Сакам да кажам [стара тема]

Сакам да кажам...

СДК дека најдов еден огромен штраф паднат под столов. Ако треснам на паркет ќе биде интересно.

 

Сакам да кажам...

СДК дека се пакувам за на одмор (односно замор во Охрид) и треба да ја поминам болната и макотрпна работа - депилирање И сакам да сум машко за да не мора да се депилирам!!!
Инаку осеќам дека ова ќе ми биде доста досаден одмор (дечко ми не е тука ), затоа ќе си земам книги за читкање, ќе се печам цел ден на плажа и ќе си се препотувам Барем ќе мрднам од Ск, и тука е ептен досадно!
И така

 

Сакам да кажам...

СДК дека имам нов аватар.

Spoiler

газот ми е ист како на оваа на аватарот.

 

Сакам да кажам...

Сакам да кажам дека со тек на времево сфаќам дека не можам да поднесам зададени рокови, авторитети, кои не ги почитувам, а морам тоа да го правам, набиена агенда во животот, притисоци и сл...Почнувам да се згрозувам од тоа и затоа полека почнувам да се дистанцирам од таквите ситуации и ич не ми чуе какви ќе бидат последиците...
Сакам да облечам апостолки, некоја широка памучна маичка, да ја соберам косата во репче и да се шетам каде ќе ми текне во моментот...Да си го земам апаратот, да си правам сликички, да посетувам убави местенца, па макар тоа било и во Скопје, да си купам сладолед на стапче и при тоа никој да не ми се јавува и да ме гуши со прашања од типот кај си и што правиш и кога ќе си дојдеш ...
Сакам добри филмови, интересни книги, музика...
Не сакам напнатост, неизвесност, стресови...
Среќна сум што љубовта во себе несебично ја подарувам...

Можда и подобро што ми се случува ваква трансформација...Животот е краток...

 

Сакам да кажам...

Многу е досадно

 

Сакам да кажам...

 

Сакам да кажам...

СДК дека штотуку се вратив од одмор..одморена и освежена ...

 

Сакам да кажам...

Си спремам листа од книги што ќе ги носам на одмор, мора мора мора да се чита на плажа.
Сега за сега ми содржи петнаесетина книги, се надевам дека поголемиот број од нив ќе ги најдам. Гледајќи од страна на опциите што ги имам, во населба имаме само една прилично бедна библиотека освен „Касни порасни“ и „Марта“ други книги, амин! [човече.што.се.крсти] Да ви кажам не знам дали треба мене срам да ми биде или нив, зашто кога ќе отидам пред да најдам некоја книга, едно дваесетина книги што ќе ги побарам ги нема.
Па и срамота да излезеш со празни раце после 20 минутно барње книга, па на крај излегов со „Хари Потер и каменот на мурдоста“ во рака, со изговор и самоутеха дека ќе ја чита брат ми. Па еве некој интерес пројавува, фала богу.
А и една идеја ми дојде, добро е да тркнам деновиве јас до „Браќа Миладиновци“ во Кисела Вода, до сега таму се’ сум наоѓала.
И вака додека јас си седам и си мозгам каде да си ги најдам посакуваните книгички, воедно и си размислувам, како сега спомениците на плоштад ќе ми помогнат.

Во меѓувреме си ја спремам и листата на облеки што планирам да ги носам на одмор. Си ветив - помалку од лани - зашто лани едвај половина од облеките го носев што ги спакував, а го спакував цел плакар. Ама кога ќе видам: „Ее, па ова сакам да го носам!“, „Ее, епа и ова, не го купив за џабе! Еее, ова сум го заборавила, морам да го носам!“ и пак најди ми го крајот.

Иииии... Хари Потер црвците ме префатија, почнаа да претаат во мене, што ме тресна сега флеш во главата - стапче да си правам! Чудо сум - ко мало дете, срамота. Читнав на нет некои интересни работи за правење стапчиња и лесно би тебало да е, со оглед на тоа дека татко ми е столар... се надевам на негова потпора.
Боже сачувај, што ми станало...

А бе, некој да земе едно праче, удри мавај, удри мавај... па ќе ме маваат после флешови за стапчиња (прачиња)

 

Сакам да кажам...

Ги здиплив сите надежи и желби. Ги замотав во крпче и ги ставив во џеб. Ги носам секаде со себе. Мои се! А љубовите? Љубовите нека талкаат. Една ќе се задржи кога тогаш...

 

Сакам да кажам...

СДК се ме боли ОоооОоО Се изнапливав, за некое чудо имам поголема кондиција од лани. Лани на половина базент снемував воздух и едвај се довлечкував до крајот, сега без мака го препливав

Ме фаќа дремка, би си легнала без око да ми трепне, ама либето ме вика Како мало детенце е, се буни да отидам за да се мазиме

И то...

 

Сакам да кажам...

Никогаш немаше да имаме виножито во душите, ако немавме солзи во очите......

 

Сакам да кажам...

сдк.. многу ми се допаѓа потписот на Вајлд. Како за мене ист!

 

Сакам да кажам...

СДК "No one can understand how you really feel."

 

Сакам да кажам...

^sooooo true!


СДК Ејми не мораше да умрит, ама како и да е... песните нејзини ќе ми останат химни!

 

Сакам да кажам...

Сдк не е убаво да чистеш по собата и да преуредуваш работи но убаво е кога ќе си најдам некои работи што сосема ум ги заборавила..

Така и сега,разместувајки едни стари тетратки си го најдов првиот поклон од едно момче
(се секавам го криев мајка ми да не го најде,да не ме кара )
CD со песнички и сега си ги слушам,а и срамота за мене сега гледам дека во cd-то имало и слики од него и мене

Знак е ова што пред некој ден добив порака од него во инбокс,а сега случајно го најдов cd-то или јас така си замислувам

Како и да е,се вратив 2 години наназад,па кога ќе подразмислам не ми беше дечко но имав предобри моменти со него и мн. слатки спомени.


Првата љубов колку и да била наивна секогаш ќе ни создава насмевки кога ќе се присетиме на неа

 

Сакам да кажам...

Се спремив за на одмор!Се надевам не сум заборавила нешто.
Требаше да одспијам денес.Другарка ми ќе дојде со куферите кај и да е,нема да ме остави да спијам цела вечер.Таа гајле нема,после крчи во автобус а јас секогаш гледам низ прозор,уживам .
Се надевам дека ќе се вратам совршена за Били црнчето
Ќе ми фалите стварно.

 

Сакам да кажам...

Си сфатив дека машката интелегенција ја проценувам преку хуморот.
Ако е паметен и кога е сериозен знае да е смешен, без да каже ниедна глупост.
Контрадикторно нели? Ех, неописливо е зашто ме привлекуваат контрадикторности, можеби затоа што и јас сум полна со нив.
Не е возможно да се ‘затрескам‘ во 25 годишно муже кое тресе глупости како 5-6 годишно детиште. Толку неповрзани работи, толку безвезно, толку одбивно дури и одвратно. Истовремено ме воодушевува како некој знае од срце да те насмее, без да вложи воопшто напор во тоа.
Многумина ме гледаат мене како девојче, покрај тоа што изгледам дека имам минус 5 години. Секогаш тоа го сметам за комплимент, а кога ќе имам јас 25, ептен убаво ќе ми дојде Него, муабетот ми беше дека ме гледаат како дете во душата, одбивав да пораснам кога сите ужасно сакаа да се млади дами, а со сеуште недооформени телца. А тоа дете кај мене, никогаш нема да порасне. Самата си се прифаќам како таква, но не можам да опишам колку ми е невозможно да се замислам со некој возрасен, а во умот мал. Се‘ е до психата мили, се‘ е до тоа како ќе си се нафураш. Или како ќе те нафураат, ако им дозволиш.
Кога сме кај психата, јас се нафурав дека има уште некој во станот. Се нешто ми крцка и си станувам си шеткам ко манекенка низ писта низ ходник. Ама еве сеа се фурам, дека само без везе сум се нафурала. И така, се‘ во круг.

Исто така сакам да кажам дека си направив шопинг листа, од пудри до парфеми, од купачи до јакни и тн итн. Ете уште од сега знам како ќе си ги искористам паричињата што ми следуваат. Мх Мх.
Знам дека ќе си ја уредам новата соба во јаки бои, кои не би ги комбинирала до пред година две. И дека повеќе ќе изгледа како детска, но тоа само ќе биде инспиративна позитивна весела соба. Ќе творам, дишам, радувам и плачам таму, а секако мора да биде наместено по некој код каде што ќе се чувствувам, онака, како дома. Се прашувам дали... се надевам дА.

И се прашувам, дали еднаш, ќе ми помине оваа грутка потреба за благо? Од денес као демек почнав здраво да се исхранувам, да убаво ми тргна сабајлечки. Само да не си го упропастам, на крајот од денот, како и секогаш.

Едит. Не се пронаоѓам во ниеден аватар кој ќе го ставам. Не знам зошто.

 

Сакам да кажам...

Уште еден викенд зад мене на планетава која крие огромна палета на луѓе.
Ви текнува на From Dusk Till Dawn? Само таму промовираа мачиња да не речам женски полов орган. Е така нешто.
Жолти, црвени, сини, црни, бели, какви сакате, само овде, ајмо изволте! Некои и безбојни кутрите. Некои обоени па ептен, али џабе бре досадни се ко илјадници успорени верзии на бавниот братучед на Спиди. Ма какви - ко вода со квасено лепче. Оној Спиди е интересен барем. Што е најстрашно не сфаќаат. Или немаат огледало. Или носат некакви чудни 3Д цвикери со кои дефинитивно не можат да се видат себеси колку се ужасно многу здодевни и едноставно тапа.

Светов е луд, фундаментализам во каква и да е форма не носи ништо добро ниту убаво. Одзема.
Уште еден огромен талент почина. И жал ми е што некој не знае да цени што добил подарок и можност да живее. Плус и дарба да растрепери илјадници туѓи срца со својот прекрасен глас.
Во Карачи - лудница.
Во Северна Кореја избори. Ај Боже прости ми ама дал’ да се лупнам по чело или да се смеам?

Светов луд, а јас? Јас се обидувам да игнорирам нешто во што не можам понекогаш да се влеам како река, колку и да се трудам.
Мама моја е паметен човек, не еднаш сум рекла. Ми вика - тешко е да не си дел од толпата, ама потешко е да и се спротивставуваш на истата. Чат пат ќерко, сакала или нејќела мораш да се замешаш, затоа што животов би бил залуден, а ти би била осамена. А без луѓе не се живее.

Во право си мамо. Одам да ставам и јас некое боиче на главава и одам да ја дооформам толпата. Затоа што викендов прилично ја игнорирав. Испружена на лежалка во викендица, со прекрасен поглед пред мене, си го пиев своето коктелче и си го галев Дино мој златен. Ах тоа куче колку си го сакам.

Ејми пеј ми на увце. Мрчатори ролајте со очите - да, јас ја слушав од самиот почеток

И да, луѓе бре луѓе, не се бојте со боја која не ви прилега. Ставете нешто што е, едноставно ваше, така повеќе ќе ве забележат.

Недело, ела да ме галиш и мазиш. Некако се навикнав бе па абе па епа епа, лепа шаргарепа

 

Сакам да кажам...

Многу убав ден. Бев на гости, па сега фатив ориз да правам и да ви кажам мајстор сум за ориз правење. Мх, мх како изгледа. Ја чекам сестра ми па да го вкусиме заедно.
Ви кажував вчера за лошиот сон, денес и другарка ми ми кажа вчера ме сонувала и ептен бил лош сонот. Не верувам во такви нешта , но двете во иста ноќ слично нешто? Не е ни важно, нека биде што ќе биде.
Сакам да ја видам, а не можеме да се видиме. Ми недостигаат разговорите со неа, трачарењата и зборувањето за НИВ, нашите големи љубови. Се надевам наредниот викенд ќе можеме да имаме вечер само за нас. Нема ништо поубаво од тоа да имаш луѓе кои те исполнуваат.