Сакам да кажам [стара тема]

Сакам да кажам...

Сакам да имам малку обврски. Сакам да почувствувам дека правам нешто корисно. Периодов се се врти околу превртување во постела, спиење до пладне, јади, гледај телевизија, излези, нервирај се зошто имаш татко кој е неподносливо досаден оти пустиот нема работа, па единствената работа сум му јас, и препирањето околу честото ми мое излегување. Добро бре стари, а седне некој гостин на маса му ги вадиш сите твои патешествиа како момак, си го скитал Балканов, подалеку од него, Булгарија ти била честа дестинација, си Се глупирал, пијанчел, возел најразлични коли и сл. Дали забележа дека јас сум во тие години за кои ти цел живот се фалиш? Како јас ќе доживеам такви работи како тебе, доколку стално се буниш за тоа мое излегување, контролираш, и претеруваш во грижливоста на еден татко. Срамота! Немам 10 години, аман човеку нели сфаќаш?!

 

Сакам да кажам...

http://www.youtube.com/watch?v=D3kvjCRogxc

 

Сакам да кажам...

Неможам да опишам колку само се восхитувам кога ќе видам некој пост, од некоја феминка во кој има доста богат речник и од далеку се познава колку многу е начитана таа личност. Па што има поубаво од тоа кога ќе слушнеш како некој изобилува со добар речник? Едноствано со задоволство можам со часови да слушам или пак читам таков човек.

 

Сакам да кажам...

Знаете дека сакам да планирам, ретко и се препуштам на случајноста, но денес се освестив дека плановите не секогаш се исполнуваат. Плачев многу, се разочарав. Починала синоќа другарка на братучед ми, многу мила девојка. Беше полна со позитивна енергија и одеднаш ја снема. И што ќе ми е да планирам кога не знам утрешниот ден што носи? Зошто да се нервирам кога јас сум си најбитна, а нервирањето ми штети? Можеби сум пишала некогаш, но се нервираме за дечковци, за тоа дека некој не ни пишал, не ми вратил, ме изневерил, ме повредил. Се нервираме за другарки, ни ги краделе дечковците, купила блуза како мојата или се шминка како мене. Се нервираме за родителите затоа што не контролираат што правиме, затоа што сакаат да управуваат со нашиот живот или пак затоа што воопшто не ги интересира што правиме. Се нервираме за секој скршен нокт, за размачкана шминка, за уништено омилено парче облека. Глупости!
Сега беше еден друг братучед на гости и му завидувам, за ништо не се грижи. Кој што сакал рекол, направил тој си гледа него да му биде убаво. Не е себичен далеку од тоа, помага кога може, те сослушува, но не се секира ако го навредиш, ако речеш нешто за девојка му.
Ах, многу работи сакам да кажам. Размислував и ние фамилијата сме еден клан. Знаете кога се собира цело племе за да се донесе некоја важна одлука? Е кај нас се собираат сите за да се донесе секоја одлука. А јас и погоре спомнатиот братучед сме бунтовници.
Знам клише ми е реченицава, но секој ден треба да се живее како последен. Не знаеме утре што носи, ако постои утре.

Имајте ми убава вечер.

 

Сакам да кажам...



Сонце убавооооооооооооооооооооооооооооо
Сакам едно вакво.
Сакам сакам сакам сакам сакам сакам сакам сакам сакам сакам сакам сакам сакам сакам сакам .

 

Сакам да кажам...

СДК дека денес ќе имам супер ден...ќе станам сабајле, ќе идам до тинекс и ќе си купам некои продукти за преку денот (сокче , чипсче, такви работи ) После тоа ќе си пуштам некое добро филмче и ќе си уживам, во меѓувреме ќе очекував повик или смс од мојот љубен

 

Сакам да кажам...

Аааааа, оваа проклета инсомниа. Сто пати легнав во кревет и станав, се чувствувам преморено и ококорено, очите волкави ми се


А утре ме чека долг и напорен ден!
Го гледам сопругот како бичка дрвциња веќе 3 саати и ми се иде да го разбудам од љубомора. Абе едноставно му се воодушевувам, уште не ја погледнал перницата - спие. И со џогер да го потправ во туш кабината, пак ќе спие. А јас????





А вака ќе биде додека не запејат првите петли

 

Сакам да кажам...

СДК убав ден ми беше денес.

Спојлер

без математика, уште поубав, ама ајде уште утре

Си се изнајадов топло-ладно кај џино, дадич
Љубовта моја, мини мориска црвена уф, колку сакам да ја имам.

 

Сакам да кажам...

They try to make me go on rehab but i say no no no .

 

Сакам да кажам...

СДК дека Мадона почна да ме нервира, ама она ептен почна да ми шета по нервиве

 

Сакам да кажам...

Е не ќе се зае*аваме.

Страв во коски.
Студ до коски.
Инает над се тоа.

Страшни муабети, топ друштво, машко женско, машко женско. Нит многу, нит малку. Таман за совршенство. Спроти мене тој се смешка. Хихихи хахаха и дур да трепнеш отишле 6 саати.

Срцето полно.
Вечерва оФците на број.

Измрзната сум .... а во душата ми е толку топло. Да. Мераци.

 

Сакам да кажам...

Ми недостасуваат старите ликови кои не пишуваат.
... тоа топло семејство.

 

Сакам да кажам...

СДК се претворив во книга, конечно утре завршува мојата факултетска голгота, држете ми среќа и утре да положам .

И ако слушнете една истакната индивидуа во македноскава политика дека е убиена, знајте дека јас сум таа што го убила дотичниот господин кому не сакам ниту името да му го споменам, а и башка ќе ми чуете и инцијали на вести, и толку од мојата анонимност .

Сакав само да ве поздравам, да ви кажам да бидете мирни , да не дигате многу џева да не ви дојде Баба Рога...

Јас сега се одјавувам и ви посакувам да имате убави денови, убави часови, убави мигови и многу убави спомени...

Не кажав ништо паметно, ама па и да сакам неможам онаа факултетска литература ми го испи а богами и испра мозокот, под стрес сум последниве 2 недели, ко некое чудовиште од лош хорор филм сум, само уште нож ми фали...

Ај, ај, доста с*рам, чао, пријатно, љубим вас, па видимо се .

 

Сакам да кажам...

СДК дека многу работи ми станаа појасни .

Дека на многу луѓе се потпрев а не треабало на истите им верував и мислев ќе бидат секогаш тука за мене ама гадно сум се заебала .
И ете така скиснато помалку , може да кажам и потајно разочарано зошто ја утнав со проценава сфатив дека буквално НА НИКОЈ не можеш да се потпреш .
Ама по некоја чудна логика мило ми е што вака испадна , што си увидов некои работи .
Најтешкото го поминав САМА ќе преживеам .
Кога и да требаше моја помош тука бев ама не повеќе . Ме болеШЕ тоа што тие беа некои за мене а не никои . И нејќев да ве избришам и да станам тотален странец за вас . Ама вие ме натеравте ме принудивте . Дека сега треба да ви се јавам на сите по список или да си ја барам грешката во мене или пак да ви се извинам ааа тоа . Ем неможам ем несакам.
Не ми дава инаетот во мене , се осеќам чиста ко солза ете затоа и НЕМА !!!
И може ќе ви фалам , мене ми фалевте ама полека се привикнувам т.е се навикнав .
Други дојдоа во мојот живот .
Не се како вас , немам доверба во нив како што имав во вас , не знам дали би ми значеле ко што ми значевте вие некогаш .

Ама јас морам НАПРЕД ... Немам време за ретроспективи . Вие ќе ги правите еден ден . Кога ќе сфатите дека за вас ќе ме нема .Не не почнувам со префрлување на вина и вакви гримаси кога ќе ве видам сами ќе дозволам да ја осетите разликата .

Како и да е на крај на краиштата испадна како што не сакав ...
Сега мојот живот за вас ќе биде ЕНИГМА не како досега .
Ви посакувам се најубаво.

 

Сакам да кажам...

Светот мој не е повеќе сив. Срцето ми лупа засилено, душата ми трепери - целата се тресам. Конечно душата моја ќе ја слушнам после 3 недели од технички грешки.
Сега можам да се насмеам и да учам смирено.

 

Сакам да кажам...

Куферите ми се спакувани, измерени и ставени покрај вратата.
Го правам истото што го правам секој пат пред да летам, се истоштувам со неспиење надевајќи се дека ќе преспијам барем дел од летот, а никогаш не заспивам џабе само се залажувам.
Иако сум летала незнам колку пати секогаш имам неубаво чувство, мала паника која трае со денови пред да летам а нормално изчезнува кога ќе слетам каде сум тргнала, а патот е долг најдолг 24 часа во воздух и уште 14 часа дремење по аеродроми.
Овој пат имам и додатна причина за грижа, прв пат патувам со драгоцен товар, сега треба за двајца да се грижам, како ќе го поднесе бебушов летањето, и тој како да знае дека сум екстра загрижена и за него па е доста тивок, само повремено клоца.Знам дека не е баш препорачливо во висока бременост да се патува ама желбата да си одам дома е огромна, вереникот ми направи upgrade на картата ќе патувам во бизнис класа бидејќи има повеќе простор за седење, лекарот ми одобри да летам па се надевам дека се ќе биде во ред.

Имам измешани чувства ептен сум среќна што си одам дома а во исто време сум тажна за сите што ги напуштам тука, се навикнав на нив, а сега бидејќи веќе не сум само јас којзнае кога и дали воопшто пак ќе се видиме во живо, уф ќе си се изнаплачам после на аеродром

Ајде доста пишувам да си ги направам последните проверки низ дома да не сум заборавила нешто и да си се надевам дека се ќе помине во најдобар ред и ќе си стигнеме со бебушов дома живи и здрави.

 

Сакам да кажам...

Good Morning. Today is a new day, don't let anything stand in your way! Make it all it can be!!
Ова до сите, имајте пријатен ден

 

Сакам да кажам...

СДК вечерва, после краток срч онлајн дознав нешто што...не знам, ме разочара по малку? Секако има феминчиња што гледале барем некоја епизода од серијалот Тврдокорни. Ја даваа на Македонска Телевизија кога бев јас..прво, второ оделение. Серијал со кратки епизоди од животот и делото на македонски херои од времето на Турското ропство. Да скратам. Музиката за тој серијал е всушност напишана од Грк, не била оригинално наменета за серијата, но ние сме си ја позајмиле де. Мене многу ми се свиѓа, нема што да кријам.
Ама СДК...Браво Македонче, браво!

http://www.youtube.com/watch?v=-Hi26f-NQe0

СДК мислам дека сум релативно млад за бидам old school во стил, да ми недостигаат којзнае колку нешта од моето детство. Но сепак ги има.

Ми недостига кога имаше помалку брендови од производи. Помалку избор ама тогаш како се да ми беше послатко. Имаше еден еурокрем, и се викаше ЕУРОКРЕМ. Денес што гледаме? Витакрем, Агрокрем, Нокач Крем и врв на се, Спорт Крем. Сите безлични имитации и како да ги лижеш машините во кои биле направени, ете тоа е вкусот бе!

Или кечапот? Ви текнува ли рекламата со две дечиња мислам беше, и со тоа веселото кечапче кога излегува од фрижидер и ја мачка сета храна во куќата и пред да се врати назад во шишето, се нурнува во тегла со кисели краставици и му застудува а? а а? Тогаш знам имаше еден кечап, во стаклено пакување и беше превкусен, превкусен. А што гледаме денес? Ппффф
Јас не јадам мајонез ама слушам постари луѓе како се жалат од каде дошле сите овие нови фаци во маало, Хелманс, Томи, Игор, Ване...

Порано како општеството да се трудеше повеќе.

У ствари шо знам и јас што сакам да кажам со ова...Општо земено квалитетот на животот околу нас се намалува, а за исти нешта, за исти ситни секојдневни задоволства треба да плаќаме 1/3 повеќе од пред 6-7 години.
Уште малку за исти пари што некогаш беше Сникерсот, ќе почнеме да глодаме Турски чоколади, ајде фак офф бе!

Мрч сесија оувер. Време за појадување. Ве

 

Сакам да кажам...

Будна сум од 8 и заборавив колку е рано и ја пуштив до крај песнава http://www.youtube.com/watch?v=t0eQL5R3 ... r_embedded и мајке ми ме тера да играм секси и така се спремам за туш и играм некој ќе рече стриптиз правам уште рано насабајле

Ама ако ја се будам во 8 со енергија 100ка.

Љубов I wanna do bad things with you...and I will soon

 

Сакам да кажам...

Боже мој кажи ми кај произведуваш сељаци? Да идам да ја саботирам машината за производство, ако може мислам.

Значи ако нешто во животов органски не можам да поднесам, тоа се невоспитани, арогантни и препотентни сељаци. Онака баш сељаци, не селани, сељаци. Поготово ако постигнале се во својот живот со лижење на туѓи цедевити и сега седат во соседната канцеларија и ти се прават God almighty! Кој ве направил и како?
И зошто вие го водите светов не ми е јасно?

Кој ги .... шутира у лево маде!

Јас сум денес во бизнис хаљиница, со сина штиклица, и сеуште благо браон ноџиња кои светкаат под превезот на лосионот со светки и со мирис на кокос и ванила. Е така Баш си мирисам пријатно, и убаво ми е.
Имам намера да го заразам со мирисов секој кој ќе се обиде да ми го затне денес носот. Почнувајќи од комшијава до мене!

Hassan cuts!
...your balls if you try to ruin my day

Ви посакувам помалку вакви индивидуи во околина, повеќе насмевка и најмногу успех во денешнава среда. Туркајте ја онака, со леснотија и детска безгрижност

Ах и да! Вечер бодрете и урлајте. Слушнав негде, поточно сегде, дека е гордост да си Македонец.
Јас одамна велам и тврдам. Не сум горда што сум Македонка. Јас сум почестена што сум родена како Македонка