[СДК] Сакам да кажам...[Стара тема]

Смешно е кога разбираш дека премногу даваш, а премалку добиваш.
Смешно е кога знаеш дека...се бориш за нешто кое е веќе изгубено.
Смешно е кога форсираш насмевка и се воздржуваш да не избувнеш и го вртиш другиот образ.

Смешно е се во последно време.Дури и времево.Гледам дожд и сонце се секојдневно на менито.Па мајку му стара, ако врне нека врне.Ако грее Сонце нека грее цел ден.Топло-ладен бран не зафати и не се издржува.

Немам воља за ништо.Немам цел кон која забрзано одам за да ја достигнам и да можам што побрзо да си поставам уште еден предизвик.

И најмногу боли, кога најблиските ќе ти кажат дека веќе не те препознаваат.

Смешно е да... се е смешно.А 1 Април одамна помина, така да the joke's on me now.

 

По две недели интернет, безброј секакви, разноразни збиднувања, триста мисли у мојата глава, нема да тупам со долг пост у темава, него ќе го навестам моето интернет-враќање со следново:

Јас сум среќно дете.

 

Книгава е значи за математичка анализа за економисти-за постдипломски студии. Појако од ова нема.

What many people find distasteful is that "every element of ∅ belongs to B suggests that there is an element of ∅, and since there is no such element, the statement feels wrong to them. There is nothing to be done except to get over the feeling.



Наместо да ти објаснува, ти вели-гет ит овр !

 

Внимание! Мрчење од мака на повидок!
Ко не воли, нека не чита.

Е сеа, има ли некој нормален во државава? Општо. Има ли некаде некој што се понаша како човек спрема човек? Се има ли грам мозок? Пилешки барем? Или се’ морски ѕвезди останале изгледа.
Во своја земја се осеќам ко туѓинец и имам помали права од било кој друг.
Јас ќе чекам ред, мене ќе ми се вика, ќе се превртуваат очи ако се праша нешто нејасно, ќе ме враќаат милион пати за непотребна работа, ама затоа кога ќе се појават „браќата“ секој им чучи и им бакнува нога да не се осеќал никој запоставено. Well guess what? Јас се осеќам запоставено.
Денеска на факултет бевме сведоци на тоа. Ние се препотуваме и умираме на студентски, си влегува стокмен баце во свои 30ти години, бела кошула пикната во црна пантолона, бел каиш со фенсерај тока и црна кожена кондура со црвени конци (од мака и досада и конците ги видов, што?), си носи со него двајца постари дрвени адвокати и оп-цуп, преку ред, не пререди 20 души. Чекајте си вие овци, он го имал да го зима на дипљома. Е сеа, јакиот образован батица, верувале или не, иде со празни документи и врска нема што да напише и како, па не знаел кириљиц добро, можело ли љатиниц, и дури сите чуриме од нервоза, нему фино, лепо му се објаснува 20 минути, а дрвените адвокати стојат од страна во случај некој да упати намќорест поглед од кој новопечениот дипљомиран whatever he is, би можел да се увреди. А наредната девојка што праша кратко прашање, фино си ја одјебаа, требала сама да си знае. Па да бе.
Јас, драги мои, се откажувам од човечноста, сега и во овој момент. Не вреди.
Барем си се расположив на патот накај дома, како и секогаш, во моја близина седат јаки фаци од кои сакала или не, примам бескорисни информации. Така, денеска дознав Цаца колку хектари нива имала во Скачковце, ама дека не биле на погодно место, нивите на (не го дочув името) биле поскапи оти на појако земјиште биле, дознав и кај има тракторски делови по ефтина цена, како некоја покварена од другиот погон на фабриката земала 500 денари повеќе плата за иста работа, којзнае што правела со шефот, мајката нејзина покварена. Абе врв. Згора на се’, мајчево ми го удара климаксот во комбинација со ПМС, па ко пубертетлија, де скока, де се нервира, па ова и’ фали, па она и’ е вишок. Душа бе!
И така. Убаво ми е, не да не, ама треба да се има граница помеѓу „еднакви права“ и „лижење задник за да не се чувствува некој наводно запоставено.“ Фала и кај вас.

 

СДК...всушност, сакам да дознаам-Кога конечно ќе го добијам тоа што го сакам?Се што добивам е варијација на она што вистински го посакувам, мојата желба само малку изменета со некој детал, а тој детал е најбитното нешто во желбата.Секогаш си мислев, нема да се откажам од потрагата по тоа што го сакам, нема да се откажам, се додека не ја постигнам целта.А сега се двоумам, дали да го прифатам тоа што ми се нуди?Дали да се помирам со тие сменети детали и да го добијам тоа што го сакам, само, на друг начин, различен од оној што го замислувам?Или, сепак, да останам верна на моите соништа и да се борам за против тоа помирување и откажување?Што да правам?...

 

Харибо у водка...нема боље спрема за вечера. Се маринираат.
Оле!

 

Спојлер

По 10 години го убил педофилот кој го силувал


Младото момче го чекало злосторникот да излезе од затвор и по десет години се одмаздил за силувањето.
Педофил бил претепан до смрт.

21-годишен жител на источниот руски град Перм на 4 мај го нападнал штотуку излезениот на слобода педофил и му нанел тешки повреди. Како последица на повредите виновникот починал. Извор од полицијата изјавил за медиумите дека мажот го силувал момчето пред десет години.
Момчето е уапсено и осудено на 15 години затвор.

Море каква казна,јас би го наградила момчево!

 

Колку е убаво чувството кога знаеш дека си причината за нечија насмевка и радост
Непроценливо е!

 

Вчера музиче за пораче си наместив бомба како паѓа и пука. До денес ми стасуваа пораки, но телефонот беше на нечујно.
Решив да си легнам и го ставив на гласно, си викам -- мама ќе ми ѕвони да ми каже дека стасале. Арно ама мама не отишла. Си легнав ја, и едно време само пиууууу ПУФ !
Станување и пискам :
- МАМО БЕГАЈ НЕ БОМБАРДИРААТ ! Трчам и пискам по собава, а мама ме гледа и ми се смее, ама се гази од смеење. ПАКУЈ СЕ МА !
Застанувам наеднаш и си викам , шо ми е мене ?
И музиче и телефон, се отерав !!!

Најбитната ствар, за моето будало однесување и врискање е сонот мој со киднапери. Веќе 5 дена по ред го сонувам !

 

“Бургер кинг“, “Армани“ и “Ла Коста“ доаѓаат во новиот трговски во Аеродром И ајде сега сите аеродромчиња помочкајте се од возбуда! А што, демек ќе потрчате да купите нешто од Армани, или ќе седнете да јадете во Бургер Кинг, наместо во 7-ца. Ако се лажеме....
И не ја разбирам поентава со сите овие трговски центри. Па да земаше мајка ми 800 евра плата, пак немаше да ми стигнат да поминам во сите трговски центри во Скопје на шопинг.

Времево ме кутна во кревет цел ден, па освен рутинското 40 минутно вежбање, не станав, ниту мрднав за било каква друга активност. И мозоков и мукуливе ми откажаа, се чини само желудников нешто се буни.
Ниту вчерашното масовно подновување, ниту утрешната коктел пијанка не ме водушевуваат многу.
Нешто сум млитава периодов. Како полжав сум.
Сериозно размислувам за деактивација на фејбук профилот. Масовен идиотизам се шири деновиве.

 

Коцките полека се редат. Задоволна сум, да да.
За 7 дена конечно идам за Швајцарија, дефинитивно. Е , јас ко зборам значи - кажано е. Не зборам никогаш напразно.

Здравје, се надевам на подобро, за боље- сутра.

Ке се дружиме поретко, но добро, за арно, за убо да е. Приватниот живот секогаш треба да ни е на прво место.

А од дома, одамна кренав раце, неверувам дека ситуацијата ке ми се подобро во скоро време. Ке одам утре ке разговараме пак, атер за мајка, иначе не би одела.
Но сигурно, што и да кажат пак јас нема да се премислам. Не и не!

 

Сигурно го знаете она чувство кога некој ви недостига,епа јас почнав да го чувствувам (ќе биде тешко мене) !

 

СДК дека ова не го очекував од нејзе.Она беше една од моите најдобри другарки и ја сметав за сестра,а она нож во грб ми забоде Ама,лошото со лошо се враќа

 

Највисок израз на љубов - заеднички фб профил,зошто само ин рилејшншип,ингејџд или мерид не е доволен исказ на вашата љубов. Вие не сте индивидуа за себе,вие сте сплотени у едно.
Ма немој да ме заебаваш...

 

СДК мразам разделби, срце ми се кине мислам на секаков тип на разделба од некого.Премногу сум емотивна, а надворешно се обидувам да делувам ладнокрвно, во такви ситуации.Кога треба да делувам ладнокрвно, не ми оди... Лесно е да се откажеш од нешто што и не ти е толку при срце, ама тешко е кога нешто ти е мило.Некогаш во животот некои работи мора да се случат, секој почеток има крај...така било, така и ќе биде, никако поинаку.Само човек треба да знае како да се носи со се она што животот му го сервира, што и да одлучи, пак ќе згреши, којзнае...Рекле, животот е школо, само треба човек да научи и заврши, толку.

Денес, покрај ова, некој ми го разнежни срцево така посебно...


Позитивните и негативните работи, заедно одат, како брат и сестра се

 

каснам... зошто ми текнува у последен момент да се спремам? ајт одам! Убава вечер на сите!

21:21 Цагер, мислете и некој ќе мисли на вас!

 

Ма одам јас у дискотеката малце да се изнаиграм,ич не ми е гајле дали е срамота што сме само 2 другарки,ете така.

 

Денеска ми е трет пост во темава
Претходните 2 поста беа во многу различни расположенија, еве и трето.

Значи многу суум среќна!! Баба доаќа од Скопје денеска, не сум а видела 3 месеци, ама исто така помалку денови имам до скопје! Веќе 58


Си најдов нов другар, многу добар! Си обновив пријателства и сега сум спремна да си научам француски, барем до 11, па после на аеродром баба ќе дојде!

Се чучвствувам како многу мало дете, глава ми лета во облаци!


Да ви е убав остатоков на вечерва

И да се пофалам, Мамам положи втор испит на магистратура! Ајде уште малку, па ќе си најде убава работа во која ќе ужива, а не како сега!

 

СДК дека убаво си поминав на дипломската на другарка ми-ми даде сила да продолжам да се борам, и да не се откажувам така лесно во собирањето на финансиии за довршувањето на студиитездравје и јас треба истото да го доживеам со Господ напред-додека чекав да ја повикаат , ги гледав нејзините колеги и колешки возбудени, а јас бев повеке од нив возбудена, и мислам дека се приметуваше на лицето(тие што дипломирале , знаат каква е таа возбуда)

за 2 часа т.е. 2 Петоци ни завршува курсот по италијански-после ке биде интересно на полагањето,а разочарувањето на денот беше тоа што не ми стугнал ваучерот во Јуник, ке стигнеш следната недела, и веке се потрошила маскарата што толку ја посакував ама затоа си купив друга-поевтивна после подолго време

а се случи да видам и лезбејски бакнеж(без лигавење) тоа ми беше изненадување на денот, и мислам дека секој има право да си ја пронајде својата љубов-без предрасуди и осудување, секој има право на свој живот и свој избор

 

Тоа што добриот филм значи за некој, за мене е добрата книга.
Ја читам во еден здив, збор по збор, реченица по реченица, глава по глава. Не можам да ја оставам, исто како што не се прави пауза на филм. Имам една маана, морам секогаш да ја прочитам последната страна. Ако ме привлече читам понатаму. Скоро и да не сум погрешила до сега.
Поминаа неколку часа откако се сместив во фотелја. Освен неонката над глава што фрлаше некој зрак светлина врз мене, не забележав дека секаде е темно.
Мајка ми знае да ми рече дека не уживам во читањето. Напротив,од што уживам не можам да се тргнам. Не ми е важно што за неколку дена имам испити и еден тон страни за повторно листање.