Сакам да кажам [стара тема]

Сакам да кажам...

СДК се чувствувам многу глупаво и збунето.
Чувствувам длабоко во мене еден коктел од разни чувства. Добро промешани, што во секој момент можат да избијат од некоја страна.
Уф, сакам да се релаксирам, да уживам и да не се нервирам за секакви глупости. И знаете што?
- Тоа и ќе го направам!

 

Сакам да кажам...

Како лесно можело да престане да се замара човек и да не мисли на шит работи.
Многу лесно...
Како да мислам сеуште на него кога другите не ме оставаат ни на секунда
Добро недела дена доста е и јас мислам.
Сега не се концентрирам на ништо, ги пуштам работите да си се движат самите како што си тргнале, јас само си уживам и да најбитното не се замарам со ништо
Да, ме прави среќна вниманието што го добивам од сосема непознати фаци кои искрено не сакам ни да ги запознаам


П.С. Чувството кога се запознавате со некого, му го кажувате своето име, а тој од трема наместо да го каже неговото го повторува вашето име

 

Сакам да кажам...

Чувството кога сфаќаш дека не си заборавил да вртиш хулахоп.

Ммммм, ми лајк ит.

 

Сакам да кажам...

Најглупавата грешка во животот е да мислиш дека оние што те повредиле еднаш нема да го направат истото.

 

Сакам да кажам...

СДК седам ,се досадувам уште во 9 саат и се размислувам што да правам денеска.
И чекам.
Го чекам утринскиот пост на Пирамидава.

Ајде добро утро женски (и мушки)

 

Сакам да кажам...

Добро јутро радни народе

 

Сакам да кажам...

Знаете што ми се прави? Ми се опнуваат бикини, кратки, лесни шорцеви, цвикера на глава да ми ја подсобере разбушавената ми коса и ми се иде кај некој во куќа - некој што има базен по могуќност и ми се чисти базенот и коси трева. Потоа би ја подготвила скарата, би го снабдила шанкот со пијачки и би свикала лепо друштво - би направила многу шарена и разиграна pool party
Ми се прави некоја ваква механичка работа која не инволвира активирање на мозочни ќелии и која завршува со добро изладено и миксано летно коктелче и со усмрдена облека од скара. Со рипање во базен, со заразно смеење на лежалка во прегратките на најдобриот другар или пак сокриена во нечии моќни, сепак нежни раце кои ќе ми го скокоткаат стомачето

Би пуштила добро музиче. Чистејќи и средувајќи би се движела во ритам и би си подрипнувала по тревникот - оп едно бубаче згазнав, оп уште едно, оп Индијанецкојсединагранкатаоддрвотоисечуди, оп ама ми е убаво!
И потоа би се трудела сите да ги разиграм на журката. Само ако најдам некој без плескавица во рака или коктелче. Хасан cuts правам!

Сонцето пече, сите мирисаат на кокос или ванила, или Блек Ап. Сите сме испотени но на никој не му пречи тоа, затоа што ни е убаво а јас сеуште се тресам во ритам.

Убави работи се случуваат се додека не зајде сонцето и потоа сите заедно пуштаме да летнат по неколку тајландски лампиони за среќа (ако ви текнува на филмот Beach) епа баш такви Прекрасни се. Ги обожавам. Минатото лето пуштивме такви 3 и направивме шоу на брегот а богами и добивме аплауз од 30ина полски туристи. А сепак не немаше во Ohrid news

Ми се прават со еден збор убави и инспиративни нешта. Не ми се седи на место каде што толпата ми ја убива мојата оригинална инспирација и обид за уметничко презентирање. Тоа дека очигледно зборувам кинески и група на луѓе со точни епитети не ме разбираат, на тоа се навикнав веќе.
Ама немав навистина поим дека понекогаш зборувам со редок дијалект на племе од Мозамбик, јазик кој е веќе на листата на изумирање.

Нејсе. Јас се згреав и насмевнав во мислите.
Можете да ме замислите? Јас веќе си го направив филмот Овој мојов ќе се вика Хедонизам и безделничење во...локација засега непозната. Сите сте поканети на журката - само нека ми се јави некој со куќа и базен желни за чистење и желни за летни палавштини

Сценарио: Phyramide
Режија: Phyramide
Главни улоги: ние
Музика:
The Cuban Brothers - A Million Stories (главна тема на филмот)
Hott Toddy - Mindtrip
Hardsoul feat. New Cool Collective - Bounson
(албум: Hed Kendi - Beach House 60)

За постигнување на посилен ефект односно поверодостојно летно мечтаење и филмање, се препорачува однапред да се пушти soundtrack - от

 

Сакам да кажам...

добро бе луѓе знам дека сум убава знам дека од одмор имам фатена убава боја. Но немораше да ме урочите, па ке ме убиете бе. Сдк дека вчера ужасно за прв пат во мојот живот ме болело глава и дури не успеав да се вратам дома истурив црева по пат се молат сите граѓани да не даваат комплименти во ова време од годината затоа што со тој комплимент може да завршиме фатално добро е утрово сум жива и здрава не се откачувате лесно од мене.

п.с. и јас сакам на журка со пирамитка

 

Сакам да кажам...

СДК дека некогаш ги читам темите Брак, Семејство, Деца и не можам да се изначудам. Не сакам да коментирам таму да не речат дека се мешам во секоја каша, ама некој ден ќе земам да ги затепам сите од таму.

Секој втор муабет е дека мажот си нашол некоја да го пере, да го пегла, да му чисти и да му готви, па сега се шетал, не идел дома, бла бла бла... Е, па, додека има овци, ќе има волна и ќе има кој да ги стриже! Зошто мажот да не биде тој што ќе пере, па машина треба да вклучи само. Готвењето се учи лесно, а и чистењето не е некоја голема филозофија. Па што е тогаш проблемот ??

Амаа нее, нашиве балкански мажишта се научени да седат со дебел ланец на врат и чекаат да им се принесе. Тие се ГЛАВНИТЕ, тие се мажиштата бе. Жими мажов ако не знае да пушти машина, да исчисти или да седне да учи со децата. За што е тој дома, за да вегетира како некој бог ?? Оооо, гревчиња, заглавени во 15 век. Една временска машина за тие, молам!

Додуша, мајките и жените се криви. Ги гледаат и машките деца и браќата и синовите како да се којзнае што. Абе ајде, не знае тој такви работи, машко е. Аша ако е. Кој како си ја наредил на крај краева, секој сам одлучува во која улога ќе се постави и како ќе го третираат.

Баш пред некое време, кога бев на гости кај едни роднини, си дојде братучедов од работа заедно со мајка му. Тој се бапна да спие, а мајка му зема да прави ручек, додека се правеше тоа зема да запегла и на крај пушти машина. Го доправи ручекот, а младиот господин стана од спиење и не сакаше да стане ни едно чиниче да си земе. И се разика затоа што не ставила и за него. А таа кутрата и беше страв да го разбуди, да не ја карал. МЕНЕ некој ден син ми да ме кара затоа што го разбудувам да јаде, толкаво магаре од 30 години да не знае да си земе чиниче - ма низ врата бе.

Е од такви ми се повраќа. Подобро не се мажам, ама за таков да се омажам - јок.

 

Сакам да кажам...

3 години без тебе татичко....место топол бакнеж...бакнеж ладен мермерен
Синоќе те сонував...весел насмеан,разигран со чаша пиво...сакаше да не носиш на одмор Барем на момент те имaв со мене
Проклето фалиш...додека сме живи

 

Сакам да кажам...

Јас веќе не верувам на никој, ама баш баш на никој!! видете сега, купив еден скап прслук за топ, мн убав и најверната другарка моја ми о побара и ми го носи 3месеци и вчера си го земала за на одмор. ЕЈЈЈЈ, чекај малце ти ме праша ли ма прво? и уште си се чудам коку сум глупа. Денес вистински пријатели-амин и чао пријатно. тоа е.. жешко, досадно ууф што би сакала сега да го имам најголемиот вентилатор на светот

 

Сакам да кажам...

денес пак е се во најдобар ред брзо се опоравувам од с**ња. се апстрахирам, јадам Nirvana, пијам Sangria, "Fast car" ми ги гали ушињава

 

Сакам да кажам...

СДК дека денес е 19 Јули 2011. Овој ден ќе биде само еднаш. Ќе дојдат многу други 19 Јули ама ќе биде 2012, 2013 ...
Затоа исцедете го овој ден до максимум.Цуцкајте го како со најмалото цефче кое постои. Уживајте во секоја голтка(која вие сами ќе си ја направите слатка). Нема место за непотребни нервози, солзи, лоши зборови( за кои подоцна ќе се каеме). Секој плус ден, ни е дар и затоа бидете среќни, бидете благодарни и не се трујте со непотребни работи. Еден ден ќе седиме како стари баби и ќе си велиме -Ех да имав сега 15,20,25,30 години, се ќе беше подобро. Ама нема. Затоа денес искористете се' до максимум, утре ќе е нов ден, овој нема да се врати.

 

Сакам да кажам...

Како после да не ги сакам понеделниците, после вчерашниот ден, попладневно тричасовно излежување со мирисот на Блек Ап маслото за брзо потемнување и оној на преубавите праски, џагор на лето во воздухот, подоцна заменет со шум на бранчиња и ретки пловни објекти кои ја бараат финалната дестинација и луѓе кои го пакуваат својот инвентар за плажа, она чил чувство врз кожата кога сончевите зраци ќе исчезнат зад хоризонтот, во меѓувреме природата богато ја распостила својата највпечатлива палета на самракот. Сакам самрак и сакам да го гледам тоа пакување, заминување и повлекување кога останува само природата на истото место да ги пречека повторно вљубениците во неа, со иститот, но и променлив релјеф, на истиот, но сепак поинаков начин толку пати во текот на толку развлечена временска дистанца, секогаш за различни луѓе со исти соништа, стравови, болки и радости во текот на постоењето.

Па, за кратко време I was out & I was HOT !!! Фустанчето купено пред неколку години ја имаше својата премиера и црвените штиклички оставаа трагови по добро познатите улици, кои ги подзаборавиле моите чекори. Па морав да ги втиснам пак и испратам една јулска ноќ во незаборавот на спомените! Не поради некоја спектакуларност туку поради совршенството на едноставно убава ноќ!
И само некој да ми рече дека мрази понеделници и лето - тепам, !
Вторников мрзоволно се влече како што се влечам јас со колоритни пижамчиња сеуште и е спокоен како лелеавата пунџичка на мојата глава и одам да го вкусам сладоледот кој ме чека исто така спокојно и Марко спокојно се излежува на својата нова локација - сега е господар на ходникот! Доста спокој кој ќе се дисбалансира кога ќе морам да заминам за на работа што ќе биде прилично наскоро!

 

Сакам да кажам...

Уф каков грозен ден-.- Лошо почна, претпоставувам така и ќе заврши.

 

Сакам да кажам...

Ме фасцинира човековата потреба да докаже и покаже се што не е, никогаш и не било. Ќе испреврти се, дококлку е потребно... ма, уздуши-попреку ќе те однесе, чисто да ти го привлече погледот кон магијата на неговата претстава од сенки.
Но, се прашувам, нели по многуте претстави изведени пред најшареноликата публика, по нивните бисови и бројните телевизиски сапуница репризи, успеаја да разберат дека, повторувањето е во буквална смисла, мајка на знаењето?!? Дека, колку го повторуваш тоа исто сценарио, толку поголем простор за грешки, толку поголем простор за критика?!?
Зар и по цена да бидат откриени, да бидат демаскирани го прават тоа?!?
Хм!
Занимливи примероци се тоа, посекако ми го крадат десново око, како поостро, за разлика од левово кое малку затајува во „зум ин“ анд „зум аут“ процедурата. Сепак... и двете се љубители на голотијата, па дојди ми со што е можно повеќе облека, тони и тони тежок штоф обвиени околу тебе да можам те одвиткам како новогодишен подарок. А, потоа?!? Потоа ќе се правам на изненадена од виденото... ах, голо тело! Голотија! Створ ко од мајка роден.. без шминка, без парфемизирани креми и мачканици и без, без, без и без тоа без. ГОЛО бе голо!
Кој ли по ѓаволите ја натерал Ева лакомијата да го касне тоа јаболко. Зар за едно јаболко ти лаком заднику не натера сите сега да патиме од комплексот на наконтени принцови и принцези дури и по ваквиве тропски горештини, кога човек може слободно да истрча ко гол пиштол на среде улица и да пука по тоа небото во ритамот на Хакуна матата.. белким ќе заврне тогаш, е баш тогаш ќе е ќејфот. МЕРАЦИ! Ама, лаком газ трагедија!
Со каква боја сум во твојата глава?!? - ме прашува.
И како да останеш рамнодушен или верен на својата искреност без малку да го подлажеш, пак да не збориме за многу.. а ти се сака богами многу, ти плаче тоа јазичето, се препелка внатре да тресне што е можно поголема глупост, чисто да го видиш како мало дете како му се радува на сладолетчето, пак го лиже, го лиже, а ти му се смееш... од ножните прсти го вадиш тоа грчевито смеење.
Сина, му велам... со зелени детаЉи!
И слушаш тишина. А, знаеш у глава му се дешава скандирање и она пригушено АААААААААА со тупот на петици. Е, ај кажи му безбоен си ти душо... боја добиваш, само доколку некој будала се одлучи да ти даде од својата! Кажи му го ајде и види како си заминува, а тебе ти се сака да си поиграш со него уште малку па уште малку и така... уште ПЕТ МИНУТИ мамо ветувам!

 

Сакам да кажам...

Сдк дека направив нова тема во Храна и пијалоци, за киселата вода. Ѕирнете ја.

 

Сакам да кажам...

Не можам да сфатам колку охриdskata библиотека не е снабдена. Денес ги барав:
Вероника реши да умре
Озборувачка
Дали ме чекаш
Рингишпил
Порака во шише
И од сите овие само Порака во шише ја имаше, Рингишпил била земена, а другите ги немало!!! Што библиотека ќе ја беа, аман????!!!!

 

Сакам да кажам...

СДК Нова Година е далеку......ама уште сега знам што ќе посакам кога часовникот ќе отчука дванаесет.

 

Сакам да кажам...

Сдк утрово ме изненади едно вакво нешто

Спојлер

А јас се мислев дека е машко Си закаснив на работа затоа што морав да се вратам назад и да го разбудам син ми и да му кажам дека имаме принова летна дете од радос ... целата изненадена лупнав како од пушка ... дете оваа била женка а јас цело време мирен Џони затоа сирота ме гледаше збунето