#СегаКажувам

#СегаКажувам и #TaniTregoj е макседонскиот пандан за #MeToo хаштагот кој го потресе светот после многубројните исповеди за сексуални вознемирувања во светот, најмногу во Америка.
Има за цел да ја подигне свеста што се претставува сексуално вознемирување, низ претставување на реални приказни.
Оваа динамика и отворени прашања предизвика да се крене гласот за правата на жената и во другите сфери, како и нееднаквоста во однос на пазарот на работна сила.
Статистиките покажуваат дека секоја втора жена е сексуално вознемирувана на различен начин од својот партнер, својот работодавец, професор, колега, пријател, непознат минувач, роднина итн. Многу од вознемирувањата, за жал, не се препознаени како такви во времето кога се случиле.
Време е да се крене гласот и да ја зборуваме својата вистина! Без осуди, без предрасуди, без срам, но и без злоупотреби. Време е да се де-нормализираат некои нешта кои често поминуваат низ толеранција и смеење, нешта кои поминуваат како нормални зошто - мажите се само мажи и што би очекувале друго? За жал не се засегнати само жените, честопати и мажите се жртви на жени кои се во надредена и авторитетна позиција према нив.
Тука можете слободно да ги напишете вашите приказни.
Забранета е сечија осуда и мислење за истите.



#СегаКажувам губи на поента со раскажување на приказните за манијакот од парк и слични патологии. Манијакот од онанира јавно сите сме го виделе ко деца дур се ашкавме по парк. Тоа не е траума, аман луѓе, аман.
Девалвирате силувања, уцени, директни напади и така натака.
Нема потреба од се да се задоволува желбата за внимание и да се најдеш во муабетот.

#СегаКажувам дека 3 години ме малтретира еминентен професор на земјоделски факултет по телефон.
Пријавен, плашен, блокиран, закани, дерења, директни соочувања. Институциите креваат раменици.
Муабетот е секогаш ист - да ми помогнел да дојдам до незаслужени титули и бенефиции и за возврат... се знаело што. НЕ, не е никогаш одговор кој го прифаќа и фрустрира, нервира, ти оди да се дереш, да го убиеш, да го претепаш, да го обесиш, зошто не ти го слуша гласот. Создава страв да не го сретнеш додека си сам. И точно знаеш каде седи и избегнуваш да се движиш во тој круг. Самото тоа што си неслушнат, непочитуван, негиран прави да се чувствуваш беспомошен, а дополнително кога институциите не реагираат.
Јас и кој знае колку други. Верувам многу кај кои со задоволство поминува сето ова... и тој така добива сила.


#СегаКажувам за настан во блиското семејство каде девојка доби печат за целиот свој живот. Деталите се лоши и само трауматични за некој да ги прочита и не можам да кажам што значеше сето тоа за целокупното семејство кога болката и сочувството се проширија, но неа... неа душата и е жигосана. Суд? Каков суд. И пишаа дека има психичка дијагноза, а нема. Немала никогаш, ја имаше најсветлата аура која згасна и сите го гледавме тоа. Копилето беше син на погодете што - професор на факултет, го ослободија набрзо и избега во странство. Сите искрено се надеваме дека не е жив! И најтрагичното, неговото семејство знаело што прави и се шетал со СЕКИРЧЕ ВО ПОЈАС за да плаши девојки. И не била само она... од една има и дете. А процесов траел со месеци... со месеци. И се заканувал по помалиот брат, ја гонел, ја следел и на крај завршило како завршило. Она од страв на никого не кажала, храбро трпела. Не одам во понатамошните детали кои се гадни, грозни и тажни. Ниту една жена на светов не го заслужува тоа каква год да е. Ама ова... само затоа што си убава? Оф господе...
Родителите сакаа анонимно медиумски да го покријат ова, а него со име и презиме да го кажат јавно, но погодете што се случи...
Денес има маж и дете, но никогаш повеќе не е истата... никогаш.
Е тука живееме.

#СегаКажувам дека сексуално малтретирање е секое ваше одбивање на вашиот сопруг и дечко, и неговата лутина околу тоа. А вашата типично женска реакција - да не се лути, ај нема врска, он ми е партнер и прифањето на тој булшит е дозволување на истото. Дека е тоа така сега скоро излезе во јавната анкета, како кај нас, така и на светско ниво дека ова е сексуално вознемирување. Само зошто е дечко или маж, нема право да ве малтретира психички и физички.

Што имате да кажете вие?!

Дел ќе се предадат на пакоста и ќе го прифатат како такво за да се ситуираат. Дел гласно ќе зборуваат. Жал ми е што има многу недостоинствени жени кои ова не ги навредува, туку им ласка и ги прави среќни. Такви кои можеби си викаат дека ништо не губат, а и човекот им е привлечен.
Сем што ги осудувам мажите кои го прават ова, ги осудувам и жените кои го прифаќаат тоа, тие се тие кои го даваат зеленото светло за останатите жени кои достоинствено ја носат својата глава исправено, такви кои имаат семејство, љубов и интегритет.

 

#сегакажувам и коментарите кои следат на тие постови само едно кажуваат: тешка мизерија сме. Тешка сељачана од народ кој порадо би верувал дека приказната е измислена и дека жртвата е крива отколку да го помрдне задникот и да преземе нешто. На форумов читаат и мајки на момчиња, па внимавајте во што ќе ги израснете. Внимавајте какви сопрузи бирате, каков пример им давате.
За жал и јас имам приказна за #сегакажувам. За среќа кажав и тогаш кога требаше. За поголемо жалење е што на типот тоа му беше повторено дело, а органите на власта му дозволија да помине со "извини" и паричен надоместок.
И колку вреди сега да кажуваш?!

 

Ова не е рекла казала.
Прееска зборував со братучетката, она самата рече, сакам да знаат, не сакам да знаат дека сум јас, сакам некој да пише за мене. Реално, мислиш дека имам право да пишувам нешто вакво ако не прашав за истото? Тешко веројатно ќе ти е дека е прашано, но во случајов прашав, зошто се работи за туѓо, а не мое достоинство и живот. Иако тука не стои ни моето име.
Отвори го хаштагот и ќе видиш многу такви приказни во туѓо име. Иако во многуте такви, препознавам дека многумина пишуваат за себе, како да зборуваат за друг, зошто така е полесно.
И ги разбирам. Кога приказната е голема, траумата огромна, не е сеедно да го ставиш своето име и презиме зад тоа.
Ако сметаш дека е така, зошто тогаш ја отворивме темава?

И ова е осуда. Секој го бира својот начин. Јас кажав во свое и во туѓо име, личност кој сака и бара да се збори, зошто медиумите не сакаа да ја пренесат нејзината приказна зошто кретенот беше професорски син. Некој ќе пише за друг, а е за себе... зарем ќе осудиме зошто е некаква си рекла казала, а си збори за себе зошто така му е полесно?

 

Кога не ти се случило за среќа, не можеш да разбереш.
Како треба, сите знаеме, а како можат, они си знаат.
Многу мислења кои ги прочитав гласат - сте имале избор, што не сте пријавиле, вие сте дозволиле, си заслужила и слични гадости кои не ми се сфатливи. Кога општството ни е стигматизирано, да, кој како сака може да зборува се додека е вистината.
И во миту ќе видиш многу такви приказни, разгледај го добро хаштагот.
Како ти, јас, петко и станко го сфаќаат, не е предмет на муабет.
Извини, мислењево ти е осуда. Немаме право на став за формата која некој ќе ја избере. Можеби уште е во траума, а сака да каже и кога некој ќе го каже во туѓо име ќе се ослободи.
Немаше потреба да ме стимулираш да отвориме издвоена тема.
Може и да се заклучи темава те да се избрише, врати ми го мислењето во сдк и тоа е тоа.
Форумов очигледно е место каде што за нормални работи не смееш да имаш став и се некој е навреден и засегнат, за ненормални сите молчат и ќе ги изберат запршките и лесните муабети, од друга страна очи си копаат зошто не се пишувало во други теми и така на така... а е измислен иницијативава да оживее баш на него, да добие поддршка и замав.
Да пишев во Македонски Јавни фаци нешто, во рок од 2 часа како што постои темава, свесна си колку мислења и сеир ќе имаше? И сето тоа е супер, живи сме, луѓе сме, сакаме да зборуваме, ама...

Супер Девојка, се случило и поминало, поентата кој е? За да научи некој нешто и да знае дека не е сам. Зошто во Македонија сите мислат дека се сами во вакво нешто бидејќи е конзервативно општество во кое долго владее мислењето - сама си го барала. Тука е вредноста.
Со СегаКажувам и она што ми се случува е веќе 3 години секакви начини. Да, органите не реагираат. Никако. Ништо не направил де. Чекаат нешто да се случи, а и кога ќе се случи, демек нешто ќе направат?
Од СегаКажувам гледаме што се случува и може да покрене процес на освестување, од сите мислења фактот е дека факултетите се дувла, а професорите заштитени мечки, а тоа треба да престане еднаш засекогаш.

 

@Lilit не можеш да покренеш процес со народ што вели "сама си го барала". Толку ни е свеста. Јас не бев сама, таа пред мене не била сама, но дали сме сигурни дека и следната жртвата нема да е сама? Манијак и насилник ти е во крвта, тоа треба да се лечи, да се третира, да се тргне од улица. Не е грип кој минува за 3 дена.
И сите да раскажеме што имаме со име и презиме џабе е додека не се преземе мерка. Додека психијатар ти вели " напиј се дијазепам и легни, утре ќе си посмирена" и не ти дава лекарско зашто нему секој втор ден му идале девојки на кои дечковците им лепеле шамари и тоа не било страшно, #сегакажувам ќе биде само еден обичен хаштаг.

 

Баш ќе пишев денес во СДК нешто поврзано со ова, браво за темата Лилит

Од мене огромна и бескомпромисна поддршка за кампањата. Ова и #ИЈасИмам на Моџо се нешто најдобро што му се случило на македонскиот фб/твитер простор во последно време.
Сите видови на приказни што ги видов се валидни и важни, објавувањето на секоја од нив (по колку било време откако се случил настанот и без разлика на начинот – анонимно на социјална мрежа) е своевидна храброст и подигање на свеста за едно големо општествено прашање.

Секако, кампањава покажа дека има многу храбри, свесни, емпатични и цивилизирани личности околу нас, но од друга страна пак излезе на виделина и заостанатоста, безобразлукот и површното мрчаторство како дел од менталитетот во државава.
Нема да ги коментирам потсмевот, навредите и оние „си го барала“ коментари над секое пештерско ниво на одвратност... само ќе се осврнам на оние што ја утнале поентата и велат дека повеќето случаи се минорни и attention seeking, па ќе им направат штета на жртвите на вистинско сексуално вознемирување (а очигледно според овие тоа е исклучиво самиот чин на (обид за) силување).

Значи, хаштагов и кампањава е за секаков вид сексизам и вознемирување, од недолично однесување во сексуална конотација па сѐ до (обиди за) сексуален напад и насилство.
Затоа што, не е нормално ниту професор во една од најпознатите скопски гимназии, на секоја генерација во секој клас ко најнормален дел од запознавање да им ја кажува на 15 годишните ученици својата трејдмарк мрсна пресмешка дека е стрелец од напред, а девица од позади, да им се обраќа на сите девојчиња со „малечко“ и да ги прашува што ќе прават во вц и да не им треба друштво за до таму. (true story со дотичен што лично ми има предавано)
Се изначитав за секакви манијаци и стварно е жално што посебно називот професор го носат луѓе на кои еве баш при ваква кампања и тематика на некогашни ученици и ученички ни текнува на нивното „просветно дело“ и „авторитет“, потоа и доктори, газди во секакви институции итн.
Поентата е дека сето тоа, почнувајќи од нај„безопасните“ стадиуми треба да се денормализира во едно здраво, цивилизирано општество.

 

Извини за претпоставката, верувам дека било така со оглед на статистиките кои излегоа баш деновиве. И искрено се надевам дека не ескалирало. Исто така го разбирам и сечиј страв да кажува за тоа.
Некој сака, некој не сака да зборуваат во неговото име. Различни сме сите...
И јас не сакам во мое име никој да зборува, ама верувај дека има такви кои сакаат.
Низ низата постови ко што кажав, препознав вистински приказни кои се кријеа зад - другарка ми... зошто сакаат да кажат, а не можат.
Не би пишувала во туѓо име ако лицето не сака да каже, во случајов сакаше, ама не сака да зборува она.

 

Пред некој ден ја прочитав статијата на фемина за хаштагот.
Убава иницијатива, само има многу "паметни" што на се сеир знаат да фаќаат, да се прават интересни а всушност за жалење се. Баш затоа не би пишала на фејзбук.

И јас имам приказна за #СегаКажувам, ја кажав претходно и во полицијата, центар за социјална работа и до суд стигна работата и ништо. Манијакот на слобода, без ништо помина - наводно затоа што си го признал делото. Џабе беше моето #СегаКажувам иако ми требаше многу храброст за да проговорам кога институциите не си ја вршат својата работа.

 

Кампањава е добра ама не е за кај нас.

Прво, сите пишале приказни а не пишале име и презиме на напаѓачот. Главното е КОЈ го сторил тоа? Нема еден професор...КОЈ професор?

Второ , може да се искористи да се нападне некој тајно. Пример мене ми правел некој Доктор нервози, и ке ја искористам кампањава под лажно име да измислам приказна за него.

Секоја чест на Тозија (и на уште неколку) што јавно споделија и свое име и име на напаѓачот. Тоа е вистинска кампања според мене.

 

Браво за темата.
Мене фала му на Бога досега не ми се случило ништо вакво и можам само да замислам како им е на тие што знаејќи во какво општество живееме собрале храброст да ја раскажат својата приказна. Можам и да замислам како им е и сега кога со сите тие примитивни коментари им се остварува најлошиот кошмар - тие испаѓаат виновни оти си го „барале“ и сл.
Ама најмногу лично јас се разочарав од објавите на мој близок другар во кои иронично го користеше тагот. Не го очекував тоа барем од него.

 

Тешко е да се спомене име. Друго е да постои веќе дело за кое се одвивал судски процес, за кое постојат докази и каде победила правдата. Често пати таквите гниди се претпазливи и внимателно наоѓаат време и место за своите гадости. Колку и да ти наштетил некој ако немаш докази џабе ти е се, ќе те тужи за клеветење и кај што си повреден душевно и емоционално таму одозгора и материјално ќе те соголат. Баш тие толку споменувани директори, професори и останати фаци на видни позиции, имаат пуштено на сите страни коренчиња и ќе си го извлечат задникот дури и во ситуациите кога многу нешта се против нив. Жално ама вистинито во каква држава живееме.

 

#СегаКажувам Ако некој ве малтетира, најдете некој што знае како да малтетира и да му ебе матер на тој што ве малтетира! Верувајте дека за мали пари има луѓе што прават страшни работи а коа станува збор за малтетирање на невина личност , има добри луѓе од тие лошите што можат да завршат работа и за без пари. .

 

Нема зошто да ве чуди и да очекувате дека некој со име и презиме ќе излезе. Тие луѓе сега имаат фамилии, знаејќи нашиот народ колку е осветољубив како да пише тој и тој и да очекува утре детето да оди во школо и да не му се случи ништо !? Разумно прават. Ако сакале да тужат ќе тужеле тогаш.

 

Чисто Холивудско какање е ова.

Потполно ги разбирам траумите и сето тоа не го негирам, арно ама... Се прави некаква фама и од мравка прават слон, со чест на исклучоци. Не знам која е целта? Да се исповедува личноста, да сподели дека доживеала како некој ја манијачи, на пример? И? Што? Ќе го најдат манијакот, ќе го казнат, or something? Или, пак, ова е направено чисто заради олеснување на жртвата?

 

^ Не си ја разбрал поентата на кампањава.
Не е целта да се "пофалиш" на интернет со ваква приказна. Целта е да се подигне свеста кај народот, да се споделат лошите искуства за да се охрабрат оние кои биле жртви на вакво вознемирување и да им се даде до знаење дека не е ништо страшно ако го споделат тоа што го доживеале со некој близок, полиција, психолог, соодветна институција, за да може да се реагира и да се уловат сторителите. И да, на крај краева некој/а споделува исклучиво да си олесни душа од таквата траума што ја преќутува цел живот. Има нешто лошо во тоа? Па луѓе цело секојдневие, цел живот го споделуваат на социјални мрежи, од кога тоа боде очи што некој сака да сподели некоја поозбилна работа која итоа како треба да ја слушне цела јавност?! Не ве сфаќам.

Секоја чест на сите што јавно проговорија. Колку и да изгледа лесно, не е едноставно да собереш храброст и да раскажеш детали од таква една животна траума. Особено на фејсбук со име и презиме.
НО кампањава не е за нашево затуцано и уназадено општество. Одма почнаа со јадење трици, одма почнаа да го злоупотребуваат хаштагот и да пишуваат глупи примитивни форици, особено машки искомплексирани ропаци, ми се згади кога ги читав. Прост народ сме и факт е дека вакви open-minded ствари тешко проаѓаат кај нас.

 

Ајде и мое мислење (можеби нема сите да се согласите , но легитимно право е секој има право на свое мислење).


Знаете ги читав тие фб статуси на т.н жртви , покрај тоа што го прочитав испага дека сите сме сексуално вознемирувани.
Маструбирањето на некој манијак во парк е вознимирувачки но мое мислење е додека не ти се обрати лично Ти немаш ништо со тој манијак !
Некој професор кажал некој мрсен виц и тоа било сексуално вознимирување Зарем ?
А ако го слушнеш комшијата како пцуе тоа не е сексуално вознимирување?

Љутфи и Таксистот
Му рекол дојди на предно седиште , ниту го допрел а тој кажува дека сексуално бил вознемиреен ? Зарем ?

Ирена Цветковик со професорот што си правела муабети и он и рекол дека ке ја вработа како демонстранка на фах , ама да оделе надвор од Ск .....
Си мислела дека ке и помогне но откако не и помогнал решила да му врати и да го издаде за непристојниот предлог Во статусот не пишува дека ја допрел или ја присилил ТУКУ прашал .

Под сексуално вознимирување подразбирам личност да те нападне физички , тебе и твоите интимни делови а ти му кажуваш НЕ !
Машко е да си праша ,НО ЖЕНАТА ГО ИМА ПОСЛЕДНИОТ ЗБОР , ДАЛИ САКА ИЛИ НЕ САКА .
Ова ми изгледа како фалење , нема сексуален напад , нема допир , нема кинење на облека, нема перверзни зборови , овие само се брукаат и ништо друго .