Сакам да кажам...

Скопје е премногу агресивно станато. Мислам дека на голем број луѓе со кои се разминувам агресијата им е основен и примарен механизам на постоење (возачи, на пример). Секој најмал проблем се решава со агресија. Во тие моменти кога не слушам музика (тоа е многу ретко, но ги има) слушам само коли, само механички звуци. Нема никаков џагор, нема ништо човечко во овој град повеќе. Толку многу агресивни, изгубени, луѓе кај кои веднаш се забележува психички проблеми. Имам чувство дека на многу луѓе им недостасува многу малку да експлодираат, многу негативен набој има. Никаде не сум го доживеал ова чувство. Сум бил по опасните улици на Варшава, Вроцлав, Белград, италијански градови, ама никаде не сум доживеал толку негативен набој.