Сакам да кажам [стара тема]

Сакам да кажам...

Сакам да кажам дека Google ме воодушевуваат секој ден! Денес повторно ме оставија без зборови.

Денешниот сајт е посветен на 117 години од раѓањето на Martha Graham. А јас воскликнав кога ја видов анимацијата како прекрасно заигра. Балет. Танц. Колку тоа убаво звучи а уште поубаво изгледа. А колку е само мачно.
Стигнуваш на лице место. Се пресоблекуваш и одејќи во салата пред огледала ги фрлаш на паркет балетанките. Ја врзуваш цврсто косата во пунџа, ги исправаш нозете и почнуваш да се растегнуваш. Ја обфаќаш петата со раката и телото го исправуваш во линија со ногата. Правиш шпага. Полека додека не ти искрцка се на нозете. Ги ставаш балетанките, ги крцнуваш прстите едно два - три пати и почнуваш со вежби за загревање.
Тажна си - го изразуваш тоа со танцот.
Среќна си - повторно е тука танцот.
Весела си - танцот. Пак.
Нема ништо поубаво и повозвишено на светот од танцот. Со секое движење, со секоја поза, со секое вртење на зглобовите и изразот на лицето правиш целиот свет да разбере што си сакала да кажеш без да изустиш еден збор. Движејќи се во ритам, ги тераш сите кои те гледаат да посакаат да се на твоето место. Невино и несакајќи ги тераш луѓето да те галат со поглед. Елеганција во движење.

Прекрасна работа! И проклето многу ми недостига.

Прекрасен почеток на денов. Одам да го досркам кафево. А вие, вие сркајте убавини и клик на http://www.google.com

Посветено на вистинските љубители на танцот и балетот.

 

Сакам да кажам...

СДК ај у п.м.

 

Сакам да кажам...

Пирамитке моја и јас тоа сабајлево прво го забележав ама се нафрлив да ги разгледам фотографиите. ПРЕУБАВО! Која грациозност ја има женава.

Туку вчера кој ми го лајкна статусот на фб се зезна. Таква размена на енергија и глупости немаше крај. Не можев да престнам да се смејам. Колку само ми требаше тоа. Секакви мрснотии и вулгарности на културен начин искажани. Со Е сфативме дека нешто се изремети светов, во стил мажи фатиле апарат и одма гаќите на пола копје. Не знам, чудно.

Туку денeс си останувам дома се надевам да бидам продуктивна.

 

Сакам да кажам...

СДК се успав денес и не отидов во школо И утре нема да идам, свадба и на братучедка ми во сабота и некаков си зарек ќе се праело.И во петок незнам дали ќе одам.
А треба оценки да се поправаат.Почнаа и тестови да закажуваат.
Ајде нека дојде 10 јуниии!

 

Сакам да кажам...

СДК кога ме нејке ме нејке ама кога ми оди не да ми одииии... Едноставно кога најмалку очекуваш животот ќе те изненади-валда
Време е да се менуваат работиве доста беше не оди вака!

СДК2 Место за облека во плакарот веќе нема ама јас пак и пак и пак немам што да облечам
Сум се запнала за розевите балетанки ко да ќе ми ибегаат ако не ги носам денес
Феминки хев а најс деј, незнам какво е времето во скопјенце ама тука пука сонценце

Едит: многу добра рима сум напраила нема што

 

Сакам да кажам...

СДК денов пак го почнав со цигара иако реков дека нема веќе да пушам. Ептен си стојам значи на зборот.
И друго..ќе идам да полагам. Никогаш во живот не сум била волку неспремна за испит. Се надевам на среќа (која никогаш ја немам) или па... дека може и ќе ми го одложат. АЛи најверојатно е дека ќе паднам. Мораше да си го кажам ова, за памет за другпат. Ајт со здравје!

 

Сакам да кажам...

Планирав да се успијам за на школо ама еве сум станала ,,порано ,, .. ништо од планот а план Б нема !
што ли ќе се прави овој ден кога книга се нема фатено . нвм не ќе кукаме сега
што убаво е времево надвор , изненадува .. вчера овде се истури од врнење а денеска чиниш лето е .
За кафење пиење приквечер со некого супер е Потоа чоколадните пуканки се тука ... само да не ни текне како минатиот пат да одиме на чукачки количиња ногата си ја превиткав тогаш (мали беа што да правам ..
да бирам пак би се качила

 

Сакам да кажам...

Сакам да кажам дека уште малце и полнам 20 годин4ина....

 

Сакам да кажам...

http://www.youtube.com/watch?v=EeFZB5VmO6I
Лелееее

 

Сакам да кажам...

СДК
Секогаш по дождот иде сонце...!

 

Сакам да кажам...

Сите ќе умреме еден ден.

Знам.
Ама не е точно. Лоша генерализација. А подобро ќе беше да беше точно.

Дека сите ќе умреме, да, природен процес. Се раѓаш, живееш, умираш.

Дека ќе е еден ден, потешко. А подобро ќе беше да беше ЕДЕН ден. Некој умира одненадеж во една секунда, некој умира физички со денови, месеци, години, го убиваат болки и јадови, некој умира во душата цели временски периоди... има и некој што без душа се раѓа - мртов роден.

И да, ден ќе биде. Но нека не биде денес.

 

Сакам да кажам...

СДК има ли нешто поубаво од еден гоооооооооолем сендвич, и цртан филм? само кулирај сестро не се замарај за ништо. стомакот полн и овците на број. беее

 

Сакам да кажам...

Девојкии, i'm back.
И да ви кажам право, навистина ми недостасувавте и не можев да издржам, а да не се вратам. Неразрешени дилеми, сеуште имам ама знам дека еден ден, се ќе се реши. Само полуматурава побрзо нека помине, реновирањето на мојава соба и другите работи.. Единствено што сакам е да заврши школскава година, конечно да одлучам каде да се запишам, да ми се појават едно 5000 во џеб.. Окееј де, може и 4000, не се жалам. Ух, ама што сонувам за еден специфичен ден кога ќе ми се исполни еден мој најгоолем сон. А знам дека ќе се исполни, зашто верувам во себе и во моите можности, знам дека ќе успеам само ако доволно се трудам.. и со текот на времето ќе се отствари она што толку време го посакувам.
За другите работи што ме мачат или пак не, ќе се обратам во соодветните теми.

 

Сакам да кажам...

Ми се исплатеше неспиењето деновиве, супер си ги поминав колоквиумите... ме очекува уште еден во петок што го немам ни чепнато :geek: Неколку саати си давам одмор и пак ќе го вклучам турбото

 

Сакам да кажам...

СДК МОРАШЕ ЛИ БРЕ ДА ЗАВРНЕЕЕЕЕЕ!!!!!!!! Мислам пролет ли е или есен ли е !!!

 

Сакам да кажам...

СДК дека ме фати некоја мрза со учењево...

 

Сакам да кажам...

СДК дека утре КОНЕЧНО ќе се сликам за лична карта.

Проблемот е, што јас имам трауми од фотоапаратот на нашата јавна администрација. Ќе излезам како најголем апаш и криминалец кога утре сабајле во 9 ќе ми го шкрапне блицот пред нос. Има да станам во 7 и да се шминкам, така да си знаат.

Второ СДК - не сум наспана, само некој ѕвони, тропа, чука, иде, си оди од куќава. Аман заман луѓе, остајте ме на раат. Од денес па натаму, примам гости само со МИЛКА чоколадо со цели лешници.

И трето СДК - Не, нема да ставам кромид и ракија на ногата, макар и да ми стане како на Биг Фут.

Ди енд.

 

Сакам да кажам...

... бреј, ама инат магаренце сум.
Упорно одбивав да вежбам и се легачев ко некоја бабетина со ишијас и вода у колено, и еве ме - трет ден по ред, кардио, па зумба, па пилатес и се чувствувам супер.
Добро, вратот малку истегнат, ковчињата скрцкани, мислиш ме гушнал некој кечер, но почнувам да верувам дека вежбањето нѐ прави посреќни.
Ќе видиме до кога ќе трае овој ентузијазам или по некој ден ќе почнам да вриштам од нервоза, како главен готвач кој нашол млечен кашкавал во пицата...

 

Сакам да кажам...

Ќе да достигнавме нова етапа од еволуцијата ни. Штета Дарвин човече не си тука да ни направиш некоја нова карта, или било кој, некој ќе молам да го регистрира ова. Онаа на Дарвин веќе е аут оф фешен.
Се изобличивме изгледа а?!?
Не, баш физички, но емоционалната ни страна како да стана еднаква на Ти рекс. Ма ил ја патам од синдром на виртуелна предозираност, па многу од луѓево дур ги читам в глава ми се всадуваат со запенети усти, очи талог кафица дно филџана и аксесоари виљушка и нож у ручиња та дааааам!
Време да се ручаме дошло изгледа.
Ќе да си ги спакувавме сите емоции, освен оние за љубениот, мамица и татица... па си ги пративме по врага.

И се прашувам, од кога бе тоа изразување емоции станаа драпање, лапање, натискање по клупи и слични пред публика експонирани занимливости од активности?!? Зар у друго време живеам јас, та’ емоциите ми се нешто сосема друго. Да не би преку ноќ да станав 100 годишна жена, побогу, зашто не ме разбудивте порано. Та’ си го сакам назад времето, кога држење за рака бе беше дел од емоциите, гушкање бре без да се протриеш од срамните местенца на другиот, бакнеж бре, не in and out јазици препелкање !!! Зар тоа веќе никој не го прави, бидејќи многу се тие никој-ци, што ги гледам секојдневно по улица, ма и би се заколнала ако треба дека се таму надвор шетаат. Ил’, вие тоа можда поинаку го дефинирате?!? Простете ондак за неинформираноста ми! Excusez-moi, ја, не знала.

Онда, читам, нажалостена другарка, со емоции кон другарчето, но наместо he loves mе-he loves mе not цветичи да делка, прашува ГЕЈ ЛИ Е?!? Брцни и провери де ! Само молим те, не го ремети по форуми достоинството на некој, ловејќи му ги геј-овските аспирации. Процедура, „сака у ш*п*ц ил’ не ?!?“ да бев другарот ќе ти речев, прашај ја мајка ми што ме родила, по ќе ја НЕболи така, него цел град да збори за нешто, што само јас имам право да го кажам некому, кога ќе решам. Но, да и ти си страшен емотивец. Егото ќе да ти е заглавено у емотивната ти страна, баш у истата, за која и се интересираш, знаеш да ја најдеш на картата нели?!?

И, пошто од убавини никогаш доста, тука ќе ги најдете и емотивците од девојки што љубат до бол оженети со деца. НО! Она ти има другарица, што исто ко’ неа идела со женет и сеа му е женичка на истиот тана наааа ! И немој да и слику квариш ти, надежта последна умира, светлината секогаш свети на крајот на ходникот.. !!!

Дечки, едно жуто комбе ќе те молам! За мене да!
Еуфорија ме мене понела и у бестрага ме однела.

 

Сакам да кажам...

СДК дека многуу ми е тешко