Од познатиот циклус со 4 продолженија на Марек Халтер за хероините од библијата еден е и романот - Сара. Не многу позната хероина, но кога ќе се спомене фактот дека таа му била жена на Аврам тогаш многу работи стануваат појасни. Многу години треба да поминат за Сараи да стане библиската хероина Сара... позната по својата убавина. Како принцеза од сумерскиот град Ур таа одбива да се мажи на 12 години за човек што го избрал нејзиниот татко па бега од дома и надвор од ѕидините за прв пат го среќава Аврам, момче од номадскиот народ... Минуваат години и Сараи живее како почитувана свештеничка на божицата Иштар, а следната средба со Аврам засекогаш ја врзува за него. Сараи го следи Аврам и му верува дури и тогаш кога тој ја предава во рацете на Фараонот,само за да го спаси својот народ. Дури кога таа ќе се смири со Бога ќе ја добие и последната награда - староста која ја следи мудроста во животот... и пород.
Од познатиот циклус со 4 продолженија на Марек Халтер за хероините од библијата освен романот Сара се и романите Марија, Сефора и Лила. Иако се хероини од библијата не се религиски книги, но романи во кои се раскажува за нивниот живот. Приказната за Сара е историска топла и прекрасна, приказна испреплетена со љубовни емоции која маѓепсува! Стилот на авторот е извонреден.
Да, ја има, јас од библиотека ја земав. Мене од циклусот за хероините оваа најмногу некако ме трогна. Сега гледам дека по сите теми сум пишала за книгата. Еве еден извадок: Треба да се прочита дефинитивно.
Како што објаснувате можно е и да се заинтересирам.. Многу сум слушала за книгава..мајка ми многу сака да ја прочита..Па после можеби јас сум на ред.. Ќе видиме.. ххааха
