Вчера шефот (мајка ми) не испрати на шопинг со сестра ми. Уште пред да излезам од дома ме предупреди да не купувам ништо слично на тоа што го имам и конечно после некое време да облечам нешто уз тело. Ми се јави неколку пати што сум нашла, па како било, колку тесно, колку кратко... Ич не и се допаѓаат моите фустани со А крој, па и ја исполнив желбата купив фустан уз тело. Сум ослабела неколку килограми, но покрај празнициве верувам дека ќе ги вратам. Не сум задоволна од тоа како изгледам, но ќе се вратам во нормала. Најбитно и се допадна фустанот, а кога ја гледам колку е задоволна од тоа како ми стои и јас сум задоволна. Денес еден куп обврски по дома. Внук ми се моткаше наоколу, па Марина што е ова, а Марина сега што правиш, а зошто ова вака? Бага а ти што правиш? Може јас? Се смеевме цел ден со него. На крај си отиде со пакетчиња и едвај успеа сите да ги фати одеднаш Колку и да сум нерасположена деновиве, дома владее убава атмосфера, па ме тргаат со своите шеги и досетки од сите лоши мисли. Ви посакувам убав ден и повелете на ванилици.
Незнам дали утре ќе имам време, па затоа како веќе истакнат член ми прилега да ви посакам добра забава на новогодинешната ноќ. Запамтете ги сите убави спомени од 2014, нека ви бидат мотив за создавање на уште поубави во 2015. Запамтете ги сите добри грешки од 2014, нека ви бидат предупредување за сите наредни во 2015. Среќна нова година. Живи, здрави, бериќетни и паметни. Ве сака Irreplecable
Претпоследен ден од веќе старата 2014. -број на часови минати во кујна... 5 -изгорени прсти....1 -испиени чаши вино...2 -изедени чварки ....не знам, но премногу беа -нервози....1000 -број на паѓања ...1 (ама вредно) -потрошени пари...накај 4000 -број на купени подароци....3 -број на добиени подароци....ич (засега) Ете така, и јас негде да го пријавам мојот учинок. Цела година мене ми го пријавуваа....
Ако при прва комуникација и видување со некој непознат не добијам позитивно мислење добар и убав впечаток после тоа уште 100 пати да го видам истиот човек и да направам муабет со него ништо не ми се менува.
Денес буквално од нигде никаде, ете така лагано, без претходен конкретен муабет на темава, без некоја скриена позадина (се надевам), без да дадам повод (баш напротив), ми кажаа директно во лице дека не сум имала фаца на девојка која вистински си го сака дечкото. Ретко кога може да ме фрапира нешто и да останам без коментар, обично морам да вратам во мој стил ама овој пат останав збунета и само вратив дека се лаже. И сега се мислам... А како воопшто треба да изгледа една девојка за вистински да си го сака дечкото? Постои ли некој одреден физички калап за личности кои вистински сакаат и калап за личности кои не сакаат? Која е таа физичка карактеристика која е пресудна за ваков заклучок? Постои ли воопшто некој стручен психолошки термин за ова? Да не постои некое истражување за кое јас не знам? Толку ли само физичкиот изглед го гледате? Тоа ли ви е пресудно за да донесете еден таков заклучок и да ги ставите туѓите чувства и емоции во знак прашалник? Што побогу сакаше да каже авторот? Чудни луѓе. Инаку јас да ви кажам одвај чекам да дојде утре. Ќе славам со дечко ми кој за инат на сите го сакам најмногу на цел свет и не би го менувала за ништо на светот. Тој е моето СЕ'. Баш ми е гајле како ви изгледам, јас знам како душата ми изгледа кога сум до него. Ете така...
Денес дома купивме 5 пара ракавици... Мајка ми купила на мене и на неа. Јас си купив за себе. Татко ми купил за мене и за мајка ми како новогодишен подарок. Може да ми каже некој што по ѓаволите ова значи? Патем, еден дечко ме придржа да не паднам, со друг дечко се судривме глава од глава - јас поминував покрај автобус од кој излегуваа патници, тој излегувасе од автобусот и тингере... ме здена во слепоочница, се фативме за раце и изгубено си се испоизвинивме и на крај се оптегнав пред порти колку широка толку долга... Денов за аирлија е? Да ми го објасни некој постручен ако може. А да...и чекаш кај професорот за тезата и зборува на телефон каде бара услуга некоја од министерство за образование и оттаму му викаат - да, да, ќе ви го средивме тоа, а дали вие потпишавте за државниот испит? Уцена! Си склопи и рече - е не им потпишувам, да ми простите колешке, пизда ли им матер. ФМП
Утре ќе се правам девојче, со шминка, со дотерување, со се И така од непознати причини влегов во новогодишна еуфорија, па ми текна на времињата кога купувавме честитки, од тезги. Ги биравме најубавите за најблиските, оние што свират кога ќе ги отвориш. И после некое време механизмот ќе се расипе и слушаш непријатно пиштење од внатре.
2014 - Среќна година во името на љубовта, беше исполнета со преубави мигови со него, ми подаваше раце кога тонев, не замина од мене иако го барав тоа, остана со мене да се бори во сите невољи.. имаме еден наш свет, едно наше место каде што со секое пречекорувањее на прагот, надвор ги остававме сите грижи, проблеми, сите останати, само се затворавме и уживавме, без да дозволиме било кој да го уништи сето тоа. 2014 почна во неговите прегратки и таму и ќе заврши.. Посакувам секоја година, до крајот на животот да биде така. За да биде крајот на годината уште по убав, денот ми го разубави веста од другарка ми - бремена е и конечно снегот што за неполн час го покри градот.. Утревечер..Јас и тој со филче и чај.. совршено друго не ми е потребно.. На вас ви посакувам успешна 2015, полна со љубов, среќа и здравје.. каде и да сте да си поминете преубаво..
Ми фали онаа време кога шетав низ тезгите и разгледував честитки. Со мајка ми одев секој ден на тезгите да разгледува м чедтитки незнам како имала живци и желба по работа да оди со мене и да разгледува честитки. .. Најмногу се радував на оние честитки што свират кога ќе ги отвориш и ги собирав во една кутија. Се уште ги чувам најстарат ми е од 2002. Баба ми ми даде пари да си купам од оние големите што свират, ми ја напиша, беше стара и изнемоштена, не гледаше добро но сепак се потруди да ја напише. Тоа ми беше последната честитка од неа, сеуште ја чувам стара е од 2006 година но сеуште работи .
Jaс и пред најлудата ноќ во која стандард се седи до ниедно време, сум ранобудна, со мачоров се муртиме на студов. И традиционално, се најавувам тука, за да ве потсетам дека и за вас имам честитка Мили феминки, оставете ги нервозите настрана, тргнете се што ви пречи и ослободете се од товарот на претходните денови. Ставете насмевка на срцето, и запомнете дека совршенство живее оној кој во моментот има макар и најмала причина за среќа. Во друга форма не постои. Вака или онака, деновите набрзина се нижат, па изберете радост. Се што судбината ќе ни донесе на праг, ја челичи нашата душа.. За себе, си посакувам да се водам по она што ви го напишав Имам една желба, и големо срце полно со надеж. Па, догодина, се најубаво, имајте навистина луда ноќ, секако не заборавам залејте по нешто жестоко и наздравете во име на вашата среќа. Среќна Нова Година!
Mozebi treba da pisuvam za predpraznicnata euforija i za nokta sto famozno cekame da dojde. Od toj aspekt ne mi se brza,nit sakam ovaa da si odi pobrzo nitu drugata sto poprvo da dojde. Se e isto.Samo koga ke pisuvame vo datata edna brojka od mestoto koe oznacuva godina ke e smeneto. Kolku pocesto se menuvaat brojkite vo datite uste poveke se menuvame nie,svesno ili nesvesno. Nekoi se smenile do stepen da kolku poveke plukaat tolku pocesto lizat.Ne veruvam so ovoj tabiet da se od rodjenje. Ma ne ne,ne mi se veruva.Se menuvaat do toj stepen da kopat tugi grobovi za da na kraj sami padnat vo niv.Najcudno od se mi e koga veke pagaat namesto da se svestat deka sami em si ja iskopale i ne im e nikoj kriv tie tamu dole izigravaat obespravena zrtva.Ma ti podavaj im raka kolku sakas,niv toa nikogas nema da gi zadovoli.Nikogas nema da gi osvesti. Duri ti ide zal da ti vlezes dobrovolno mesto niv za da se svestat.Ma ne,i taka nema da pogodis.Tie sakat da go osetat adrenalinot dur te butkaat. Ete.Ne se tie krivi.Ednostavno se zavisni. Ima dosta da se pisuva za vakvite karakteri ama denot e rezerviran za podgotovki pa da stanam da podgotvam edno kaave meraklisko.
Иста си на 18, иста на 28, иста на 38, сигурна сум дека си посилна дури и на 108 години. Ја вдишуваш како утрински воздух. Не еднаш, туку милиони пати и не ти е доста од неа. Ја чувствуваш како поминува низ тебе. Ги буди сите сетила, ги лекува сите рани, те милува толку нежно... И се радуваш како детскиот восхит. Како кога за прв пат гледаат нешто тие мали невини очи, кога допираат со своите рачиња ... Се радуваш на пеперутките во стомакот, на нејзината исполнетост и топлина што ја дарува. Се радуваш на секој миг поминат во слатка фантазија за неа. И навистина... Никогаш не е доволно. Никогаш не е доста од неа. Ја сакаш во секој миг. Сонував за неа. Сонував за едно свое идеално Јас. Да биде тоа и тоа, да биде вака и вака. Но реалноста отсликуваше сосем нешто друго. Една сива слика. На делови повеќе темна, но сепак сива. Тој беше спротивност на она што го посакував. Ретки беа нежните моменти, а чести оние другите. Го вкусив изневерувањето, ја вкусив горчината на кавгата и алкохолот... вкусив се’ што не посакував. И покрај целата темнина, кога мислев дека тоа е крај и дека така требало да биде, во еден миг се појави Сонце. Силна светлина на која на почеток не можеа да веруваат ни очите. А срцето... тоа беше толку круто. А тој, моето Јас кое секогаш го гледав во соништата, во еден миг толку незабележително се појави пред мене. Искрено, не верував ни на своите очи, ни на својот допир, ни пак на своите чувства... Дека повторно љубам, ама толку искрено и невино. Кога се појави, во него ги препознав своите небесни очи кои ги гледав во своите сништа. Ја видов светлината на неговата душа, а сепак не верував и на неа. Во себе се роеа безброј прашања, дали е возможно ова?! Но беше вистина и сеуште и ден денес е вистина. И навистина не се вљубив во нив. Признавам. Иако дотогаш ме фасцинирала телесната убавина кај другите, тој беше исклучок. Се вљубив во неговото срце и душа, а небесните очи, таа ведрина и чистота ги видов подоцна. И денес е исто како тие мигови. Не избледија со времето ни малите зборови и после толку години брак, оние ситни, а големи по значење. Сеуште помеѓу нас се тие слатки нешта, душо, љубов, сонце... И понекогаш дури и срам ме фаќа, кога пред други нешто излезе од мене. Колку сум будалеста и на овие веќе 30 години. Но тој е истиот за мене, мојата љубов. Признавам, никогаш не е се иделано. Постоеле и падови, постоеле и кавги... Кавги... Не знам дали се сеќавам на некоја. Можеби повишен тон во реченица, но ништо повеќе. Тогаш знаеме, тој што е другиот и колку да е во право, тој молчи. И така поминува се’ за пет минути. Тоа се нашите кавги. За жена, сум не задоволена, туку презадоволена од се’, Слава на Бог. И не зборувам само за материјалното, туку првенствено за духовното. Разбирање, почит, доверба... Се ми е дадено од срце и за ништо не би рекла дека ова или ова не смеам. Му благодарам. Се прашувам само, со што сум го заслужила во животов? Искрено не знам. Знам само дека за прв пат ќе звучам во себе малку нескромно. Иако скромноста како доблест ја сакам најмногу на свет. Сепак.. Му благодарам на Бог што е Мој. Едно е сигурно, дека не го испуштам од раце. Би го пуштила само на едно место, а тоа е ако еден ден посака да замине во манастир и да си ја спасува душата. Тогаш без приговор би го оставила во Божји раце. Но ако тоа не е волја Божја, посакувам само старост да дочекаме заедно. Да си седеме во една скромна собичка, двајцата заедно. Сами. Со чајче да се затоплуваме на ладното време, а најмногу со еден топол допир на две стари и изнемоштени раце. Раце кои би се стегнале толку силно, со последната животна сила во нив. И знам дека бабата и тогаш ќе го постави она будалесто прашање кое секојдневно му го посатавувала на дедото и после толку години во брак. Ќе праша шашавата бабичка: - А дали ти стар дедо знаеш кој те сака најмногу на свет? И седиот дедо ќе одговори: -Не?! Тогаш продолжува шашавата баба: -Како бе не знаеш! Јас те сакам најмногу на светот, твојата бабичка. И тогаш повторно знам дека ќе ни засветкаат очите. Баш како во младоста. Вистина е... Иста е... Иста на 18, иста на 28, иста на 38, а дури двојно посилна и на 108 години. Ах љубов... Само да ги дочекаме заедно, Господ здравје .
Скоро и да не ми се верува дека ќе испратиме уште една година,на која што подоцна сите ќе се сеќаваме,некој ќе се наврати на неа за убави а некој за лоши работи.Уствари и тоа е смислата на животот,скоро и да не постои личност на која што сите коцки и се наредени.. Ако мене ме прашате по што ќе ја памтам оваа година,ќе ви кажам само по најубавите работи кои ми се случија.По бурмата на прстот и точката која што живот значи во стомаков.другите работи се толку мали,толку небитни за да дојдат до израз. Имаме снег,имаме хороскоп за 2015,и ситно одбројување до новата година,која што ќе ми биде последна што ќе ја дочекаме сама со љубовта. Од се срце на сите ви посакувам да почнете една нова страница,иако не ве познавам се радувам кога читам убави работи,а срам ми е да ви кажам колку пати вашите постови ме натерале да плачам како мало дете,се надевам таквите ќе ги има се помалку. Сакајте,сонувајте и верувајте. Среќни новогодишни и божиќни празници!
Веќе е и последниот ден од 2014 - како вчера да беше први јануари. Ми пролета годинава пред очи, пребрзо. Се случија и убави и лоши работи, ама барем покажавме дека сме посилни. Благодарна сум што 2014 е дел од моето животно искуство, дел од моите спомени. Се надевам дека 2015 ќе носи само убавини во сечиј дом. Не пишувам листа со новогодишни желби и одлуки, немам многу. Здравјето ми е приоритет, другото сами ќе си го наредиме. Ама се надевам дека наредната нова година ќе ја дочекаме побројни Среќни празници!
Убавината на жената не е во тоа што таа го носи, во нејзината фигура или фризура. Убавината се гледа во нејзините очи, тие се вратата до нејзиното срце, местото каде што започнува љубовта. Убавината на една жена е во нејзината душа. Тоа е вниманието кое го покажува и љубовта која ја дава. Убавината на жената се зголемува како што се зголемуваат нејзините години. Жената е како виното, колку е постаро толку е понеодолив неговиот вкус. Еден поглед, еден гест или една прекрасна насмевка можат да го засенат сјајот и на најскапиот накит.
Сакам да кажам... како последен ден од оваа година, ќе направам мала ретроспектива... Mи се случуваа многу работи, многу учења на брзина, полагања, смеење до утринските часови, бакнежи, и водење љубов. Ќе паметам 2014 година по завршување на нашата врска, не знам дали треба опис дадам каква воопшто беше, но искрено се надевам од утрешниот ден дека нема да се навраќам на тебе. Да, едно е сигрно чуствувам болка не само во срцето, ме боли тоа што не си покрај мене за прв да ми ја честиташ новата 2015г, ме боли тоа што туку така се откажа од нас . Нема да заборавам на деталите...како нашите заеднички патувања. Но, сето тоа ќе го сместам во оделот, било и поминало и никогаш повеќе нема да се повтори. поради тебе нема да се повтори !. Ти дадов љубов, нежност и внимание, се дадов себе за да бидиш ти среќен. Изгледа сето тоа е премногу малце. Затоа можеби е подобро вака, да ме боли за да почуствувам со кој сум била со години. Патем, да не се навраќам на минатото кога на праг е нов почеток, за мене, за сите нас. Затоа едногласно ви посакувам да биде изглесана секаде среќата, хармонијата, мир и здравје. Со себе секаде да ја водите позитивната енергија, затоа само така ќе успеете во животот. Остварувањето на една по една од желбите нека ви биде цел во животот. Не е целта доколку сите желби ви се исполнат токму во 2015г. Ќе завршам вака... затоа што доброто со добро се враќа. Немојте да бидете себични во 2015г. Бидете добри и кон себе, кон фамилијата, другарите/другарките. Кон сите... Имајте убава вечер, со малце алкохол а сепак да има некоја позитивна енергија. - толку од мене
Иако ќе бидите презафатени кој со последни подготовки за комбинација на облека,кој со јадењето итн.обидете се да најдете мир и задоволство во сето тоа. Ви посакувам Среќна Нова 2015 година и Божиќни празници. Здравје,среќа,љубов и успех нека ве следи. Искористете ги сите моменти кои ќе ви се покажат на патот и не грижете се премногу. Уживајте во секоја секунда од вашиот живот. п.с:Внимавајте вечер со алкохолот.
