Саем на книга (08.05.25 - 14.05.25)

Секој саем иста приказна. Нема никакви саемски цени и попусти, книги стари 10 години и повеќе ги ставаат демек на попуст 199 денари книга зошто не може да им се продадат.

Изненадена сум од академска книга имаа многу убав попуст плус ми дадоа и купонче за 30% попуст во книжар, другиве ништо. Сакам книги имаат стварно убави книги ама целата поента на саемот е да намалиш драстично цени, ем така ќе имаш ти профит ем луѓето. Цените треба да се прилагодат и за луѓе што земаат 20 илјади плата и луѓето што земаат 90 илјади плата. Саем е за да има добри попусти и да се исплати да одиш.

Згора на сѐ, плаќаш и 100 денари влез. Еве некој од друг град да дојде целовкупното патување ќе му се фати 5,6 илјади сосе нафта, книги, карта за саемот. Скроз сум разочарана од цениве ама тоа е, се навикнавме веќе.

Инаку јас си добив книги од дечко ми на подарок за роденден. Тоа си побарав.

 

Саем на книга не пропуштам, бев и оваа година.
Попусти реално никакви, за мене не е попуст книга од 450 намалена на 400, ама сепак си се подновив со 10тина книги.
Многу гужва, слаба вентилација и внатре нигде не можеш да купиш вода.
Ама сепак убава атмосфера, сите издавачи на едно место и многу книгољупци.

 

Издавачката куќа Сакам Книги штотуку објави дека Себастијан Фицек ќе биде гостин на годинешниот саем на книга

 

И ја паднав во транс.Ми доаѓа најомилениот автор ❤️❤️❤️❤️❤️ Едвај чекам,а пред да објават баш читав негова книга.

 

Здраво,годинава планирам првпат да одам кога ќе биде и гостин некој автор.Може ли некој да ми објасни што и како?Дали има карти,дали се потпишува на негова книга ако донесеш од дома и слично?

 

Се купува влезница, и внатре си одиш на кој сакаш штанд. Ако сакаш да се запознаеш со автор и потпис на книга со посвета, или си носиш од дома, или купуваш на штандот ако немаш, и си чекаш во редот на обожаватели.
Ако има интервју и слично, се чека да заврши тоа, и после има потпишување, па и сликање со авторот.

 

Многу ти благодарам

 

Дали издавачките куќи имаат објавено каталози за саемот?

 

По тоа што следам уште никој.Освен Книгохоличари кои имаат онлајн попусти,бидејќи нема да се на саемот.

 

100 denari vlez za kniga e mnogu,treba da e besplatno ili 50 denari.

 

А за цените на книгите да не правиме муабет.Од 650 на 620,а за оние постари изданија можеби и ќе има некој попуст.

 

Има ли некој каталог?
И зошто не?
Многу касно ги објавуваат за мој вкус, ми треба време за истражување и планирање

 

Се навикнавме веќе секој саем иста приказна е.

Саем треба да е поим за попусти и ниски цени, книга што цела година држела цена пример 500 денари сега да е 250 и тоа да е стварно попуст, а не они недела дена пред саем ќе накачат на 700 ден па за време на саем еве попуст на 500 ја симнале а таа ѝ е реална цена.

Јас ги сфаќам и нив ама они и од читачкиот народ живеат, а колку поскапи книги толку повеќе ќе се освртуваме кон библиотеки.

 

И плус картиве 100 ден.,па замисли секој ден да идеш,или неколку пати во денот,колку пари ќе дадеш? Ја тргам по една а завршувам со 15 Лани 5000 и нешто дадов за 13 книги.Многу новитети а цени плафонски.За роденденот ќе имам 40% попуст на 3 книги во Сакам книги па тие поскапите ќе ги испланирам за тогаш.Книгите од Фрида Мекфаден,Далибор Трајков,Оља Петрушевска Томева,Јордан Коцевски ќе се купат сигурно и имаше уште една Љубов во Рим ќе се купат сигурно.Другото ќе почека.Ќе гледам да не претерувам.

 

Во однос на влезниците, мислам има промоција за три посети 250ден, а и не ми е толку проблем цената на влезниците колку цените на самите книги на саемот.

Изминативе неколку години, прво и основно, многу се доцни со саемските каталози. Значи не можи каталозите да излегуват ден-два пред саемот!

Второ, општо познато е дека саемот како да се организира ради-реда и попустите се ужасно мали и речиси не вреди да се оди на саем освен ако ти е баш ќеф да го посетиш.

 

Се сложувам искрено и мене не ми е толку проблем влезницата, дента нема да се напијам кафе во кафич и ете ја дневницат, ама цените на книгите не сакам ни да ги коментирам.

Треба три плати однапред да планираш дека саем ќе има со тие цени.

Јас ќе одам за да си го испочитувам зошто секоја година одам ама не планирам да купувам којзнае колку книги, исто ми се фаќа дали сега дали во јуни од книжара ќе ги земам.

 

Не очекувам ништо посебно, најверојатно ќе поминам. И онака тоа што го барам во обични денови едвај го наоѓам, на саем па ич не очекувам да најдам. Генерално и преводите им се доволно лоши на повеќето.

Единствено привлечна ми е Бегемот како издавачка куќа и ако одам тоа ќе биде само заради нејзе.

 

Да не беше Фицек немаше да одам.Ама ептен го сакам.А каталози уште нема и тоа ме нервира.Неодговорно ама ајде

 

Саемски каталози(од тоа шо најдов):

БЕГЕМОТ

ЗБОР

Матица и Книгохоличари не учествуваат на саемот, но имаат попусти во нивните книжарници и онлајн.