Сакам да кажам [стара тема]

Сакам да кажам...

СДК Се изнаспав денес, и пак ми се спие Си станав, ги направив „утринските“ работи, и кога сум се распеала, да викам еј, не знам што ми притекна. И влегувам в дневна - оп гости Не се ни сеќавам после што се случи од што ми беше срам. Колку ги мразам значи ваквите моменти. Трагично е што не ми е прв пат, и што ми се случува не пред некои најблиски, туку со некој одамна што не го имам видено, едно здраво што имам.

 

Сакам да кажам...

Е ајде де како е можно? Лео е стварно еден од најдобрите.
Во денешно време колку млади актери добиваат оскари со само една улога, а чудно е како едни од најдобрите актери на сите времиња се уште немаат добиено Оскар.

Замисли, Richard Burton, Jim Carrey, Charles Chaplin, Tom Cruise, Clint Eastwood, Harrison Ford, Richard Gere, Steve Martin, Robert Redford, Arnold Schwarzenegger, John Travolta, Brad Pitt, Bruce Willis, немаат освоено Оскар за најдобар машки актер.

Исто така, едни од најпознатите актерки Brigitte Bardot, Bette Midler, Marilyn Monroe, Michelle Pfeiffer, Meg Ryan, никогаш не добиле оскар.

Мег Рајан и Мишел Фајфер ми се стварно нај нај и не знам како нивната глума може да остане незабележана и ненаградена со Оскар.

 

Сакам да кажам...

СДК тие манипулирачки и комплексонабивачки индустрии заедно на годишно ниво прават трилиони евра. Тоа е машинерија на чии влијанија девојките се посебно подложни, а нашите деца ќе бидат ставени во вртлогот скоро од моментот на раѓање.

Прво ќе ти кажат you're not good enough каква што си, и веднаш после тоа ќе ти го понудат решението со кое ќе станеш good enough. Се додека еден ден не постоиш ТИ како појава, туку ТОА ШТО МОЖЕ ДА ГО ПРОМОВИРА Avon, Oriflame, Revlon, Schwarzkopf налепено пред твоето лице....

Ах темава е закон...

 

Сакам да кажам...

Денес се чувствувам како да сум на почеток, се што било не се памети, како да сите се будат од некоја амнезија, ептен чудно .. Ама тоа сознание некако и ми годи, онака понеделнички, есенски, октомвриски, башка и почеток на месецот, па да бидам искрена и го чекав ова. Од секогаш сум сакала лето, сум била таков тип, а сега почнав да ја сакам есента, зимата, оние утрински денови, со благо сонце. Ми дава чувство како се да е на свое место. Баш сега, ни многу топло, ни многу ладно. Прекрасно.

И кога се ми е вака на почеток сакам и официјално да си затворам едно поглавје кое содржеше секакви моменти, но некако кога ќе се сетам на изминатиов период ми доаѓа на памет да кажам дека беше очајно и разочарувачко. И покрај тие мисли летово се случи еден немил настан кој и те како ќе го паметам, но по добро. Ми даде до знаење некои работи и по тоа се чувствувам ајде, посилна да кажам. Имав можност одблуску да ја следам ситуацијата затоа што и се случуваше на една моја блиска и сакана личност, па тоа искуство си го сметам и за мое, затоа што јас си имав некој удел, мал но сепак доволно значаен, бар за мене. Жал ми е за личноста од другата страна бидејќи стварно ја почитував и искрено сакав, но се докажа дека не била достојна за тоа. И покрај се, длабоко во себе како да се надевам дека ќе дојде време кога ќе имам чиста средба со неа, затоа што ми фалат тие времиња на дружења и муабетења, и кога ќе ја видам чувствувам судир на емоции.
Бурен период. Си збришав две личности што ептен ги сакав и таа одлука ја сметам за исправна, по тоа што се случи. Сега си го читам вака постов пред да му стиснам испрати и се мислам дали да го пратам или не, затоа што текстов ми изгледа тежок и измешан, ама сепак ќе го пратам, зашто сметам дека со тоа некако ќе ми се средат мислите и чувствата.

И уште една работа. Од сега си давам чесен збор дека почесто ќе ве дружам . Профилов ми е направен од март мислам, а многу ретко пишувам и искрено не знам зошто е тоа така, меѓутоа не поминува ден да не ве прочитам кога логирана, кога не, битно у тек сум си .
Ај поздрав до сите, а јас одам да каснам нешто и да си се стоплам по овој исповед. Некако ми застуде од зборовиве, зашто ми имаат значење и сега кога се ослободив ми направија место во срцето.

 

Сакам да кажам...

најубавата попладневна дремка што сум ја имала некогаш!
Се потврди тоа дека доколку никој и ништо не ми смета додека спијам, можам да го одспиајм целиот ден! :geek:

 

Сакам да кажам...

Ако добро се сеќавам некој еднаш пишуваше за ова.....за добротворците, хуманитарците, оние кои ја заменуваат Мајка Тереза. Знам на кои помисливте СТОП не тие, овие се поинаков вид.....дојде времето кога на своја кожа ги осетив тие нивни добри дела, да не должам многу....

Знаете оние парови среќни заљубени кои имаат во нивна близина некој сингл примерок па од петни жили се трудат да го спојат со некој Ете баш такви имам во мојата околина моментално ДУШЕБРИЖНИЦИ и јас станав нивно ЗАМОРЧЕ
Најстрашно е што дотичниве ми се во близина, сакала-неќела поврзани сме.....па наумиле да ми најдат идеална половина по секоја цена

Си се запрашувам сега јас...
Дали сум неспособна да си најдам сама? НЕ
Дали сум очајна? НЕ
Дали сакам некој да ми се меша во мојот приватен интимен љубовен живот? НЕ

Премногу сум фина за да им кажам да одје*ат, засега само се смеам, ама ако ја претераат....ќе добијат ваква реченица
Не ми треба помош и сожалување.....ми треба да ми се тргнете од пред очи

 

Сакам да кажам...

Значи,кога некој ќе кажеше : Животот е тежок.
Му викав : Ајде бе! Само кукате само се жалите, не сте го сватиле,be happy, enjoy

Јупиии јеејј...im just one little happy girl

Браво Тедис

Секако , додека си дете твоите проблеми не постојат..но...почнуваат од пубертетот , најглупавиот период од животот.

Се двоумиш дали те сака , а ?
Тешко ти е училиштето?
Наоѓаш разлики меѓу НАЈДОБРИТЕ ПРИЈАТЕЛИ и "НАЈДОБРИТЕ ПРИЈАТЕЛИ" ?



Ако .. ако..така ти треба.. кога не учиш на туѓи грешки!

Барем брзо заклучив..(како утеха)

Никој нема да ти помогне ако самата не си помогнеш!

Ах, тврдоглава, глупава, замаена, полу-женичке ..


Мојов одговор во темава СДК , можда повеќе ми е за во ИСПУКАЈ СЕ..али nevermind..посекако немам време да се релаксирам на форумов,туку дај да си земам книгата в рака.. :geek:

Гордана, дај да се најдеме кафица,

и јас имам мнооооогу да кажувам за ова

 

Сакам да кажам...

СДК дека секој си гледа свој живот па и јас

 

Сакам да кажам...

Не го ставам во “Испукајте се“ пошто не е испукување. Чудење е.
И сдк дека јавно и официјално си го плукам факултетот во задник.
Јас незнам дали друг некој има професор што најобичен текст од 3 шугави реда еј...ТРИ, го млати саат ипол и притоа изведува нинџа денс на рингтонот ако заѕвони некој телефон...

На! Еве што мисли авторот со текстот!

 

Сакам да кажам...

Ужасно многу ми се оди на екскурзија и тоа онаква еднодневна на некоја ливада, во некое село или излетничко место. Овој период од годината, особено со ваква есен, ми е идеален за таква екскурзија! Џабе ми е со друштво од 5-6 па и 10 души не е тој филинг и . Тоа туфкање да не заврне сабајлето па да се одложи екскурзијата, па сокчиња и чипсови, па топки, карти. Некој ќе падне во блиската река па 3 недели ќе се збори за тоа. Обично сите жалат по средно, јас искрено се повеќе жалам по основно

 

Сакам да кажам...

СДК, неможам да функционирам. Ќе го гушнам креветот романтично, и ќе заспијам во неговите прегратки

 

Сакам да кажам...

Имав прекрасен викенд. Со многу смеење, шетање, излегување! Дечко ми го испратив сабајле на автобуска, и тој беше задоволен
Туку, сакам да заврне дожд, да залади и да имам чувство дека е есен.

 

Сакам да кажам...

Ми фали поранешната најдобра другарка.Ми фалат сите оние мигови поминати со неа.Не можам да речам дека повеќе ништо не ми значи.Ми значи,али тешко дека тоа јавно ќе го признаам.Бевме како г'з и гаќи цели пет години.Штета што се разидовме поради еден сељак.Штета што се разидовме само поради една лага,која не сакаше да си ја признае.Штета што толку лесно ме замени.Ја видов денес.Се чуствувам како да не ја познавам веќе.Тотално е измената.Наивното девојче прерасна во пуфла со дигнат нос.Но,не губам јас,таа ме губи мене.Остана само со 3 другарки на крст.А,да извинете,можеби сега најде некоја како неа во средно.
Но, сепак сеќавањата остануваат.

 

Сакам да кажам...

Ако уште еднаш видам на Фејсбук човек да објави песна, да си ја лајкне, да си ја искоментира подолу и притоа да си го лајкне и сопствениот коментар (во меѓувреме не добива ни лајк ни коментар од други) ќе набавам калашников!
И нема да биде Mama I just shot a man down, туку I just shot myself down

 

Сакам да кажам...

СДК во животот често сме соочени со моменти на одлука; моменти кога разумот ни вели една работа, а срцето друга... Нормално, најчесто разумот и срцето не' советуваат за исти работи, но од сосема различни гледни точки. Затоа и знаеме дека што и да одлучиме, нешто ќе придобиеме, а нешто ќе изгубиме и ќе потоне во длабочините на заборавот.

Се’ што ќе остане ќе биде само мала лузна, како дел од сите оние лузни кои ги врежуваат сите животни искуства во нас, и не' оформуваат во тоа што сме: сентиментални, бесчувствителни, храбри, кукавици, оптимисти, песимисти...

Но чекајте, зошто воопшто да мора да се најдеме себеси во такви ситуации? Зошто мора толку често срцето да посакува едно, а разумот друго? Ајде, барем за ова сите знаеме: затоа што разумот секогаш го бара најрационалното, а срцето секогаш најслаткото, но неретко и забранетото овошје... Зашто многупати нештата кои за нас се најслатки, се и забранети... Всушност, тоа и ги прави толку привлечни за нашето срце.

Срце, фала ти за сите прекрасни одлуки што сум ги донесол со твоја помош, и кои ме направиле она што сум денес, но те молам, извесно време остави ме на мира! Крајно време е за некои работи да го следам разумот, и исклучително разумот...

 

Сакам да кажам...

Да се биде или не ?!
Постојам или не ?!
Аа, Офелијо, Десдемоно ???

Постојам бре, дупло постојам во државава. По не знам која логика, на врата денес, цап, двајца фенси попишувачи. Они, сфаќаш, се полакомиле троа за паричињата, па сиротки, не знаеја дали треба да се попишуваме или не. Ако постоиме во Велес, дали постоиме и во Скопје ?? Постоиме, привремено де. Ами, ако сме привремено во Скопје, зошто сме постојани жители на Велес ?? Ај сега. Зошто да биде просто кога може да биде сложено.

Во секој случај, се извртевме убаво, исчешлавме и пречешлавме закони и членови, и по два упропастени пописни листа, заклучивме дека и покрај сите закони на природата, ние ДУПЛО постоиме.

Не сакав да го спомнам фактот дека напишавме оти знаеме по два странски јазика. Нели, викаат колку јазика знаеш, за толку луѓе вредиш. Тука доаѓаме до комплексното прашање - на две места, знаеме по два јазика. Пу, мајката, како четворица вредам во државава. Е не бе.

Нека наима Македончиња и македонштина, и така сме малку. Тројца повеќе Дузиња или помалку, не менува ништо.

 

Сакам да кажам...

СДК дека моите нови кутриња денес си добија имиња..КИКИ, ПИПО И ЛЕО..

 

Сакам да кажам...

.

Како сте? Јас сум настината. Кивам, ми тече носот, абе, ич не ми е арно.

А, моментално сум и радосна. Еуфорија ме мава бре, на 13ти одам на екскуризија, ухуу. Јако ќе биде бре. Еве кратка мршута: Тргнуваме од Струмица (нормално де ), одиме во термоцентралата во Неготино (ако ја отворат, ако не - однадвор ќе ја гледаме ) , одиме во Стоби, после накај Битола - Хераклеа, па ќе шетаме во Прилеп, одиме во Охрид. Е, тука ќе биде јако. 2пати ќе одиме во некој кафич или диско. Одиме во Вевчани, Струга, инаку ќе шетаме и низ старата Охридска чаршија. После одиме во Јован Бигорски, Маврово, Скопје. Тука имаме бесплатен ручек и шетање и домаа. Тараам. Толку ќе биде.
До душа, не дека не сум била во Охрид или Скопје, ама битно е тоа што сум со цела генерација, без родители.

Рано е уште да размислувам за детали, ама не ми е рано да се молам за да оздравам побрзо!

И еве една слика за крај...

 

Сакам да кажам...

СДК падна и првата петка во дневник, инаку втора за оваа учебна година. Ај со среќа нека ми е, така да си продолжам

 

Сакам да кажам...

СДК потребна ми е инспирацијата што ја имам. Се‘ дојде како подмачкано.
Треба да пишувам песна на слободна тема, за конкурс нешто. И ете, инспирацијата е тука, моливот и хартијата се тука. Се надевам ќе испадне добро, па ќе ме одберат. Порано повеќе пишував, сега, некако поретко, ама треба повеќе. Имам многу идеи, и многу работи кои сакам да ги искажам, а јас си ги чувам во себе, наместо да ги запишам. Од денес, пак се активирам.
Можеби нешто ќе ви постирам и низ темите, не ви гарантирам оти, ми е срам малце.

Како и да е, држете ми среќа за конкурсов!