Сакам да вежбам, ми требаат совети!

Треба да вежбаш барем три пати неделно, почни најпрвин да вежбаш 15 минути, а потоа зголеми го траењето на тренингот. Исто така треба да внимаваш и на исхраната, нема потреба од некои специјални диети, само гледај да внесеш помалку калории, а да потрошиш повеќе. Што се однесува до протеините јас не пијам често, а кога пијам најчесто пијам после тренинг, за да можам и наредниот ден да вежбам (да не ме болат мускулите) инаку дневната потреба на протеини е 1, 5 грама на еден килограм тежина.

 

Што вежбаш, дома, теретана, трчаш?
Ако вежбаш и сакаш да слабееш секако ќе имаш потреба од доволно протеини затоа што веројатно малку ќе пазиш на исхраната. 1 јаглехидрат = 9 калории, а 1 протеин = 4 калории. Така да без разлика дали ќе внимаваш на јаглехидрати или на калории, на крајот исто ти се фаќа, математиката е таа. За да намалиш тежина мораш калориски дефицит (у превод, помалце јаглехидрати).
Вежбањето зависи што вежбаш...ама за почеток можеш 3-4 пати неделно ако трчаш или ако си у теретана. А реално ако си вежбаш по дома можеш и почесто

 

Не трчам и не одам во теретана зашто сум со мало дете и ја немам таа опција во моментот. Вежбам дома, си пуштам видеа на YouTube за weight loss. Почнав да внимавам на исхраната, исфрлив штетни работи и гледам да балансирам протеини, масти и јх. Значи тоа е тоа, помалку внес на калории и повеќе да се трошат.

Заборавив и ова да ве прашам. Како да знам колку сум потрошила?

 

Другите малку постручно ти објасниле, јас не се разбирам меѓутоа можам да ти ја понудам програмата од Клои. Наменета е за намалување килограми и најважно што е во домашни услови без посебна опрема. Имам пишувано дека за почетници е предобра од аспект што е како предизвик па ќе сакаш да го исполниш и нема да се откажиш, нема да ти е здодевно, временски и тежински е доволно. За луѓе кои немаат толку познавање, вежбите можи да имаат ефект но и контраефект, затоа мене лично ми е подобро да имам некој да ме насочува, а и да не губам цел ден во барање на вежби.
Покрај вежбањето исхраната ти е клучна. За броење потрошени калории јас имам апликација во телефонот, колку е точна не знам.
Еве линк, јас ти ја избрав оваа програма, но има и многу други, раазгледај.
https://www.chloeting.com/program/2020/summer-shred-challenge.html

Едит: јас од утре почнувам напоредно две програми од Клои, па можиме да се мотивираме.

 

Фала ти Баш со Клои вежбам иначе, супер што ќе си имам другарка
Ќе разгледам која да ја почнам. Не ти е напорно со две програми?
Која апликација ја имаш за калории?

 

Спојлер: Апликација

Апликацијата е од телефонот, сигурно има и други.

Покрај Клои заборавив да ти ја предложам и Хана. Исто така има добри програми според мене.
https://www.anhfit.com/w

Инаку не двете програми во ист ден. Едната е за стомак, другата за задник, па ќе ги вежбам преку еден ден.
Програмите секако се направени да не таргетираат само една мускулна група туку цело тело, ама јас ги комбинирав за да имам занимација два наместо еден месец, а и надежно подобар резултат на двете места.

 

Зависи од физичката активност, интензитетот и време трањето на тренингот, квалитет на сонот...
Така на пример лицата кои што имаат низок степен на подвижност трошат околу 550 калории на ден, лица со просечен степен на подвижност трошат околу 1100 калории на ден, лица кои што се физички активни околу 1500 калории на ден, додека пак лица кои се висок степен на физичка активност околу 2100-2800 калории на ден, но сепак овие бројки варират поради различни причини како полот, висината, тежината, годините...
Исто така калории согоруваме додека спиеме 65-70 калории за време од 8 часа, калории се трошат и за време на секојдневните активности како на пример за 1h и 30min пишување со пенкало се трошат од 20 до 25 калории, за време на туширање 50 калории, бришење на прашина 250 калории, миење а садови 55 калории, готвење 100 калории, пеглање 70 калории, плетење 55 калории, промена на постелнина 30 калории, миење на раце 120 калории, џогирање 30мин 300 калории, 30мин чистење на снег 250 калории...
За еден час вежбање: играње пинг понг 280 калории, играње шах 80 калории, трчање со просечно темпо 500 калории, пешачење 350 калории, фитнес во теретана 500 калории, пливање 350 калории, брзо одење 400 калории, возење велосипед 530 калории, статичка јога 250 калории, скокање на јаже и склекови од 200-500 калории, бавен танц 210 калории, брз танц 450, вртење на обрач 600 калории, истегнување 125 калории, мечување 220 калории, гимнастика 250 калории....
Исто така за време на оброк просечен човек троши од 60-90 калории..

 

Невозможно е да следиш точно колку си потрошила во денот.
Можеш да внимаваш колку внесуваш...

 

Booster whey protein, јас вежбам до 21h така да почнав да јадам по вежбањето одма а по 1ипол го пијам протеинот

 

Не сум стручна ама ќе ти кажам од мое лично искуство....Ако си почетник, ако прв пат во животот почнуваш со вежбање прво вежбај 15 до 20 мин, вежби за почетници има еден куп видеа. Вежбај три пати неделно а деновите кога не вежбаш прави само растегнување. На пример понеделник, среда, петок вежбај. Вторник, четврток и сабота растегнување. Недела слободен ден. После две недели зголеми на 30 до 40 минути. После недела две само среда и сабота растегнувајсе, а недела слободен ден. Кај мене кога јас слабеев најмногу ефект имав со кардио. Од тие три пати вежбање засега барем едно да ти е кардио. Можеш да си поделиш за почеток еднаш кардио,друг ден нозе и задник, па стомачни и раце. Тоа најмногу како ти одговара тебе слушај си го телото. Ако ти е тешко кардио со скокање, трчање прави модифицирани вежби, на пример чучњеви без скокање. Кога ќе почнеш да вежбаш по 4 или 5 пати неделно ќе можеш да си вежбаш секој ден за различна мускулатура.Тоа најмногу самото тело ќе ти каже ама трудисе да одиш и малку подалеку на пример ако лимитот ти е 20 стопамчни издржи направи 22.
Сега за вежбњето што и како, ете ќе ти кажам како ми е мене распоредот:
Понеделник- кардио и стомачни
Вторник- нозе, задник
Среда-20 мин растегнување
Четврток-раце и кардио
Петок-за цело тело или нешто по избор, мене ми е интересно пленк чаленџ или кикбокс.
Сабота- растегнување
Недела одмараш

Од исхраната исфрли бел шеќер, благо,газирано, бело брашно и пази на комбинацијата на храна. Вода по 2 литри, цедени сокови лимон, цитрон, портокал. Избегнувај пржено и сосови, алкохол исто така има шеќери и калории. Јас вака ослабнав 20 кг. Бев човек што не мрднува, стигнав на крај да вежбам инсенити. АКо нешто плус сакаш совет или мислење пиши ми.Инаку јас земав само чиста сурутка домашна и пазев на исхрана. Суплементи други не земав.

 

Фала ти Јас и да сакам не можам ништо да земам сеуште дојам, а вчера баш правев едни лепчиња со сурутка од Кам, веројатно тоа е тоа или? Се од тоа што наброја исфрлив, а на пример може да користам интегрално брашно наместо бело?
Околу вежбањето, денеска почнав 14 дена challenge на Клои, па ќе видиме за понатака. Инаку, бивши спортист сум прекинав заради големи болки во колената и тогаш направив баш големи листови и целта ми е да ги намалам нив и стомакот, презадоволна би била.

 

Можиш интегрално брашно да користиш и леб исто така црн или тонус. Лебот е клучен во исхрната. Разликата е тоа што белиот леб се прави со лупење на зрното и преработка. А црниот интегралниот се користи цело зрно и сите убави материи не се уништуваат. Тонусот е најздрав бидејки е само од семиња. Има на интернет рецепти за домашен леб без брашно побарај, мислам дека да си го направиш сам иди поефтино одколку да купиш тонус. Сурутката е таа има течна или како прашак во продавниците за здрава храна. Ама мислам течната кефир е подобра отколку како прашак. За листовите и стомакот само кардио и стомачни и пленк му е мајката. Гледај што и да вежбаш вметнувај барем по 10 мин кардио. И да заборавив да ти напоменам на почеток кога слабеев вечерата ми беше салата најкасно до 19ч. После со текот на времето вечерата ја исфрлив скроз. Така и сега не вечерам и веќе не ми е проблем ама ручам околу 17часот.

 

Здраво девојки !
Во последниве месеци ослабив 15кг , тоа се премногу за мене бидејќи сум преслаба, е сега сакам да се здебелам и сакам да почнам со вежби дома. Би сакала ако некој имал сличен проблем, да сподели искуства и да ми помогни да ме советува какви вежби , колку пати итн...

 

15 килограми се сепак многу. Прво би ти препорачал крвна слика па потоа се остало.

 

Да , премногу. Испитав крвна слика, во ред е се..

 

Здраво девојки сакам да почнам да вежбам со Клои но не знам која програма да ја изберам, не сакам да ослабам туку повеќе сакам да го затегнам целото тело. Некој совет која програма е најдобра според вас?

 

Или можеш исто:

 

Hourglass, на другите програми има и H.I.I.T и најчесто се баш за слабеење.
Може и Get Peachy.

 

Од каде да купам мали топки за пилатес?

 

Јас вежбам во Кинетикс Фитнес Студио и имам големи придобивки од вежбањето таму. Има динамични и постатични вежби. Се работи со тегови, ластици, сопстевна тежина, кетелбели и топки. Запазени се сите протоколи, тренерите се со маска и ракавици.
Дечките се супер кул и интересни, во групите има голема поддршка мегу вежбачките и секако се запазени сите протоколи со коронава. Исто има опција и на Zoom да се вежба таму програмата е за сила, со сопствена тежина, како и програма за целосно оформување и тонирање на телото.
Дечите исто така деновиве лансираат и вебсајт каде што можеш да оставиш емаил и ке добиваш насоки за нивните нови програми за вежбање

линк од сајтот:

http://kineticsfitness.mk/comming-soon