Сакам да кажам [стара тема]

Сакам да кажам...

СДК дека песниве на Antenna 5 love songs вечерва се мелем за душа.

 

Сакам да кажам...

Смоки.
Крцкање.
Прошетка низ магливиот парк.
Страв.
Теминна.
Само магла и чекори.
Две студени рачиња.
Брканица низ лавиринт.
Јас сум едно големо дете...

 

Сакам да кажам...

СДК дека сум горда на самата себе,фала му на бога сто ме научи да простувам и како за инает да правам добри дела,среќна сум сто кругот многу често е на моја страна, фала им на непријателите сто чукаат на мојата врата, фала ви навистина ме стимулирате да бидам усте подобра а најголема благодарност до една личност која до вчера незнаесе на кој начин да ми показе колку ме мрази па дочекав да ми пријде и да ми казе дека сум навистина голема личност и дека сум била уникатна откако и помогнав,морав да го споделам ова незнам зосто но искрено се радувам сто ги расчистив сметките на дипломатски начин

 

Сакам да кажам...

Си поминав убаво со љубовчето, ми ја направи прекрасна вечерта, романтичар еден низаеден
уште да се избанкам сеа, и куфер во кревет, утре мора да се учи =(

 

Сакам да кажам...

СДК помина и овој викенд, и овој панаѓур.
Кога бев мала, едвај чекав да дојде, да се извозам на сите можни лулашки, колички и сл. Го обожавав мирисот на печени костени, на америчките крофни. Знаев дека тие денови додека трае панаѓурот дома ќе имаме гости, бидејќи живеам во истото маало, и сите после шопингот, доаѓаа кај нас. Возбудата беше уште поголема кога ќе дојдеше вујна ми, и со братучедите и брат ми ќе не однесеше таму, и се што сакавме, се добивавме. Обавезно се враќав дома со нови чорапи, костени и крофни. И многу среќа, радост и возбуда.
А сега, овој панаѓур го поминав со по некој пар шарени чорапи. Во лицата на малите деца го видов своето од минатото. Во сјајот на нивните очиња, го видов мојот. Во нивната среќа, ја препознав мојата. И ме фати носталгија за детството, единственото време во животот кога немав проблеми и единствена грижа ми беше тоа уште колку пати ќе се возам на рингишпилот и бродот...

 

Сакам да кажам...

I just wanna feel happines...................

 

Сакам да кажам...

сдк рацееееее ми паднаа од препишшување
Kога нема саглам книги, а ја не можам од компјутер да учам па поштено, се си препишав, па читај ова читај она
сонувам веќе протеини јх масти глукози сахарози желатини Aкиселини... па во секој предмет се се врти околу тоа, каде во потесна форма, каде поопширно

и кога се жалам- Mајка ми- Cама си го одбра факсот, учи и ќути
Eми да

 

Сакам да кажам...

Значи мене нема шанси некој да ме помеша со некоја друга ..
Толку пати ми има кажано дека сум нарцис невиден што и сама почнав да верувам во тоа

 

Сакам да кажам...

СДК дека денес немав премногу волја да постирам на форумов, и јас некако во празнична атмосфера бев.
Ајде од утре пак се враќам во форма и се надевам ќе споделам неколку мислења.

 

Сакам да кажам...

Имено јас секој ден сум трапавко, ама денес бев ептен, буквално ептен трапавко, како штрумфчето.
Значи не се бројат сите бељи што ги сторив денес, и сите флеки наоколу низ куќава.
Да прејдам на она што сакам да ви го кажам за вечерва.
Извинете за директниот јазик, ама се работи за нормални човечки работи.
Тоа е една таква дешавка аууууу ...
Имено(цела вечер го користам зборов, ептен ми е сексуЉав), си доаѓам јас сега од роденден, и одам директива во вц, прст пред очи до умор не гледам, знаете малку цревава денес и ме превртија, и едвај чекав да си дојдам.
Седнав на шоља, и го слушам комшијата пппрррд прд пппппппппппппрД, во разноразни мелодии испушта гасови. А прозорите од тоалетите ни се еден спроти друг, и таман сакав да му речам ооо комшија и тебе цревата револуција денес ти кренаа а, се премислив оти нешто почна да ми шушти ...
Ама си потпрев глава на раце оти ми тежи и шминка и се, и седам и си вршам работа кога наеднаш бу бу бум чиниш се руши куќата....
Ма тоа беше инстант скокање од шоља, фрлање тоалетна, маски, шампони, буквално се што ми дојде пред рака ... пошто нешто како дух мајчино ме се премота.
Мене срце во петици, ми идеше со гол газ да излезам и да одам кај мама и тато во спална врескајќи помоооош, ама си викам чекај мече ти нели си шира, справи се со проблемот. Се средив се облеков, и почнувам да го барам низ вц монструмот.
Мајчината МАЧКА поголема од мене ми се пикнала позади машината за перење алишта.
Море кога ја фатив, мрш, пиш, иш, ја убив од молење не бре и не, од вц не излегува.
Јас сум сигурна дека прекрасната арома придонесла за нејзиниот престој, и моите задоволителни услуги.
Па ми светна, ја попрскав малку со вода, и отворив врата само од вц и отидов накај надворешната и пцуејќи ја јас неа, а сигурно и таа мене, си излезе и си отиде ...
Јас не знам зошто не скокна кај комшијата, тој барем и музикално ќе ја забавуваше, проста мачка бре.
Па и си одам накај соба чувствувајќи се како тотален херој пошто го решив демонот без мама или тато, кога на сред скали се раскивав како будала. И неверојатно е што се треснав, ама сепак очекувано беше .. за јаготка на целиов шлагест убав ден ...
Среќа никој не стана ... пошто ќе ми се помочаа од смеење.
Шала на страна, животот може 5 години ми го скрати мачкестото створење.
Плус ме расони.
Тоа сакав да ви кажам, да ја споделам маката со вас, и да ви дадам еден совет.
Внимавајте, и кога серете 24 очи отворете ... никогаш не знаете кој ве демнее од страна

 

Сакам да кажам...

СДК Дека ГО САКАМММММ НАЈМНОГУ и не ми треба ништо друго на светот, само да е тој тука ..
единствен е тој шо знај да ме насмеј, знај и да ме повреди, но сепак љубовта останва иста, сакам да сум среќна со него и нема да дозволам НИКОЈ да не раздели ..НИКОЈ !!!!!!!

 

Сакам да кажам...

Сдк знаеш дека си нереализирана кога бившите на твојот дечко се веќе мажени,имаат дете и успеале веќе да се разведат...НОТ!

 

Сакам да кажам...

ајде на по едно нес

па после секој со својата обрска.

 

Сакам да кажам...

Сдк добро утро на сите,имајте пријатен ден после празник и да ви се пофалам земавме едно мало сивко маченце,леле колку е слетко и колку е убавко!!!!
Душичка малцецка,колку само ни е занимација,керката е најрадосна од сите

 

Сакам да кажам...

Ако денот по утрото се познава, денес се најавува ерупција во моите дневни активности со оглед на сабајлинското трчање низ куќа со брзина на светлината....се успав де.

Деновиве некако се посветив на неколку работи конкретно: есенска генералка, усовршување на палачинки и гледање вести.
Од сето ова гледањето политички, економски сеири и нивно коментирање ми одеше некако највеќе од рака. Заклучив дека ми е жал за Гадафи и за монструозната слика што и се случува на таа земја, која се продаде како топол симит на лешинарите од запад. Земја која нема да се управи уште долго, судбината веќе и ја скроија. Мизерен народ...


Која е логиката да бараш демократија, да се бориш за демократски начела притоа убивајќи и величејки го сето тоа као Нова година...бљак.
Ми се гади бре, ми се гади колку подмолни, лакоми сме станале.
Денес мислам дека најголема навреда за некој стана да му речеш: Човеку!
Колку наивни, продадени ситни души...

Туку ај, највеорјатно не му е местото на моето излагање тука, ама очајно имав потреба да кажам.
И дај нека банкротира Грчешка, на раат да си гледам црна хроника на Вести, зошто досадни се со нејзините долгови и константното чистење на нејзиното ѓубре...ко да ми е мене гајле.

Ајт, со здравје.

 

Сакам да кажам...

После убав викенд,дома го голтам сивото Скопје.Дома,залепена до парно,со спуштени ролетни и огромна чаша кафе,без музиче и телевизор...и убаво ми е.Не,не сум во депресија ,не сакам ни да мислам,едноставно уживам во тишината и мене.Мислите ги пуштам далеку,но сепак одат предалеку,па среќа се свестувам на време да ги вратам назад без да ми го постават прашањето-Што би било,кога би било......
Ми фали одмор многу.
Не ми треба планина и море,ми требаат оние денови кога цел ден си сам со себе,кога не правиш ништо,а пак ти е убаво! Денес конечно еден таков ден кој решив да го зграпчам,доколку не ми зазвонеше телефонот .Ова технологијата на моменти ме вади од такт! Како им било во старо време,без ништо! Убаво велам,би сакала некогаш времето да ме врати во некој таков ден.
Денес омилените пижами врз мене и топлото ќебенце.Ова мене ме радува.
Некого радува нова кола,нов стан,што знам веќе што....Полна ми е душата кога осеќам мир,спокојство.Се трудам долго време да го имам,но речиси невозможно е! Денес за чудо,се осеќам така,и решив да искористам.Којзнае кога пак.

Уште од 20 години соочување со животни проблеми.И сеуште.И до кога?Созреваш пребргу,па не им чиниш.Ми е гајле.Велам-да ги видам на мое место,ќе беа испопаѓани ко крушки. Не секој може да се носи со се.Кога правам ретроспектива на изминативи години,а и денес кога таман нешто ќе се среди,лажна надеж било....Ете и тука ги пуштив мислите,реков дека премногу далеку одат...затоа после боли глава...

Си сошив убав фустан.Го гледам со мераци од сабајле и едвај ја чекам свадбата за да го облечам На мојот не му го покажувам нека биде малку вака кога ќе ме види А и треба да биде таков,да не се фалам ама и јас се изненадив каква линија сум добила,мераци А фустанот уз тело,мх,мх....
Едвај чекам да го облечам ама и да го соблечам ПМС-простете
Епа велам јас-САМО ТРЕБА ДА САКАШ,ДА ПОСАКАШ-И СЕ СЕ МОЖЕ! Труд-да да треба труд,за се! Ама нема да ти биде криво дури и ако не успееш-знаеш си пробал

 

Сакам да кажам...

Сдк релаксирачки звуци кои доаѓаат од надвор.
Звукот на џагата. И звукот на секирата која се одбива од секое пресечено дрво.
Се чувствува длабочината на октомври.

 

Сакам да кажам...

Сакам да кажам дека прочитав една студија за не-доврбата помеѓу луѓето во одредени држави. Степенот на недовреба се мери со прашањето: Дали на мнозинството луѓе во вашата држава може да им верувате? Значи, се мисли на доверба во непознати нови луѓе. И еве ги на кратко резултатите за 51 држава, опфатени во студијата.

Најголема доверба има во Шведска, Швајцарија и Норвешка, а најмала во Турција, Руанда и Тринидад и Тобаго.

Македонија ја нема во студијата, ама не е лесно да погодиме каде сме.

Убав ден Ви посакувам

 

Сакам да кажам...

сдк дека мене грипот неможе ни еднаш да ме прескочи....болна никаква изнемоштена со марамици во една рака во друга рака чај-ма забава до несвест....

го го гооооооо грип иди малку кај другиве аман веке од тебе

 

Сакам да кажам...

Ете, и Скопје можело да ми недостига