Сакам да кажам... (без цитирања)

Системот ваков, системот таков, бла-бла-бла. Како се создава системот, што е системот? Се заинтересирал некој стварно да сака и сфати што е систем?

..сè додека наивниот граѓанин (ќе) размислува за кого да гласа, слободно може да го игнорира воздухот, депониите, корупцијата, небезбедноста.
За еден месец ќе се врати проблемот со ЈСП и нивните класични протести, па повторно ќе се збори за немање провев, врти-сучи понатака главна тема ќе бидат избори, ЈСП и недостаток на провев. Сумирано, сето е веќе сервирано и пак ќе се сервира како старо-нова вест. Класична рутинска шема.

Пак да се вратам на системот, оти системот е збор кој често се употребува од (лажни?) патриоти, од оние кои ја сакаат државава ама исто ко да не ја сакаат, оти ја сакаат од далеку. Нешто како врска преку телефонска жица. Да не се лажеме, државата може да ја сакаат искрено само несреќниците кои останале во гаснава комора, меѓу куп психопати.

И зошто е вака како што е, зошто се случи Прилеп (убиството со имотниот заплет), зошто се случи Велес?? Оти ич к** не ве боли, оти немате ни минута да издвоите за да се заинтересирате отповеќе за тој, буквално, до вас. Оти ако порано било комшија со комшија за арно и лошо, денес е: скраја да е, нека си решат сами позади ѕидови. Зошто избирате свесна пасивност во систем каде треба да сте проактивни? Зошто затварате очи и игнорирате? Дека не сте вие, дека тоа вам не ви се случува?

Системот е свесно(!) молчење на обични поединци кои повторно, сосема свесно го охрабруваат и овозможуваат постоењето на насилството, корупцијата итн., ова мало дете мислам го знае и има капацитет да го поврзи.

Секогаш кога читам за немил настан се згрозувам од моментот како членови на форумот куцат мал реферат за тоа дека се знаеле со жртвите, ко небаре е натпревар кој побрзо ќе ја сподели фасцинантната вест. И што кога ги знаеле жрвите кога не се заинтересирале? Што фајде?

Системот е обичниот граѓанин како индивидуа, несвесен или поточно, самиот сака да е несвесен за да отпосле плука по државата, која патем е таква каква што е само заради неговиот придонес. Биди апатрид де и плукај колку сакаш.

Ох, ми текна за турската драма (Mezarlik) која ја споделив пред месец дена во соодветната тема. Ја има на Нетфликс, ако ништо друго, едукација за тоа какви грозоморни убиства се вршени над жените. И гарант сега некои недоквакакани умови ќе речат што може да имаат турците подобро изнесено, па бар седнале продуцентите да сработат нешто асално.