Па баш и не ти ја разбирам поентава, од една страна оправдуваш да не им се дозволува на мажите да се пожалат а од друга осудуваш ако некој баш поради тоа е таков ко што е? И не реков дека јас за сите наоѓам оправдувања, фала богу сечија ситуација е различна, само коментирав зошто е штетно тоа оправдување да се потиснуваат емоции...
Ако некој има фрустрации не му се други криви. Затоа тоа ако речеме да не се жалат машките не треба да им е оправдување на нив да се однесуваат ко идиоти. Ако си фрустриран, сам си крив, не тоа што некој ти рекол да си ќутиш.
Знаете што е тешко? Да не можеш да заспиеш од умор, да не можеш да јадеш од умор и секој момент ќе паднеш. Вие како сакате, јас ќе одам да спијам.
Овој ден Преображение Господово многу ми значи и сакам кога го поминувам со најблиските иако оваа година нема да е така. Обично сакам околу овој датум да сум дома, ама годинава ќе падне одмор, нема да бидне и ете така испадна да сум далеку од дома, ама во душава и срцево ми се блиските и значењето на овој празник за мене и нив трае и ќе продолжи понатаму. Воедно е и роденден на мојата мила и најсакана тетка која остаре и подзаборава, ама јас секогаш ќе ја памтам како првата која ми ја покажа вистинската вредност на уметноста и теоретски и практично со сите прошетки по музеите и преку сликите во претешките книги со тврди корици. Колку беше тоа оддамна, а во душава споменот е жив како да беше вчера. Благословена сум што го поминав тоа прекрасно време од мојот живот со личност каква што е таа, ја обожавам
Танче што збориш?! Има бели хетеро мажи што имаат далеку полош живот од црни лгбт жени. До каде со тоа дека само на едните им е тешко во животот? Не знам дали сте свесни, ама богаташ може да има потрагичен живот од сиромашен, белец да биде подискриминиран и полошо третиран од црнец, хомосексуалец да е подобро прифатен од хетеросексуалец итн. Не дека едните ко група не треба да си бараат подобри услови за живот и повеќе права, ама да занемаруваме нечии проблеми само затоа што спаѓа тој некој во група што се смета за попривилегирана е стварно ниско и просто.
Ова што ќе го напишам нема да допре до никој, нема да смени ништо. Добриот родител ќе продолжи да биде добар, лошиот ќе продолжи да биде лош. Но, сепак ќе го напишам. Во еден ден налетав на две слики. Баш оној ден кога и практично бев соочена со суровата реалност позади нив. Еве за што станува збор: Не треба секој да биде родител. Не е нашата мисија да создаваме потомство по секоја цена. Ако не сме способни да воспитаме деца и ако не сме способни да ги сакаме безусловно, подобро да ги немаме. Тоа се души осудени на емоционална болка, страдање, психички проблеми. Да, децата со такви родители, кои им ја ограничуваат и одземаат слободата, им ставаат стеги, управуваат со нивниот живот, подоцна ќе мислат дека со нив не е нешто во ред и ќе се мразат самите себе. Нема да бараат маани кај родителот, туку кај себе. Ќе мислат дека не се вредни за љубов. Дека не се доволно добри. Од друга страна, дете израснато со добри родители, со љубов, на правилен начин, ќе знае колку вреди, ќе биде среќно и можеби поуспешно. Ќе верува во себе. Многу родители не се свесни што им прават на своите деца. Сакам да имам свои. Сакам да ширам љубов која се' поретко ја има. Сакам да направам промена. Сакам да го пружам и да бидам она што мене ми било потребно, а сум го немала. Размислете пред да го направите тој чекор, пред да создадете и донесете нов живот на свет, носите голема, огромна одговорност!
Како е можно да сме толку мала земја ама полна со зло, омраза, зајадливост?? Како станавме волку проклети? Не се сакаме меѓу себе, не сакаме никого околу себе, не сакаме животни, не сакаме убавина, не сакаме слога.
Чувството кога конечно сфаќаш дека старата рана е затворена... Проблемот што до вчера ти изгледал како крај на светот, сега избледува. Ја преоткриваш убавината на животот на еден специјален начин, и сфаќаш дека на секое страдање му доаѓа крај.
Денес сватив дека пола мое студирање, дури и да кажам целото, ќе помине седејќи дома и гледајќи како моите технички неспособни колеги неможат да симнат PDF фајл од Classroom.
