Свадбена торта

Еве една што бев на свадба...

 

јас сакам ваква за мојата свадба

 

Ваква беше нашата, само на три спрата

 

Мене воопшто не ми се допаѓаат оние кичести, пренатрупани торти.Јас сакам нешто едноставно и скромно, а сепак оригинално и вкусно.Пример вака нешто

Некоја ваква ми е сон, ептен се оригинални и интересни.

 

Многу убави торти има постирано во темава, но тие слики за идеи и инспирација може секој да си ги најде на нет. Мислам дека темава би била многу покорисна ако се споделуваат реални искуства за идните невести. Па, може така некому ќе помогнеме во изборот за свадбена торта (се разбира доколку истата не влегува во цената на избраниот ресторан).

Сега да го раскажам мојот случај. Кога ја спремавме нашата свадба, многу одлуки (избор на ресторан, музика, фотограф, шминка) донесов на основа на препораки и мислења од форумов, затоа што сме надвор од Мк, па немав многу прилика од муабети да се распрашувам за идеи и совети, а и не сакав да префрлам обврски на блиските. Откако го стеснив изборот дури тогаш дополнително си се разпрашував кај познати за финалните одлуки. Иако други теми ми беа од корист, оваа конкретно не (иако тогаш сé имав прочешлано), зашто и нема кој знае каква релевантна информација за конкретни слаткарници. Знам дека повеќето ресторани вклучуваат гратис свадбена торта, па затоа и многу нема што да се пишува.

Но, ресторанот кој ние го одбравме не нудеше ваква опција, па моравме да мислиме и на ова. Најдов неколку слаткарници на нет (не сите имаат сајтови и ФБ профили, а и повеќето од тие што имаат не ги ажурирааат со години). Но сепак, направив кратка листа и почнав по ред да ги контактирам. И тука станува интересно - некои во меѓувреме затвориле, некои со изгор цени, некои не разликуваат капкејк од мафин, некои немаат соодветни декларации (кои ресторанот ги бара за торта внесена од надвор) и тн...На крај остана само една чии торти ми се допаднаа визуелно, но за вкус (а тортата пред сé треба да е вкусна) немаше многу каде да се распрашувам, зашто тогаш беа новоотворени и недоволно познати меѓу луѓе. И така, ги отпишав и нив и по препорака на блиска личност се решивме за една позната ск слаткарница (имиња не споменувам на јавен форум).

И целиот овој вовед, за да стигнам до поентата ( ) - односот што го добив таму беше под секое ниво. Разбирам дека имаа многу клиенти (беше почната сезоната на матури и свадби) и мора да се работи брзо и ефикасно, но на клиент да му кажеш ајде ма, до кога ќе се мислиш, a таму останав одвај 20 мин (со целокупното договарање - вкус, големина, декорација, цена). Кога покажав слики од нет, одговорот беше ааааа, па ова не може да се направи. Е, како не може, еве слика - значи некој го направил. Кажи не знам да го направам, а не не може да се направи. Понатаму, кога одбрав една од нивните слики (патем собирани од нет, а не слики на торти што они ги направиле), се натегав 10 мин. со сопственичката што да остане, а што да се отстрани од декорацијата, зашто и таа торта беше премногу украсена за мој вкус, но генерално беше најблиску како идеа до тоа што барав. Одговорот на секој елемент што сакав да го нема во декорација беше е, па на што ќе личи тортата...Иако малку ми фалеше да си излезам, се воздржав само поради личноста, што ми ги препорача. На крај, кога споменав дека имам гости алергични на ореви и дали може еден од спратовите на тортата да се направи без нив, одговорот беше е, па нека не јадат...

Торта што ја добивме, сама по себе беше OK на око, а за вкусот добив многу воодушевени коментари. Но, мене ми остана ова непријатно искуство што сакав да го споделам овде. И никому не би ги препорачала. Ако некој го интересира за кои станува збор - во лп.

 

Здраво!

Јас имам прашање за едни конкретни торти кај нас Се надевам дека не е некоректно да се праша, во нашиот ресторан не следува торта од Кувертира, http://www.kuvertira.com.mk/index.php?option=com_content&view=article&id=37&Itemid=110&lang=mk, и таму има повеќе за избор, па сакам да прашам дали имал некој искуство зошто баш го имам истиот проблем што не сум во Мк: дали ги менуваат декорациите (боја или мали разлики), и дали има некој препорака за составот на тортата?
Фала ви!

 

do-re-mi, те молам за лп со повеќе инфо... И некој по можност да сподели искуство со познативе слаткарници - Канела, Романса, Шарлота ?

 

Во ресторанот каде ние правевме свадба имавме гратис торта од Кувертира до 3000 денари. Јас бидејки не сакав класична свадбена торта, си доплатив и си порачав една мала торта која служеше за адетот да се направи нели младите да ја исечат невестинсската торта и надоле си беа кап кејкс со иста форма како тортата што е на врвот Е сега за вкусови, имате избор навистина многу. од тоа јас што сум пробала од тортите во Кувертира, за мене најубави се шерон торта(вкус) и царска. На нашата свадба десертото што одеше за гостите беше шерон, а невестинската беше царска. Ако ти треба нешто плус слободно пиши

 

Chupе, колку е разлика во цена од „нормална торта“ на три ката на пример и онаа во облик на капкејкс?

 

[/img]

Тоа зависи од тоа колку кап кејкс ке сакаш. Јас на пример имав мало тортиче тоа што ти викам за сечење што е од горе (со околу 12 парчиња) и 50 кап кејкс. Разликата беше 1000 денари (тука влегува и декорација на кап кејсовите и на тортата по твоја желба) Моите беа со по една кала и две зелени ливчиња

 

од куверира долги години нарачувам и јас и моите блиски за мене најубава е дефинитивно нестле и другите се ок ама нестле е врв и комбинираната е ок исто така

 

Од кувертира никогаш не сум нарачала, ние си купуваме долги години од Канела Прима (црвената) и сме презадоволни. Сега за свадбата ќе видиме како ќе биде. Ако имате искуство со свадбените торти на црвената, плавата Канела, Романса и слично ќе ве замолам да споделите