Сакам да кажам...

Што ми требаше ова да го отворам, солзи ми потекоа.
Загреота. Страшно.
Да ти се плукнам и во луѓето и во државата и во се.
Не знам што да кажам, стварно..
Не ја знам женава ама многу ми е тешко....
Надвор од себе сум..

 

Знам да отечам некогаш по темава, али фак еееееееет (она долгоно од From Dusk Till Dawn кога бацето нуди секакви видови пуси).

Обично викаат „Сонувај со отворени очи, и ако навистина го сакаш нештото, тоа ќе се случи“.
Како бе, златни? Како да фантазираш бе, кога ќе ти текне на некој идиотски момент, па ти се отспива моментално и зјапаш во таван ко теле, преиспитувајќи си го животот.
Ми текна на еден познаник, детево се бавеше нешто со театар...
Иде еден ден сиот среќен: Луѓе, добив улога! Ќе го глумам белото циганче.
Ни 5, ни 6: ...ама, па ти многу црн си...
Додуша, и беше...али зашто???
Или кога му паднав на еден во двор крадејќи зелени сливи. Човеков се изнасмеа, нит ме праша нешто, ни ништо. Стално гледаше дека собираме, али битно се оправдав дека случајно било(?!).
Мислиш божјо ветре ме спушти да му го благословам дворот...

Мозоку бе...

 

Затвори очи. Помирисај го мирисот на студот. Помисли на тоа што имаш а што би сакал да имаш.Помисли на твоите соништа и твојата реалност.Помисли на она што сакаш да бидеш а притоа само ти знаеш за тоа. Почувствувај го студениот ветар на твојата кожа. Наежи се. Помирисај. Мириса на нешто познато? На нешто непознато? На нешто што го немаш а сакаш да го имаш? Да го живееш? Мириса на улици со непознати луѓе, на гужва,чад,сув студ. Мириса на прошетка,размислувајќи со затворени очи и ширум отворени очи. Нема да капне дожд, не се секирај. Мириса на плановите за големата земја? Мириса на двајца?На сегашности,иднина или па крај? Добро, сепак секој крај носи свој почеток.На третина од тој почеток сепак ќе почувствуваш студ. Не студ на срцето.Замрзнати сеќавања, есен,зима. Само ќе прошеташ низ тие улици пронаоѓајќи се себеси таму некаде, помеѓу нив. Иста, но сепак поразлична. Ќе се згрчиш.Хм, нормално.Тоа е преголемата желба, од преголемите соништа. Сепак мириса на празни улици, студ,грчење.



Добра ноќ феминки.

 

^^

Спојлер: спас

Сега е веќе касно за нејзин спас. Не сакам да делувам како да немам осет, емпатија ама жената од здрава права сама се доведе до оваа ситуација. Тежок алкохоличар, дрогата пропратно ... Има една ќерка која се откажала од неа. Братот исто, тој починат од последиците на дрогата и алкохолот, кои ги имал оставено едно време.Тука веќе државата требала на време да реагира преку институции, ама ако самата се втерала во вртлогот на смртта тука веќе ...

 

Во маало музика, не знам дали е од маалската биртија или можеби некој нешто прославува. Знам дека музикава ми ја топи душава, соголува слој по слој. Го земам мобилниот да му се јавам, да му кажам дека сепак можеме некако да функционираме, но не, не е фер. Јас и тој седум години како сме најдобри пријатели, партнери, љубовници, ма се. Седум години во кои поминавме се и сешто. Прва љубов, вистинска, искрена до срж. Тврдоглави и инаетливи двајцата дека љубовта може да помине се. Колку само се лажевме и ден денес се лажеме. Тој е човекот што ме знае подобро од себе си, ме прифаќа со сите мои мани и тоа мани кои тој ги мрази ама ги прифаќа кога доаѓаат од мене. Толку години што заедно, што не, никогаш не ми кажал дека сака да е со друга или дека пробува нешто. Тука е секогаш за мене. А јас? Јас една врска, па неколку пролазни момци, а тој сето тоа го знае и тука е, ме чека, а јас му се враќам. И секогаш одново и одново кроиме планови. Но, колку и да сум со него своја, не можам да бидам со него, не можам животот да го гледам како што го гледа тој, не можам да се замислам на тоа парче земја каде што е тој.
Ќе помине љубовта, љубев и додека го љубам него.

 

Да им помогнеме на луѓето што се занимаваат со туѓите животи да си го пронајдат својот .

 

СДК денов ми помина баш еуфорично. Честитање од најблиските и пријателите...Среќата кога е споделена е дупло поголема. Туку,продолжението од денот ми беше најинтересно. Отидовме во куќата на баба и' и дедо и' од другарка ми,зедоа уште две други другарки гитари и лека-полека пеш тргнавме таму. Се смеевме,се зезавме,разговаравме,малку свиревме и после на шетање пак. Иако сме во почетничка фаза со свирењево,сепак уживање е.

Можеби звучи грдо,можеби звучи несинхронизирано,а можеби и правам грешки во акордите,како и да е,јас уживам. Тоа чувство кога ја земаш гитарата, почнуваш да свириш...и се губиш во секој отсвирен акорд,не мислиш на ништо друго освен на песната,застанува времето,едноставно ова чувство не се опишува,милина,уживање,ех...
Ме фаќаше едно време мрза за свирење,па и слабо стоев со слободно време за вежбање,па изговори едно-друго,досега можеби и во понапредно ниво ќе бев,а не вака. Како и да е,од ден на ден некако се' помотивирана сум да научам нешто повеќе. Навистина е интересно,ми ја исполнува душата, ама понекогаш губев во битката против мрзата. Друга работа е што мразам да учам додека има некој покрај мене,учев да свирам строго кога немаше никој дома. Од утре друга приказна ќе биде,доста беа изговори,имало дома некој,немало, бла бла. Од одложување аир не се видело,сакам да напредувам . Сон ми е да научам да свирам убаво,иако за некого не изгледа како нешто посебно ова.

Инаку,ова е првата песна што почнав да ја учам на гитара. Кога ќе ми текне како беше кога прв пат седнав да учам акорди,не знаев што треба да правам,си се џарев како теле во шарена врата.
Поздрав феминки.

 

Mozebi ne mi e mesto da komentiram ama prvo nesto sto mi padna na pamet e deka site vaka velime,sto ni trebase za ovoj slucaj da dozaeme,i site navodno zal ne tepa i taga,a tie site ja socinuvame drzavata,za da na kraj ona "da tis e pluknam na drzavata".
More da si se plukneme site sto go socinuvame covesvoto,i samo si tazime od strana,vklucuvajki se i samata sebe si.
Djabe naredam milion smajlinja so solzi,djabe i realno ako gi izleam ako ostanam na toa.
Site sme von sebe si,zatoa covestvoto stigna na vakvo deredje.I na uste poloso ke stigne za vakvi raboti.
Od edna strana napreduvame vo medcina,tehnologija..od druga strana gi gubime emociite ispuskajki gi realnite raboti zamenuvajki gi so virtuelnite.

 

Баш ти е на место коментарот, секој со своите мислења. За првата реченица ќе се правам дека не сум ја прочитала.
Ама, ајде, според тебе што треба да направиме? Знаеш колку сакам да помогнам? Ама како?

 

Не разбирам која е причината некој упорно да ти ги наметнува своите проблеми? Другарка ми е во многу лоши односи со Братот и снаата,секој ден ми се жали ми плаче,што да и правам јас,ја слушам ,ја советувам да не кажува се и сешто пред народот за нив,зошто еден ден може да им се подобрат односите и да ги слушнат сите зборови кажани од неа по народот,ама таа упорно не ме слуша,е ок што сака нека си прави,она што ме вади од такт е што гледам сака да ми наметне и мене кавги со снаа ми,цело време ми вели снаа ти не може да е толку фина,насмеана и мила,секогаш изгледа како да нема воопшто проблеми,сите роднини ви ги почитува,знае да одглуми,леле бе луѓе ми иди да ја задавам кога ми го вели ова не е совршена снаата да а патем кој е совршен НИКОЈ!! жената не почитува и нас и сите наши роднини и пријатели,што повеќе од тоа,секако дека и кај нас имало и има некои проблемчиња,како во секое нормално семејство,ама има и хармонија,ете токму тоа и пречи на исфрустриранава другарка,и сака да ми го расипе односот,досега најкултурно и велам дека греши со муабетот,а таа упорно исто трпам,трпам ама за брзо ќе ја отерам у к...ц
Како може бе така незнам,на некој упорно да му ја кобиш и побиваш среќата,само затоа што ти си несреќен

 

Сепак, добра вест !.

И јас се потресов многу, а утрово тражејќи банкарска сметка или телефонски број за донирање пари за помош, налетав на овие вести:

„'52-годишната Нина Диму е згрижена во Клиничката болница во Тетово по сторијата на Телма, за негрижата на институциите која оваа жена деновиве ја оставија да лежи болна во бесознание на подот од оваа руинирана соба, во која живее 15 години ".

http://www.telma.com.mk/vesti/nepodvizhnata-tetovchanka-zgrizhena-vo-bolnicata-vo-tetovo

 

Зошто се мене мора да ми се случуваат лоши работи аман веќе

 

Џоли, за жал фејсбукот само се надоградува, што значи дека е далеку од затварање.
Имено, пред некои две недели од прилика ми кажаа дека ќе барале да се фотографира личната карта, како би имале потврда дека профилот е твој што според мене е шокантно. Толку да се поместат границите за почитување туѓа приватност апсолутно не е во ред. И да, сега е вистинско време сите да се запрашаме колку оваа навидум превентивна мерка е ефикасна.

 

Ниеден збор не толку силен за да не убеди во неговата моќ како што е фокусот на очите со сите емоции што извираат од нив.

 

Ова медиумиве треба да се тужат за лажење. Вести од Македонија на страна, ама два дена весниците, веб страните и телевизиите известуваат дека Грција ги продала аеродромите за 12 милијарди, а уствари точната сума е 1,23 милијарди (милијарда = билион).

Па дали се нормални бе? Некој не знае да чита бројки, па сите други по него. Или некој решил да си додаде нула, па сите по него. Или некој решил да конвертира билиони во милијарди.
Дали. Се. Нормални?

Македонско "новинарство" = тиња... тиња! Удрија на дното одамна, сега копаат за уште подлабоко да влезат.

 

Тука веќе што @julie77 ? Да ја оставиме да се удави во сопствените фекалии и муви да ја јадат? Да не се свртиме да ја погледнеме затоа што сама си е крива? Па многу пати ние луѓето сами сме си криви за многу работи, но тоа не значи дека треба да си умреме на таков ништожен начин во сопствените го*на да ми извиниш на речник. И осудениците на смртна казна не ги дерат на живо со сол, во еден потег ги погубуваат.
Без разлика на тоа дали некој е наркоман, пијаница или што знам што не е етички некој да го оставиш така да гние, а медицинските служби не смеат да си дозволат да вратат некого дома во бесознание знаејќи дека нема кој да се грижи за него. Касно за спас или не, како што кажав и вчера, не е тоа важно.
И апсолутно се беспотребни информациите за ќерката и братот...значи јас овде зборувам дека тоа што го видов беше страшно и мене, за мои лични видувања ми е неприфатливо без разлика на нејзината животна приказна.

 

@Giovanna многу си во право.
Пред се треба да бидеме луѓе, да бидеме човечни, да имаме добра и чиста душа, да помогнеме кога е потребно, било на кој.
А не да умееме само да се подсмеваме и да зборуваме позади нечиј грб.
Многу тешко е да бидеш човек, да помогнеш колку можеш било кому, со тоа и самите себеси си помагаме.
И мене ме запрепасти оваа ситуација, а тоа какво минато имала таа не е важно, како што и кажа сите ние правиме грешки и никој не е безгрешен и тоа не значи дека таа личност треба да се остави на милост и немилост, бидејки имала лошо минато, ова е грев ова е нечовечност, ова е дно дна.
Воедно сум изреволтирана многу од државава наша, но не би ме ни зачудила, луѓето од државниве фотељи секој ден се покажуваат колку се само себични и лакоми, верувам дека еден ден ќе си ја добијат заслужената казна и за душите на овие луѓе и за пропаста на нашето парче земја.

 

Јас па мислам супер си е за да видиш каков е некој од спротивниот пол. Да не беше фб немаше да дознаам какви задни намери имаше тој некојси, сега никој. Многу нормално дека ќе се распаѓаат бракови и уште подобро во некои случаеви зошто се гледа и двајцата партнери какви се... По 40 години, се допишуваат со кој ќе стигнат и кавги после и разделби. Супер начин за да видиш каков е некој и да видиш каков си ти. Јас видов многу нестабилни личности сум познавала во животот и не ми е криво. Нека ги знае цел свет.
Одвај чекам зима да дојде да можам нормално да си дишам, без затнат нос...
Ми фалат кученцата, едвај чекам да помине уште недела и неколку дена, за да одам дома и да ги галам по дебелите мешиња

 

Зарем е важно да барате причини зошто некој е таму каде што е? Сама се довела во таа состојба, па да ја оставиме да пцовиса. Да помагаме само на фини, културни луѓе што се безгрешни. Ако некој не е спремен да помогне некому и во неговиот најголем грев, особено кога има службена должност да го направи тоа, не знам кој е лошиот човек тука. А сите останати имаме морална должност. Ако не ви се помага, барем не коментирајте... лошо изгледа рамнодушност пред ваква слика.

 

Никој не рече дека не треба да сме луѓе! Треба да се помага, треба да се изнајдат начини за ваквите бездомници да се одржуваат во живот, должност е во секоја држава. Ама не кога веќе е доцна! Жената сите ја знаат, ја гледаа како тоне со години, кај беа тогаш институциите?! Македончето секогаш помага кога крајот се гледа на нечија судбина! Дај Боже да успеат да ја вратат во живот, сега е веќе во болница ... Ама ...

Спојлер: О

И доста со тоа ако некој изнесе некој став вие одма му вадите профил на ваков или онаков. На форумов навистина земате се здраво за готово. Кога гледате некој е коректен со вас, воопшто не ве посочува, зашто нема потреба, некој кој си го гледа своето вие тука наоѓате да "јадете" .( Оти сите сте толку коректни, фини, скромни, емпатични ??) ... Од др страна ве почитува сите како форумски ликови, вие немате друга работа одма со некаква контра?! Да не можеш раат да дадеш свое мислење, став ... Да не споделиш информација, одма се служите со некакви напади !?
И не тоа не прави некого нечовек, напротив.