Еххх, и јас новата по 2 пат да ја сефтосам Ете така помина јануари, помина роденденот, ги начукав 20 а ништо корисно немам напраено во цели мој 20 години, ова лето се надевам на нешто корисно да напрам, да си најдам барем работа и да бидам од корист, а не да лежам и да ги изгледам сите можни серии. Од утре куферите, торбите, лап топот и правец на факултет. Доста беше од сменвање на кревети, дали на тросед да легниш, дали на двосед, дали да одиш на кафе со овај, дали да одиш на кафе со онај. Претерано е, мислам дека од шо сум одморена веќе и почнува да ми биди досада то одморањето. Крајно време е да се префрлам на обврските и да мислам како успешно да го поминам и овај семестар, како и овај шо помина, се надевам овај пат на подобро, нели Секогаш можи подобро И одвај чекам да си ги видам утре сите, колегите, факултетот, и се друго, ми недостига колку и да негирам, имам преубај спомени од Прилеп Утре групно гледање на Х Фактор, абе одвај го чекам, релаксација ми е и то вкрај Да го имам само онај Алекса, само да го имам заедно ќе си јадиме најлепше жеље, и јас нив си ги обожавам, некој му пуштил во сандучето на Алекса чоколадо. Ехх мил мојјј, Ади да живееше Србија ќе ти пушташе и та чоколада по сандучињата и серенади ќе ти пееше, па можи и со вода ќе ме потуреше Заминав во неповрат со мојте фантазиии.. Имајте убава недела се читаме за неколку дена Љубим вас пуно пуноо.
И јас мислам дека треба да измешаш со light blond,ама коренот ќе го фарбаш последен. Во мојата фарбачка кариера на коса имам пробано разно разни комбинации,од црна до прамени со бланширање и неретко имам позитивен исход.
Има денови како денешниов што измина кога се чувствувам преморено и не можам едноставно да функционирам и тие денови ми се чинат цела вечност. Ахх, толку сум млада, а без желба моментално за ништо. Што направив од животов? Разочарувања имам еден тон... Нека се случи нешто посебно!
Господ ги дава тешките битки на неговите најдобри борци ! Добра поговорка ! И така со тек на годините си идат и тежините.. и знам дека секој проблем морам да го надминам, секоја тежина, секоја зададена болка, секој забоден нож.. и таа рана ќе се зацели и со секое туркање ќе станам, ќе бидам посилна, ќе надминам се во животот, очите широко ги отварам и на сите им се возвраќам со насмевка, да не помислат сум Паднала... и знам дека после Дождот доаѓа Сонце, а кај мене може дождот ќе потрае ама затоа после ќе Уживам на сонцето !
СДК..денес сум гадно нерасположена но не само денес можеби и пред неколку месеци или години?? Нешто се случува со мене НЕ ми е добро...премногу се грижам здодевно ми е здодевен ми е животот одам на училиште постојано молчам со раката потпрена на клупа и на неа главата обвисната.. така зажмиена и дома постојано кагвги бучава постојано совети да учам да бидам паметна а инаку сум многу примерно девојче ниту цигари ниту алкохол ниту излегувам ништо..само ете онака негативна сум постојано нешто ми смета се карам и плачам се нервирам за ситници омалаксана сум ко бездуша многу чувствителна ,понекогаш сум расеана ко да не сум тука не сум им више интересна на никој дури сум им антипатичен лик и почнувам да земам негативна љубомора кон неубави другарки кои имаат повеќе внимание кои почнаа да собираат успеси дали и дека ме притискаат од дома дека сум безкорисна... ајт да не ве замарам поеќе можеби некој знае во што е проблемот со мене па нека помага....
Веќе неколку дена уназад, имаме мајстори во веце. Дечки ќе пукнам! Поточно мочниот меур ќе ми препукне. Не се издржва, појќе. Не пиј вода, не пиј чај... и пак ми се моча. Па ќе дехидрирам. Кога ќе помислам и наредниве денови што ме чека, ми се темни. Ај тоа, него што не можам на раат да се избањам? Никако по желба, мора да си закажеш. Денес кога конечно си отидоа, уклучив бојлер и ми се приспа. Можев слободно стоечки да спијам, ко заклана. Од десет саат, до сега, моите ме будеа на секои дваесет минути. Ај уште малку да поспијам, ај уште малку. Мене ми се спие ми се плаче, само четири саати спиена. Па уште ме убедуваат, дека не ми била мрсна косата. Вие ќе ми кажете, дали ми е мрсна мојатА коса? Се изнервирав и конечно влегов да се избањам. Кога веќе се расонив, го избришав лакот и сега ќе си се лакирам. А така. Ладно било, бе.
Многу често го набљудувам комшијата,кој впрочем ми е долгогодишна симпатија. Море кога ќе размислам подобро,не само што ми се допаѓа туку сум заљубена во него. Мислам во последно време до воздухот да не е нешто,само позитивни вибрации ми идат,кон се почудни луѓе.
Махер сум за отргнување луѓе од мене, поготово од оние што ме сакаат и им значам. Се е во ред и кога наеднаш како гром од ведро небо се затворам не дозволувам никој да допре до мене. Секогаш на крај останувам сама, по моја вина секако. Незнам како да објаснам се изолирам, сама излегувам од кругот. И цело време сум во потрага на нешто ново.Сама на себе сум контрадикторна кога викам дека се плашам од осаменост. Додека пишувам ми текнува на една мисла од The Perks Of Being A Wallflower "We accept the love you think you deserve". Најискрено ни самата јас незнам по што трагам... Се плашам од dejavu повторување на една случка од минатото, и несакам за никого да се врзам. Како викаат некој што еднаш ќе се изгори, после и на јогурт дува. Не иде вака..
Конечно и јас малку да седнам на интернет. Претежно само ова време сум слободна,инаку мојата ѕверка е хиперактивна преку ден,па ако ме види на лап топот одма почнуваме со плачки. Го обожавам овој период кога сите спијат,а јас конечно на рает можам да медитирам и да одлетам на некој пуст остров во моите мисли,каде задоволно пијам коктели.
Глупави конзумеристи... Колку можел да биде плиток човечкиот мозок значи, не ми се верува со какви делам воздух јас. Трескајте се од земја, вам ќе ви ги дадат парите оние крелиња што ги величите. Замислувам свет без вас... од една страна супер е, 90 посто од глупавоста е искоренета, од друга... пааа... немам кому да се смеам. Мех, сепак би го избрала првото, и онака не ми е до смеење, дефинитивно сум на страната да се исчистите. Уште да имаше кој да ве исчисти .
Јееј! Убав ден после толку недоразбирања и глупости. Среќна сум. И од што сум среќна се чувствувам благо ретардирано.. Оооу колку само ми фалеше овој филинг! Ајт одам јас да спијам зашто едвај чекам да се разбудам ии да продолжам да си бидам среќна. Викаат се' што е убаво кратко трае, ама јас ке се потрудам да го продолжам тоа краткото и да го претворам во бесконечно.. лав, лав, лааав ју пипл! Бидете ми среќни и позитивни како што сум и јас вечерва, олвејс! Еее вакво сум цел ден! ..лесно ми е на душичкава вечерва. МНОГУ.
Апсолутно мразам да вадам шминка во 4 саат навечер, мразам да симнувам Мејбилин маскара, мразам да се расправам со влажни марамчиња, памуци, сапуни, лосиони и кремови, мразам што морам да ја собирам косата за да го измијам лицето...Од друга страна, знам дека ако легнам со фул шминка на мене ем отиде постелнината (еднаш ми се деси да се разбудам и на перницата буквално да имам смајли фејс, само што мене не ми беше смешно кога го видов тоа) ем утре ќе треба да вадам размачкана шминка ем се плашам од брчки... Како и да свртиш, не си никако... Тешко е да си женско...
Едноставно позрела и поразлична си од околината во позитивна смисла. Модерните и глупавите трендови на денешната младина не ти се по мерак и баш затоа што си своја, оригинална и се противиш на ова изопачено општество да се претопиш во стадото овци и да бидеш без свој став, мислење и мозок, страдаш, затоа што така било и така ќе биде. Генијалните индивидуии секогаш страдаат повеќе затоа што премногу добро го разбираат и сфаќат светот, па ајде и јас ќе се ставам во оваа категорија. Не за џабе е кажано блазе си им на оние без мозок. Knowledge is pain, but is also a gain... that the stupid people will never have. Оуууу топ филозофија баш сега ми текна во моментов. Инаку стварно сум добар психоаналитичар, рамо до рамо можам да парирам со Фројд така што доколку имате потреба од моја профи анализа слободно искажете се и олеснете си ја душичката пред мене. Моментот е 32ра секунда. Или луѓе од типот “Чекај јас да ти кажам нешто...“ или “Чекај бе слушај ме ти мене...“ на што јас во себе им одговарам “Ма е*и си матер бре кој к*р си ти мене нешто да ми кажуваш небаре си волшебникот од Оз и знаеш што е најдобро за мене. “. Очигледно такви сме како човечки битија. Не сакаме друг да не советува затоа што некои луѓе стварно попуваат и солат памет. Интересно е што секој знае како другите треба да живеат, а за себе не знае. Исто како келав доктор да те оперира и пресадува коса. Господ ни дава тешки битки и ја тестира нашата верба во него. Не сум религиски фанатик да се разбереме, ама ако пред секоја борба гордо се исправите и ја водите таа битка бидете сигурни дека ќе ја извојувате и Господ ќе ви пушти подобро време т.е. дождот ќе го замени со сонце хехе. Најлошо е да се лежи на земја и да се плаче како пи*ка како ништо во животот не оди, а не се превземаат никакви мерки тоа да се подобри. Животот е сизифов труд ама слатки се тие моменти на победа и на поместување на планините. Така феминки мислам дека дневната доза на паламудење и претворање од шупло во празно е исполнета и еве ќе се навратам на моите работни обврски за денес. Мое работно време на фемина (за психоанализа ) 00:00 - 23:59 кога и да сум онлајн
Има еден посебен вид очајни луѓе,тоа се луѓе што дознаваат работи преку фесјбук. Мислат дека имаат детективски способности и со скролање по нечив home page можат да го дознаат цел нивни живот. А,другарка и не и пишала срценце во скоро време-значи не се дружат више. Пак ставила слика од другата другарка-сра*е се смириле козите. Леле like-нал/а фан страна на Лондон- значи ќе оди таму. Пишал статус дека најубаво му е-аха имал секс со новата женска. Како луѓево да разберат дека некои едноставно имаат живот. Дека не објавуваат се,а профилот им служи како евтин и брз начин на комуникација со други луѓе. Дај најдете си живот мили фејсбук детективи. Очајни сте.
Партали од скинати сништа наредени во мојот плакар.Секое чувство грижливо здиплено...оние највозвишените се на највисоките полици - ми треба скали да ги дофатам. Бегам подалеку од закачалката, од страв да не ме обеси, повторно да висам со неодредени мисли над сопствените очекувања. Денеска ќе облечам неодлучност, а ќе се нашминкам со студенило. Рингишпилот на животот постојано ме врти во круг, а мене веќе ми се лоши од ова возење. Да свирам на пиано или да имам секс на пијано, нема некаква разлика, занесот е ист.Јадам супа од кнедли, а никако да ја проголтам онаа кнедла што со години во грлото ми стои. Не плукам отров, но можам да разгорам оган во твојата глава. Мојата сенка ми сврте грб, не сака да ми зборува, не сака повеќе да ме следи, со изговор дека сум ја водела на темни места во длабочината на една изрешетана подсвест. Ќе ги обујам чевлите на заборавот и ќе заминам во непозната насока. Делириум...
Ме револтираат деца кои се срамат од своите родители во јавност. Да, и такви ги има, и тоа преполно. Скоро сите кои ги познавам. Се срамат до на пазар, до в продавица, до на лекар, до на гости, до најобично шетање, до на кафе да појдат со родителите или со некој од нив. Ако ги сретнат по пат ги одбегнуваат, се прават дека не ги сретнале. Зошто? Зошто татко ти носи старо палто, потпивнува па треска глупости, не е шизик, дан те видат другарите, дан речат ене нема со кој да излези... Зошто мајка ти е дебелка, се носи старомодно, има брчки на лицето и не е мис ? Не е грев што таа мајка те носела 9 месеци под срцето, се мачела на породување, со години не спиела заради тебе, многу жртвувала поради тебе, немала време да јади, да се среди, да се искапи поради тебе. Ти била прав слуга. Зошто татко ти трпел сенекакви шефови и газди над глава, секое утро во сонце и снег трчал на работа, со сопствени раце да ви донесе леб дома, да ве школува, да ве облече. Зошто и кога биле уморни ве трпеле кога сте им се качувале на глава, ви правеле родендени, ве шетале, трчале по болници и што ли не. И што ли не...!!! За сега да не ви требаат (освен за барање пари) и да се срамите од нив ? И, сепак, сеуште дома сте како господа, не дај Боже да фатите нешто по дома, уште мајка ви ве пегла и ви готви, таткото по неговото. За сеуште да не ви чинат. А, за дедото и бабата не коментирам. Абе стари луѓе се тоа, кој да оди со нив негде ? Па треба да се влечкаш по пат, треба да викаш погласно оти не слушаат. Се додека даваат паричка од пензијата и ја препишат куќата, добри се. И се додека јадат сами, зошто вам ви смета шлакање со вилици. И се чудам како истиве родители ги толерираат своите деца. Истовремено и се жалат од нив, но и ги трпат, какви се - такви се, мои се.
^ И јас се согласувам со тебе. Ме трогна некако моментално додека го читав постот. Силвер СЕКОЈА ЧЕСТ за постов. Значи алал нека ти е што го напиша секоја чест.
