#СегаКажувам

Мене најмногу на светот ме чуди неприфаќање и критикувања на темава од жени. Еден тон бурек се изеде за хаштагов, еден тон самоповикани аналитичари и сезнајковци се најдоа да пишат јавно дека луѓето што својата најтемна тајна се решиле да ја откинат од себе и да ја пишат тука го прават тоа за внимание.

Побогу, кој ви дава за право да коментирате дали приказните биле срања или биле претенциозни? Ја се згрозив од коментарите и можам само да ви посочам да не го посочувате прстот кон другите за нешто што секогаш може да ви се случи на вас самите или на најблиските.

Јас не глеам никаква позадина на хаштагов, ни политичка ни маркетиншка како што некои упорно ја наметнуваат, но ги замолува да се запрашаат дали истото ќе го мислеа да им се случеше нешто слично на нив или блиските.

Знам неколку приказни, болни. Едната заврши “позитивно” зашто сторителот заврши позади решетки. Колку е тоа позитивно не знам, зашто жртвата имаше 12 години и беше веќе жртва на сексуално насилство во сопствената зграда каде што живее и ништо не и значење што личноста заврши во затвор кога таа изгуби многу. Другите завршија со пријави во полиција но сторители никогаш не се “дознаа”.

Треба да бидеме сите многу свесни, јасни и ГЛАСНИ на секој обид, дело, па макар и само да се зборови, да се спречи пред да стане предоцна.

 

Океј, велите дека непристоен предлог од претпоставен, од професор или пак довикувања и додворувања од нечија страна се ништо и не треба да ги сфатиме сериозно. А ако случајно со некој таков се сретнете на поосамено место, нема ниту малку да се исплашите? Нема воопшто да помислите дека би можел да стори нешто?

Кажав и ќе повторам. Не е исто тоа со силување, ама и тие што така се однесуваат имаат потенцијал сексуално да нападнат некого, и во никој случај не може да се каже дека нивното непристојно оденсување е нормално.

 

(2) Полово вознемирување,во смисла на овој закон, е секое вербално, невербално или физичко однесување од полов карактер, кое има за цел или претставува повреда на достоинството на кандидатот за вработување или на вработениот, а кое предизвикува чувство на страв или создава непријатност, пониженост

(3) Однесувањето од ставовите (1) и (2) на овој член се смета за психичко, односно полово вознемирување на работното место, доколку не престанало и по писменото предупредување од страна на вознемируваното лице дека му пречи однесувањето на вршителот на вознемирувањето и дека ќе го смета за вознемирување на работно место.

(4)Вознемирување на работно место претставува и поттикнување или наведување на однесување во смисла на ставовите (1) и (2) на овој член.

извадок од Законот за заштита од вознемирување на работно место

Чисто да си ги знаете правата и да реагирате утре. Место да се најдете во ситуација да треба да полемизирате вака - што е, а што не е сексуално вознемирување. Е, сега, нели, достоинство е во прашање па кој какво си го има.

 

Фала за дефинициите, знам јас што е вознемирување, ама малтретирањето би требало да има друга дефиниција.

Ако сме искрени, не секоја понуда за секс е понижувачка. Точно е дека понуда за секс од страна на шеф е непријатна, ама зошто по дифолт е деградирачка? Од каде да знаеме дека одредени обиди за муабет и понуди за секс не се искрени и вработената навистина му се допаѓа на шефот?
Прост пример, разликата од "Колешке, сакам да ве водам на викенд надвор од градот?" и "Колешке сакате ли да се напиеме кафе по работа?" е огромна.

Не го кажувам тоа, грешка си. Јас не велам дека жртвите сами си го барале, туку ме интересира како ескалирала ситуацијата? Доколку одредена девојка или жена се чувствува загрозено од професор, доколку студентката забележи дека професорот ја манијачи, се обидува да и се доближи, како што веќе пишав, постои решение. Едноставно студентката може да ја напушти канцеларијата, и да најде начин да ја реши ситуацијата.

Тенка е линијата помеѓу вознемирување и прифаќање на понудата за секс. Освен со зборови, на кој друг начин одредена личност би требало да го изрази допаѓањето?
Кога кажав преувеличување, мислев кога еден единствен муабет од страна на мажот е третиран како вознемирување. Доколку вознемирувањето продолжи дури и откако жената ке каже не, два или повеќе пати, тогаш може да кажеме дека е малтретирање.
Можеби мажот забележал некој поглед и погрешно го протолкувал, па ете, решил да се обиде, вознемирување е тоа?

Дали глумат жртви? И те како. Во ситуација кога предаторот би им се допаѓал на жрвтите, тогаш не би правеле муабет за вознемирување, туку задоволство. Ама, во ситуација кога типот не е од ист калибар, е тогаш муабетот е толкуван како вознемирување и малтретирање.

Сум била сведок на ситуации, каде девојката глуми, преувеличува, драматизира јер некој тип решил да и направи муабет во диско. Ако не направи муабет, како би знаеле дали има можност за нешто повеќе?
Жена сум и можам да направам разлика од путање до малтретирање.

Маж кој има свест разбира што значи зборот НЕ, ама маж кој се води по животинските инстинкти нема осет и не разбира дека првото НЕ е НЕ и наредните x-пати.

 

Мобингот е сериозно нешто и никако не е во ред, но мобингот го врши група и никогаш не е од сексуален карактер (sexual harassment). Мобингот има за цел поединецот да го напушти работното место, а не сексуална сатисфакција. Ова за кое станува збор на темава е сексуално вознемирување. Секако, никој нормален не сака ниту едното ниту другото да ѝ/му се прави, тоа е јасно! Но и тука треба да се разграничат поимите.

 

@Rebecca_R
Сите сме имале додворувања од дечки што не ни се допаѓаат па никогаш не сме се чувствувале нападнати или загрозени. Немој да ја вртиш во таа насока, да не се правиме наивни ко да не знаеме што е притисок, што е непристојна понуда, што е моќ покажување, што е уцена. Шеф треба да е на место на шеф, професор на место на професор, колега на место на колега, постари чичковци на место на постари чичковци. Не дека не излегле врски од вакви комбинации ама треба да се внимава тука многу затоа што лесно може да се сфати како уцена или притисок. Да си во кафиќ е едно, да си во канцеларија или катедра е друго. Тоа што има женски без достоинство и секаде гледаат можност да си поминат полесно па не им смета и им е нормално ова дофрлување, е веќе друго. Исто и оние што ваквите коментари ги сметаат за комплименти оти доаѓаат од мажи на повисоки функции пример. Жално.

 

Грешка си, прочитав дека дури и одредени додворувања се третираат како вознемирување.

Се согласувам со тебе, реков веќе, треба внимателно да се гледа на оваа тематика. Не секогаш мажите се предатори, понекогаш жените глумат. Од ситуации во кои јас сум била сведок можам да извлечам заклучок дека не сите жени се жртви. Затоа и велам дека не може секогаш да застанам на страната на жртвата.

Еве еден банален пример, млад асистент ја кани колешката на кафе, а истата спрема дипломска. Или асистент кој веќе не држи вежби да покани колешка (студент) на кафе. Или млад шеф кани на кафе млада вработена? Или повозрасен маж-шеф кани повозрасна колешка на кафе?
Чудно е прашањето: Од каде тој мене ме кани на кафе?

Значи да сме на чисто, не велам дека уцена, покажување моќ, обид за насилство и слични ситуации каде што жената е потценета е "ништо", ама да не бидеме наивни дека баш секој шеф има некаква задна намера.

Женските кои се без достоинство никогаш нема да кажат дека некој им дофрлил, жените кои сакаат да глуматаат велат дека они се навредени јер некој ги поканил на кафе.

 

#SegaKazuvam
Seksualno maltretiranje ima.
Od vozenje vo avtobus koga nekoj manijak vo guzva ti se zalepi I se trie Od tebe.
Kako studentka mi se ima slucheno asistent da me zakluchi vo soba I Od strav bev reshena da skokam .Sreka toj proceni deka izleguva siruacijata od kontrola I me otkluchi.
Na ispit posledna polagav I profesor me zakluchi a Jas padnav vo nesvest pa se uplashi I vikase brza pomos demek Od ispitot mi se sloshilo.Vo lift me napadna komshija no tuka se branev , grizev I me pusti..Na seansa so bioenergija, bioenergeticarot me ispofaka za gradi, ne mozev da se odbranam.. Vo site sluchai bev sama I nemav svedok a I nikomu ne kazav. Napadot ne e povrzanso oblekuvanje ili odnesuvanje..Jas bev sekogas zakopcana do gusha I rezervirana . Od ovaa distanca mislam deka treba javno da se zboruva I da se plasat manijacite Od kazna. Sreka ne doziveav siluvanje no stresovite Bea golemi i imav poteshkotii vo sozdavanje Na bliskost so momchinjata.
Tuka ne GI spomnav nepristojnite predlozi Od tipot dojdi vecer Na konsultacija kaj mene vo kancelarija za povisoka ocenka ili da odime eden vikend zaedno za da ja definirame magisterskata teza ili ako sakas vrabotuvanje morame da sme pobliski za da go ubrzame procesot.

 

Страшно Каков е тој народ и таа свест? Многу ми е жал за твоите доживувања Иако спомна дека секогаш си била облечена пристојно тоа не смее да биде нечиј изговор за сексуално напаѓање. Твојата облека не кажува ДА.

 

Mene mi se ima sluceno nemil nastan.
Bev dete 12-13 god. koe stotuku pocnalo da se razviva.
Se vrakav od nekade vo sred bel den (otprilika 1 na pladne) leto. Samo sto vlegov vo vlezot, nemam poima od kade se najde maska osoba (35god) pozadi mene. Nisto ne mi veli samo elegantno me poturnuva i jas pravejki mu mesto na nego da pomine se najdov vo kose. Naglo se zavre so lice kon mene i me faka za grada i me prasa "sto e ova". Sreka vo toj moment se slusaat cekori na nekoj koj trcase po skali. Slusame i dvajcata i mi vika " aj sega mozes da odis".
Jas se izbezumiv. Istrcav peski po skali i pravo doma.
Nastanot ke go pamtam cel moj zivot. Seuste mi e strav da vleguvam vo toj vlez.

Sovet iamjte nekoe drustvo koga vleguvate po vlezovi kade nema domofoni i precekuvajte si gi decata zosto vrebaat bolni umovi na sekoj cekor.
Vie sto kupuvate stanovi pazete zgradata da ima domofon.

 

Тоа е проблемот кај нас што некои жени коментарите од шефовите или колегите си ги сфаќаат како комплименти не како вознемирување. Нема што мене колега или шеф да ме кани на кафе од било кои причини и да прави тензија на работно место. Исто за мене вознемирување е и кога шефот или колегата ќе ми рече-ау ама добро ти стои фармерката или баш ми се допаѓа како ти стои оваа боја. Можеби за некој е глупост или ќе си го сфатат како комплимент па и благодарам ќе му кажат, на мене ми предизвикува вознемиреност и потоа никогаш на работа нема да ги носам тие фармерки или таа боја ќе ја избегнувам. Нема потреба колеги и шефови да се дрзнуваат со такви комплименти за личен изглед облека и сл. на работа прифаќам коментари само во врска со работата и сработеното, а за такви комплименти си имам сопруг и пријателки.

 

#СегаКажувам дека првиот шамар го добив од бившиот, затоа што е луд со психички проблеми.

#СегаКажувам дека полицијата е дно дна (во мојот град ) животот не ми е безбеден. Живеам во страв.

#СегаКажувам дека еден СУД со толку многу докази против тоа копиле, не направи ништо. Патев јас, а заедно со мене и моите. Како може среде улица да ја препречи колата на моите и така да го запре цел сообраќај и полицијата да не превземе ништо.

Тибам државата!

 

Го пратам хаштагов и на фејсбук и тука на форумов и искрено не знам што е пострашно – тоа што некои мажи се дрзнуваат да паметуваат за нешто кое никогаш во животот не го доживеале и искусиле или тоа што одредени жени потценуваат и омаловажуваат нечии споделени искуства на темава.

Сите знаеме дека силување и сексуално вознемирување не се истата работа, но дали тоа значи дека сѐ освен силување би требало да се занемари и воопшто да не се пишува за тоа? Секој сексуален напад, без разлика дали е физички или психички, си остава лузни и последици врз жртвата. И без разлика што некои искуства се несомнено пострашни и потрауматични од други, ниту едно од нив не би требало да биде тривијализирано.

И кај нас постојат истите закони за сексуално вознемирување како и во светот, но само на хартија – барем јас до сега не сум чул некој да одговарал за вакво дело или да го изгубил работното место поради тоа. И баш затоа оваа кампања е и повеќе од потребна.

Кај нас, сексуалните предатори кои се во позиција на моќ – како професори, директори и сл., се општопознати – нема факултет на кој нема некој ваков муфљуз, за кого знаат и студентите и останатите негови колеги. И ваквиот проблем најчесто се „решава“ така што студентките секогаш одат со некој во неговиот кабинет и се трудат никогаш да не останат насамо со него.

Ваквите типови функционираат со тоа што емотивно ги манипулираат своите жртви, кои не ги пријавуваат поради страв од можните последици и/или срам што такво нешто воопшто им се случило. А кај нас дополнителен бонус е што предаторите знаат дека системот не функционира, па дури и да бидат пријавени, ќе поминат без никакви последици.

Во образовниот систем, а и на работното место, какви било непристојни предлози и сексуални инсинуации не се во ред. Не се во ред ни додворувања, па дури ни коментари за нечиј физички изглед. Не се во ред ни дофрлања по улица, ни шшшц-кања од кола. Не е во ред ни колегата кој секогаш раскажува мрсни вицеви во присуство на жени. А тоа што сите овие работи не можат да се стават на исто рамниште со силување, сепак не прави да бидат во ред.

Да, кампањи од типот #metoo или #сегакажувам не се идеални и да, секогаш ќе постои можност за злоупотреба и клевета на недолжни луѓе, поради една или друга причина. Но од друга страна, ништо на светов не е идеално. Кога системот би функционирал како што треба, малцинството на недолжни и наклеветени релативно лесно би се одвоило од огромното мнозинство на виновници.

Поентата на ваквите кампањи е да им се покаже на жртвите на сексуални вознемирувања и напади дека не се сами, да се охрабрат да проговорат за тоа (без разлика дали пред најблиските или јавно, со или без именување на оној кој ги нападнал) и да се натераат институциите на системот да профункционираат и да ги казнуваат напаѓачите.

Ничија приказна и искуство на темава не треба да биде релативизирана и никој од оние кои се решиле да споделат приказна не треба да биде дочекан на нож.

 

Жени на жени очи ќе си извадат а очекуваме и машка потпора и подршка во сиот овој хаос од кампања.
Жена на жена и вели дека сама си го барала и гледа фалење во нечија исповест за сексуално вознемирување. Одредени постови што прочитав тука, од тие што сето ова го сметаат за булшит и за драматизирање, буквално ми дојде да повратам.

Имате изгубено осет за сочуство со нечија болка,емпатија,разбирање,подршка. Ако немате да понудите ништо од наведениве,подобро останете воздржани и затнете се,отколку да кажете некому дека' kaka '.
Со тоа ги правите нештата уште полоши.

 

Типичен пример - муабетите на Мијалкоф на снимките како ги вадел судиките од шлицот или како и да беше, тоа е тоа ултимативно дно, само што беше особа бр.2 во општеството и hence, недопирлив
Иако тоа отвара и други дилеми, но дното останува.

Трето не знам колку е реална статистика дека секоја втора жена била вознемирувана. Ако не постојат валидни истражувања, такви бомбастични изјави би биле беспотребни. Ако постојат такви истражувања, нека ни е Јахве, Кришна, Аллах и Големата риба на Ескимите на помош.

Што се однесува до кампањата, муабети и примери од Холивуд - бесцелно и контрапродуктивно.
Потребни се повеќе локални примери, со име и презиме (не знам каква е правната рамка за тоа) за дегенерици со титула пред името кои виреат по кабинети и канцеларии...

 

#СегаКажувам за првпат на форум ,односно анонимно за некои мои болни искуства кои колку и да не сакам вечно ќе ги паметам.Болни , но не и срамни. Затоа што тоа не е мој срам туку срам на другата страна.

Велам за првпат анонимно,затоа што за сиве овие искуства имам говорено и ги имам разоткриено предаторите, бидејќи таква сум по природа, бунтовна, храбра и не трпам неправда од било каков тип.
Тоа не значи дека ги осудувам оние што никогаш немаат проговорено за некои такви искуства, секој со своето бреме,сепак сите сме различни.

До 18 години мислев дека такви ствари можат само на филм да се дешаваат, дека некој може присилно да тера друг да биде со него, дека старци излапавени може да загледуваат младо месо и да мечтаат, дека шеф,газда,менаџер може да уценува вработена притоа заканувајќи се со нејзиното работно место,плата,углед. После 18 кога веќе почнав сама да чекорам во светот,сфатив дека работите не се како на филм, уште полоши се.

Дали јас имам некоја лоша sвезда или е стварно више се отидено у аут,не знам пошто со моиве 24 години веќе имам неколку такви случки.
Па да почнам од последното.

Минатото лето работев во Грција,на Крит, во еден фамилијарен ресторан. Бев со една другарка работевме ресторан до ресторан,пуста мака печалбарска. Кога пристигнав ,се беше како од бајките. Убаво не пречекаа,сместија, ни објаснија се како што ,љубезни абе што да ви кажам.
Газдата беше еден дедо од 70 години,кој за свои години се држеше добро,ја држеше цела фамилија под контрола,не смееја да му писнат. Првите 2 недели према мене се постави баш како дедо, во него гледав дедовска фигура, правевме муабет за фамилија,за Југославија,за името ( ),за животот општо.
Тоа траеше ви велам околу 2 недели и после, преку ноќ како да се смени човекот.Тогаш почнаа маките.
Човекот има внуки на мои тогашни 23 години.
Прво почна да ми се обраќа со душичке,убавице,срце, претходно секогаш ме имаше викано по име.
Не обрнував многу внимание иаку ми беше чудно. После почнаа ептен безобразни муабети, и физички допири. Ке стојам јас, не го гледам,тој поминува и се трие од мене, или да ми каже нешто ќе ме фати на неприкладно место. Јас побеснев. Пробав прво како човек да се разберам со него не идеше, тогаш следеа кавги и расправии. Ќерка му беше цело време во ресторанот со нас,но ни крај памет немаше појма за се што се случуваше,пошто он тоа секогаш го правеше кога она ке отиде некаде. Ги пушташе сите останати вработени на групна пауза ,мене ме оставаше сама во ресторанот за да има простор за иживување.
Следеа уцени дека ако не бидам со него нема да ми даде плата,па дека ке ми даде ама место 700 евра ке ми дал 300, па бараше од мене да снимам видео каде се самозадоволувам за 3000 евра. Врвот беше кога го видов дека со двоглед од неговата куќа , гледа во мојата соба. Морав да издржам еден месец затоа што немав пари да се вратам назад. Со двогледот беше врвот, го направив лом,како и секогаш,иако не допираше тоа до него,и не се разбираше од НЕ, и реков дека ке раскажам се на ќерка му.
Сеуште се сеќавам како се насмеа и рече,многу глупо од твоја страна, нормално дека мене ке ми верува,не тебе што си тука месец и нешто. А така ли.Добро. Морав да си ја земам платата,очајно ми требаа тие пари,се задолжив за да отидам да работам таму,и морав да смислам начин да ја земам.

Ми текна да го снимам со мобилниот,проверив може да снима и кога е заклучен.И така почнав. Ми требаа 3 4 дена да наснимам се што требаше да се чуе, пошто он не престана,туку продолжи уште погрубо.
Се спакував и идам кај него,викам јас си идам,дај ми ја платата и тоа е тоа. Рече дека не ми дава ништо,пошто бев на црно вработена и неможам да докажам ништо. Викам да чуеш нешто. Му пуштив само едно гласовно клипче,тоа беше доволно.Уште на почетокот овој пребледе,почна да се тресе. Ми вика ке ти дадам пари ама да не издаваш на ќерка ми.Му ветив, зедов парите и пишав на ќерка му на фејсбук,да се видиме. Ќерка му беше душа од жена, ми беше многу жал за неа,што ќе падне татко и во нејзините очи, пошто она у една прилика рече дека он за неа бил херој и пример за татко и човек општо.
И објаснив се ,со кнедла во грлото,уште кога ме слушаше ,жената почна да плаче,а допрва кога ги слушна клипчињата..Ми се извини сто пати,затоа што дозволила тоа да се случува,без да примети.И верувам дека стварно немаше појма што се правеше татко и. Се качив на брод и заминав.
И ден денес понекогаш правам муабет со неа на фб,сеуште ми се извинува. Го истерале татко и од ресторанот и сега работи сама.

Сум се заборавила пишувајќи,ама морав да ја доловам целата приказна. Имам уште вакви непријатности ,во друга прилика.
Сите што ме знаат знаат дека не сум газолижач,мувало или флертувачка.Побогу јас со особа што ми се свиѓа не знам да флертувам ,а не пак од корист. Муабетот ми е, не секогаш женското дава повод за такви вознемирувања.

Девојки. Зборувајте без срам и страв за вакви нешта,само така ќе се сопре целиов хаос.
Поздрав од мене и извинете за 'какањево'

 

Не е во тоа поентата, особа вработена во образование на никаков начин и при никакви атмосферски услови не треба да се пушта на особите кои се образуваат кај него...и тоа е тоа. Затоа што има позиција на моќ на над нив, крај приче.
Тука е и разликата во возраст, особината на лице кое профатило на себе одговорност да образува и за која дејност е платен, барем теоретски треба да всадува култура, манири и начин на однесување кај особата која се образува а не да зјапа како нездрав, да му течат лиги и да ја држи десната рака во џебот во сомнителни временски интервали.

Ако не може да се воздржи, нека товари песок или нешто.
Каква порака праќаат ликови со 50+ пример, со сопруга и деца дома кои се припуштаваат на средношколки?!

Е сеа има и друга страна а тоа е недолично облекување од страна на ученички/студентки и тоа треба да се адресира веднаш. Професор кој има две чисти во главата би инсистирал ученичката да престане со носење на таква облека. Професор-дно секако дека нема да му пречи пошто ќе се ложи ко локомотива.

 

Доколку некоја од вас имала непријатно искуство, била вознемирувана, вербално или физички и сака анонимно да проговори за тоа и да ја сподели приказната, може да го направи тоа овде:
http://surveys.reactororg.webfactional.com/index.php?sid=92821&lang=en