Саем на книга (23.04.26 - 29.04.26)

Грото се такви Тања. Одат за да бидат видени. Купуваат за да се сликнат со купчето книги по македонските книжевни групи, а во скроз обичен ден да иницираш разговор за книга нигде ги нема. Дополнително е што една рецензија асална нема да видиш (а дизајн на нокти - да, што е сосема промашено во групи за книги). Немам против купчето, ако навистина си го читаат за свој ќејф и никако заради толпата.

Од оваа причина и почнав да влегувам во фб групите на сосема други држави и разликата е огромна. Пријатно изненадена од тоа колку стварно се чита (сè што ќе се најде пред нив, дури и позајмени книги - тука кај нас е срамота пример да читаш позајмена книга, иако имаме млади што прават напори да се вметнат така што организираат базари), се дискутира и се посветува внимание буквално на секој пост (што не е случај кај нас, каде си дискутираат само оние што си направиле свој круг и другите ги исклучуваат, goodreads строго на пријателска база и лажни рејтинзи).

***

Јас вчера наминав на саемот и ги фатив на сам крај. Тоа што го барав си го најдов, две книги беа мојот избор. Штандовите беа лошо наредени, иако се виде дека добар дел се трудат (што ми се допадна). Ќе препишам на уморот (некои делуваа изгубено), некои не беа баш запознаени што всушност продаваат на свој штанд(?). Вториве ги има скоро секогаш, и не само на саеми туку и воопшто во книжарници (а никако да си го решат). Она што фали е општо култура и меѓу посетителите, мене барем ме нервира кога некој не си ја држи својата страна кога разгледува и кога нема осет за тој до него.

 

Разочарана од дел од штандовите, млади девојки продаваат книги. Уствари се само продавачки. Кај нас слабо се чита или младинава и воопшто не чита. Од тука и заклучувам дека и образованието ни е на ниско ниво.

 

Тоа е зашто бараат исклучиво продавачки, а пред да ги стават на штанд не ги ни прашуваат да рецензираат барем три книги. Усно, на лице место да се види и вокабуларот. Доволно е да кажат дека се на книжевност, тоа е критериумот. За жал.

 

Јас имав позитивен впечаток од продавач на Антолог, дојдов да побарам една книга, тој уште пет други ми препорача и ми даде мислења.
Исто, како и претходни години на саемот, доколку купите книги од Академска книга, даваат ваучер од 30% попуст, а и воопшто имаат попуст од 20% на сите книги во нивната продавница до 24ти мај. Од друга страна, пак, книга што кај нив чини 1000 денари, си ја најдов со македонски превод во Или-Или за 150 денари.
Книга од Арт Конект што ја пребарав во Литература, сите копии беа продадени, ја најдов на нивниот штанд на саем.
Туку потсетете ме: саемот за книга беше еднаш или два пати годишно?

 

Еднаш годишно е.

 

Не се лажеш ако мислеше дека некогаш бил и два пати годишно. Така беше чинам во пост корона периодот или негде тоа време. Се виде дека немаше потреба, се вратија по старо. Сепак да организираш саем не е 5 минутна работа, мора да ги координираш издавачките куќи, а се знае дека во последно време има тивка војна меѓу нив. Некои веќе и со години не присуствуваат и изиграваат „несврстани“ со правење на личен саем.

 

Оваа година ќе биде порано саемот, од 23 до 29 април.

Ми се допаѓа што донациите ќе бидат наменети за СОС детското село.