Сакам да кажам [стара тема]

Сакам да кажам...

Моментот кога шеташ низ пазар, и мирисите од овошје,зачини,зеленчук,мед ,бадеми и мноогу други ти доаѓаат до носот,и те обзема некое фино чувство на хармонија,некој вид на среќно чувство што те смирува - priceless!

 

Сакам да кажам...

Сакам да кажам многу работи, ама ми е страв дека ќе бидат погрешно протолкувани.
Сепак, молчењето е злато.

 

Сакам да кажам...

Рано утро, октомвриско, свежо дури студено. Викенд е, сабота а јас веќе будна (навикнав да станувам рано без разлика на краткиот сон) слатко се превртувам во кревет не отварајки очи небаре така ќе си го продолжам сонот. Се отвара вратата од соба и влегува мама а јас мижуркајки се преправам дека се уште спијам. Доаѓа до мене, нежно и внимателно ме покрива а потоа чуствувам топол бакнеж на чело. Си оди. Насмевката и она чуство на искрена среќа и благодарност што ја имам е она што дефинитивно ме расонува и протегајки се знам дека ова ќе биде убав ден кој треба да се искористи максимално од самото утро.
Ова ми фалеше денес. Љубовта, топлината, разбирањето и нејзините совети кои заради оддалеченоста се поретко ги слушам. Ми фалат и нејзините прекори, нејзината претерана грижа и нејзината смеа. Се што таа е. Го знаете она чуство кога оној што толку ви недостига во моментот кога ќе го видите заборавате на се, и останува само насмевката и желбата да го слушате како зборува и зборува...
Така ми беше и мене пред малку, иако само преку телефон.

 

Сакам да кажам...

абе го сакам петок го сакааа! ама не затоа што е викенд и ќе се излегува не сум веќе во тие години туку што немам обврски што можам да си одам домичка и да си се гушкам со либето под ќебенце, што ќе може да уживаме во саботното утро и во целиот викенд само за нас

 

Сакам да кажам...

СДК дека јас, натмурната фаца од сите најтмурести намќори, после така извесен период на самосожалување и удирање на ѕидот со главата, изигравање кретенозоид во пижами по цели деноноќија со спуштени ролетни и едни папучи кои се скинаа од влечење денес се почувствував онака- убаво. Не знам зашто ко некој демон сум бе мајке му-кога на сите им е депресивно времето ја сум најсреќна, ко да се радувам на туѓата (не)среќа Бог да чува! Се повеќе собирам некои книгишта за општа разонода, онака читање туѓи животи со цел нели да извлечам некоја поука, пошто јас си се отуѓив од мојот. А овие скриптиве што ми се за реално учење само ги буткам понатаму и понатаму на полицата за да направам место за овие другиве.
Овај, сакав да ви кажам зошто нели се почувствував -убаво.
Се потсредив онака ко женско да заличам, ставив пудричка, малку маскаричка, онака руж за да ми ја засенча бледата фаца, си врзав едно коњско опавче ко децана у градинка, си облеков тегет шорц со црни хеланки, едни чизмички кожни баш слатки (кај ли биле до сега?), набацив една кожна јакничка и се упатив на факс, ако не друго да се скарам со онаа на студентски- да ми помине денот. Ко она да ми е крива што не е тука деканот. И некако си одам, си одам и гледам фрц - погледче, фрц- погледче. Се погледнав у патент мори Доно па да си се остаила така, разбавтана(ништо чудно) ама не бе све беше Ок. Кога стигнав на факс колешката која многу си ги сакам што сме заедно уште од средно ме изнагушка ме изнабаци, срекна што сум жива и ми вика : Мори Доно , што рибетина си станала, како ослабна да ти ебам тоа. И викам никако онака не ми се живееше. Ме начекаа и други колешки и они така некако реагираа. Море мајката. И да ви кажам баш убаво се чувствував пошто крадев погледи . Ама не беа тоа курвински погледи, овие беа дискретни и прекриени не изгледаше тоа како буљење и манијачење.
Знам јас дека сум убава и све тоа, знам дека знам и убаво да се нашминкам и да облечам убави штикли и убаво да ми изгледа косата. Ама ова беше нешто друго. Се почувствував убаво само затоа што сум жена.

 

Сакам да кажам...

СДК Дека ќе беше многу убаво да можевме да комуницираме телепатски
Има некои личности што сакаш да им кажеш некои работи, ама не можеш, дали од срам или од нешто друго и оп - телепатски разговор.
Некој не ти крева на мобилен? Не ти враќа на пораките? Те блокирал од телефонот? Нема каде да бега со телепатскиот разговор
Големи сметки за телефон? Големи сметки за интернет? Се е бесплатно со телепатскиот разговор.
Правиш торта а ти снемува шеќер? Комшивката ти е малку наглува и не може да го слушне телефонот? Ќе ја слушне твојата телепатска порака, и потоа заедно ќе се сладите од тортата
Колку прекрасни идеи имам Сега ќе пробам да воспоставам телепатска конекција со една личност, можеби ќе успеам, а не сум пробала :geek:

 

Сакам да кажам...

Доколку денот решил коцкасто да ви тргне, кренете му ручна.
Никој и ништо на светов нема да ми ги поремети плановите, затоа што тие се мои. Јас сум креаторот на денов и само јас ја имам таа моќ да создадам единствена и уникатна приказна која ќе трае 24 часа, јас сум уште еден иновативец со желба за подобро денес!
Студенилото се проби и кај мене. Чувството дека сум како кукла во картонска кутија-куќа плови над мене. Ми студи.
Единствен извор на топлина моментално е чајот што ми ги гори рацете како жива магма и ми прави црвени печати на дланките. Ако, не ми пречи, ми годи. Мирисот на шумско овошје ме опива, а намирисувам и дека бабичка во содената соба пече компири на ќумбето. Мх, сакам врел печат и на јазикот, насликан од печениот компир. Природна уметност - уживанција!
Стапалата - мразулчиња, чинам ќе се поткршат в момент. Ни со три пара чорапи не помага да се стоплат. Сестро, бутни ги во распукан оган, па ќе видиш!
Него нешто што сакав да кажам.
Убав ми е животов, има вкус на мед... со парчиња бадеми. Сакам да го споделам, повкусен е така, заеднички.
Повелете, пробајте!

 

Сакам да кажам...

Revenge? Nah, I'm too lazy, I'm just gonna sit here and let karma fuck you up.

 

Сакам да кажам...

СДК ... Femina ladies! For you ... listen and enjoy ...


http://www.youtube.com/watch?v=v5ruDqdZn_s


And have a lovely, beautiful and special day

 

Сакам да кажам...

I feel love the world,and he's in love with me too.
Преубав период.
Не дека сум имуна на шитс,ги има и кај мене како и кај секој,во разни видови,облици и бои..Но се чувствувам посебна што имам блага склероза на нив.Се десило,се заборавило.
Има многу поважни работи кои допираат до мене.

И толку го сакам овој мојов..ах колку го сакам.Дури имам грижа на совест кога се загледувам во други згодни момци.
Денеска бев на прекрасно, скоро па скроз женско,кафе.
Со многу манијачење,на машки секако.
А карши мене,тип из снова.
И одкако се изнагледавме ,или боље речи испобуљавме,и одкако стана да си иде...ете ти ја совеста.Па мораше да падне телефонски позив,за да му кажамдека го сакам најмногу.Зошто?
Чисто онака...ахмммм,да .
И следи прашањето:Па дал сам ја људи нормална?!
Чуда прави љубовта драги сестри и браќа...чуда.

 

Сакам да кажам...

сдк многу ми е убаво и срекна сум и така...

 

Сакам да кажам...

Немам многу инспирација за пишување. Како нешто да ја исцрпува од мене. Како се што ќе кажам да нема значење. Напишаното го поправам по сто пати, мислам дека не е доволно добро. И точно, не можам да најдам соодветни зборови. Како да ми се премалку.
Есента не ја сакам многу. Ме тера на размислување за мрачни теми и меланхолија. Денот е краток, не само што надвор е ладно, мене ми е ладно и во срцето.
Ја мразам оваа рутина, сакам да ми се случи нешто ново, нешто убаво што ќе ме извади од оваа бездна.

 

Сакам да кажам...

Ах колку сакам утре да бидам во Штип на RUN фестивалот, да си ги гушнам оние кои ми помогнаа, и кои ми дадоа надеж за да сум ова што сум денес, моја Т, Б и И.. Да бидам со нив и да си ја делиме енергијата од првиот фестивал.. нема да заборавам, тоа беше моја одскокна даска...и самото чувство да имаш прва изложба беше прекрасно.. Кој ќе оди нека се изнаигра и за мене, нека шири љубов и позитивна енергија..

 

Сакам да кажам...

СДК Денес на либето му е роденден. Имам едно мало изненадување за негоооо Ај ми амор, комо те керо По цели денови последнава недела гледам филмови. Еден ке заврши, веднаш друг вклучувам, и да не се урочам се на некои добри филмови загазувам Надвор времето е облачно и студено а чат пат и некое ситно дождче паѓа, совршена атмосфера за пиење чај и гледње некој добар филм. И уште нешто да кажам, ама да не ми се смеете. Извадив 4 торента за новогодишно односно божикни филмови. Малку е рано знам но да ви кажам едвај чекам да падне некој снег. А до тогаш ке го гледам дождот и ке се радувам на она што ме очекува Поздрав за сите со еден топол чај со лимон и мед, и торта за роденденот на либето.

 

Сакам да кажам...

Ви текнува на песнава?


http://www.youtube.com/watch?v=N1tWkQNegzE&NR=1

 

Сакам да кажам...

вчера сватив дека танцот не е она во кое сакам да инвестирам, благодарение на инструкторката што ми се развика пред цела сала-затоа што му одговорив на партнерот сто ме прашуваше, леле во земја сакав да пропаднам, а на неа и него по еден , ај ке издрзам во другата група до крајот на месецов, ама кај неа ВЕКЕ ВО ЗИВОТ не сакам да ја видам, кучка, уште и ми рече знаеш каде е вратата, ама за срека побарав помош од убавецот што и е помошник-леле преубав е и за срека завршивме мирно.

инаку од Заводот , благодарение на ЕУ, имаат донација за курсеви за преквалификација и си одбрав ПРЕТПРИЕМНИШТВО(нешто од тоа имам учено на факс, на Англиски) и Италијански-основен, здравје од Ноември стартуваме, и сум многу срекна заради тоа секако следуваат и сертификати
во вистинско време

 

Сакам да кажам...

Сдк мислам вака мислам онака и на крајот пак по стариот начин си ги направам работите.

Да ти се моч*м во хороскопскиот знак.
Близнаци

Не дека денот ми е заникаде ама не е ниту суперишка.Досадно ми е кога не сум на предавања,се разочарав синоќе кога видов дека и петок сум без предавања (да беше некој друг ке се радуваше) но јас баш и не.
Таму гужва,луѓе натаму наваму,скрипти,речници,лектири,прости асистенти,ЗГОДНИ асистенти долг ред пред женско вц....и тн. тн. прости работи ама ми го разубавуваат денот т.е. ми ја бркаат монотонијата.

А вака дома знам немам обврски,а ме мрзи да се спремам да идам на гости,на кафе....аххх временски сезони.
Да даде Бог да дојдат години кога ќе имаме само лето и пролет или пак не

Мааа не арно и вака инаку нема да можам во лето да си ги носам чизмичките,топлиот огромен дуксер нема да ја имам таа привилегија да шмркам со носето шмрк шмрк
И така или ќе си останам овде да ве читкам,или ќе го дигнам газето од земја и ќе излезам.?...



Имајте убав ден гушкајте се топлите алишта да не ми настинете и пијте чајчеее

 

Сакам да кажам...

...денеска ќе ги отворам широко дамарите на мојата душа и ќе го одмоткам она клопче пајажина -испреплетени настани, кадар од мајка, слика од семејство,воздишка од тишината, музика од ветрот, среќна насмевка, прво забче, болнички ходници, бела светлина...
Сонив сон или сонот ме сонуваше мене...велат не е на арно кога сонуваш долга коса, а јас ја чешлав,ја собирав превиткував, играв на месечевата светлина, носев бебе во рацете, се смеев на глас, немав лице, само коса...
...станав уморна, го гледав ликот мој во огледалото и анализирав - нема траги уште од триесетата година, но ѕирка по некое сивилце од подраснатиот корен на сонот од ноќеска...
Денес ме прашаа што ми е, не знаев да објаснам, стиснав раменици и неколку пати влегував и излегував од една иста просторија...
Пак сама со мислите...Се превиткувам како гума, но не се кршам. Не можам да ги поднесувам љубопитните погледи на малите лиценца пред мене, ниту да ги слушам нивните животни приказни, се соживувам со тие приказни, ги носам и дома, не ми даваат мир, ги грабам да ги тргнам на страна, но со новиот работен ден повторно се враќаат.
И дури тогаш сфаќам, дека многу малку треба некому да му го разубавиш денот, требаше барем да се насмевнам...
Но неможам да делам лажни насмевки, ќе се чувствувам премногу лицемерно.
И некој во мене гледа потпора, а не знае дека јас сила добивам само кога ќе воспоставам хармонија самата со себе си...

 

Сакам да кажам...

СДК дека денес сум подобра од вчера, а полоша од утре.. Со секој ден планирам да одам се понапред и понапред... Ветувам !..

Имам за учење, премногу.. Не знам како ќе стигнам, но се трудам, не велам не.. Ехеее чим можат другите можам и јас..

И СДК 2 најтешко е кога мораш да одлучиш дали да се откажеш или повеќе да се потрудиш ! Многу работи во животот не се јасни ..

Имајте убав викенд

 

Сакам да кажам...

..дека е досадно МНОГУ досадно