Секогаш повеке сум сакала свадба на отворено, отколку во хотели , во затворено. Би сакала мојата свадба да биде таква, посебно ако е на плажа
Идеално едино за во лето, зашто не сакате да ви залади и да не можете ни вие ни гостите да се раскомотите како што треба. А и да е во лето, треба добро да си се осиграте дека ќе ве послужи времето, зашто ако заврне, и тоа не е муабет. Присуствував крајот на јули на една свадба на отворено и, за жал, им заврна. Декорација прекрасна, ама гостите почнаа да се прибираат внатре во хотелот (патем, свадбава беше во отворениот дел каде е ресторанот)... среќа младенциве (посебно невестава) беа крајно откачени и не дозволија еден дожд да им ја расипе веселбата, продолжија да се веселат, инсистираа да продолжат да свират музичарите (да се разбереме, музичариве на покриено беа, иначе озвучувањето ќе одеше по ѓаволите ) и на крај, секако беа кишка вода, си се бапнаа двајцата во фонтана. Навистина беше весело и беше преубаво, се дишеше буквално, што не е случај кога се прави свадба во затворена сала каде често знае да стане загушливо од луѓе, гужви, цвеќе, свеќи и мирисот на храна.
Кога бевме старосватови, свадбата требаше да биде на отворено (во ресторан Имес). Пред да излеземе од кај невестата, почна да врне. И тоа многу врнеше. Младоженецот се јави во ресторанот за се да преместат внатре.
Ептен сакам свадба на отворено , ама и колку да е стабилно времето, може на крај да те зезне. Сепак е голем ризик, посебно во овие ресторани во кои нема затворен дел, туку цел е на отворено. Еден ваков имаме во Струмица, прекрасно е направено, дворот со вештачко езерце, прекрасно место за фотосесија. Но една свадба летото расипа- буквално , гостите си отидоа на сред свадба, а времето цел ден прекрасно, никој не претпоставуваше дека ќе заврне. Струмичанките веројатно знаат за што зборувам. Спојлер Инаку ова е местато- Ројал Парк
мојата свaдба беше на отворено, ептен прекрасно беше, и времето ни се погоди баш, не беше ниту жешко ниту ладно, на 1 септември ни беше.. таман свадбата ни заврши, заврна, не чекаше нас времето
Каде е местово? Преубаво изгледа? До другите феминки дали некој слушнал за некое ново место Вила... некаде накај Матка било за правење свадби на отворено? Никако не можам да го најдам
Ако мислиш на Вила Ина, повели линк https://www.facebook.com/vilaina/photos_stream Инаку јас бев минатото лето таму на свадба, на отворено беше, дека има и затворена просторија. Преубав погледот е навечер, ептен романтичен.
Се соглесувам со тебе свадба на отворено а особено на плажа е најубаво...Имам присуствувано кај блиски кои правеа на плажа беше незаборавно...
Феминки здраво! Јас сум релативно нова во форумот и по она што го гледам, гледам дека навистина би можеле да ми помогнете за некои мои дилеми во врска со свадбата. Пред еда недела правевме веридба така скромна само најблиските и сега почнувам да размислувам за главниот ден, за свадбата. Првата дилема ми е дали да биде на отворено или не. Дали да биде во зима и нормално ќе биде на затворено или сепак да почекаме до пролет за да биде на отворено. Премногу ми се допаѓаат свадбите на отворено, но сепак е ризик од времето да не се погоди Ги читав предходните постови и гледам дека секој си има свое мислење за ова од своја гледна точка. Ве молам за совет!!!
И јас сум во истата ситуација... Пред неколку дена се верив и сега треба да почнеме да размислуваме за се за да можеме се натенаме и по мерак да си спремиме. Јас сакам свадба на отворено така да за зимски локации не сум размислувала, а по искуството на една другарка која правеше свадба лани ова време мислам и дека е предобра одлуката за свадба на отворено. Ако некоја од вас драги феминки има некој совет, мене многу би ми значело.
Ние закажавме за септември во „Аква Стар“ (стариот базен во Кадино). Просторот за гостите и подиумот за играње се затворени, само едната страна, кон базенот е отворена. Се мислевме и за „Хиподром“ ама пак таму гостите се некако одделени во 2 посебни тенди, а подиумот е во средина. Ваму барем се е покриено и сите се наоѓаат како во една просторија а не одделно. Е, лошото е тоа што тие што ќе дојдат со мали деца ќе мора да си ги пазат да не им рипнат во базен.
Мојот животен сон се оствари, пред две години правевме свадба токму во овој ресторан бидејќи и сопругот е од Струмица. Со џез, без ора и чочеци, беше најубавиот ден во мојот живот!
Како сте задоволни од организацијата во Аква стар? Дали ресторанот нуди некои дополнителни поволности како свое осветлување и слично или само менито спаѓа во цената? И јас го земав предвид ама единствено ми е страв да не се поделат гостите пола надвор пред базен пола внатре о.О некаква таква мислам имам, а и на сликите од една страна изгледа многу филмски, ама па околината е многу рурална, не знам дали тоа паѓа во очи.
Ме интересира дали знаете убави локации за летна свадба во Скопје или околината? Планот ни е да правиме мала свадба со околу стотина гости но не сакаме хотел или ресторан. Би сакале да земеме кетеринг (маси, столови, озвучување, храна...) на некоја интересна локација, или некој убав двор што може да се изнајми од викендица... Исто така многу ни се допаѓа и манастирот во село Зрзе ддоколу знаете ако можете да мк посочите каде би можело во околината да се направи прослава. Однапред благодарам
Дали некој има искуство со изнајмување на Вила Бабин Заб на Пелистер за свадба? И кететинг и декор во Битола?