево ни, аеродромот што го дадоа и ни го средија џоа бомбона. Далеку подобро е од она што беше, доволно задоволувачки за нашава средина. Е сега Ацо што на сред е упрчен ... прави пометња ама ајде нека им е ...
СДК ... нема ништо по вредно и поважно од најтеснотот семејство да е заедно. Далечината си го прави своето, ама кога знаеш дека сите најблиски ти се здрави и живи пред се и заедно на купче тогаш ништо друго не ти е потребно во животот. Суштината на животот е таа кај и да си со своите да си што почесто, да има мир и хармонија и да сте поврзани за цел живот.
Ај доста мелев ве отеков, ама морам се радувам ко мало дете ... Само 11 дена се малку , ама здравје еден ден Џули ќе ја чекаат на аеродром ама на другата дестинација.

 

Таа е од тие што кога ќе и соопштиш радосна вест ќе врисне од среќа како на неа да и се случило. И гледаш во очите дека се радува за тебе и дека и е мило што си среќна. По тонот се познава дека не ти љубомори и не ти прави лице.
Многу си ја сакам другарка ми од средно!
Ретки се луѓето како неа. Неизмерно сакам да биде среќна и конечно да и се оствари сонот за кој живее. Јас ќе и помогнам во реализацијата и никогаш нема да ја оставам сама.

 

Знаете што... многу ми недостига Најтвокер и неговите постови. Нема кој да ме насмее и да ме натера да размислам на одредени теми. Ми фалат неговите долги и добро смислени реченици, секогаш полни со мудрости, некогаш иронија и сарказам. Еј Најти фалиш човеку, без тебе форумот не ми е како што треба. Најти врати се на ФЕМИНА

 

Денес нема да додадам многу,едноставно мило ми е што гледам убавини што се испишани овде,такви постови сакам да читам,постови каде што ги споделуваме само убавите работи ! Имајте убав остаток од денот

 

Алергична сум на муабети од типот...ти си риба,тој е рааак,супер си одговарате,а и обратно да беше. Ти си риба,тој шкорпија,ма идеално...Тој е бик,ќе те штити,ќе те чува. Од што жено да ме чува?! Не... Значи,не го правете тоа,ве молам! Ако ми требаше хороскопот да се дефинирам у животов до сега ќе бев веројатно мртва. Ама на овој разговор една ми рече,ама ти може си ВИШИ тип на твојот знак. И ај оди излези на крај со забулен у астрологија,ај оди те молам! Значи сите тие метафизички срања у кои влегуваат,па излегуваат,па пак влегуваат,дури и да има логика во астрологија,они ќе ја направат срање!

Ок е да се забавуваме и сето тоа,ама лудо е да веруваме дека хороскопот ќе ни го одреди животот.
Впрочем,натална карта ми направи еден чоек. Све најбоље,ви реков дека ќе бидам милионер,пф и ѕвездите знаат... и?! Можам сега да си ги скрстам рацете и све тоа да чекам онака рандом да се деси?! Ха?!
Најбитното,риба ми е судбина,љубовници,брачни партнери,ама пак љубовници,ЈАС НИКАД НЕМАЛО ДА СЕ ОМАЖАМ ПО НОВО,а тој ќе бил со воден знак у брак,ама мене ќе ме сакал. Епа немој да ме јебеш,сабина на едо ова не ти го кажува. И сеа...љубовта на мојот живот ќе биде шизофренична,лабилна будала што нема да знае шо сака у животот?! Пфффффф хахахахахаха...Не!

Жени,одете играјте со штикли,лак за нокти,уатева,не ми се јавувај и не ми ги кажувај овие работи,увото ме боли,ама стварно ме боли. Ај чао!

 

Јееееј, малиот волшебник од странава конечно исчезна.

 

сакам да кажам-колку е шуден животов..
до пред неколку години си игравме заедно,се тепавме,се каравме за глупости а денес таа стана мајка само како си поминува времето..животот е тоа..

миличка со век да ти е малото,да биде здраво и живо...(се породи мојата братучеда,која ми е блиска многу)...

 

^^ Циркулацијата ми ја сопираше кога отварам фемина.
Ќе ја оставам у ново прозорче и ќе си слушам музика занесен и туку ќе се зададе "АБРА КАДАБРА ХОКУС ПОКУС ТИНГГГГГ!"
Многу глупа low IQ рекламичка!

 

Животот е тежок, ама убав, затоа што јас така сакам!

http://www.youtube.com/watch?v=lCdRA0lQq38&feature=fvst